和牛燒肉一郎 (百誠大廈)

高質和牛燒肉放題！今次同朋友食佢一直想試嘅日式燒肉放題，我發現呢間餐廳都落重廣告，平日晚市都多人幫襯。燒肉放題有幾個級別選擇，我哋揀咗個中價嘅$448，有廿幾款牛肉揀、又有其他小食用QR code落單，仲有自助沙律吧、甜品、雪條、飲品任食，食足120分鐘，好滿足！呢度有好多卡位坐得非常舒適，又有圍裙提供唔怕燒肉油彈到件衫，非常貼心。用手機落單之後仲好快喺自助通道上菜，攞完啲肉記住要關返門。店員一開始問我哋要唔要燒肉船，上面嘅肉類其實用手機點單都係一樣，不過有隻船打卡就靚啲，咁我哋都要返隻船嚟睇吓啦。船上都係有啲海蝦、帆立貝、蔬菜、牛肉，睇得又食得。B Course特選牛25種120分鐘放題$448特上牛舌棒- 個人鍾意食牛脷，所以特登叫個牛舌棒同埋極上厚切牛舌試吓。我覺得牛舌棒容易啲咬，好爽口，極上厚切牛舌比起牛舌棒大塊啲，難啲咬斷。平時好少食燒肉，所以都比較着重其他食物多啲。大判壽喜燒牛里脊肉- 牛里脊肉好軟熟好薄，唔重牛油味，撈埋生雞蛋一齊食口感好滑，可以試吓。生拌牛肉- 夾爆蛋黃汁撈勻生牛肉，好滑，不過食唔出牛肉味道，淨係覺得食緊好滑嘅肉。明太子沙律- 我好鍾意呢個沙律！就咁食我會覺得偏鹹，但係朋友覺得啱啱好。我就鍾意將明太子沙律夾埋生菜一齊食，真係好好味，高度推介！黑松露薯條- 薯條份量好多，同埋我鍾意佢冇落鹽。黑松露沙律醬好好味，忍唔住點咗好多醬。野菜湯- 食到最後叫返碗野菜湯飲下食下菜，暖笠笠好舒服。藍莓乳酪雪條- 冰櫃入面有差唔多十幾款雪條揀，非常吸引。藍莓乳酪酸酸甜甜，好開胃。甜品- 我哋揀咗焦糖布甸、木糠布甸、紅豆牛奶凍、柚子芝士凍，細細一杯份量啱啱好。個人最愛木糠布甸，底下有玉桂蘋果粒粒，好香甜，推介！整體而言，呢間燒肉店嘅環境寬敞，食物款式選擇多，質素亦都好好，我哋叫咗好多食物都唔能夠一一盡錄。如果有預算嘅朋友可以黎試吓！…查看更多

和牛燒肉一郎剛開張的時候真的一位難求，現在轉眼間已經有四間分店了，遍佈港九新界，最新的分店坐落於荃灣廣場，啱晒新界區的朋友 🥳🔸B course 120mins這裡有A - F 套餐選擇，豐儉由人，較貴的套餐就可以任食日本直送的多款優質和牛✨而我們選的這個套餐就有102款食物+舟盛合+桶盛合配自助吧任飲任食，真的非常豐富🔹舟•盛合 x 桶•盛合入座後會先送上這兩份盛合，上菜的時間還會冒著煙，賣相一流呢📸 裡面有牛肋肉、牛肋條、牛里脊肉、豚肉、雞、海鮮和野菜，可以先吃完這些再用QR code點單。強烈建議點一份泡菜和生菜配油脂豐富的豚肉吃，味道超夾的🐷🔸 特選牛特選牛有25款，真的會眼花撩亂～點餐後就會從這個全港首創「燒肉新幹線」🚅 智能化送餐模式送到你面前，方便又好玩，密封的設計就更衛生啦。推薦的有薄炙蔥花牛舌、特上牛舌棒、兩色蔥花牛舌和厚切牛舌，烤過的牛舌軟軟嫩嫩的，牛舌愛好者表示滿足😛 大判壽喜燒牛里脊肉同樣必點！沾著蛋液吃非常完美🔹其他除了肉品外，也有海帶湯、泡菜小菜、韓式壽司、可樂餅、炸物等不同食物選擇。應該很少人去放題會叫飯食🤣🤣🤣 但這個香蔥海苔溫泉蛋拌飯真的不錯～佐燒肉吃感覺很滿足，亦平衡了一下膩感🔸自助吧沙律、飲品、甜品盡在自助吧內隨意挑選，另有爆谷機可以吃點零吃。這裡的自助吧設計很酷，七彩繽紛的令人食慾大開～ 有一個雪櫃放滿了不同款式的日本雪條，一定要留肚食呢🍨🔖餐廳還有全新推出的午市套餐，性價比不錯，可以一試…查看更多

呢間和牛燒肉一郎好受歡迎去之前一定要記得訂枱餐廳裝修有少少復古摩登座位好闊落，環境光猛乾淨自助區可以選擇唔同飲品/沙律菜/甜品沙律菜幾新鮮衛生，一盒盒咁拎叫左個Set C嘅燒肉放題餐職員先上一個木船仔，放左唔同野食入面有和牛里脊肉，和牛肋肉，牛外橫膈膜牛肋條肉，牛肋肉，牛里脊肉帆立貝，雞肉，腸仔，野菜盛每款都上兩份，望落幾精緻除左和牛，其他食完再Scan QR Code落單和牛里脊肉好有油脂香，肉味濃，好食帆立貝連殻送上，大大粒燒完仲好Juicy，值得一試大判壽喜燒牛里脊肉可以蘸啲壽喜燒蛋汁食落味道香濃同好滑不過個醬汁鹹左少少，唔好蘸太多甜品係各款明治雪條，食完好滿足…查看更多

餐廳使用日本鹿兒島的「小田A4和牛」，全港獨家供應，更採用「燒肉新幹線」智能化送餐模式認真特別。Course C - $448桶．盛合小田A4和牛的牛肋肉和里脊肉，油花均勻得呈大理石狀，牛鮮味好濃郁，兩個本來較有嚼勁的位置，變得入口即化。舟．盛合有美國及澳洲和牛的不同部位：牛外橫膈膜鮮嫰又具咬勁；牛肋條肉彈牙有嚼勁；牛里脊肉細緻軟嫩；牛肋肉汁多味美，還有豚肉、雞肉、帆立貝及野菜。任點牛肉方面，比較喜歡大判壽喜燒牛里脊肉，里脊肉大大塊又薄身，輕輕燒一下，半熟已經非常惹味，再蘸温泉蛋醬油，平衡油膩感。薄切上等牛舌芯最軟嫩位置，口感爽滑，油香味濃；色蔥花牛舌硬脆有嚼勁。海鮮方面，飽滿的墨魚身包含著濃郁的水份，鮮甜彈牙；帆立貝肉厚實又滑身，月牙位好軟糯；生蠔濃而肥美，有豐腴感；海老新鮮彈牙，頗易去殼。小食方面，明太子海鮮煎餅薄得邊緣位好酥脆，中央濕濕軟軟，有海鮮、蔥花和蔬菜等配料；炙燒牛外橫膈膜熟成度較低，變得好易入口；鹿兒島薩摩炸魚餅有些切碎的蔬菜頗特別。飲品方面，除了罐裝飲品外，還有自家製的果汁，推薦西班牙特飲和美人茶，還有些自家製的沙律。甜品方面，有自家製的甜品如牛奶布甸、楊枝甘露等，還有多款明治雪條，特別是藍莓乳酷味好好味。…查看更多

呢間新開嘅和牛燒肉放題店，終於卜到位喇～呢到分A-F套餐，最平嘅套餐$348就可任食2小時，今次揀咗中價錢每位$448嘅Set C,選擇都幾多，包括海鮮、肉類、刺身同小食等等。餐廳用qr code落單，我哋坐卡位仲有新幹線送餐，好方便。先叫咗份舟盛，可以試勻豬牛雞海鮮同埋蔬菜，好豐富！牛肋肉同牛里脊肉油花均勻，好軟腍，牛舌、壽喜燒牛里脊肉都值得一試，每份都附有蛋汁，薄薄一片，我哋配埋碗玉子紫菜飯食，好夾！出面drink bar，salad bar同甜品櫃都好多選擇，好開心有西柚汁飲仲有焦糖布丁同好多雪條食！見到格黎台有小田和牛食，下次會再試吓！…查看更多

上次同朋友食完，一直念念不忘，今次帶老公嚟試吓！我地揀左中價位Course C放題，每人$448（星期一至四），包含咗76種食物，任食兩小時。Course C送左以下3客非任點的食物1️⃣小田牛牛肋肉油脂豐富，牛味濃郁，食完後口腔仍有淡淡油香2️⃣小田里脊肉 油花細緻平均，入口即融3️⃣ 舟盛盒包括5款牛、3款豬、帆立貝、大蝦、雜菜其中牛肋肉最為出色，肉質有光澤，油花細膩帆立貝同大蝦亦頗大隻新鮮下列為可任點食物🔹牛肋角肉 油脂豐富，比較厚身實淨🔹熟成壹漬外牛橫隔膜 醃得好入味，肉質鮮嫩，必食！🔹大判壽喜燒牛里脊肉 大大塊薄切里脊肉，油花唔算多，略略燒一燒兩面，放入撈勻左嘅蛋加醬油，雪一聲滑左入口，必食！🔹薄切上等牛舌芯 擺得好似一朵花，薄得黎好爽，有嚼勁，必食！除左多款牛之外，仲有豬肉、海鮮、泡菜盛盒（而家要改口叫辛奇？）、主食（包括水冷麵、紫菜飯等等…），以QR code落單，開出黎入面所以食物都可以任叫的！最方便係會有自動輸送帶送菜，落完單好快送到黎，㩒個制就可以開門拎食物，記得有手尾㩒多次制關門呀👀不得不提嘅係餐廳入口同最入位置各設置自助吧，入口位有簡單汽水同果汁，最入個位置有超多種冷熱飲、甜品、沙律、日本雪條，記得食完牛要留肚食甜品同雪條呀🍨試左款芒果煉奶雪條，超推介，入面嘅煉奶竟然係流心㗎，而且雪條細細條，好快K.O.一條😝2個鐘真係岩岩好夠時間食晒所有野，食完包保捧住個肚離開😇下次再試下其他Course先～…查看更多

============== 𝐹𝑜𝑜𝒹 𝒞𝑜𝓈𝓉All you can eat course D x5 ($548/p.p)💸 $3,014 (10% Charges)推介 -·• 生牛肉刺身·• 牛中腹肉壽司·• 大判壽喜燒牛里脊肉·• 小田牛西冷·• 小田牛牛肋肉·• 牛舌·• 帆立貝、榮螺、牡蠣❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.非常抵食多種類嘅和牛燒肉放題✨。分別有ABCDEF六個餐揀，F餐最貴食得最多款式同高級食材。我地揀左D餐每位$528其實已經包左唔少item。生肉刺身、小田牛、海鮮多款和牛部位等等。其實仲有其他熟食選擇，但我地今日主打燒肉！肉嘅味道同品質未算最好，但勝在一個價錢食到哂咁多種類嘅野，依個價錢食到依個質素嘅牛係超值。最驚喜竟然係海鮮，非常新鮮，可能比起出面啲海鮮舖仲好食。食左太多野不能盡錄，介紹翻啲主要野食先～另外有個自助area，沙律、水果茶、樽裝鮮榨果汁、甜品、日本雪條等高質refreshment🍹。生牛肉刺身、壽司任食真係好正！仲要有好多款，食多幾碟都抵翻哂個價錢👍🏽。不過有少少未溶夠雪，少左新鮮嘅肉味。每個course限叫一盤嘅四種類桶盛，小田牛肋肉、牛舌都出色，入口即溶，油份好足。但里脊肉就差左少少弓，咬到攰都未咬得爛要夾硬吞🥲。都係限叫一份嘅寶箱item，每日都唔同，今次係小田牛西冷。睇相都見到油脂幾豐富，亦都係入口即溶，好食！薄切嘅牛里脊肉，附有溫泉蛋同壽喜燒汁點嚟食。薄薄一片燒一燒就可以捲起沾蛋漿同汁食。薄炙蔥花牛舌，薄切冇四桶禮個厚切咁有咬口，但牛味都好豐富。最驚喜嘅係啲海鮮！平時燒肉好少理啲海鮮，依到嘅海鮮係我食過燒肉店最好食最fresh最juicy最好味嘅。比起外面專食海鮮嘅舖頭亦有過之而無不及＼＼\(۶•̀ᴗ•́)۶//／／ 最鍾意帶子爽口新鮮唔會韌，生蠔勁有味。…查看更多

以前有壽司新幹線，依家連燒肉都要坐🚅新幹線，黎到呢間新嘅和牛放題燒肉店。主打小田A4和牛，黎自日本鹿兒島縣薩摩半島南部。聽講小田和牛特別採用混合12種材料嘅飼料餵飼，所以和牛油花會呈大理石狀，肉味都較濃郁。放題分6個價錢，要食到🐄小田A4和牛需要揀D~F餐，小妹就試咗D餐。先黎一大盤舟・盛合，呢隻船係所以set都有嘅，一次過為客人奉上美國跟澳洲和牛、豚肉、雞肉、海鮮同野菜。另外配一個大桶盛（有小田牛牛肋肉、小田牛里脊肉、牛舌同牛外橫隔膜肉），同埋重頭戲🥩小田牛西冷（呢款無得任食）！以寶箱噴住煙咁上台氣勢十足，西冷大大片，油花紋理清淅可見，有牛肉味，肉質都算嫩滑。基本上叫得D餐以上嘅都係食小田和牛，所以小妹覺得隻船都係打卡為主，唔特別介紹。以下精選幾款小妹覺得必食嘅：🐂小田牛牛肋肉~ 個人覺得牛肋肉最有和牛入口溶嘅嫩滑感，比寶箱西冷好食。如果鍾意有口感嘅朋友，可以選擇牛肋間肉。🐃小田牛薄炙里脊肉~ 輕輕火炙表面，好經好香；再蘸蛋汁令肉質更加滑。🐄大判壽喜燒牛里脊肉~ 小妹仲對上環食個件壽喜燒牛肉念念不忘，呢度嘅質素雖然冇咁正，不過都唔差。大大片里脊肉配甜甜壽喜燒汁，味道唔錯，仲可以任食🤣👅極上厚切牛舌~ 呢度牛舌都有好幾款有牛舌棒、薄片、加蒜嘅…但小妹最like呢款。比較少放題有咁厚切嘅牛舌，燒到面燶燶地微脆最好食😚🦐海老~~好多放題嘅海鮮都麻麻，但呢度嘅蝦質素有驚喜。手掌咁大隻，咬落爽口，仲有蝦膏，難得令小妹再返叫D餐可以食到91款食品，就算每款試一件都飽飽。壽司飯做得麻麻，拌生牛肉都普通，反而和牛刺身可以一試，無腥味，不錯。雖然熟食唔係主角，不過都有待改善；小妹只係試咗餃子湯，味道可以但皮好厚，炸魚仔就好腥😣。甜品Bar嘅蛋糕無論賣相同味道唔合格，不過🍭雪條好好味，而且有好多味道揀，推介栗子紅豆味。店內環境光猛，坐得寬敞，而且小妹concern嘅抽油煙做得唔錯。雖然質素唔差，不過小妹覺得對比起一般燒肉放題貴（仲要唔好彩食個日剛加咗價🙈）。放題另加飲品沙律甜品吧，盛惠$800一位；唔係唔好食，不過和牛嘅級數未到令人😲嘩！一聲嘅感覺，所以小妹可能會揀食到靚和牛嘅燒肉店，貴精不貴多嘛。不過一試無妨嘅，但會建議平日去，慳返半百。…查看更多