川滿居 (京都廣場)

這間中菜館位於銅鑼灣的京都廣場，主打正宗地道的四川菜，曾獲得多項本地獎狀，堅持採用新鮮的優質食材，沿用傳統的製作配方。所有食物均即叫即製非常新鮮。店內環境寬敞舒適，裝潢以中式風格為主，有香港特色的卡位雅座，適合多人聚會。招牌香鍋 - $28起任選五餸起炒熱呼呼的沙鍋保持食物溫度，帶點微微焦香。不辣可選擇醬香，有濃稠的醬油香氣，油香四溢好惹味。肥牛 +$46肥瘦相間的牛肉片油花多且細密，嫩滑多汁且肉味香濃。牛舌 +$46外層帶微微焦香，鎖住豐富的肉汁，爽脆而不失軟嫩。牛肚 +$46切成一條條，煙韌且富彈性，爽脆有嚼勁，非常掛醬汁。豬頸肉 +$48豐富且平均的油脂分佈肥而不膩好甘香，鮮嫩爽脆有彈性。唐生菜 +$26脆嫩鮮嫩，清香平衡肉膩感。孜然羊肉 - $98羊肉軟嫩多汁而不羶，有孜然特有的濃郁香氣，爆炒增添微焦的酥脆感，加入洋蔥及芫荽增加清爽感，還有六塊麼麼皮透薄富彈性，鬆軟煙韌能包裹羊肉一起吃。籐香雞 - $66鮮雞件嫩滑多汁而不乾柴，保留新鮮藤椒的清香及麻香，餘韻持久好惹味。凍奶茶 - $18港式奶茶的奶香及茶香完美融合，奶味不會掩蓋茶味相間襯托，香醇且濃厚，入口幼滑如絲。凍檸檬茶 - $18紅茶的醇厚茶香與檸檬的酸甜互相配合，入口清爽宜人。…查看更多

在銅鑼灣的血拼前的川菜午餐，來到川滿居。店子開業經年，古早味的裝飾散發出經典川菜餐廳的風格。出來的是餐廳自己煲的酸梅湯，酸梅的味道很濃，能中和濃味川菜的膩滯感，還要是自家製用不同的玻璃杯上，好可愛。半份片皮鴨秒速登場，是第一下即時觸動味蕾！鴨皮竟然似薯片般脆，香口度登頂！鴨肉厚而鬆化，用麽麽皮包著青瓜及京蔥，加入鴨醬，好食到無與倫比！細的金湯酸菜魚都好大盤！金湯的酸辣度剛剛好，帶強烈的花椒香！魚片細滑柔嫩，配合荀片、白蘿蔔片、菇菌，與底下滑滑的薯粉，滋味爆燈！乾煸四季豆是食得出的鑊氣，煸得香而不油，小人當場食了三分之二！相反孜然羊肉沒多少孜然味；而最後才上的涼拌花甲不夠酒香，而且勁多粒都沒有開口。上菜快、價錢抵，除了羊肉和花甲之外都相當滿意。…查看更多

成日都會出沒銅鑼灣食野，呢間酸菜魚係我fav list其中一間！因爲酸菜魚唔單止味道唔錯，仲要係用上高質素魚肉，lunch更加係$68就有大大碗，超抵！前排就決定去食個dinner，食豐富Ｄ。【漲卜卜彈口魚肉】　呢到最impressive係酸菜魚塊塊都漲卜卜、白雪雪！ 🐟金湯酸菜魚 $188 -可以自己選油度、辣度，大大盤分量十足，魚同配料如菇都好多-每塊魚肉都係漲卜卜、白雪雪，食落去好彈口新鮮-入面仲有川粉，晶瑩彈口【惹味小炒】　除左酸菜魚，仲有好多惹味小菜！🐑孜然羊肉 $98 -可以自選辣度，羊肉好滑香有嚼勁，配埋孜然粉好惹味🌟大盆花菜 $68-有椰菜花之餘仲有豬肉，豬肉炒到好香口，肥瘦適中，啖啖滋味🌟蒜香拍青瓜 $38-上面粒粒蒜粒好香口，青瓜夠爽同refreshing🍑桃之夭夭 $38 -本來都諗緊係咩來，原來入面係爆珠桃粒，微甜幾特別凍奶茶 $18-無諗過奶茶係好香口， 茶香味重係銅鑼灣想食酸菜魚，呢到真係好好嘅選擇，一定會再來食野~…查看更多

星期二下班後和老公到銅鑼灣川滿居吃晚餐。秘制拍青瓜所有菜式都可以選辣度、油度、鹹度之類的，都選了小辣少油，青瓜辣度很舒服，挺爽脆。口水雞雞肉很嫩滑，一塊接著一塊，慾罷不能，作為冷盤很不錯。涼拌花甲花甲很新鮮，洗得很乾淨，沒有沙，吃得很爽。金湯酸菜魚魚肉非常嫩滑，份量很足夠，還有薯粉、萵筍、菇類等，非常多料，越吃越辣，在香港也吃得到美味的酸菜魚。孜然羊肉配有六張麼麼皮，像片皮鴨的吃法，只是鴨變成羊肉和沒有醬料，羊肉帶微微羶味，很惹味。飲品叫了金桔檸檬茶和桃之夭夭，兩杯都是少甜，後者是蜜桃梳打加一些啫喱珠珠。…查看更多

朋友好鐘意食酸菜鱼，所以就揀左川滿居試下，裝修簡單，好多卡位，坐得舒服，唔會太逼，唔錯。我地午市時間去餐廳已滿座，等左兩分鐘就有位。午餐有套餐，但朋友為金湯酸菜魚而嚟，當然要叫啦，$188 食到夠份量概酸菜魚，用上加洲鱸魚，夠哂落本，我試過一些鋪頭夠膽死用雪藏越南龍脷柳，完全唔好食。份量如圖所示好大，酸菜係薄切，份量多，加埋其他菇菌變得豐富。另外佢嘅孜然羊肉值得一試，因為佢嘅摩摩皮包羊肉又好特別，因為佢係用全麥做，啲皮同一般片皮鴨啲皮完全唔同，包羊肉都係第一次，係有d辣，要有心理準了，最欣賞佢羊肉夠騷。最後就係蓮藕仔炒牛肉，我第一次食蓮藕仔，個樣似蓮藕但係超細小好得意，其實係類似蔥，加上青椒洋蔥炒好惹味。存承川菜的辣，三個小菜食到我地二人飽飽離場，價錢公道，當日坐滿人就知呢間川菜館好野。…查看更多

天氣一凍就想食d熱湯或者辣野暖下身，同朋友提起，原來佢都係咁諗，於是我哋就揾咗一間可以一次過滿足晒兩個願望嘅餐廳！想既有熱湯又有辣野，一於揀間川菜食酸菜魚😋見呢度好近我哋返工地點，即刻book位去食~我哋兩個人叫咗三個菜，有藤香雞、孜然羊肉同酸菜魚。🍴金湯酸菜魚🍴朋友都係鍾意食酸菜魚之人，叫咗小辣，朋友唔算食得好辣嘅都食到。點菜時店員有介紹提到魚湯係老闆每日用足料魚骨熬嘅，飲落酸得嚟帶少少辣同麻香，好好味✨除左表面睇到嘅魚片，撈起入面都仲有好多魚片，兩個人差d食唔晒！魚係用大鱸魚，每片魚肉都好厚身，而且唔霉有鮮味～除咗魚片仲有好多種菇同薯粉等做配料，即使3至4人分個份量都足夠！🍴藤香雞🍴未試過呢道菜，係店員嘅推介下當然要試吓～睇佢外表平平無奇，食落估唔到非常惹味，配飯一流！第一啖有好濃嘅花椒香味，唔會好辣，但之後就感覺到一陣舌頭麻痺，好過癮，最岩鐘意椒麻嘅人～🍴孜然羊肉🍴一上菜已經聞到好香，羊肉唔乾柴，食落有羊脂羶味。孜然調味啱啱好，唔會太過重手，成道菜好惹味！仲配6片麼麼皮包羊肉嚟食，塊皮好薄身，口感煙韌。兩種食法都好味，鍾意食羊羶味嘅一定要試😋第一次嚟樣樣都想試，咁食法都係人均二百鬆d，兩個捧住個肚走🤣…查看更多

冬天的時候特別想食辣嘢～同朋友去左銅鑼灣逛一逛，然後發現呢一間川菜館。餐廳座位寬敞舒服，可以同朋友慢慢享用晚餐。$66 藤香雞這是一道冷盤，看似醉鄉雞，但其實係藤椒雞。藤椒的味道清香帶少許麻，不太刺激，味道全滲入雞內。一啖皮爽肉嫩的雞，帶少許麻嘅清香濃郁的藤椒味，滋味無窮。$98 孜然羊肉 配麼麼皮孜然羊肉，一口塞入嘴內，咬開皮薄嘅麼麼皮，滿滿嘅孜然味的羊肉，前者味道嘅淡後者味道嘅濃，配合得剛剛好。$188 金湯酸菜魚特別推介這道菜，2-3人份量，辣度可以自選，選了BB辣，朋友食唔到好辣。配菜用了多，當中有香菇、杏菇、白精靈菇、萵筍、白蘿蔔、酸菜和薯粉等。鮮嫩的魚肉是金湯酸菜魚的靈魂，酸中帶少許麻和辣，啖啖滑入嘴裡，好食到不能停口。開心提示，總有一兩舊魚會有骨，大家小心享用！一間有誠意嘅餐廳，材料選取多，但價錢不貴，在銅鑼灣非常罕見，值得一試。…查看更多

平時只食酸菜魚嘅酸菜😆今次…今次食埋酸菜魚嘅魚呀🤪好少好少會食魚，一嚟驚有骨😩二嚟驚唔滑🥺所以食酸菜魚都只會focus酸菜，用嚟撈飯真係一流😌啱啱喺銅鑼灣食咗川菜晚餐，真心好食😛雖然食客好多，但服務態度都好好🤣最開心就係店員問🍚夠唔夠食，使唔使𢳂多啲😂不過講真依度份量絕對夠食😎💛金湯酸菜魚💛小辣 $188酸菜同埋魚嘅份量都好足夠(2-3人食都得)🐟鱸魚肉超級超級嫩滑，冇骨真係好正😛湯底唔油膩，酸酸辣辣好開胃😳食到一半先發現底部仲有大量薯粉同菇菌類，好豐富💕🤍孜然羊肉(配6隻嬤嬷皮)🤍 $98嬤嬤皮就係片皮鴨嗰啲皮呀，透薄帶煙韌口感，包住孜然羊肉🐑真係食多打都得呀！孜然嘅味道配肉類就最啱，加入羊肉惹味又唔會蓋過羊肉香🤤鍾意食羊肉一定要嗌✨💚手撕包菜💚 $72成餐都係肉，當然要食返啲菜菜balance 下😏醬汁惹味帶微微香辣，又係好啱用嚟撈飯🤣所以食2碗飯都唔岀奇🥰其實佢除咗酸菜魚仲有烤魚、雞煲😳價錢又唔貴下次食埋其他菜式先🤩📍川滿居 📍銅鑼灣駱克道491-499號京都廣場6樓…查看更多

又喺一個星期五，係出街搵食的日子。行過銅鑼灣，忽然諗到已經好耐冇食川菜，即刻上OpenRice睇吓有乜嘢介紹，見到呢間川滿居食評幾好，咁啱又喺附近，就上去睇一睇有冇位。咁好彩我哋到的時候啱啱有人埋單，咁就俾我哋攞到位坐低喇。平時食川菜我哋多數會揀烤魚，但係今晚就想食第啲嘢。餐牌上嘅選擇唔算太多，但係比較出名嘅菜式都有。老公話好肚餓，所以我哋嗌咗一個水煮魚，一個孜然羊肉，半隻片皮鴨。老公係個需要澱粉質的人，所以最後仲加咗個羊肉炒麵。水煮魚一上枱我就知道大劑，咁大碗嘢一定食唔晒。水煮魚用嘅係鱸魚，份量非常多，魚肉非常甜美鮮滑。配料方面有芽菜，雲耳，金針菇，同芹菜，墊底仲有甚多薯粉，早知喺咁就唔需要再叫個炒麵。跟住上嘅係孜然羊肉，仲跟埋六塊麽麼皮。孜然一向係我非常喜歡的調味料，呢碟羊肉亦都炒得非常有鑊氣，我會強烈推介俾鍾意食羊肉的人。接住上嘅係半隻片皮鴨。諗唔到半隻鴨嘅份量有咁多，跟埋仲有十塊麽麽皮。片皮鴨嘅味道唔錯，啲麼麽皮亦都做得非常之薄，比其他嘅餐廳做得好。其實我哋今晚叫嘅兩個餸都有麽麽皮，係我哋嘅失策，加上每一個餸嘅份量都好多，四個人食我覺得都足夠。上羊肉炒麵時，我已經飽到食唔落，所以淨係食咗一啫麵叫做試味，真係佩服老公仲可以食到兩碗麵，其他嘅就打包攞返屋企。雖然係即興嘅決定，但係我對呢間餐館嘅食物非常之滿意。仲有一樣嘢要講嘅就係佢哋的服務非常之好，睇得出係非常之有心將餐廳做好的年青人。價錢方面亦都非常老實，坦白講，我哋今晚叫嘅四個餸足夠俾四個人食，所以喺間CP值高嘅餐廳，喜歡食川菜的朋友不妨去試試，話唔定都似我一樣有個意外嘅驚喜！…查看更多

下午在銅鑼灣吃飯。餐廳位於地鐵站旁邊，十分便利。餐廳裝修簡單，面積不大卻有不少座位。餐牌有不少選擇，例如烤魚、、酸菜魚、鑊氣小炒、招牌香鍋等。🔻金湯酸菜魚$188我們點了小辣，辣度很低，任何人都可以接受。配料有辣椒、花椒、芝麻、酸菜、萵筍、香菇、弧菌、薯粉等。弧菌類比較多，入口相對沒有那麼油膩。魚片很滑，沒有骨頭，不錯。🔻孜然羊肉$98羊肉和洋蔥炒得很惹味，伴著香氣逼人的孜然味。配上麽麼皮，麽麼皮尚算薄，使羊肉吃起來沒有那麼單調。🔻籐香雞$66以新鮮花椒煮，所以入口有股麻味，吃起來鹹香，冰凍的雞肉入口更爽口，雞皮很滑，不錯。…查看更多