大本瀛日式放題

營業中

休息中

出旺角食放題，兆萬最多選擇，呢間餐廳service 係我食過數一數二咁好。晚市2小時任飲任食$298，有13張點餐紙，上菜速度好快， 唔會漏單。前菜：裙邊、皮蛋、豆腐上先，麻辣皮蛋好味。壽司一次過上：火炙左口魚邊、鰻魚、花之戀。太肚餓點左好多款， 員工仲提我手卷要趁快食， 唔係紫菜會變軟。軟殻蟹手卷真係好好味👍🏻飯唔會太多， 軟殻蟹又脆又多用， 配牛油果同蟹籽，紫菜可以咬得開。重點戲非刺身莫屬， 超大盤配乾冰，傳統香港放題風格～ 刺身都好新鮮：三文魚、油甘魚、赤蝦、甜蝦、帶子、希靈魚、北寄貝、馬刀貝。南亞風味： 辣酒煮花螺好惹味，份量只有四粒剛剛好。冬陰功湯加左好多椰奶、炒蜆串燒： 比目魚有骨要小心、菠蘿燒得剛剛好、牛舌&腩肉 好夠味炸物：土匪雞翼、雞軟骨、天婦羅（蝦&茄子）一品料理：壽喜燒好大鍋， 有牛肉，粉絲，娃娃菜，冬菇，鳴門卷，一定要share先食得曬。火鍋已經食唔落， 食材有菜同海鮮，幾健康。隔離慶祝生日， 員工都一齊送蛋糕為壽星慶生， 現場會插播生日歌， 仲有衝天蠟燭好特別。甜品有兩個櫃，另外仲有張甜品紙，冰糖雪耳同奶凍都好好味。 飲品好多選擇，仲有幾款熱飲可以order,

除夕夜食放題🥳， 今次揀大本瀛日式放題，位於旺角西洋菜街1號兆萬中心10樓。 其實我們一行四人都好耐冇食放題😆， 好多時都水準參差， 但今次真是一個大驚喜🤩。 大約八點到達， 場內坐滿客人， 我們一坐低就快快落單， 點知上菜速度超快😯， 完全沒有漏單的現象👏🏻， 最重要是店員服務很好👍🏻， 整晚不停為我們換碟， 是我食放題咁多年未見過的現象🤝🏻。 食物方面刺身、壽司🍣、熟食和炸物全部都幾好食， 刺身夠新鮮， 壽司飯唔會散， 熟食方面😋我推介羊架🍖、 牛仔骨、壽喜燒(牛肉入口軟腍) 、蝦串燒🦐和焗蠔🦪， 天婦羅🍤亦做得不錯， 最後甜品時間每人可以點兩款甜品另外再有雪糕， 甜品我推介椰汁紫米露， 有出面甜品店的水準， 雪糕🍦有movenpick， 大家記得留肚食甜品。 整個用餐體驗很好👍🏻， 希望餐廳keep住呢個水準，下次一定會再來😊。 🏷️溫馨提示～ 整個用餐體驗均屬個人分享意見， 只作參考😊。

旺角有勁多放題真係好難揀，咁岩今日食呢間幾唔錯幾有驚喜，價錢又相當合理！頭盤緊係黎個刺身拼盤啦，有齊晒我最鍾意食嘅赤貝、帆立貝、蝦等等！刺身蝦非常大隻，而且都幾新鮮！我叫左兩打😅😅驚喜位係有泰式生蝦，熟食仲有其他泰國野揀，好足料冬陰公，裡面有很很多大蝦呢！熟食選擇有很多，特別喜愛燒虎蝦，隻隻有我隻手咁大隻，食多幾隻基本上已經大回本啦！另外我幾鍾意燒牛舌、炸蝦天婦羅等，臨尾我地仲叫了牛肉壽喜燒，我地非常滿足呀！甜品有自家制木糠布甸，味道亦都係有驚喜，為呢一餐劃一個完美的句號！

兆萬中心一直有很多不同類型的食肆，今晚想試一試這間人氣放題，我們六點到，我以為自己好早，點知已經坐滿了人，原來那些人五點幾來了，果然好人氣。食物種類有八款，刺身、壽司軍艦、火炙壽司及黑松露壽司、卷物及一口手卷、前菜小食、和風料理、一品料理、爐端燒。首先點了刺身，三文魚、油甘魚、赤貝、帶子、甜蝦，解凍得很好，沒有雪味，而我覺得最值得推薦是帶子。食完刺身覺得胃寒，就點了兩個湯，一個麵豉湯，一個人參雞湯，估唔到個人參雞湯好好味，結果追加多一碗，飲完個胃立刻舒服晒。太太喜歡串燒，就要了燒菠蘿、炭燒雞翼，而雞翼燒得好香，外脆內軟，香味四溢。我就點了壽喜燒，份量不會太大，味道幾正宗。點了一様其他放題沒有，就是火鍋，有四款湯底提供，我們要豬骨湯，味道濃郁，至於火鍋配料種類不是很多，不過很新鲜，我推薦珍寶海蝦，因為又大隻又鮮甜。因為突然有事要趕回公司，只吃了未到一個鐘，仲有很多食物未試，真是有點可惜。