初心冰室

出旺角辦理證件，順道跟朋友一起午餐店名很特別，提醒我們凡事別忘初心~裝潢很有老香港的味道，桌面嵌入懷舊風的瓷磚，頗為特別最喜歡奇尊炸雞中翼（＄68），這其實是忌廉蘑菇芝士釀雞翼，上枱時已覺得吸引，每隻雞翼都呈金黃色，脹卜卜好飽滿。急不及待馬上咬了一口，內裏雞肉嫩滑多汁，芝味無窮🤤焗麵包磚配雪糕（＄58）是小時候最喜歡的甜品，但已經一段時間沒吃了。這裏的麵包磚上有朱古力和呍呢拿兩球雪糕，最欣賞的是附有煉奶、朱古力醬和糖漿，按自己喜好醮不同的醬香煎豬扒拼司華力腸配燒汁意粉（＄49）突然想吃司華力腸，所以點了這個餐。豬扒頗鬆軟，不會鞋口難咬，意粉的份量也足夠。炸薯條（＄48）端上來的時候發現是薯角，更合朋友口味，因她常說薯角相對健康。薯角很香，內裏粉軟，附有茄汁和黑松露醬任君選擇。跟餐還有餐包、忌廉湯和凍檸水。…查看更多

今日為大家介紹一下我經常幫襯嘅西餐廳🍴初心冰室🍴這餐廳位於旺角西洋菜南街，交通非常方便門面設計走型格路線亦帶點懷舊氣息，菜式多選擇之餘價錢亦十分大眾化店內環境同樣走型格路線，燈光柔和，擺設掛畫非常有特色，令環境增色不少，坐位以卡座為主，十分舒適寬敞午市套餐好多選擇而且好抵食，50蚊左右就有一個set，包餐湯飲品，不用加一的，另外小食甜品亦相當吸引我地最後點左兩個lunch set 加一個小食，十分豐富紅湯白湯配餐包，湯熱辣辣，調味亦恰當，餐包如果可以熱熱地會更好日式㗎喱海鮮蛋包飯，賣相吸引，蛋好嫩，仲有小小流心㗎喱汁好香唔辣，飯一粒粒軟硬適中，海鮮料亦好足，不錯吃的香煎美國雞扒配意粉（黑椒汁）好大碟好足料，有兩大塊雞扒，意粉分量亦好多，而且香氣撲鼻雞扒煎得好香，肉質嫩滑juicy，意粉亦軟硬適中，配合黑椒汁，非常惹味奇尊炸雞中翼，好靚仔，隻隻漲卜卜，金黃色的，見到都流口水每隻都已去骨，裏面釀滿左芝士同蘑菇，好香芝士味啊去骨雞翼，味道好有層次推介最後飲埋杯凍飲爽YY，非常滿足 原來，初心，就是在人生的起點所許下的夢想，是一生渴望抵達的目標，大家一定要無忘初心，向著目標努力進發啊！加油💪🏻…查看更多

一心諗住食某某冰室，點知睇睇下menu覺得唔抵，最後就留意到對面有另一間冰室叫「初心冰室」，個名好似幾warm，所以最後就食呢間講番先，其實呢間餐廳都幾就腳，幾易搵係旺角地鐵站B3出口一出，直行上天橋之後，係最近既一條樓梯落去，行多30米就到！正正就係著名某某冰室的對面，好似搵到架咋！一開頭從對面街口望過對面，會見到一度趟門係關上的（感覺都唔差，因為我都比較concern灰塵既問題；餐廳對外就係馬路，如果開住門感覺就不太衞生），而玻璃門內就企咗一個侍應，感覺好welcoming一步近門口，侍應就已經好好客咁開門比我同朋友！至於內在環境，我係比滿分。先係環境清潔，佢張枱有啲磚，頗有特色，而店內四周都有不同復古 懷舊感覺既裝飾、英文鐵牌、相框，好有心機經營然後係佢既燈光，食店內感覺暗淡浪漫，但佢每張枱既上方都有一棧唔刺眼既靚靚燈，光亮度適中，足夠吃貨們睇menu又添點舒適既感覺menu方面，由於我食既係晚餐，我見到有dinner set餐牌及主餐牌（即係散嗌）兩款（吃貨們可以碌到最底，我會upload到食評的最後）。而最後我同朋友就order咗一個小食 + 一人嗌一個dinner set，包主食、餐湯、餐包、飲品、甜品，正正係一個完整既dinner，所以我地都好滿足賣個關子我叫咗當日D1餐：香草芥末籽燒紐西蘭羊架配燒汁飯（七成熟） + 熱檸茶而朋友就揀咗D2餐：烤美國穀飼西冷扒配黑松露野菌汁意粉（七成熟） + 熱檸水先講主菜前既食物（而家打食評都想再食）。朋友加咗$10加個酥皮，而湯係一樣既，都係忌廉湯先客觀地說，佢個湯去到差唔多飲完都仲出緊煙 尤其係朋友個酥皮湯，好夠熱 勁正；我覺得個忌廉湯既texture幾creamy，並唔水 亦無水浮面，即係佢既份量比例教得啱；個味道都唔會太鹹，裡面仲有不少蜆肉，無味精味而朋友湯上既蘇皮好香又好鬆軟，感覺有多重層次，我亦痴咗少少試下，佢個口感外脆，同時都有濃濃既烘烤香，$10絕對加得過，十分有驚喜！其實本身我地無預到有餐包，佢上餐湯既時候已經surprised。至於佢個包並非平時既餐包，佢只係輕微烘過既多士，個湯飲得7788先食包，本身已經有啲濟，樣子不討好，本身試住放棄佢，為免浪費就食下 點知食食下又幾特別，而特別既位係包裡面佢有香草同類似黑椒既籽，自己好少食到香香地，沾下個湯食又幾夾主食部分，先講羊架佢份量都幾大！有三件羊架，配有另上既燒汁，飯有一大碗 有香草作點綴。我嗌既羊有七成熟，啱啱好，肉質唔乾，十分juicy 有香濃既羊膻味，正到.....好食過平時放題既羊架十倍，啖啖肉！根係有既，痴咗係骨架到，每件羊架都好易處理唔沾汁都無問題，夠晒味，最後我用咗啲汁撈淨番既白飯食~因為佢個汁都幾惹味呢個西冷牛真係不得了，大塊已經不在話下，易處理 易切不突止，啲肉質既又軟又充滿肉汁，整塊都係肉，呢塊扒高質到不得了，食咗兩啖仔都意猶未盡見到朋友既意粉雖然睇落比飯細兜，但實質真係唔需要咁多意粉，食塊西冷牛扒已經滿足到不得了！佢既意粉應該係即煮即上，一路食一路冒煙，意粉並唔乾身，唔似普通茶餐廳啲烚意，很好~佢話就話係炸雞翼，但唔止有炸咁膚淺，貴係有原因架，佢雖然menu無講，但實質上佢係釀雞翼（絕對係睇食評先知既資訊）除咗雞翼尖之外，佢其餘部分係無骨架！雞翼本身就好有味，唔會overcooked，裡面仲釀咗磨菇，好香口，不過不失；雞翼尖並無皮包骨，有肉，值得再食！到最後又有多一個bonus：雲呢拿味雪米滋真係滿戴而歸，大滿足，希望食店可以繼續提供優質食物俾吃貨日子過多一排都真係做得到不忘初心啦…查看更多

同小b 一齊吃晚餐, 終於去了油尖旺的另一區，旺角區吃dinner! 雖然仍未衝出油尖旺區，但總算是一個小進步啦！🤣🤣 想吃一些平價版豪華美食！ 決定去旺角西洋菜南街逛逛，找到這間初心冰室的餐廳。 小b 告訴我，呢間餐廳前身是皇后冰室，唔知有冇關係呢⋯⋯ 初心冰室是係華星冰室正正對面，所以好易找到啦！咁我們入了初心冰室，覺了餐牌，決定要單點食物，咁樣我們可以吃多啲唔同種類🤭🤭！我們點了清酒煮大蜆，奇尊炸雞中翼，黑松露溫泉蛋卡邦尼扁意粉，再加一杯黑牛，因為小b 好鍾意吃朱古力雪糕，咁黑牛咪啱哂小b 囉～清酒煮大蜆🥘：湯味道很濃郁，蜆又屬於大隻，唔夠覺係冰的，幾新鮮！奇尊炸雞中翼🍗：雞翼的 size 很正常，連埋雞翼尖架～ 有七味粉作調味，一個字，正啦！黑松露溫泉蛋🥚卡邦尼意粉🍝：黑松露味就一般，溫泉蛋就ok 好味道，卡邦尼意粉，小女皇非常喜歡吃😋😋，所以這碟意粉，沒有叫錯😍😍😍黑牛🍨：冰底非常夠凍，汽水又夠冰，正呀！評分時間又到啦💯💯💯💯💯：味道💯：8/10價錢💯：9/10環境💯：10/10服務💯：8/10回頭率💯：9/10地址🏢：旺角西洋菜南街190-194A號西洋大樓地鋪交通🚇：旺角東站/旺角站/太子站…查看更多