小神燈新派飯館

以前分別光顧過午市和晚市，小編十分喜愛晚市的各樣小菜👍🏻，可是午市的點心比較普通/強差人意😅，晚市款式多、味道好，因此母親節前一天便到小店光顧*晚市*。前菜：酸菜鴨腎前菜來說，十分用心，不是用花生hea客人，有鴨腎切薄片，份量仲唔少👍🏻。梅子蒸無骨大白鱔 $218大白鱔大骨已經起咗，但仍然剩返少少細骨，未至於無骨，食嘅時候要小心~大白鱔好新鮮，咬落去脆、實肉、非常彈牙，有點被驚艷到，好好食！😋建議點梅汁已經足夠酸😍，因為如果夾埋梅子一起吃，反而會太酸(酸到小編揦埋口面😵‍💫)。濃湯蝦滑魚腐煲 $138- 蝦滑：很濃蝦味，味道好鮮，可惜沒什麼咬口，一咬便會裂開😛- 魚腐：暫時是我吃過最好吃的魚腐😍😍😍！每件都好大件，吸曬所有鮮甜的湯汁（魚&菜湯）- 勝瓜：已經煮得非常之腍，比較嚡口粗身嘅皮已經刮走，剩返最甜最淋嘅芯。呢道菜好岩怕肥人士，鮮甜不油膩👍🏻👍🏻👍🏻香茜蟹味銀絲煲 $118每次光顧小店，我們皆會叫此粉絲煲😋😋😋！粉絲炒得乾身，好煙靭，再加入蟹籽令小編一家一啖接一啖，停到後口！🙌🏻奇趣脆皮豬手 $218皮十分脆，肉唔算肥，反而偏瘦🤔，略嫌少少乾身，火候過咗少少🥲，但份量很多👍🏻結論晚市唔算便宜（尤其是母親節唔做平日的優惠套餐），但係有翻相應質素🥰一分錢一分貨呢間晚市師傅功力好好👍🏻👍🏻👍🏻…查看更多

今日嚟到調景嶺食飯，呢度嘅商場好似唔多嘢食，唯一一個吸引的就係呢間小神燈。餐廳入邊環境非常之特別，雖然係大排檔中餐館，但係裝修非常有心思。呢度有勁多菜式選擇，真係諗得到嘅都有。菠蘿咕嚕肉外皮酥脆，內裡鮮嫩多汁，酸甜醬汁更係菠蘿咕嚕肉嘅靈魂，令人食完想再食。沙薑焗海花螺嘅肉質鮮嫩，沙薑醬嘅醬汁又蔥味，估唔到依個組合咁特別。用住竹籤撩出嚟更加有大排檔風味。金沙鬼馬百花釀油條係一個好有創意嘅菜式，其實係將油炸鬼切開，釀入墨魚滑再鋪滿鹹蛋醬落油鑊炸。真係勁惹味，好想問餐廳有冇一包裝買。椒鹽瀬尿蝦嘅椒鹽味道非常香口，令到我本身唔係好大興趣嘅，都越食越上癮。爆膏奶油蝦嘅大蝦鮮甜彈牙，奶油汁嘅味道香滑濃郁，重點係蝦頭嘅膏真係一口爆發出嚟，非常鮮甜。奇趣脆皮豬手炸得皮脆肉嫩，估唔到嘅係豬手嘅皮爽脆得來，肉質可以保持腍滑，我覺得比起西餐廳煮嘅德國豬手仲更加好味。本身以為調景嶺冇野好食，但好彩畀我搵到依間小神燈。…查看更多

聖誕和家人一齊聚餐，我們在調景嶺那邊又不想專登搭車出去，那就一於去彩明商場的「小神燈新派飯館」。我向家人都一致認為小神燈是調景嶺區最受歡迎的中式餐館，最適合一家大細聚餐。進入小神燈，馬上感受到濃厚的港式大排檔氛圍。餐廳的裝潢採用懷舊的大排檔格局，充滿了懷舊的氛圍。內部裝飾著許多香港霓虹燈牌，營造出夜繽紛而熱鬧的氛圍，這些燈牌也是很多人打卡合照的位置。飯館的裝潢設計成功地再現了香港大排檔的風格，讓人彷彿置身於香港的街頭小巷，不用專程出去廟街。作為大排檔混合新派中式飯館，小神燈所提供的菜式可算是應有盡有，想得到的港式小炒都一定有。▰ 1. 菠蘿咕嚕肉咕嚕肉亦是港式經典菜品之一，用來測試餐廳的功力便是最好不過。小神燈將軟嫩多汁的炸嫩豬肉塊與菠蘿、彩椒等配料經過炒製，再搭配特製的甜酸咕嚕醬，弄得酸甜香脆，食完一粒又一粒。▰ 2. 啫啫唐生菜煲小神燈將港式啫啫煲味道調得非常惹味，鹹香得來又不會太過酒膩。唐生菜焗香之餘，還伴上大量蝦乾和肉碎，用來伴飯實在一流。▰ 3. 奇趣脆皮豬手想不到，小神燈的脆皮豬手是這麼高質。廚師先將豬手外皮炸至金黃酥脆，但卻能將肉質內部保持著軟嫩，吃起來香脆可口，非常好食。另外，亦可配上沙律醬和黄芥辣醬，沾上之後豬手的味道更加豐富。▰ 4. 爆膏奶油蝦將蝦一剝殼，內裡的蝦膏突然爆發出來，味道非常鮮甜。蝦肉亦都鮮嫩多汁，搭配奶油醬汁，再以豐富的蝦膏混合，形成了口感豐富的味道。▰ 5. 椒鹽瀬尿蝦不是很多大排檔可以食到椒鹽瀬尿蝦，難得見到那就要懷念一下其味道。瀬尿蝦先裹上椒鹽調味，炸至外酥內嫩。椒鹽的香氣與蝦肉的鮮甜相得益彰，實在是非常惹味。▰ 6. 沙薑焗海花螺這份海花螺配以薑蓉和香料，經過焗烤而成。海花螺肉質鮮嫩，口感彈牙，搭配薑蓉的辛香和烤製的香氣，作前菜小食一流。▰ 7. 金沙鬼馬百花釀油條酥脆的油炸鬼內部先填滿了墨魚滑，再裹上濃厚的鹹蛋黃醬，非常香口好食，油炸鬼、墨魚滑、鹹蛋黃醬，這三個創新配搭混合絕對推介。小神燈新派飯館充分展現了港式美食的獨特風味。想品嚐正宗的港式小炒，不用去廟街了，直接過來小神燈更加舒適。…查看更多

「神燈海鮮酒家」早前於調景嶺開設姊妹分店「小神燈新派飯館」💕以港式大排檔為主題，提供一系列高質高CP嘅粵菜🥢.餐廳門口已經好有feel，以綠色鐵皮攤檔設計，加上霓虹燈、手寫餐牌，直頭好似返咗五六十年代嘅香港咁🇭🇰餐廳內裏都有好多打卡位，感受老香港情懷❣️.🍴奇趣脆皮豬手💰$198大大隻豬手望到都興奮😍豬皮香脆可口又唔油膩😌肉質軟嫩帶煙燻香😋豬手蘸埋蜜糖芥末醬，絕配❣️.🍴宮廷濃湯豬肚雞💰$198湯頭骨膠原滿滿，充滿濃郁雞肉鮮甜😚內有雞件、魚腐、豬肚，好足料👍🏻雞肉嫩滑，預付吸滿湯汁好正，豬肚爽脆😋.🍴椒鹽烏賊裙邊💰$88外層炸皮好薄脆，配以炸蒜&椒鹽非常香口😙烏賊裙邊爽口彈牙🦑而且滿滿一籃食極都有😆.🍴金沙鬼馬百花釀油條💰$98金沙鋪滿整個油條，入口鹹香四散🤤油條脆香，配以彈牙百花，口感層次豐富😚.🍴鮮沙薑滑雞💰$148砂窩燒到咋咋聲呈上，離遠都聞到香氣😚雞肉滑嫩入味，帶微微薑香，送飯一流🤩…查看更多

餐廳以香港大排檔為主題，好有懷舊味道，但食物方面就用新派方法烹製熟識的菜式，舒服嘅環境品嚐香港地道美食，就算外區人都要嚟試吓。◇ 原條燒慢煮牛肋骨原條牛肋骨起晒肉一片片，用慢煮方法之後再燒，保留肉質嫩滑之餘表面香口，秘製醬汁令牛肉味更特出◇ 奇趣脆皮豬手這碟特色菜非常抵食，豬手超級大份，豬皮不單只脆，仲要係薄身，非常少見，皮下嗰層脂肪唔覺油膩，而底層豬肉肉質嫩滑，味道濃厚鹹香，是必食◇ 腿茸菜膽雞選用三黃雞，肉質特別鮮嫩香滑，而醬汁或者茨汁係用金華火腿調製，味道又特別香濃，雖然只有半隻雞，但份量甚至足夠4人◇ 甲羅燒伴蝦多士比一般蝦多士出色嘅係伴以甲羅燒嘅蟹肉蟹膏，又蝦又蟹，雙重鮮味，另外一讚嘅係件蝦多士超級大件，多士亦超級酥脆◇ 蟹肉菠菜豆腐盒咬開豆腐係綠色唔係白色，因為釀咗菠菜，令味道冇咁單調，豆腐表面炸香，淋上用蟹肉做嘅茨汁，鮮甜滑溜…查看更多

難得由屯門出嚟調景嶺揾朋友聚舊，一於去食bookmark已久嘅餐廳『小燈神新派飯館』點知去到門口就比個裝修吸引我🤩 餐廳係以大排檔呈現，充滿五、六十年代香港懷舊風味🇭🇰 有大家熟悉嘅鐵皮檔，街市吊燈，同戲院放映活動展示板🎬 淨係打卡位都已經多不勝數😂 當晚就同朋友試咗幾碟菜，每樣都覺得好出色，千里迢迢出嚟完全無令我失望💯-🐷奇趣脆皮豬手$198外脆內軟，食落唔‘’鞋‘’口，又唔乾身，仲保持到每啖都有肉汗，肉筋位仲要有滿滿嘅骨膠原🤩 配沙律醬同芥末超級開胃醒神👍🏻 係下酒菜必點餐單之一👏🏻-🍗腿茸菜膽雞$148原來菜膽雞係廣東嘅名菜，通常都會以三黃雞烹調，入口雞肉鮮甜又嫩滑，蔬菜吸收晒芡汁精華，再配上鹹香蓉嘅點綴，惹味得嚟又不失雞味🥳 一定要嗌嚟試😚-🐮原條燒慢煮牛肋骨$388原條上擺盤確實充滿霸氣😂 有成隻手臂咁長完全係衝擊眼球視覺😍 上枱後已經芳香撲鼻，配上燒汁甜中帶酸，食落肉質仲非常香軟充滿牛香味，脂肪比例又啱啱好，唔會太肥太油膩，絕對係必點項目👍🏻-飲品：菠蘿梳打特飲$28 仙人掌梳打特飲$28甜品：椰汁椰果爆珠仙草$28…查看更多

最近同朋友去咗調景嶺嘅小神燈新派飯館 🧞‍♂️呢度嘅環境好特別 裝修好有心思 好有香港特色風味 有多個打卡位😆🧡 特別想讚吓佢個茶壺同埋暖水壺超有懷舊feel 🫖❤️而且食物都幾高質又夠大碟～✦ 懷舊蝦多士 HKD98蝦多士超大件😳 呢度一件大到等於我平時出面食二件🤣 啲蝦新鮮又彈牙～多士炸到好香脆 配沙律醬好夾🥰❤️好食！✦奇趣脆皮豬手 HKD198豬手超級大碟！而且外皮好香脆配埋個醬一齊食好惹味～而且肉質依然juicy✦腿茸菜膽雞（半隻）HKD148份量又係好多！個汁帶有鹹香味好特別 雞肉嫩滑又夠入味😋😋 yummy~✦蟹肉菠菜豆腐盒 HKD128有好多蟹肉同菠菜喺面 豆腐盒口感香滑似玉子豆腐～芡汁超多 送飯一流😋✦ 香菇蟹肉銀絲鍋 HKD98大大鍋🍲😆 粉絲炒得啱啱好 好有鍋氣！唔會太濕又唔會太乾～ 仲有香菇同蟹肉✦ 椒鹽魷魚鬚 HKD88又係估唔到份量會咁多 好抵食xd魷魚鬚口感彈牙 椒鹽味好香好惹味食到停唔到口⁽(◍˃̵͈̑ᴗ˂̵͈̑)⁽✦楊枝甘露 HKD30✦椰汁椰果爆珠仙草 HKD28最後又點少得甜品～ 仙草同楊枝甘露都好食又足料🫶🏻…查看更多

當日和太太來到調景嶺探朋友，到了傍晚才離開，由於時候不早，便決定在附近商場食晚飯，在彩明商場看到這間小神燈，感覺環境不錯，便決定一試😃✏️位置（8/10）：彩明商場近都會駅入口，位置亦算方便易到✏️環境（8/10）：裝修懷舊中帶光鮮，採用懷舊茶具，甚有特色✏️服務（8/10）：掃碼下單，侍應會主動幫忙，相當友善✏️食物（9/10）：水準遠比想像中好，份量足味道好🌟糯米炒膏蟹 $568膏蟹超爆膏，佈滿整個蟹蓋，令人驚艷！蟹肉切件後經油爆走油，固定蟹肉，油香滿溢，而蟹件完整充份保留住肉汁，飯吸收了蟹膏及肉汁的鮮香味，加上鑊身夠熱，帶來糯米的焦香，昇華至完美，超愛食蟹的太太也連忙讚不絕口😍🌟奇趣脆皮豬手 $198豬手外皮炸至金黃酥脆，肉質鮮嫩無比，啖啖肉同時有爆香的油脂，配搭黃色芥末醬及酸甜沙律醬，帶來更豐富的口味😋🌟腿茸菜膽雞(半隻）$148用火腿及薑茸調的醬汁醃製雞件，香濃入味，雞肉明顯是走地雞，口感特別結實，鹹中帶鮮，十分惹味，配合鮮甜的生菜，口感豐富😘🌟水蜜桃梳打特飲 $28頗有少女心的粉紅色，帶清甜的水蜜桃清香，微甜，爽口亦解渴，底層有爆珠及椰果，增添口感刺激😁🌟仙人掌梳打特飲 $28顏色鮮艷，太太說有夢幻般的獨特甜美，屬平時較少接觸的味道，喝後使人放鬆，同樣底層放入爆珠及椰果，屬同一系列的特飲😄🌟椰汁椰果爆珠仙草 $28這款有椰果、爆珠及仙草的甜品，有多重口感及各自獨有的味道，加上倒入大量椰汁，帶來更多的香甜，值得一試😉🏠小神燈新派飯館📬地址：將軍澳調景嶺彩明街1號彩明商場2樓251-252號舖…查看更多

之前聽朋友介紹將軍澳嘅小神燈新派飯館，主打新派粵菜，以香港懷舊風格為主題，牆上有霓紅燈招牌同復古茶具等等，適合打卡影相，而店內亦有卡位同圓枱座位，一家人👨‍👩‍👧‍👦嚟食就最啱啦～✨奇趣脆皮豬手 🐷豬手外皮香脆， 肉質嫩滑多汁，唔會覺得肥膩，份量仲好大份，配上芥末醬簡直係絕配 ！✨蟹肉菠菜豆腐盒豆腐同菠菜兩款都係我鍾意嘅食物🤩 入口好似玉子豆腐咁，外脆內嫩，再加上菠菜同螃蟹肉🦀️，鮮甜美味。✨小神燈一品炒飯 炒飯粒粒分明，金黃鮮香，夾雜住唔同配料嘅味道，有鮮蝦🦐 、帶子同叉燒等，食完一碗🍚都要再添呀！😋✨椒鹽魷魚鬚 🦑魷魚鬚炸粉乾身香脆，炸完之後依然爽脆，夠晒惹味👍✨椒麻鮮螺片麻香味再加上螺片嘅爽甜，一種香辣🌶️嘅味道，愈食愈過癮。…查看更多

呢間餐廳以香港大排檔作靈感，裝潢配搭五、六十年代綠鐵皮攤檔、街市吊燈同電車卡位等🇭🇰💗糯米炒膏蟹 ($428)特選斗門蟹，配上泰國糯米製作，堅持生米炒成熟飯，糯米飯炒得乾爽且軟硬適中，吸盡蟹汁精華。蟹嘅份量超足，肉質鮮甜，仲有大量甘香嘅蟹膏🦀💗奇趣脆皮豬手 ($198)豬手預先去骨切件，啖啖肉夠哂方便。豬皮金黃鬆脆，爽彈肉筋富含骨膠原，再蘸上芥末醬或沙律醬 🍖💗腿茸菜膽雞 ($148/ 半隻)嚴選三黃雞入饌，燴以腿蓉茨汁，肉質鮮嫩又重雞香🐓💗廚皇鵝腸 ($138)鵝腸爽脆帶一層油脂🦆配上蒜蓉、豆豉、辣椒等香料快炒，香噴噴之餘微辣惹味，重點係超香紹興酒味🥃💗金沙鬼馬百花釀油條 ($98)將彈牙墨魚滑釀入香脆油炸鬼中，口感非常有層次，表面沾滿起沙濃郁嘅鹹蛋黃醬🦐…查看更多

今日去到彩明商場食飯，餐廳係調景嶺站出閘行幾分鐘就到，位置十分方便。餐廳裝修好靚，新派中菜設計，加埋餐廳好多details位都有加啲懷舊風，十分用心。坐底後店員就問飲咩茶同送上餐前小食。我地幾個人叫左啲照牌菜試下糯米炒膏蟹 $428大大隻膏蟹已經切件，但賣相好出色，加上大大煲糯米飯，超抵食。奇趣脆皮豬手 $168豬手好大份，配上幾款汁醬，外皮香脆，肉好香好juicy，但食多幾舊略微油膩。腿茸菜膽雞(半隻) $148雞件嫩滑，而且汁唔會太重口味，雖然只有半隻，不過都大大份，CP值好高。招牌焗魚腸 $108焗魚腸已經買小見小，唔係好多餐廳都有，做到唔腥膻而且有口感又入味好考廚房功夫，餐廳都做到，仲好貼心有胡椒粉提供。甲羅燒蝦多士 (4件)  $128大大隻蝦，爽口彈牙，而食落唔會成口油。老火例湯 $118好有特色嘅茅台樽裝，平凡嘅例湯即刻好有特色，湯渣另上好貼心。啫啫芥蘭煲 $98好有鑊氣，香氣撲鼻，芥蘭又唔會好老。整體黎講，新派中茶館一黎可以吸引年輕一輩去打卡，再次愛上食中菜，二黎懷舊裝修可以比爸爸媽媽一輩再回憶當年，十分有意思。…查看更多

裝潢別具香港懷舊特色，紅色吊燈、霓虹燈同、紅色熱色壺... 適合一家大細或一班朋友聚會，坐得舒服又有話題性。食物價錢份量都合理。晚市有套餐，最平 $298有三道餸，性價比高!餐前小食 $15一坐低，先送上熱茶同小食，麻辣涼拌豬皮幾厚身，Q彈開胃，感覺補充左唔少骨膠原。椒麻鮮螺片師傳刀工唔錯! 鮮螺片薄切，所以燙過再涼拌都唔會韌，加入青瓜絲、芝麻同蒜蓉，增添香氣，椒麻味道會令人上癮，輕鬆KO一碟。招牌焗魚腸 $108老香港菜式，工序繁複，唔係好多餐廳肯做! 表面金黃而帶點脆口，入面配料豐富，入口嫩滑，外脆內軟，拌飯一流。魚腸、魚肝食落唔腥，仲食到少許陳皮味，有辟腥作用。蒽蓉水晶雞 $148 (半隻)採用三黃走地雞，肉質嫩滑，尤其雞肶位。面頭鋪滿蒽蒜汁，多到每一塊雞夾起都一定釀到。奇趣脆皮豬手 $198豬手皮異常地又薄又脆，咬落格格聲，相信係即叫即整，肉質比較硬正，但上台時仲微温唔會太韌，點芥茉醬一流。仙人掌梳打特飲 $28適合夏天飲，有粒粒椰果同乳酸爆珠， 而且都幾大杯，兩人share都可以。Asahi 啤酒 $32食大排檔餐當然要啤一啤。…查看更多

住將軍澳嘅朋友話呢間餐廳好好食又出名👍,啲菜式夠特別,一定要嚟食下~呢個金沙鬼馬百花釀油條非常邪惡😈,因為個面真係碌滿咗鹹蛋黃🥚!個油條炸到脆卜卜,再加埋彈牙蝦膠~作為餐前小食非常開胃~焗魚腸真係好少見,但又好甘香🐟~佢都係用砵仔焗炸,所以表面好脆,而入面嘅蛋又好滑~佢除咗魚腸,仲有啲叉燒條~連埋啲辟腸嘅陳皮同芫茜🌿,真係好香滑~我個人反而最喜歡佢呢個腿茸菜膽雞🐔~個味道係濃咗少少,但真係好香~個汁非常濃稠,有腿茸香味🍖,又有鹹香味~估唔到中式菜館都有炸豬手🐷,而且豬皮脆卜卜,效果唔錯😋!味道調校得好,啲肉就偏乾咗啲,但豬皮真係香脆無油膩感~因為見到隔離檯啫啫芥蘭煲上檯時非常香,所以我哋都叫咗~佢好夠熱,一打開仲係吱吱聲,而且芥蘭炒得好夠味,仲有啲蝦乾添🦐~呢度除咗可以飲茶,仲有酒類同特飲可以叫~朋友叫咗仙人掌梳打特飲🌵,其實即係火龍果味道~而我就叫咗菠蘿梳打特飲🍍~唔算太甜,仲有好多椰果同乳酪爆珠~哥晚去到無耐就全場爆滿了,真係好受歡迎🤩!因為呢度懷舊菜式又有,新派菜式又有,同長輩或者同朋友嚟都好適合~…查看更多

朋友在網上看到呢間餐廳，貌似我哋鍾意的菜式，於是5美相約前來聚餐。呢間在shopping mall入邊的餐廳，門口開放，里面的裝修很懷舊👇🏿……唔理得咁多，我哋參考網上啲介紹下單：1）糯米炒膏蟹 HKD428.-確如網上推薦，米香蟹鮮，二者相互成就，搭配唔錯，一份都夠5位食用👍 2）奇趣脆皮豬手 HKD198.- 呢種燒豬唔會肥膩，沾料食更添滋味👍👇🏿3）家鄉小炒皇 HKD98.- 入邊啲韭菜鮮翠，魷魚絲惹味，整碟餸夠鑊氣👍4）原條燒慢煮牛肋骨 HKD388.-感覺一般，肉質有啲鞋，賣相OK，但唔抵食5）金沙鬼馬百花釀油條 HKD98.-試一次就好了，為咗佢膽固醇超標，唔抵🤣…查看更多

大隻仔今次覓食嘅店舖就係💥 小神燈新派飯館 💥大隻仔今次介紹一間懷舊特色菜餐廳，餐廳好多菜式連酒樓、大排檔都未必食得到，好似：黑松露玻璃燒鵝、古法金錢雞、焗魚腸、蝦多士、糯米炒膏蟹⋯⋯等等。而且餐廳平日推出晚市優惠套餐，$298 已經可以自選1款小炒+ 1款海鮮+1款雞，真係好抵食。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 餐前小食 $15 （另加一服務費）比較特別餐前小食唔係花生，係豬皮，味道好好，有少少酸辣，似冬陰功味道，做得好出色，酸酸地做餐前小食一流。👍👍🔥 金沙鬼馬百花釀油條 $98 （另加一服務費）鹹蛋味道十足，外層包滿流沙鹹蛋黃，油炸鬼炸得夠脆，中間包滿厚厚既蝦膠，呢款菜式一定要趁熱食，啱啱炸起，熱辣辣，真係好好食。🔥 招牌焗魚腸 $108 （另加一服務費）焗魚腸最重要就係要冇魚腥味、冇苦澀味，呢款招牌焗魚腸做得好好，焗製時間岩岩好，蛋夠滑唔會老有蛋香，表面焗到蕉脆，好食。🔥 蟹肉菠菜豆腐盒 $128 （另加一服務費）玉子豆腐外層鋪上菠菜炸至金黃色，最後淋上蟹肉芡汁，非常好食，而且蟹肉粉量好多，每啖都食到蟹肉。🔥 腿茸菜膽雞半隻 $148 （另加一服務費）菜膽雞味道出色，芡汁上灑滿金華火腿茸，帶出鹹香味道，非常惹味，而且雞件夠滑，尤其是雞髀位超級嫩滑。🔥 奇趣脆皮豬手 $198 （另加一服務費）脆皮燒豬手，超級大碟，而且起埋骨，方便食用，豬手外皮真係好酥脆，真正做到皮脆肉滑，仲可以點蜜糖芥辣或魚柳包醬，大隻仔覺得點蜜糖芥辣之後就更加好食。🔥 仙人掌梳打特飲 $28 （另加一服務費）飲品黎到嚇咗一跳，估唔到咁大杯，份量可以話係一大樽。仙人掌梳打特飲味道不錯，有氣、甜甜地、幾好飲，仲有爆珠同椰果，大隻仔推薦。👍👍🔥 楊枝甘露 $30 （另加一服務費）有椰香味，材料有西米、柚子肉，芒果汁。溫馨提示：茶位 $13前菜小食 $15…查看更多