鳳鳴居

營業中

休息中

星期日响龍琛路體育館打完羽毛波，打完波就晚飯時間，但又唔係話好肚餓，咁就去咗對面馬路少少地食碗麵啦。叫咗碗姬松茸雞湯麵，一上枱就即刻試啖湯底先啦，入口鮮甜，濃郁有雞味，忍唔住口會飲多兩啖。雞件份量都唔少，雞肉唔會鞋口，都食到有D雞味，跟配果碟豉油都無點過。姬松茸入口都脆嫩，吸咗雞湯嘅味，多咗一份層次。食晒碗麵，最後D湯都飲咗8成，真係幾好飲。價錢唔算貴，有返一定質素，呢間麵店下次會再幫襯，試埋其他麵。

呢間新開嘅鳳鳴居好多人話一定要食佢嘅醉雞湯面 我朋友叫左一碗 我試左啖 甜甜地無咩酒味 🤔 Not my cup of tea~ 我自己叫左碗姬松茸雞湯面 雞湯好好味 但姬松茸少得可憐 呢d用嚟煲湯嘅材料其實唔值錢 另外仲有款係蟲草花雞湯 都係好似食湯渣嘅感覺中午過嚟都算好多人 12點個時間就唔洗等位 之後我都食過幾次 但覺得同第一次比愈來愈無咁好食 之後我都應該唔會再食lu 本身menu都唔多選擇 幾次就會試哂佢d野 佢仲有喇沙湯面 幾個朋友都話唔好食 無花生醬味 大家可以唔試

一入鋪頭已經聞到醉雞嘅味,同男朋友一人一個味道,我的姬松茸雞湯麵個湯好濃雞油面,佢的清雞湯底加手撕雞,豬紅,魚片頭,烏冬,姬松茸滑雞個湯好有香菇味,食到好濃嘅雞香味而且仲有好香嘅醉雞味,個湯頭非常濃郁,而且雞件很有雞味,煮得剛剛好不會過熟亦都沒有血水。油麵煮得剛好唔會太淋,整體成碗湯麵非常好食。另外呢個烏冬係用咗讚岐烏冬,佢做到好似車仔麵咁樣可以自選唔同配搭,揀手撕雞亦都非常之好食,雖然無雞件咁滑但仍然很有雞味,豬紅普通,魚片頭彈牙可以一試。