和氣食堂 (河畔花園)

又到左一年一度慶祝家姐生日既日子啦🥳 今次家姐話好掛住日本 想食日式料理🤩 咁朋友就推介左呢間和氣食堂～～ 我上網睇啲相都已經覺得好吸引啦😍 我地驚多人所以未夠7點就去到啦～ 睇個餐牌 係一本書禁厚 好多選擇亦都有好多圖比你睇住揀非常好👍🏻 因為真係花多眼亂 揀咗一陣最後就揀咗呢幾樣🤤🤤🤤 🥗三文魚牛油果沙律 $72 都幾大碗同埋真係好足料！三文魚好厚身同埋有好多粒 牛油果夠熟 沙律汁調得啱啱好 加埋一齊食既感覺係幾fresh!! 跟住叫左2個小食🤩 🍖電擊雞翼（6本） $34佢係炸左既單骨雞翼 外面沽滿蜜糖 食果陣仲係脆脆的 甜甜地食落仲有少少微辣 幾好味😋 🧀燒芝士年糕 $32呢個記得一定要趁熱食 佢一拎上枱影完相就要食啦☺️ 佢仲係暖暖哋煙煙韌韌加埋芝士好正㗎🤤 🎉大盛刺身丼 $178好正好正好正！重要既事情要講3次😍 真係好正呀呢個！ 帆立貝同海膽真係好正好正😍 好厚身好新鮮又唔會有雪味👍🏻 甜蝦好大隻又鮮甜 拖羅碎一啲都唔吝嗇🤤 仲有油甘魚、三文魚同埋三文魚籽 都係厚厚既兩大片🤩 呢個丼真係一次過滿足晒你好多個願望 大推呀👍🏻😋 🎉5色魚生丼C $128呢個呢都有好多料🤩 有甜蝦、鰻魚、油甘魚、帆立貝、三文魚籽 都係好厚身好新鮮👍🏻 真係好好食😋 🥑牛油果芒果三文魚班戟 $48呢個係當係一個甜點咁最後先食🤣 班戟皮加芒果甜甜地加埋沙律醬都幾得意 都不錯～ 成餐飯食完覺得真係好滿足 家姐都好滿意🤗 好似真係去咗日本食野咁🤤題外話 當我哋食完走嗰陣 門口就好多人啦 所以想食又唔想排隊嘅就早啲去啦🤭…查看更多

早放工有樣嘢好就係唔使等位啦😎😎今晚黎河畔食日本野，之前已經bookmark左和氣食堂，上次黎都見到要等位所以轉左食其他，今日6:30來到可以直接入座，終於可以食到啦！建議大家早啲嚟，我哋食到一半七點未夠已經坐滿人。Menu有超多選擇，刺身、刺身丼壽司、咖喱烏冬、飯、小食、串燒等等！選擇多到我都影唔晒😂首先要咗個香芒燻鴨胸黑醋沙律，比想像中大碟，份量好多，鴨胸好腍，芒果又唔酸，我好鍾意佢個黑醋汁，甜甜酸酸，食呢一個前菜好開胃！😋⭐️⭐️⭐️⭐️⭐️超級推薦嘅芝士厚燒玉子！上菜嗰陣熱辣辣仲出緊煙，面頭嘅芝士有炙燒過，見到一層層嘅蛋，咬入口好juicy，有蛋汁。我同我朋友都覺得超好食呀🤤🤤明太子醬天婦羅炸蝦，有四隻🍤炸漿厚度適中，好鬆脆，入面隻蝦都新鮮嘅，好爽口。天婦羅配明太子醬都係第一次食，平時通常係好普通點天婦羅汁，所以都覺得幾特別。👍🏻👍🏻👍🏻👍🏻👍🏻芝士燒日本廣島蠔！呢個都係必食！佢隻蠔好肥美，芝士同沙律醬啱啱好，唔會搶咗隻蠔嘅味道。仲有一個小食叫電擊雞翼，呢個我以為係熱嘅，點知原來係凍食，仲好有驚喜添！似係加咗燒汁炸過，又好似落咗少少醋，幾惹味！登登！當然要叫返個主食啦！大盛刺身丼！賣相超靚！，有帶子、海膽、三文魚、大蝦、油金魚、吞拿魚茸、三文魚籽、甜蛋。好豐富呀！佢啲刺身好新鮮，而且都算係厚切，碗飯都好大碗夠兩個人分。最鍾意就係食日本嘢，今日真係好滿足！叫咗咁多嘢食，每人都係二百幾，都算好抵食。而且食得出佢啲食材好新鮮，值得我下次再嚟過😋😋…查看更多

身住沙田區既小妹，當然要發掘下沙田區既隱世美食，朋友三番四次推介和氣食堂，因為朋友不段話抵食夾大件，質素高，今晚終於去見識下。開頭仲擔心該店地理位置欠佳，但原來都很容易搵。 小店雖然好多食客，但剛好有一張2人枱，所以好快就被安排入坐。黑松露左口魚牛油果沙律第一次食呢個配搭，出乎意外咁夾，火灸燒既左口魚不會太熟，仍然是鮮嫩，配合黑松露，新鮮蔬菜，牛油果，好開胃厚燒芝士玉子正， 熱燙燙上枱，甜甜既玉子，配合玉子中豐厚既溶岩般芝，絕對係美味。帆立貝海膽迷必須要試啊！二樣刺身都非常新鮮， 加埋飯卷， 口感豐富滿足，感受到呢間小店對食物既創意 +誠意。朋友不斷堆介，終於一試， 第一啖吃在口中， 小妹心心眼了再次感受到廚師既對食物既要求和熱誠，茄子燒得剛好，不會太軟身，又不太生。 麵豉香濃，同茄子又是絕配組合。呢個海鮮丼， 絕對可以用完美黎形容，海膽 、三文魚 、toro蓉、 牡丹蝦 、油甘魚 ，全部都新鮮，各自鮮味都好突出 perfect~朋友仔都有推介雞翼，小妹當然要食下呢度既雞翼~ 雞全翼燒得剛剛好，皮脆肉嫩， 有咬口，熱燙燙有肉汁途中店員都不斷為我地添茶水，好貼心啊！今晚小妹同大豬食得飽飽好幸福啊！都只係469元，絕對係物超所值…查看更多

今日去左沙田圍整D野，整完就決定食埋飯先走，行下睇下有咩啱食，最後決定入黎試下啦拎餐牌睇下有咩食時，發現本MENU咁厚咁重，都真係幾誇張佢個MENU設計幾好，基本上都配晒食物相咁濟，清清楚楚。而佢又真係好多野食可以揀，基本上你淨係睇MENU落ORDER時都要花D時間睇左一輪MENU後，落左ORDER 三文魚牛油果沙律($68)，大盛刺身丼($168)，火焰海膽帆立貝卷($68)，鐵板煎鬆軟牛舌($68)，蒜燒,芝士燒日本廣島蠔2隻($48)，千迴火鳥3隻($38)三文魚牛油果沙律，佢個沙律份量都幾大份，牛油果同三文魚都足料，同埋D菜都幾新鮮，配埋佢本身個汁酸酸地，食落幾開胃火焰海膽帆立貝卷，喺壽司卷物上面配埋海膽同帆立貝呢2樣野，真正雙重享受，冇得輸蒜燒，芝士燒日本廣島蠔，芝士蠔水準OK，反而蒜燒有驚喜，佢D蒜香味道好突出，味道夠濃烈但唔會蓋左D蠔味千迴火鳥，佢D雞全翼燒得少少燶，唔會太乾身，啱啱好，另外個雞翼有D微辣，唧埋D檸檬汁之後再食更加特別大盛刺身丼本身睇MENU相時都已經望落唔錯，點知一上碟時見到個賣相仲吸引佢樣樣刺身都有D，裡面有牡丹蝦、三文魚、帶子、油甘魚、海膽、蔥吞拿魚蓉、魚子、青瓜、玉子。食落D刺身都非常新鮮，唔係啱啱解凍雪藏野，同埋佢厚切刺身又大份，個口感食落超滿足，另外個海膽亦都好鮮甜，一D都唔苦，成個刺身丼飯都超正黎張大合照先鐵板煎鬆軟牛舌，應該鐵板加熱再上菜所以要等耐少少，佢上菜時出晒煙夠晒熱，下面亦有D洋蔥喺底，咁就唔驚會燶，佢D牛舌夠厚身，食落唔會好韌，而食牛舌最緊要要配埋蔥花啦當然牛舌勁好食，同埋佢D洋蔥都好好食，最後清埋碟雖然今次我地冇叫野飲，淨飲茶，不過職員都好好SERVICE，行過見到都會幫你REFILL，值得一讚見隔離枱飲又好似唔錯，下次黎食一於叫返杯黎試下先埋單連加一$504，喺沙田/馬鞍山區裡面，基本上都唔會有D咩特別出色既日本餐廳，呢間都可以算係我食過最好食既一間同埋佢有好多款野食可以揀，下次再黎可以再試下其他野先…查看更多

個friend話要帶我去食好嘢🤔就嚟咗呢間😏個menu有成本書咁厚🧐對於我哋呢啲選擇困難症嘅人🧐真係唔知好事定壞事🙈即刻就俾呢個期間限定吸引咗🤩兩個都叫曬✌唔明點解叫電擊⚡但係✌個字好味🤤凍食~凍到硬硬地，跟住啲汁有少少甜，好惹味👍左口魚🐟係我朋友最愛，牛油果係我嘅最愛🥰牛舌真係名副其實鬆軟🤘一啲都唔un一上菜，心諗呢碗白色既係唔係薯蓉🤔但係我哋冇叫喎原來係白咖哩烏冬， 有料到😌一啲都唔稀㗎牡丹蝦🦐真真真係我最愛😍食蝦一定係揀牡丹蝦🦐食得出新鮮🤘而且海膽都好食真係啖啖海膽🥰兩個人食到捧住個肚走🤰都唔使五百蚊~抵食😎…查看更多

環境嚟到沙田圍搵野食🤤見到和氣食堂出面排晒隊，就襯墟排埋一份，等咗一陣就入得去，入面都好多位下！食物食物同飲品嘅選擇都非常多，Menu厚厚一本！最後都叫咗唔少野食😋芝士厚燒玉子 - 厚厚嘅4舊玉子！煮得剛剛好，蛋一啲都唔老，甜甜地加上芝士👍🏻扺食👍🏻好食！電擊雞翼 - 見到個名咁得意就叫咗，原來係凍食嘅辣雞翼，開胃又好味！三文魚牛油果沙律 - 食日本野一定要試吓啲三文魚，呢度嘅三文魚非常新鮮，加上好多牛油果同沙律醋，非常開胃！軍艦5點 - 非常抵食之選，5件軍艦有海膽、帶子、甜蝦、蟹膏、三文魚子同埋拖羅！全部都好鮮😋大盛刺身丼 - 超足料嘅丼飯！百零蚊嘅丼飯有三文魚、吞拿魚、海膽、帶子、玉子、大蝦同拖羅🤤🤤🤤…查看更多

同屋企人喺醫院覆完診之後，即刻喺附近搵好嘢食。喺OpenRice 到search下，原來發現河畔附近有好多好嘢食。佢想食日本菜，於是我哋就揀咗和氣食堂啦。閒日八點半鐘，都坐得幾full，好彩仲有一張枱，唔使等位就可以入座啦。大盛刺身丼用料十分豐富，有三文魚，油甘魚，拖羅蓉，海膽同埋大蝦，賣相吸引。我最鍾意就係拖羅蓉嘅清新口感，而海膽亦味道新鮮，送飯一流。一開始見到一碗cream狀嘅食物，都唔知原來就係白咖喱烏冬，攪勻之後先見到啡色嘅咖喱同埋烏冬。日式咖喱甜得來唔會辣，加上白色嘅泡泡cream，口感十分獨特，最啱配埋香口而肉質鮮嫩嘅炸雞。脆脆三文魚片香口得嚟脆卜卜，係開胃嘅小食。燒日本廣島號蠔有兩款煮法，分別係芝士同埋蒜蓉，芝士嘅香濃蒜蓉嘅刺激，各有特色。兩個人加埋400蚊都唔駛，算抵食，夠哂「和気」！…查看更多

偏夜時分嚟到沙田河畔花園，因為有啲鋪頭比較早關門，呢間開得比較夜，所以就入咗去啦。環境佈置唔錯，座位都幾舒服。一打開餐牌，見到款式超級多，基本上你諗到日本菜有咩種類，呢度都有，就好似一個放題咁！1) 大勝刺身丼 (⭐⭐⭐⭐⭐)有帶子、生蝦、三文魚、魚籽、海膽、吞拿魚同埋玉子，用料超級豐富。由於絕大部份配料都係兩件，所以適合兩個人一齊食用。魚生非常新鮮，最岩鍾意食魚生飯嘅朋友。可以自己再加多啲豉油，另外食辣既朋友可以加埋Wasabi。2) 蝦三味 (⭐⭐⭐⭐💢)有甜蝦、牡丹蝦同埋生蝦。不嬲都好鍾意食蝦，今次呢碟有三款，一次過滿足三個願望。蝦三味其實係壽司來的，生蝦嗰件超大，另外兩件細少少。啲蝦好新鮮而且有咬感。3) 焗日本廣島蠔 (⭐⭐⭐⭐⭐)點左兩人份量，有兩大隻廣島蠔。一隻係蒜頭味，另一隻係芝士味。面頭果啲蒜有啲咸要同蠔一齊食。而芝士味層芝士鋪喺面非常邪惡，但係好好味，唔可以錯過！4) 面鼓湯日本米茄子 (⭐⭐⭐⭐💢)原本以為冇咩特別，只係為咗健康而點，點知非常有驚喜。面鼓湯味增添左茄子嘅味道，香口但係又唔會太鹹。切開成八件，軟硬度適中。5) 千迴火鳥 (⭐⭐⭐⭐⭐)即係雞翼，一共有三件。一件比較大，另外兩件都係細嘅。雞翼係咁多碟菜入邊最有水準，脆香既香層同埋啲熱辣辣嘅雞肉，入口非常難忘，食幾多都唔夠喉。至於價錢方面大概＄200一個人，食到都幾飽。整體質素唔錯，價錢合理，再以考慮再黎。…查看更多