稚

營業中

休息中

店內座位約有15個，必須到齊方可入座，通風系統尚可接受，店內亦有提供籃子放物品，但要注意通道很狹窄容易絆倒人。汁煮豬軟骨，如果只叫主菜就沒有飯所以基本上是一定要加$30升級定食，本身汁煮豬軟骨份量適中，豬軟骨煮好後有用火槍炙燒過，味道適中沒有太甜或太咸，有些軟熟有些就比較韌。升級定食包括了蜆肉面豉湯、前菜是關東煮有一舊福袋年糕，中間質地軟熟口感不錯、珍珠飯有些少味素。大阪燒面頭是煎香了的豚肉片和大量紫菜碎加醬汁，大阪燒質地做得不錯，不會太淋有椰菜絲混入中間。流心芝士年糕當然是串燒店必點。雞軟骨脆卜卜幾好吃。日本青椒豚肉串豬肉的臊味有點突出，整體幾香口。

而家出街食飯都希望試下唔同嘅小店, 朋友介紹左元朗呢間由90後開嘅日本小餐廳 就專程去試下~今次5個人叫左3個主食同小食share 份量都好足夠因爲出名貓飯, 所以點左幾個試下~原來貓飯嘅意思係一碗白飯加上味噌湯, 同或以紫菜、木魚花同醬油撈成汁煮豬軟骨$74(定食+$30)汁煮豬軟骨係廚師推薦 所以都點左個試吓。豬軟骨炆得又淋又入味, 唔會太膩, 十分推薦！豚肉生薑燒 $68 (定食+$30)豚肉口感似豬頸肉, 配合淡淡生薑味都幾refreshing 但味道偏鹹。和風牛肉$64正常發揮🤭蟹膏蜆肉炒飯 $98有鑊氣嘅炒飯, 應該係即叫即炒, 而且粒粒分明,好香蟹膏濃郁嘅味道！流心芝士年糕$28大阪燒$78成個好厚身, 表面舖左好多木魚同紫菜絲, 個頂同底都非常香脆, 中間有一層豚肉,又夾住菜絲同粟米粒粒~不過略為有少少太多醬串燒同小食雖然餐廳座位未算坐得好舒服, 不過食物質素而言係十分推薦嘅小店

身為半個元朗人 周圍發掘元朗美食是必須的～今次剛好發掘左一間高性價比日式小店📍店舖位置不大 只有五張枱 但係就俾到人一種好舒適嘅感覺～店內痴左好多動漫poster 相信店主一定係個動漫迷🤣🤟🏻值得一提嘅係 店員服務態度好親切友善 令我留低咗好好嘅印象🤍------------------------------招牌蒲燒鰻魚定食 (原條) HKD122 + 30定食 🍱一上枱見到份量簡直驚人 勁大條!!!絕對夠2人食 醬汁味道甜甜的 夠濃烈 果然稱得上係招牌 讚!!!😙大阪燒 HKD78滿滿嘅椰菜 配合醬汁燒 必試😛味淋魚肝 HKD42呢款係餐廳推介～同街邊上嘅燒雞泡魚乾唔同 呢度應該係加左蜜糖🍯燒 所以食落甜甜地而且有少少焦香味 果然係其中一款推薦美食😋

舖頭座位唔多 得3張二人枱2張四人枱唔想等嘅朋友 可以好似我哋咁12點前到 等幾分鐘開門即刻可以入(12:30門口已經有人排隊）一早已經諗定食西京燒 可惜當日無最後同老公揀咗：🍱山賊豚肉定食（配炸雞）🍱鹽燒鯖魚定食（配炸芝士,轉貓飯）🥢大阪燒 🥢厚燒玉子🥢和牛串燒———————————————和牛串燒 $28/1串有5粒價錢合理 Juicy 但又未到話真係好驚艷山賊豚肉定食份量大 食落類似黑椒汁洋蔥豚肉片好香洋蔥味 配珍珠米一流（因為後尾太飽啲飯食唔晒就咁空口食就覺得鹹）鹽燒鯖魚定食推薦 絕對有驚喜 魚肉質好鮮嫩 魚皮煎得香脆配少少鹽鹹香配貓飯 飯底有舊牛油 配紫菜木魚就算就咁食飯一啲都唔會覺得dry厚燒玉子推薦 有驚喜佢上邊有輕輕燒過特別香而且玉子唔會太甜質感係好滑好嫩非常好食 我同老公都讚不絕口大阪燒推薦 絕對有驚喜個頂非常香脆 而且個底亦都係好脆口入邊夾住濕潤好柔軟菜絲 口感極好！完全可以媲美日本當地嘅大阪燒

今日響元朗附近收工，附近都係茶餐廳，但突然見到有間日本餐廳，俾佢吸引左，於是入去食晚餐😊🌟 芝麻雞翼 x 流心芝士年糕 ($42 & $28)芝麻雞翼即叫即炸，外層炸得香脆，肉質嫩滑，而且無雪藏嘅味道，調味剛剛好，唔會太咸😋芝士年糕都係即叫即炸，芝士香濃，而且流心，做到拉絲既效果，外層皮軟熟，必點😋😋🌟 蟹膏蜆肉炒飯 （$98）即叫即炒，好有鑊氣，炒飯唔會太咸，而且粒粒分明，加上用海鮮炒，好香嘅海鮮味，加上蟹膏濃郁，蜆肉新鮮，而且無沙，加埋蔥花同醬油炒，香味十足，價錢亦都唔貴😋😋🌟 大阪燒 （$78）好耐無去日本🇯🇵，見到大阪燒於是即刻點，果然無令我失望，醬汁，紫菜，木魚鋪滿全個大阪燒，而且大份，粉漿調教得岩岩好😋😋

▪ 招牌蒲燒鰻魚 • 原條 ($122) 🔥🌊🐍(追加定食 +$30 • 前菜🧆 • 漬物🥕 • 煎茶🍵 • 味噌湯🥣 • 珍珠米🍚)▫️鰻魚 • 成條上，真係好澎湃🤩鰻魚都幾肥美，無骨，啖啖肉，魚肉結實彈牙😗面頭蒲燒鰻魚汁唧得好整齊，甜甜地😜▫️前菜🧆 • 胡麻醬玉子豆腐，好滑 ＆ 帶子裙邊▫️漬物🥕 • 有2️⃣種漬蘿蔔 ( 黃💛甜 / 紅❤️鹹 )▫️味噌湯🥣 • 入面有菇菇🍄，唔會好鹹😌▫️珍珠米🍚 • 表面加左飯素點綴😏💁🏻‍♀️旁邊仲有2舊細既玉子燒🍳 • 蕃茄仔🍅 • 椰菜絲沙律🥗.▪ 大阪燒 ($78) 超厚身🤌🏻表面鋪左勁多木魚花🪵🐟同紫菜絲🖤下面係一層豚肉🥓，中間係勁多菜🥬同粟米粒粒🥦，豚肉🥓同底都煎得好香口，本身諗住食完一定會勁滯，但又冇喎😛😝.▪ 厚燒玉子 ($30) 🤌🏻🍳面頭加左少少芝士🧀，再火炙左🔥玉子🍳煎得好靚，冇過火⏲幾香蛋味🥚玉子唔會🙅🏻‍♀️好似出面食個d咁甜，加埋面頭燒左既芝士🔥🧀味道唔錯😄.▪ 流心芝士🧀年糕 • 2件 ($28) 新鮮炸起💥中間芝士仲流💫年糕唔會好甜😉最重要係唔會痴牙🤓.~•~•~•~•~•~•~•~•~•~•~•~•~•~•~•~•~•~•~•

鰻魚炒飯------------------⭐hkd88本來想試蟹膏蜆肉炒飯，但同朋友share而佢唔食得蟹於是就叫左個鰻魚炒飯~一上餐香氣撲鼻，用鰻魚汁翻炒到每粒飯粒都色澤飽滿，好誘人~~兩個人食分量都岩岩好，完全個鰻魚味勁特出，而且好足料！鰻魚大大舊都真係幾多舊下，舊舊都大粒過我手指公，軟糯厚實，超有口感~雞軟骨串------------------⭐hkd26作為串燒小食既雞軟骨比起街外既都算係大粒，仲幾有咬口添~而且燒得恰到好處更加香口，而且吱啲檸檬汁落去仲會有啲清爽啲既感覺~大阪燒------------------⭐hkd78呢個大阪燒真係好吸引啊!!! 🤩超級多木魚片同紫菜!!非常吸引，醬汁亦都係毫不留手啲落左勁多，好滿足啊o(*￣︶￣*)o~切開裡面滿滿既生菜絲同蘿蔔絲令到個大阪燒好厚實，食落好爽脆，啖啖足料，所有醬料生菜蘿蔔絲係我口中一覽無遺，唔會好重粉感，都無咁易覺得膩~檸檬柚子雞翼------------------⭐hkd42係一款相當有驚喜既小食😆一份共有四隻，仲好細心地將雞翼剪開左方便進食，雞翼煎得岩岩好唔會好乾身，而檸檬柚子汁佈滿成只碟!!酸酸甜甜既味道一

間店成日要排隊先食到，同好朋友決定放工做完運動等晏少少、人少d再去幫襯。9點都爆場就知間野好堅。味道一流、價錢親民，師傅原來半島學廚出身，難怪咁好食🤤咖哩吉列豬扒$48 我地加埋套餐揀埋貓飯，有埋味噌湯同熱茶都係加多30，咁高質既定食都唔過八十，真心抵食。咖哩好食既原因係原來有落蘋果蓉，豬扒炸得好靚，下次黎會再叫😍蜂蜜芥末雞翼$40個汁好正🤤甜甜地辣辣地加埋居酒屋串燒味，肉質嫩而唔乾，小食都咁用心，佩服！晚市仲可以order 大阪燒$78極好食，d椰菜絲好爽，面再鋪左煙肉，大阪燒勁高勁厚勁大份，但菜完全係生既菜青味，火候掌握得超級好！最後，想講裝修好熱血青春，好多海賊王同數碼暴龍既figures 同畫，加上播既輕快日文歌，成間店都好有feel~

廿幾歲人都未食過大阪燒，係門口望到廚房整緊，仲傳來陣陣炒野嘅香味，就決定入去試下。入面掛滿咗動漫角色的畫，再播住動漫歌，全部店員包括個廚都係後生仔，成間舖都感受到日本式嘅熱血！入正題：大阪燒 ｜雖然等左一陣，但上菜個時啲木魚仲郁下郁下，最中意即叫即整，熱辣辣最好食。椰菜好新鮮爽口，唔會煮到淋曬，醬汁都好夠，酸酸甜甜仲有沙律醬撈埋真係好好食。個餅底煎到好香脆，估唔到大阪燒咁好食～滑蛋豬扒定食 ｜滑蛋滑而唔會實，洋蔥鮮甜又淋，豬扒香軟又厚，本身炸皮好脆但被蛋汁浸淋左小小～定食有送埋麵豉湯架～經過朗屏呢頭一定會再黎食！

是日一家總動員一齊去到《稚》食飯，聽講非常人多，所以母親一早就出門攞位。相傳呢度嘅定食同貓飯唔錯，於是一家五大一細，分別叫咗四個定食加幾份小食。但食物逐一到來之後，大家嘅失望都愈大。先講下小食，大阪燒真係太過份！除咗菜同粉嘅比例極不正常，太多菜粉少，中心只有少量未熟稀粉漿，口感不是滋味。而最嬲係大阪燒明顯係煎燶，整個餅只有燶同苦味，落大量醬汁都蓋不過呢份苦味，店家仍將之遞到客人枱上。覺得這種烹調態度太失禮，而且極不專業。而蜂蜜芥末雞翼，其實醬汁係不俗，但唯恐只僅限醬汁，因為雞翼係不帶任何味道，兩件事情可以話係各不相干，炸得太老，肉太乾食落榎口，所以我都相當一頭霧水，吃不下。定食之中，分別柯打咗和風牛肉定食、蒜香雜菌炒椰菜定食、咖哩吉列豬扒定食同蒲燒鰻魚原條。我地一家都有柯打店家有名嘅貓飯，貓飯主要由醬油、牛油、木魚、紫菜撈成；但真心一家人都食唔出醬油嘅味道，調味實在有為欠奉。而和風牛肉同蒜香雜菌椰菜係最差，用差形容嘅原因係，蒜香炒雜菌椰菜係苦而且調味唔夠，以早前嘅大阪燒表現推斷，好懷疑可能係煮食用具燶咗，仍不斷作菜而引起，老實講無乜調味除咗個浸濃苦味。和風牛肉敗北之處則係肥牛一啲都唔入

其實，早喺兩個星期開始，已經超級想食大阪燒。今日大阪燒嘅慾望，非常高漲，於是我地黎左呢間日式小店~稚呢間小店位置唔太顯眼，但係非常有驚喜，因為d野都好食而且唔貴。門口有兩張長櫈仔，初時我只係以為係裝飾，後來當我哋食完晚飯嗰時，發現門外面已經有好多人喺度等緊，原來唔係裝飾，係俾人哋坐喺度等㗎。裏面用左龍珠卡通，同埋puzzle做裝飾。環境細細哋，只可以容納大約15個人到，所以喺繁忙嘅時候進餐時間大概只有45分鐘。食物款式唔多，但黎到嘅食物真係色香味俱全。唯一唔好嘅係入面有好大嘅油煙味，另外冷氣唔大，食食下會覺得熱。服務員有禮貌，但太忙，冇人斟水，建議可放水壺喺枱，等d食客自理。等左一陣，主角大阪燒出場喇。賣相非常之靚，有好多木魚絲，紫菜同埋醬汁鋪喺薄薄粉漿嘅上面，而下面全部都係椰菜絲，香脆，味道亦香濃但唔會太鹹。不過豬其實想食嘅係厚漿d嘅大阪燒，所以有少少失望啦，不過都好多食嘅。滑蛋吉列豬扒配貓飯，咩係貓飯呢？其實個名有d倒胃口，但食落口又好好味，貓飯即係珍珠米，紫菜加木魚絲，自己撈勻就食得喇。炸豬扒粉漿唔會太厚，入口香脆，豬扒肉質結實，香嫩多汁，而個蛋亦好滑。如果就咁食貓飯，我會覺得佢

星期六晚又喺元朗搵嘢食， 7點9去到餐廳，啱啱好滿座，要等位，好彩早dd到，後期有唔少人黎 鋪面唔大，坐到10幾人到，所以如果同朋友要慢慢傾，就未必適合啦。大約等左10分鐘就入得，見到menu有唔少野都好吸引，但無奈只有兩個人，叫唔到太多款式。最後叫咗大阪燒（俾佢吸引而黎一試），鰻魚定食，同小丸子。首先上嘅係鰻魚定食，睇落去都好好食咁。呢度係半條，都夠食嘅，鰻魚真係幾好味，值得一試。個人唔係幾好麵豉湯，俾咗男友飲，佢話中規中矩冇咩特別。跟住上既係小丸子，紫菜同木魚都好多，完全蓋過小丸子。小丸子唔算好大粒，但味道OK ,都幾多沙律醬。最後上嘅係大阪燒，同樣都係有勁多紫菜同木魚，燒汁同埋沙律醬都好多。唔知係咪因為食咗小丸子，開始覺得太多汁啦，有點膩，食咗一兩舊就唔想再食，如果有多兩個人share可能好啲，但男友覺得OK ,就俾佢清晒啦。

一開始因為條長長的鰻魚同貓飯吸引左我揀呢間，鰻魚真係點整都咁好食，貓飯係白飯加紫菜木魚伴飯，就好似飯素咁有少少口感同香d。但係最出色既竟然係大阪燒，呢個真係必點，d菜切絲切得勁幼又夠脆，個大阪燒又夠厚身，超有口感。

又去試一試元朗的新開小店，聽個名已經覺得充滿和風，店面唔大招牌亦唔顯眼，差點就錯過了。選擇唔算好多，價錢還可以鰻魚味道出乎預料地好，好肥美加上微焦好香口，燒汁較濃味送飯一流！不過配餐嘅湯就一般。玉子偏甜，煮得火喉剛好，質感軟滑店家幾甜心，雞翼半拆骨，唔會食到好狼狽。但炸粉比較厚，而且只靠醬汁嘅味道感覺唔夠豐富。大阪燒份量同賣相都一流，入面主要就係菜、粉漿同煙肉，夾埋燒汁、沙津醬同木魚一齊食味道可以。但比起邊位嘅脆，入面有少少未夠火喉嘅感覺，味道一般而且好滯。總括黎講味道可以，而且小店環境幾舒服，亦感受到員工嘅熱情，係不妨一試嘅晚餐去處，推薦鰻魚

因為工作忙碌的關係，很久沒有來《稚》食飯了。今晚難得請表弟食生日飯，特意選了來這裡食想不到一段時間沒來，餐排上多了幾款驚喜，馬上要叫來試試《厚燒玉子》新菜式，本來純粹打算嘗個鮮，沒有太大期望。誰知道，出乎意料，沒想到玉子濃郁的蛋香配上紫菜和木魚絲，出奇地搭配 《大阪燒》例牌點了個大阪燒，完全不考慮和表弟兩人是否吃得完，哈哈... 水準依然！讚《全條鰻魚》來到《稚》，怎麼可以不點鰻魚 鰻魚一上檯，馬上震撼了第一次來吃的表弟。「怎麼可以那麼便宜那麼大條鰻魚的？」哈哈，完全顛覆了他的概念。肥美的鰻魚表皮燒得剛剛好，焦脆焦脆的，超級好吃。鰻魚大條又沒碎骨，想我這些怕魚骨的人都可以很放心地大口吃一般來說，小店最怕的就是名氣大了，水準無法。但這次，《稚》的兩位年輕老闆都沒有讓我和表弟失望