金豪酒家 (已結業)

大班朋友Gathering, 比較鍾意坐圓檯方便傾計, 今次揀左去食中式酒樓, 金豪地方比較闊落, 沒有集團式酒樓的浮誇, 比較平實貼地.店內亦有魚池, 選擇較少不過海鮮新鮮生猛.我們點了幾個金豪招牌菜, 再同朋友慢慢傾.前菜 – 話梅冰鎮涼瓜冰上放了切片的涼瓜及2粒話梅, 涼瓜只用表皮約1CM厚, 件件爽脆, 完全唔苦, 帶有甜甜酸酸的話梅味, 又清涼又開胃!前菜 – 卥水鴨舌一碟有成22件鴨舌, 幾入味, 卥水味不太濃.金豪和味雞 +金豪燒鵝皇點了半隻和味雞, 雞肉十分彈牙又香滑, 雞皮及雞肉中間有層啫喱, 識食就知係好野黎, 好有雞味, 細問之下原來金豪只會用本港新鮮雞, 絕不會用冰鮮雞!!燒鵝皇係即燒, 鵝肉完全唔蘇, 仲食到有陣陣香料味道, 皮脆肉嫩, 骨仲唔會痴肉, 唔駛去深井都食到正燒鵝!!– 燒熱砂鍋後, 即場係面前生啫鮮雞雜, 好震撼! 雞心/肝/腎/腸有齊, 十分惹味香口!好味醬烤骨 – 原件豬腩肉用醬汁炆得極淋, 上面再加一片菠蘿, 醬汁酸酸甜甜, 豬腩肉一層脂肪夾一層肉, 十分鬆化, 非常淋, 不費氣力都咬到!金豪濃湯雞煲翅 – 足料之作, 再次用上鮮雞炖湯,

居美一位好友上星期特意回港陪伴伯友過母親節 ，週五因auntie忙於打牌，佢先得閒約班兄弟姊妹出黎食飯聚一聚。主角話想食小菜，小肥就立即四周打探，結果喺個跳舞友o既網上相薄睇到「金豪酒家」啲靚相，眼見菜式都幾吸引，舞友家人俾o既評語又相當正面，所以就決定一試 。XO仔不時都會去炮台山參加跳舞派對，對木星街一啲都唔陌生，好清楚除咗地鐵之外，巴士、小巴、電車都有多條路線可達，加上「金豪」舖位又大又當眼，地點真係方便又易搵。餐店樓底唔算高，不過勝在設計開揚，大廳散座全為大大小小o既圓枱，感覺寬敞親民。「金豪」雖只屬街坊式酒樓，但每份餐具都有齊自用筷子、公筷及濕紙巾，明顯好講求衛生 。母親節期間，店子主要做套餐。散叫餐牌則合共有四頁。細佬就按舞友所上載o既相片先點咗六道菜，點知班兄弟真係好胃口，食完一碟又追加，結果食夠十味咁多 ，仲大讚小菜好夠鑊氣，晚餐可謂十全十美！ 醒胃厘車茄（$42）：契妹真係好眼，睇到餐牌上o既「車厘茄」被印錯成「厘車茄」。車厘茄一上枱，大家都覺得好有驚喜，因為冇人諗過前菜居然會砌成一串葡提子o既模樣，賣相實在吸引突出 。車厘茄全部已去皮，入口不但冇蕃