鰹烏冬 (寶華閣)

營業中

休息中

最近天氣咁悶熱，食咩都好似乾睜睜，整翻碗涼拌烏冬就啱哂喇💦鰹烏冬係九龍有5間分店，主打讚岐烏冬，每日新鮮製造，間唔中會推出限定口味，冷熱烏冬都有，另外仲有烏冬工作坊，食完好鐘意嘅可以報名挑戰下自己手藝😎—— 夏一烏冬 $56 依款冷烏冬底係涼浸浸嘅鰹魚湯，簡單撈埋葱、紫菜、芝麻、檸檬等配料，就已經好清爽開胃😋重點烏冬好滑溜，Q彈煙韌!!!好有嚼勁👍🏻—— 天婦羅雞件 +$39 每塊雞上炸粉都好均勻，外皮夠脆，一咬落去雞肉鮮嫩多汁，淋啲檸檬汁食更中和膩感—— 流心蛋 +$13炸粉幾薄，熟得啱啱好，入面好流心，有多啲調味就仲正；仲附送左啲天婦羅脆脆，撈埋烏冬食好味😍🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️📍鰹烏冬 (#長沙灣)長沙灣元洲街464號寶華閣地下4號舖分店：觀塘/佐敦/牛頭角

骨付雞-推薦👍🏼有肉汁又滑豆腐-就普普通通 都可以焙茶同海苔烏冬-味道唔重魚湯豆乳烏冬- 不錯天婦羅炸雞-普通 檸檬比大少少可能味道會好啲天婦羅流心蛋-估唔到又幾好食喎位唔多 不過好乾淨 冷氣足夠

鰹烏冬 (長沙灣)聽講呢度嘅兩位老闆曾到日本-四國🇯🇵香川縣學做烏冬，本人兩年前最後嘅旅行都係去果度，所以今日嚟想搵返鄉下嘅味道🥲🔺無加一服務費🤗🔺只收取現金～<海苔冷烏冬+薑蔥芝麻+鏗魚醬油>夾起烏冬時，唔會好黏👍🏻口感煙靭，但又唔會咬到牙軟😋但味道同想像中有啲唔同，本來以為會有海苔嘅味，但唔覺有，只有少少嘅咸味，少失望～<三文魚籽+蟹籽+醬油冷烏冬+昆布+蘿蔔蓉>口感比海苔烏冬更粗身更煙韌，煙韌到咬得耐會牙攰🤣濃濃嘅鏗魚味醬油加上有多種配菜，口感豐富🤤怕腥嘅朋友可以灑上檸檬汁，食不到檸檬味但醬油會變得微酸同更易入口，十分開胃👍🏻👍🏻👍🏻天婦羅雞炸得都算脆，肉質嫩滑，有少許雞油，調味足夠🤤經醃製嘅番茄🍅咸甜酸嘅味道➕麻醬，番茄嘅味唔會被搶走，好夾好fresh🤤餐牌方面好用心，整得好似日本烏冬專門店嘅menu。店員見我影相，即刻攞咗張靚啲嘅menu比我，中日對照，圖片更大更清晰💕內部主要用木造設計，掛滿大大小小嘅御守，又有日本風嘅小擺設，仿如置身日本🇯🇵🗾門面已經好有日本feel，亦有打卡位，幾滿足到想去日本既心❤️

成日都有人排隊，今次星期六去食，大約要排15分鐘。如果咁啱坐正吧位，就可以睇住師傅開機擀麵團切烏冬，好過癮。*鰹魚半湯烏冬 $46烏冬熱食，粗身，非常彈牙，質感滿分，帶強烈麥香麵粉香。半湯係濃縮鰹魚汁，帶鮮甜魚味又帶醬油香，份量比清湯烏冬少，所以係日式撈烏冬，濃度啱啱好，烏冬少少掛湯，食落唔會太鹹。夏一烏冬 $55睇名就知道係夏天食嘅烏冬，凍食烏冬比熱食烏冬更加彈牙，我覺得質感偏硬，熱食比較啱我口味。將蛋黃同酸汁撈埋一齊，非常清爽，但今日醬汁多咗啲，所以蓋過咗蛋香味。天婦羅雞件 $42新鮮炸起四件天婦羅雞件，每一件都好大件，麵衣完全唔油，外面香脆，入面嘅雞件依然juicy，唧少少檸檬汁，有種清爽感覺。骨付雞 $44骨付雞係燒雞脾，陣陣雞肉香味飄來，但我略嫌雞皮燒得唔夠焦香。雞脾肉厚肉，熟度啱啱好，肉質非常嫩滑，雞皮煙韌有咬口，有啲油膩感，而雞髀整體偏鹹偏油，碟底都係油，食完成嘴油。

假日下午2點左右到，等左4枱客大約15分鐘。冇得攞飛，要即時排隊，等緊期間有職員出黎俾餐牌我地睇，睇定野食岩岩好有得入座。原味竹簾烏冬（冷）🍜烏冬粗大，有彈口，每條都好長，口感十足。冷麵汁 另外配有芝麻、蔥粒、wasabi、薑末)Wasabi我只放左一半，其他配料都落哂入冷麵汁，烏冬再占上冷麵汁食十分清涼☺️夏日熱辣辣食就岩岩好啦🤤鰹魚湯咖喱烏冬（熱）同樣口感烏冬配上好好飲既咖喱湯，冇錯 係可以一大啖咁飲既咖喱湯，係好日式甜甜地既咖喱。 啲烏冬係有掛湯，味道會令你好想去多次日本既味道。骨付雞勁好食一定要食嫩滑多汁，醃料超入味。甜甜地又有香料味又有燒雞既味。 呢個唔洗多形容，食就岩！天婦羅炸雞🤤用左雞髀肉切件炸， 火喉岩岩好，嫩滑多汁。由於佢冇醬點黎食，但唧左啲檸檬汁，食落口鮮味就冇，但又唔會話冇味，因為嫩滑多汁個下已經滿哂分。最後提一提，呢到係自助式，自己斟水（冷/熱）、攞筷子🥢、仲有啲天婦羅碎俾大家拎）

經常介紹黃店嘅KOL梁祖堯之前介紹過 兩位老闆特地到四國香川學做烏冬 佢地亦都堅持烏冬每日新鮮製造 既然冇得去日本 就緊係要嚟試下咁正宗嘅日本烏冬🤣▫️鰹魚湯烏冬 鰹魚湯清而鮮甜 手搓烏冬口感煙韌 簡單清淡又不失滋味🤤▪️ 天婦羅雞件大大件嘅天婦羅雞件 外脆內軟 薄薄嘅一層炸粉 包住鮮嫩多汁嘅雞肉😋▫️糖心蛋 隻蛋熟度啱啱好 蛋味濃郁 仲帶住輕微嘅走香味😍

這間小店之前只有舊舖經常大排長龍，因此一直也沒試，自從擴充了餐廳後，等候時間也減少了不少👍🏻終於有機會一試😋❣️是日餐單🌝月見烏冬🍜醬油湯底夠味而不太濃，配上少許薑末提升了味道層次，反而加了蛋味道沒有太分別。最驚喜是連烏冬麵製作過程也清楚見到，一食果然不負所望。除了有很多烏冬麵都有的彈牙，還有一點嚼勁，非現成貨能媲美的質素。只吃了一口就能吸引人不停食❤️❤️🐥天婦羅雞件🍗4大件炸雞份量超多❤️❤️一食不得了！粉漿厚薄剛好，雞很嫩，不油膩，淡淡椒鹽味不會過咸，不用蘸醬汁都好夠味👍🏻加上檸檬汁更能突顯炸雞的美味❤️但我發現鄰座接連兩枱都點燒雞髀，超大隻同燒得好靚，應該是招牌菜😄😄😄下次要試呢個～

好幾次經過呢間烏冬都見到大排長龍，今次終於試到，排隊等咗一陣就有位啦。因為疫情2人一枱嘅關係，所以店內大概坐到五個人所以大家俾啲耐性等吓～好日式的裝修～感覺自己去咗日本🇯🇵我比較鍾意食冷烏冬～所以揀咗竹廉烏冬烏冬真係好彈牙好煙韌，配上wasabi，薑泥，蔥，仲有芝麻～真心正，單食烏冬已經覺得好幸福烏冬嘅份量都足，我覺得算多，好似食極都食唔完🤣咖喱烏冬嘅咖喱味唔算好出，正正常常，我會建議食冷烏冬～除咗烏冬之外，我想講佢哋嘅炸物都好出色多春魚同埋天婦羅雞件真係好好味，炸粉好薄，但肉質鮮嫩，尤其雞件，仲有肉汁唯一一點我覺得扣分嘅就係，店舖提供嘅係熱水，唔知係咪迎合香港人，鍾意飲熱水或者暖水。如果大家去過日本，日式餐廳都只會提供冰水，因為以前來講冰係好珍貴嘅，所以招呼客人一定係比冰水～哈哈 (我個人比較麻煩😛）不過整體來講都係唔錯，鍾意食烏冬嘅你，要去試下

讚岐係四國香川縣嘅特產⛩麵條經反覆碾壓，切面呈正方形，食落偏煙韌彈牙。店內所用嘅烏冬，全部 用日本小麥粉，混合鹽水鮮製，即日切割，不留過夜，以免影響口感🍜💗鰹魚清湯熱烏冬($82)湯底以鰹魚乾、昆布、 仲有讚岐風必定有嘅小魚乾熬成，清淡鮮甜唔會腥🐟烏冬較為粗身，所以食落超級爽口滑溜。旁邊伴住份量唔少嘅海帶、香蔥、鳴門卷同薑蓉🍥配搭雖然簡單但傳統經典，仲可以任加天婦蘿脆脆增加口感。💗天婦羅雞件(4件)炸漿薄身，外層夠金黃香脆🍤雞肉唔會太薄身夠鬆軟，肉質唔會好多肥膏，食落鮮嫩多汁。雖然係雪藏貨，勝在調味做得好好，加咗少少七味粉去醃好入味，整體唔油膩已經完勝🐥💗三文魚籽醬油冷烏冬($115)烏冬過足冷河，涼快之極❄️食落比熱嘅更加彈牙十倍，超級煙韌但唔黏牙。鏗魚醬油比一般鮮甜唔會過鹹，飛魚子嘅爽脆令整體口感再提升，圓潤飽滿有光澤嘅三文魚籽食落帶咸香，全部都好鮮甜完全唔腥，而且餐廳唔吝嗇咁落足料🐠如果爆出嘅魚油再多d就正。💗洋蔥牛肉牛肉片肥瘦均匀，雖然只係普通肥牛，但一d雪味都冇，而且牛味都算濃。不過可以唔洗炒到咁熟，肉質就會更鮮嫩🐮和風汁嘅醬油味香，如果加多番d味醂嘅甜味應該會更正，而且洋蔥絲

這間手打烏冬店已經成為了我的飯堂 帶過來的朋友同事都會一去再去 而且人均消費都只是$45-$100 識食一定係嗌「原味竹簾烏冬加炸雞」有時就連坐我隔離嘅客人 都會跟住我嚟嗌😆凍烏冬煙煙韌韌 配濃味鰹魚醬汁 係好夾㗎炸雞係比其他小食更出色囉

今日Lunch同事提議去試下依間日式烏冬，一入到去真係好似置身係日本一樣，食客坐住高櫈圍住吧檯，真係別有一番風味！知道老闆係去左日本拜師學藝，所以對佢地既烏冬好期待！咁我嗌左海苔味既冷烏冬，一上菜就見到草綠色既幼烏冬，食落又唔太覺有海苔味，咬落彈牙同煙韌，加埋混左芥末既鰹魚醬汁，食落都好開胃，但又未去到好好食，反而同事嗌既天婦羅雞件同關冬煮就好有驚喜，天婦羅雞件既天婦羅粉炸得好薄好薄，咬落好脆，重點係入面既雞肉鮮嫩多汁，調味亦都做得好好，超級推介！關東煮亦煮得好入味，見到廚師好細心切走白蘿蔔既邊邊，令到白蘿蔔煮既時候更加入味，食落夠腍身同好有本身既甜味。