尚鮮海鮮料理

今晚同朋友去佐敦行街，到晚飯時間，我地揾佐敦邊爐，一search就見到呢間尚鮮火鍋海鮮料理，於是我地就跟住地圖去左吳松街。好快到左餐廳，去到就安排就座，成間店主調係紅色：好有打邊爐感覺😆店員好好，就在我地order完就上調料比我地自己配。我地點左什菌素鍋做湯底先黎百花釀油條呢個可以即食，都可以落湯滾一滾。好脆口，油條中間釀左蝦滑，好好食👍🏻👍🏻我們肉食就點左 特尚手切牛D牛肉好靚，雪花肥瘦均勻，有一定厚度👍🏻👍🏻另外，仲有醉香鮮雞件，D雞係浸過酒的，別有另一番風味我們仲點左雙拼餃子-鮮蝦雲吞+西洋菜香菇餃，各四隻，兩個人岩岩好。而黎到呢間火鍋海鮮店，點少得叫海鮮呢，我們叫了花甲，雖然唔多，但花甲夠大隻、夠鮮甜最後菜點左油麥菜，都切好晒，size岩岩好，都唔會太大太細棵。在打邊爐期間，店員仲幫我地撇去湯面既油，好讚👍🏻👍🏻👍🏻👍🏻今晚我地食得算豐富，種類好多😋😋…查看更多

是日於佐敦附近下班，便跟同事找到一間樓上火鍋一起用餐，可以慢慢促膝長談。餐廳醬油每位收取$30及加一服務費。值得一讚，侍應會主動換碟及加湯，服務也很禮貌。鍋底雙拼 - $165左邊是三高茶什菌湯，屬於素湯底。裡面果真有包茶包，愈泡愈濃郁不澀，茶湯清澈，入喉回甘，什菌更顯鮮味。右邊是血池麻辣湯，選擇少辣，辣椒愈泡愈辣，有點麻辣感，口感較為惹味。特尚手切牛 - $180牛肉片非常軟滑又夠肉汁，入口不黏牙有嚼勁。鮮打四寶丸 - $86分別是牛肉、豬肉、墨魚和蝦四款各兩粒，形狀不是特別大粒，但滾起來變得更大，而且入口鮮美彈牙，好爽口。大花甲 - $119花甲果真特別大粒，新鮮得開口吐舌，清洗得好乾淨，完全不帶沙，入口鮮甜可口。芝心獅子狗卷 - $44獅子狗卷薄薄的魚肉包裹著流質的芝士，好香口。芝士腸 - $44火鍋必點的脆皮芝士腸，咬開肉汁和油脂湧出。稻庭烏冬 - $27吸收湯汁精華，質感光滑而有彈性。有機田園盛 - $86健康的蔬果類正好平衡火鍋的油膩感及膳食健康，鮮甜的蕃茄、粟米和蘿蔔好入味，還有不少的生菜和娃娃菜。…查看更多

打邊爐條癮又偷偷出現…我份人就係咁衰，就算唔係好餓，條癮一起就一定要食到為止🙆🏻‍♀️ 行經佐敦，發現有一間樓上火鍋店，店舖不算大，但火鍋料包羅有，海鮮仲好新鮮添👍-☆ 香茅花甲野菌鍋 HKD$188鍋底我揀左好重香茅味既湯，入面真係有幾多香茅㗎~ 裡面既花甲都唔惹少，花甲有手掌咁大隻🐚 隻隻都好肥美，用嚟滾湯夠哂鮮甜👍😋😋-☆ 二人海鮮盛 HKD$228見到舖面有個海鮮金魚缸，所以又點少得叫返個新鮮海鮮盛呢😚 二人份量包括廣島蠔、白鱔片、海蝦、大花甲及聖子皇，全部都超級新鮮😍🤩 特別喜歡白鱔片同聖子皇，第一次食咁大塊既鱔片，啖啖肉亦帶點爽口，啱哂用嚟打邊爐！聖子bb有我手臂咁長🤗 快快手用湯底淥一淥佢，啱啱好熟，就能保持其爽鮮嫩度😋-☆ 黑豚肉片 HKD$45朋友唔食牛，所以叫左豚肉片🐖 每塊豚肉都大大塊，最重要係唔會太肥，食多幾塊都唔怕肥啦！-☆ 墨魚滑釀冬菇 HKD $48平時多數都係就咁食墨魚滑，釀喺冬菇裡面幾特別。墨魚滑口感爽彈，同軟腍既冬菇一凹一凸，出奇地夾，雙重口感😋-☆ 田園盛(有機) HKD$78當然要食返啲蔬菜中和下，哩個田園盛幾豐富，金菇蘿蔔生菜都有，去下油膩感清下熱氣，呃下自己感覺健康啲😝😂-鹽燒牛舌 HKD$42哩度好特別，邊爐之外仲有串燒食🍢 牛舌超大件厚切，味道濃郁有嚼勁，叫幾串食下不錯的🤤🤤…查看更多

呢間餐廳之前聽朋友講過食物好新鮮今日去佐敦就試埋呢間分店。冬天咁凍就想食打邊爐，而且女仔都應該對自己好啲係時候補下身。咁就揀咗個滋補嘅湯底，藥膳醉雞鍋。佢配埋佢啲新鮮雞非常之好，份量都幾大，而且佢啲雞好新鮮好嫩滑，係唔會韌，係好鮮美嘅雞，真係食雞有雞味，講就易彈做到其實都唔係咁易。飲品揀咗洛神花蜜，因為多人就叫咗一壺咁就會抵飲啲。一上枱見到佢顏色好深應該係用咗好多好足料嘅洛神花去整。咁味道就酸酸地係幾開胃，之前都聽過女仔係特別啱飲洛神花，尤其月經調整。比酸梅湯更加濃味，係好健康嘅飲品。不過可以減少啲酸味會更加岩味。之後就叫咗一碟大嘅花甲，平時都有食開花甲，但呢啲真係一隻都大好多。不過我覺得佢可以唔使特登扯開佢將花甲嘅肉切開一半，成粒完整嘅肉食咁就會肥美啲。但係都係鮮味嘅。之後食咗啲鮮腐竹、有幾甜粟米、仲食咗我好想試好耐聽咗好耐嘅羽衣甘藍好開心！先食下啲蔬菜會健康啲又可以飲到呢個藥膳醉雞鍋嘅原鮮味。原來羽衣甘藍都幾好食，平時見人哋會將佢焗左佢成為健康脆片小食，但係而家加去打邊爐滾熟佢黎食都好味。不過留意佢嘅莖比較硬，就要煮耐啲，唔係話好似生菜🥬咁好快就熟。如果唔夠熟就會唔夠好食所以煮嗰陣時要預多啲時間比佢煮熟。初頭都諗味道會唔會冇咁易接受，但係其實都幾易入口都會想再食。而其他食物就叫左香菇餃子併🦐雲吞。餃子都算幾香同埋容易入口而雲吞到勁大隻，超足料鮮蝦超爽同埋好大隻真係用料十足！而豚豬肉片上枱就覺得幾特別好少見有呢種豚肉片，好先有得食。淥完佢就完完整整一個圓圈上枱，賣相幾得意，佢好似好多肥膏咁樣但佢其實唔係，佢係好爽口，啲筋同埋啲肉比例係融合得啱啱好。幾好食其實，顛覆左我對豬肉嘅諗法！之後食埋佢個響鈴🔔，不過呢隻響鈴我就冇咁鍾意。我鍾意另一隻多啲，個隻係真係會脆。冇咁快會變淋。呢一隻嘅質地你一放落個湯度就要即刻拎起因為佢本身密度好低，你就算即刻拎起左佢啲湯汁都一直極速滲入佢個響鈴到，所以其實1秒至2秒已經頂籠。記得留意番喔！～而另外個麵食就冇揀平時烏冬或者出前一丁、拉麵等咁普通，就要左一隻叫做日本葛絲嘅嘢。睇落去幼身透明，我會期待係我鍾意食嘅煙煙韌韌有咬口嘅類似紅薯粉嘅物質，但係佢淥完之後其實都係偏向爽身吾會滯。呢間鋪頭我覺得誠意可嘉，鋪頭細細但名副其實同佢個名一樣，全心全意好有誠意去搵啲新鮮嘅食物材料返嚟做好佢餐廳嘅角色。我們更加想盡我一分力支持一下你的小店。食物新鮮材料一流，係值得幫襯佢嘅小餐廳。…查看更多

今次已經係我第二次嘗試呢間火鍋店，之前食過銅鑼灣分店，試過佢嘅刺身同埋火鍋🍲，已經覺得材料好新鮮今次專登帶屋企人嚟試吓佐敦分店，結果完全冇令我地失望，首先餐廳嘅環境坐得好舒服，空間夠大，而且職員嘅服務態度一流，好親切同埋會同我地介紹一下食物枱上有好多唔同嘅醬料同埋配料，可以自己調校醬汁我哋揀咗個藥膳醉雞鍋，因為覺得好養生，可以令火鍋湯底冇咁肥膩，職員會幫我地將切好嘅生雞放去湯底，慢慢熬好就再放其他食物，我哋一開始首先試吓個湯底先，飲得出好濃嘅藥材味，證明真材實料，值得一試我哋叫咗一份大花甲，食落去好鮮味，好似啱啱喺海上撈上嚟咁，基本上唔使點任何醬料，食佢嘅鮮味已經好足夠之後一定要介紹同推薦呢款手切安格斯牛，因為牛肉嘅質地好滑，有一種入口即溶嘅感覺，基本上滾幾秒已經食得，而且牛肉味濃郁，牛肉嘅紋理都睇得出好靚，係我最喜愛嘅材料另外就叫左黑松露豬肉丸併金沙牛丸，呢兩款丸都令我喜出望外，因為佢唔止肉質美味，而且佢裏面仲有驚喜豬肉丸裏面嘅黑松露味道超級香，食完成個口都係黑松露嘅味道，而金沙牛丸裏面原來就係鹹蛋黃，其他火鍋店好少食到，好特別喜歡食肉嘅我哋另外仲叫左份豚肉片，豚肉嘅味道比較清淡，但配上湯底就剛好帶出鮮味，而且豚肉嘅脂肪同肉嘅比例剛好，唔會太肥最後仲叫咗份日本葛絲，之前應該未試過，原來係類似粗身啲嘅粉絲，但佢嘅質地係比較煙韌有口感，我自己當係麵咁食，佢可以吸晒湯底嘅精華試過呢間火鍋店真係覺得一分錢一分貨，佢嘅食物質素很高，絕對好過一般火鍋任食店，每一樣都好鮮味好新鮮，而且職員仲會間唔中幫手撥走湯底上嘅油，呢點係好細心，令我真心想讚讚呢間經營得好有心嘅火鍋店…查看更多