嘉麟樓

營業中

休息中

親戚送來半島嘉麟樓奶黃月餅，兩年前食過，但記憶糢糊且冇認真食，只留下乾同散嘅不快印象， 一於今次試真d原先擁有美心奶黃月冇話有特別保存方法，估唔到半島嘅要雪藏， 講真有d怕會雪到裂，都係快食為妙餅盒精美，盒身硬淨，十二邊形盒形配以將軍綠啡色盒面，盒面只有標誌的簡單設計，邊沿加入少量暗花，形造東方高貴格調，如有藏明珠在內，個盒必留紀念之用 內裏各月餅安全無缺， 不過原來無獨立包裝，難怪要雪藏嘍，見人地食評話原先已經裂左，而我又未見有咁嘅情況，係我幸運定係人地唔好彩？ 以下我講下雪過之後叮左同冇叮嘅情況為免切碎，今次用嘅係某m快餐店之無剧齒塑膠刀，一刀切而非“剧“開叮左叮完後打開微波爐已聞到濃郁奶黃味， 如同聞到熱騰騰的奶黃包餡，叮過後皮沒有裂（安全！） 切時月餅十分脆弱，要小心，切完餅皮有微散，不過仍然保持形狀 原來與美心分別是半島為曲奇皮，美心是酥皮，（難怪餅皮易切散 ）因為曲奇皮，吃起來消失了軟的感覺變得微脆，而且較乾，但曲奇皮奶香比較突出，亦比較香甜，（平時喜歡曲奇撻皮）  奶黃餡沒美心的鬆散，較軟滑， 吃時不太狼狽，奶黃餡味道香甜不油膩，甜度適中，不算很甜，

中秋佳節，大食會亦提早晚聚感受一吓節日氣氛，契舅父暈Uncle仲專登帶咗盒購自半島酒店o既名牌月餅 同大家分享添！睇清楚個盒先知原來「嘉麟樓」個英文名叫「Spring Moon」 ，嘻嘻，咁咪即係「春月」？！肥肥家族最怕食月餅，因為覺得傳統嗰啲都好溜滯，唯獨對西化咗o既奶皇月餅毫不抗拒 。按照指示先將月餅於微波爐翻叮二十秒，細細隻o既月餅皮脆熱辣，餅心甜厚實在，飯後每人分四分一隻，份量剛剛好，美中不足係月餅皮偏咗少少乾，有兩件攞出黎時已經裂開。

失望之極!!!!!!! 食過幾年, 未試過質素好似今年甘差...........@@ 未食只係拎住已經上下分離......... 一咬落去就成口粉...... 一啲奶皇味都冇..........@@ 仲要賣到四百幾蚊一盒..... 完全物非所值!!!!!! 出年一定唔會再買!!!!!!!

半島酒店與我的家族甚有淵源 , 懂我的人一定會知道箇中原因 , 每當品嚐著手中的半島嘉麟樓月餅 , 那種思憶又再會泛起來 , 為何只有中秋節才可以品嚐這滋味 , 難道要一晚把所有月餅食光 , 我倒是喜歡細水長流 ~~~放入微波爐加熱 , 我不知道要多少分鐘因為鼻子是我的報時器 , 當聞到開始有香氣從微波爐裏傳出來後, 便立刻把爐關掉~   把月餅放回室溫下透氣, 等一陣便可以食到鬆化而油潤、奶皇餡仿似入口即溶的月餅了 ~

終於等到你啦!!去年本來一心想買嘉麟樓奶黃月餅來食，全城熱購潮月餅最後都已售罄，那是真是好晤開心。今年，當嘉麟樓post 咗網上讓客人訂購時的第一天，我連忙填寫表格及以信用咭做payment，不過今年個價比去年賣貴一倍，$485一盒迷你奶黃月餅8粒裝，昨天是我取月餅的日子，真是等了「你」好耐啦!! 嘉麟樓位於半島酒店的一樓，位置都好易找到，大約1230pm，是日換購月餅的客人都不會好多，都只是4至5人。職員都好小心翼翼地核對我的信用卡號碼及收了我張在網上確認表格的copy，都好細心remind 客人將月餅keep 在雪櫃。 個禮盒有兩層，每層都有四件，月餅表面都有一個麒麟圖案，一盒8 件可是不是獨立包裝，個logo烤得都好清晰，後來我用微波爐翻熱20秒，個月餅皮雖然幾鬆脆但都幾易散，翻熱過後的奶黃饀個味都好出，奶黃味好香滑鬆軟又濃，又不會好甜，入口時個月餅皮都好油潤又夠薄，而且一點也不會覺得好油膩。整體上水準不俗，翻熱咗個月餅之後，個月餅皮都不會好腍身，仍帶點脆口，這就是最特別欣賞之處。價錢真是貴了一點，希望明年價錢會有待調低一點。

從小到大，半島給我的印象，總是神聖不可侵犯，是有錢人才可進入的地方。直至友人M加入了半島母公司，我才正式第一次光顧半島的食肆，可惜友人對中餐興趣不大，嘉麟樓直至友人離職都未有機會一試。嘉麟樓的英文名是Spring Moon，「春天的童話」能成真，衷心感謝半島的邀請，終於能完我這個小小心願。這一天機會難逢，我還特地請了半天假，不用太趕，可以慢慢品嚐，菜式也非重量級，與其搵命搏，這個份量是剛好了。在半島的環境，呷著一口普洱，和新知舊友談天說地，心情異常地放鬆。這裡會因應你所要求的不同茶種（普洱、烏龍、綠茶等等），有不同的沖泡方法，以喝出不同茶味，再加上環境優雅，怪不得多少富豪名人，都喜歡來半島了。嘉麟樓的裝修有如上幾代的老上海風貌，我爸也是上海人，我在這裡茗茶也是份外有感覺的。點心拼盤是帶子燒賣、叉燒酥、炸芋角，帶子燒賣小巧精緻；炸芋角鬆化，內裡的芋蓉磨得爛，足料而不膩；叉燒酥是三者中我最喜歡，甜甜的叉燒，香口的酥皮，很有水準。很多人對嘉麟樓的印象只局限於奶黃月餅，其實這裡的北京片皮鴨也很出名。剛燒好的片皮鴨很飽滿，侍應在旁邊即場切片，刀功細膩，侍應再幫忙分好端上來，每一碟都代表餐廳對食客