魚一壽司 (教育路)

魚一壽司 都算係作為元朗人經常會食既一間店舖，由細鋪開始食到如今變大鋪，依家越來越多人排隊等位，咁啱平日經過見冇咩人排隊就入咗去食。期間限定馬刀貝 新鮮唔錯，略嫌鮮味唔夠出牛油果軟殼蟹卷&鰻魚反卷炸芝士年糕&忌廉薯餅中規中矩 無咩特別焦糖鵝肝壽司個人認為魚一必食推介，無諗過呢個配搭但一試難忘，焦糖香脆配搭鵝肝嘅油膩，成件事升華左火炙左口魚壽司左口魚火炙既程度剛剛好 入口半溶配搭埋左口魚嘅油份，必食推介火炙三文魚腩壽司同火炙蟹棒壽司不過不失，正正常常燒牛舌略嫌調味有啲過重，偏鹹不過熟度剛好，口感不錯燒白鱔略嫌白鱔皮燒得唔夠脆，甚至有兩舊好林同行小朋友鍾意食燒菠蘿，所以叫咗兩份。不過是兩份燒菠蘿質素參差，一份救熟夠甜。另一份又乾又冇味一行四人埋單$1000唔使，抵食但質素唔太穩定，整體來講都算OK。建議都係壽司為主，其他為次。咁嘅價錢真係抵食，算係咁。…查看更多

元朗餐廳小鋪甚多，不論西式、台式、日式及泰式都琳琅滿目，選擇時覺得花多眼亂，但確實價廉物美的又會有多少間？所以幾年前已定下目標，立志要吃光元朗小餐廳，找出性價比最高的代表店！今次經朋友介紹來到教育路的一間壽司店招牌燈光明亮，但可能由於門面較細及餐牌擺放得不太明顯，若不是朋友介紹可能便與它擦身以過餐廳共2層，地鋪燈光較昏暗，有師傅製作手握壽司、收銀處及4個水吧座位，而樓上1樓則較光猛，座位數量較多，雖然地方仍較淺窄但空間足夠而且座位舒適，嚴寒的冬天友人與我帶著厚厚的外套光顧，幸好檯下有籃子供擺放私人品物檯上只放有簡單的餐具如筷子、碟、豉油碟及茶杯，同時亦放有最基本的用具有豉油、牙籤、筆和玄米茶餐牌除了日本餐廳必供應的小食、刺身、沙津、壽司、飯及麵餐牌外，重點當然是我倆慕名而來的自選刺身丼餐牌！餐牌上一共有27款刺身選擇， 含蓋範圍非常廣闊，而價錢亦非常合理，餐廳建議最少點選3款刺身，而飯底需另加$10，11:30-17:00點選自選刺身丼飯更送麵豉湯，可惜晚上光顧無緣品嚐麵豉湯刺身丼賣相非常吸精，刺身擺放能令人心動，還加了數片花瓣在上，點選了希靈魚、三文魚、油甘魚、池魚王、帶子及蔥吞拿魚腩蓉，魚生色澤鮮艷，每片均厚切而且肥美，品嚐後個人推薦希靈魚、油甘魚、池魚王、和蔥吞拿魚腩蓉希靈魚：質感爽口，黃金色魚籽粒粒分明.油甘魚：油脂豐富而且分佈平均，入口溶化然後滲出淡淡魚油甘香，油甘香還殘留在口腔數秒造成回甘效果.池魚王：2片厚切池魚放在碗上的左前方，質感軟滑爽口，咬下後嚐到清甜的魚鮮味，其後魚油散發至口腔，繼而慢慢滑進喉嚨去，油脂留在口腔另人回味不而，口感與油甘魚相似，第1次品嚐池魚留下很好的印象.蔥吞拿魚腩蓉：丼最適合配上吞拿魚腩蓉，令飯的口感更加順滑鮮味另外點了5款壽司由左上開始有花之戀、池魚王壽司、劍魚腩壽司、火灸三文魚腩壽司、火灸牛肉他他壽司。個人推薦以下數款：.花之戀：花之戀由蟹籽、沙津醬及三文魚組成，而個人覺得該花之戀比其他優勝之處是三文魚的厚度剛好沒有被壽司飯味覆蓋，而沙津醬偏酸可以減低飽肚感.池魚王壽司：由於較丼上刺身薄，所以口感偏向爽口，但仍有魚油甘香味.火灸三文魚腩壽司：三文魚剛好被燒至外皮熟內裡仍是刺身，既可以品嚐到三文魚燒後的魚油脂，又可以保留到魚生鮮甜味孤陋寡聞的我是第1次看到有焦糖與鵝肝的配搭，燒焦的焦糖令鵝肝表面變得脆身，但甜味稍稍覆蓋了鵝肝那獨有的味道，所以整片鵝肝以甜味為主，加上鵝肝油份較多，油膩感也相對增加鰻魚燒汁不會太甜，該甜度還可突出鰻魚鮮，但略嫌魚骨未夠碎，吃時要份外小心和牛粒生熟度剛好令外皮脆身，內裡呈粉嫩色，咬下時頗容易散開，可能和牛粒尺寸偏小，難以嚐到牛肉鮮味——整體評語：味道-燒物燒至外脆內軟，而刺身亦頗新鮮，但略嫌豉油太淡，難以有效地帶出刺身鮮味.服務-服務員慇勤有禮，每碟餸菜呈上時均會作介紹，而且會主動留意顧客需要，適當時幫忙添茶.衛生-所有用具與餐具都潔淨乾爽，沒有任何食物殘餘物.環境-雖然地方淺窄，但光線充足，座位與座位之間仍有足夠空間.抵食-抵食指數甚高！價錢合理同時食物新鮮多款如刺身及壽司，師傅們亦用了一對巧手燒出燒至剛好的燒物。魚一壽司可說是我暫時光顧性價比最高的一間日式壽司餐廳！…查看更多

最近常常到元朗，開始在元朗發掘美食，實在是地方大而且超級多不同類型的美食，當中也不乏日本餐廳，這次經過教育路，這家餐廳的外面永遠有很多人在排隊等候，加上我自己也愛日本料理，決定這次早一點點18:00就前來光顧，沒想到也已經很滿座！店內環境小店有兩層，地下是BAR枱以及出壽司刺身的地方，每次店員都要到下面端菜到樓上，而樓上的座位也不算多，大約十桌左右，但也不算太逼狹，相反有一種讓你覺得很親民的感覺，比較上沒區分食客跟店員之間的距離，不像高級日式餐廳那樣，和店員會很有距離感。餐牌一看餐牌，難怪如此多人排隊，原來是價錢非常「貼地」，而且選擇眾多，丼飯更可以自選配料，有點像「車仔麵」那樣，小食、炸物、冷盤、刺身、壽司等等，應有盡有。壽司火灸三文魚 $6/件以$6/件來說，我不會抱有很大期望它會出乎意料的好吃，但是真的不差，看到很新鮮，色澤夠，吃下去也很快溶掉在口中，$6/件絕對抵吃。火灸鰻魚 $7/件鰻魚正常水平，如果加上紫菜會更吸引。火灸帶子 $12/件這個有點小驚喜，$12的帶子，但同樣新鮮，屬於軟滑身的那種，入口很舒服。活赤貝壽司(2件)  $38它的兩件是活赤貝鬚一件和活赤貝一件。外表是呈橙紅色，色彩光澤亮麗，口感帶甜甜的味道而且爽脆。日本直送大拖羅壽司  $36/件這個就比較貴一點，但入口真的不比外面貴價壽司店的差，入口即化，不過有筋，這個大扣分了一點。牛肉他他壽司  $9/件這個就比較令人失望，以為牛肉他他是生的牛肉碎，但原來不是，而且燒的時間久了點，比較乾跟牛肉質素較遜色。腐皮壽司  $9/2件因為另一半和我都很喜歡吃腐皮壽司就點了，$9有2件絕對抵吃。加拿大海膽軍艦  $28/件本身也猶豫點不點海膽，因為很怕腥味，加上我個人較愛吃北海道海贍，但也想試試，沒想到完全不腥而且帶鮮甜味！很推薦，店內也可以一板海膽這樣點，$100也不用，我下次會點一板！磯煮鮑魚刺身(原隻)  $28很貼心的切開了一片片，口感彈牙，不會覺得很韌，而且$28能吃到鮑魚刺身，性價比高。手打冷烏冬  $28另一半怕不飽想點一個飽肚一點的主食，原來隨麵類還有鵪鶉蛋和蔥讓你搞勻。烏冬也是正常水平，不會過軟過硬。明太子雞翼(2隻)  $30這個就比較一般，雞肉的咸味把明太子的味道蓋掉，不太能吃出明太子。京蔥雞肉串  $22/串也屬平庸之作，沒有燒得過老。一個很滿足的晚上每個人才一百多塊，舒服的飽肚感，但吃到的質素是高於其定價，而且真的是新材新鮮，不難理解為什麼如此多人光顧，喜歡吃日本菜的朋友們，可以到這裡試試，嘴巴能享受美食，但荷包又能不那麼受傷～～…查看更多

入到元朗，行咗一陣，到元朗當然點都要食返餐（因為元朗多咗好多唔同的餐廳，真係要試一試）我好姊妹對日本菜都好鍾情，咁就試下這間在大馬路好易搵的地下是有日本凍的小食，如：小食、蠔、沙律等等。上層都唔錯，光亮又乾淨；一坐底就放下一樽熱茶！餐牌：下午餐牌（有井飯、烏冬、壽司等）配上沙拉、麵豉湯、甜品；仲有單叫（串燒、沙拉、壽司、卷物、火炙等）我們叫了2個餐及串燒喬麥冷麵配壽司定食三文魚湯麵豉湯唔會好咸、好香又有三文魚、配上香蔥；茶碗蒸開蓋了，好正又吸引食慾！熱辣辣蒸蛋好滑溜、好香蛋味；好多材料好多香濃，有：冬菇、魚蛋、蟹柳等生鵪春蛋香蔥這是第一次食！好香好滑好特別！用這個來配上冷麵！加少少Wasabi,好香微微辣壽司最近喜歡食熟壽司，這些都是我喜歡的！♥️♥️甜蛋、熟蝦、鰻魚及腐皮都好香好美味又唔會太多飯，幾好！冷麵有粒粒芝麻、紫菜條、份量都多的冷麵，配上醬汁涼涼地幾好食！熱天氣或行完食就最適合啦好豐盛又多選擇的定食套餐好姊妹叫了這個井京蔥拖羅蓉井拖羅都幾多凍凍的，是拖羅蓉；配上京蔥的香味又口感，配合醬油及wasabi 都好吸引日本甜番薯即叫即燒，微微濃、外邊番薯皮香脆、內面好軟熟一客5粒燒菠蘿好推薦喔！好多汁又甜甜的菠蘿，好解渴又美味甜品是雪糕糯米滋，仲要係香芋味，凍凍又香滑，好耐無食過啦…查看更多

仍然都係在教育路覓食，呢帶真係都幾多選擇，尤其係遠離千色廣場果邊，有好多日本野，成日夜晚經過都見到外面排晒長龍。今日食呢間魚一，都知道佢存在好耐，不過驟眼睇地鋪同一般靚少少既外賣壽司鋪無乜分別，即係只有少少單人位果隻，但原來佢樓上有雅座的，唔係有fd 帶都唔知～不過其實上到去，都唔係真係好大，就係一般食埋閣仔做生意果類鋪頭設計。唔好理喇，叫野食先。呢間d 麵豉湯有落三文魚去煲，感覺上魚味濃郁過出面飲果d。佢有得自選刺身丼，係好食的，不過佢表面上俾你可以自己組合豐儉由人，但最少要嗌六樣而且每樣份量都唔多，最後同樣價錢如果食定食會有埋沙律、湯同飲品，我覺得麻麻地抵。但壽司就幾ok，特別係牛油果軟殼蟹卷，仆仆脆既蟹本身少少鹹，加左沙律醬，而舊飯外面係黐紙菜碎，幾好味。一款叫牛肉他他既壽司，聽落個名怪怪地，但食落又幾唔錯。…查看更多

之前其實都食過幾次之前一個人食定食，生蠔所以都係安排坐樓下今次終於同朋友食係樓上坐舒服好多本來想叫日本生蠔可惜冇晒作為一個生蠔控，法國既都照殺正呀真係夠肥美法國吉拉多不過壽司🍣就中中平平啦…查看更多

友人新居入伙, 由深水埗搬入元朗, 本打算上兩星期週末參觀一下她的新居, 但連續兩星期六日都打風下大雨, 根本不想出門.....終於等到一個算好天的週末, 一於今日出發。既然千里迢迢入到元朗, 參觀完新居, 一於周圍逛逛。電車就成日搭, 輕鐵就極少搭, 就搭程無目的地的輕鐵河。原來輕鐵比電車更龜速……龜速也有好處, 可讓我看清楚這區的環境。隨心下車, 就元朗廣場吧! 走了一會, 不太吸引, 不如進入街巷, 順便覓食。走下走下, 發現有間日本小店門口企了不少路人, 羊群心理, 也走埋去看看, 門口貼上餐單, 看來幾經濟吸引, 就入去吧!拉門而入, 地方小小, 第一眼只見一張約四至五個座位的壽司吧枱。幸好, 原來還有上層, 沿樓梯走到上層, 設有五六張四人枱和五張二人枱, 地方不多。每枱已放了兩份餐單, 一是自選刺身丼飯, 另一是單點食品。細閱單點食品餐單, 分別有精選壽司(1件)、壽司(2件)、卷物、軍艦、刺身、手卷、火炙、炸物、沙律、小食、和食、燒物、冷麵/拉麵和飲品, 還有黑板上寫了一些特選菜式, 別看店子小小, 選擇一點也不少, 厲害!******************************在七款沙律中選了一客芒果蟹籽沙律($38)。嘩！滿滿一大碟，堆成一座小山丘，灑滿大量晶瑩亮麗的蟹籽，份量好足，令人吃得滿足。由於不好太多沙津醬，所以下單時指明極少醬，點知師傅只唧了少許沙律醬在面頭，再另上一碗沙律醬，讓我按需要而添加，真是細心，服務值得一讚！大量清爽的青瓜絲 拌入柔軟的蟹柳絲，再加上片片香甜的芒果肉和爆脆鮮味的蟹籽，吃前先拌勻，口感豐富，只添加少許酸酸地的沙律醬，能保持清新的感覺，岩晒！它簡直又好味又豐富又抵食。******************************個人鍾情於火炙，所以四款當中火炙壽司佔了三款。甚少遇到火炙海膽($22/件)，愛吃火炙的我，當然不能錯過。鮮橙亮麗的海膽 帶些焦色， 味道甘香鮮美之餘，經火炙後多一份焦香，更加油潤豐膄，黏滿口腔，拌着壽司飯 同吃就最岩，令我一試愛上。火炙左口魚邊($8)為左口魚兩邊的魚鰭，是最滑溜、最油潤的位置，加上再經炙燒，迫出油份，吃落更加肥美油潤，啖啖魚油的甘香，鮮味很得，咬落去柔軟中微爽，而油香亦滲入粒粒圓潤的壽司飯 中，正！火炙三文腩($6)雖不是腩位，但同樣滿載油脂，亦是因火炙後迫出魚油，魚香味更突出，油潤兼柔軟，雖不及前者，但也不錯。唯一一件不是火炙就是中拖羅壽司($18)。其色澤鮮紅亮麗，油脂如雪花般佈滿全片，肉質柔軟，油香四溢，但吃落又不會感到太溜滯，岩岩好，這正是我選它而不選大拖羅的原因。還要一提壽司飯，粒粒圓潤，軟硬度適中，亦有經少許少炙，帶有焦香，不錯！唯一是飯粒未能緊緊黏着，挾起便有些鬆散，美中不足！******************************吃過壽司, 當然輪到刺身出場啦! 平時多數吃透亮的油甘魚刺身，原來油甘魚腩刺身($58/4)的色澤大大不同，全件呈奶白色，帶點粉紅，佈滿魚脂，非常肥美。四件同樣厚身，口感一流，肉質柔軟油潤，充滿魚香，吃時蘸上少許山葵醬汁，令人吃得滿足。******************************嘩！想不到以此價錢會有咁大件油甘魚鮫 ($52)，真是令我目定口呆。看件魚鮫的大小可知這條魚很有份量，厲害! 熱辣辣上枱，散出陣陣燒香，底面同樣燒的金黃，色澤平均，特別是金黃的魚皮，皮下滿載油脂，吃起來既香脆可口，亦相當油潤。把其挾開，魚香四溢，雪白的魚肉 口感扎實，魚油不多，部分肉質有少許嚡口，但啖啖魚鮮味，且弄得挺入味，鹹鮮有致。又試試蘸上所配備的蘿白蓉醋汁 和唧些鮮檸檬汁，有助中和其油膩感，配搭更合宜。******************************既喜歡梅酒，更喜歡綠茶，兩者於一身，這款中野BC綠茶梅酒($68/300ml)又怎能錯過。原瓶上枱，配上一隻磨沙日式小酒杯，更有風味。酒身清澈而不混濁，入口冰凍，酸酸甜甜的梅味 滲出淡淡的綠茶 幽香，兩者味道平均，而且不會太甜，正合我心意。邊吃燒油甘魚鮫邊喝它, 一流！------------------------------朗屏是我一個很少很少踏足的地方, 對我來說, 這裏的一齊也很陌生, 也很特別, 雖然是獨行俠, 獨自逛街、獨自吃飯和獨酌, 但一點也不寂寞, 因為一個新環境新發現不斷給我新鮮感, 整個人都精神起來, 成為我今個週末的好節目, 看來我應該要多逛逛陌生的地方, 下一站去是???…查看更多

呢問壽司店成日見人排隊，之前想嚟試下但又唔想等，今日無嘢做就嚟試下當初以為得幾個位嘅外賣店，原來上面仲有位壽司,鰻魚飯,清酒煮蜆,蒜片牛柳粒及生蠔(廣島蠔)首先嚟生蠔，講到明係冰鮮貨但其實能夠做好啲!如果用柚子醋及檸檬汁等作調味會無咁腥(小弟以前做過餐廳用嘅生蠔差唔多但會調味)清酒味濃，我就幾鍾意啦!咁你呢?鰻魚飯不過不失未見驚喜壽司ok啦，尤其係赤蝦壽司去到呢個時候有驚喜，蒜片牛柳粒份量比預期多，試下味道先肉質唔錯有咬口真係寶物沉歸底其實係餐牌仲有其他菜色想試，環境方面有居酒屋嘅感覺，三五知己飲返兩杯都唔錯(餐廳有酒牌)…查看更多

假日去元朗，肚子特別開懷，好想放任盡情食刺身。奈何自己係烏蠅肚，俾2百幾食得果十幾塊刺身，最怕係為左抵食的食得太飽，帶住對食物果份恐懼咁出番黎，實在不划算。所以今日就想去試試一的散叫既刺身。店鋪位於教育路繁忙地段，店面不算大，好容易就走過了。入去前鋪以外賣壽司為主，款式以三文魚居多，不算吸引。但足夠俾人誤會佢無堂食。其實店內仲有上層，同埋詳盡既menu可供選擇。午市仲會有午餐推介，不過我就只想食刺身，所以以散叫為主。2個小腸胃，叫一碟刺身拼盤，希靈魚刺身，2碟壽司，1客牛油果軟殼蟹卷同一碟炸蠔。送到黎果時感覺好似唔係好夠，但原來食落係非常飽...刺身拼盤，其實只要新鮮，又切得厚，就已經係好好食架啦。碟仔細細，裝住26塊，款式都係大路款，有三文魚，甜蝦，吞拿魚，北寄貝同帶子，咬落去啖啖肉，帶子有天然既鹹鮮味，一流呀…希靈魚刺身，並非我所愛。叫佢，因為朋友好喜歡吃，原因是新鮮既希靈魚好甜，但係只要有少少唔新鮮，都會變腥。朋友話魚帶點腥先夠滋味，我不是太懂欣賞，我怕吃魚皮，更怕吃腥，一點都受不了。所以....1客5塊，都歸我朋友。而根據朋友食完之後幸福既臉部表情黎講，碟希靈魚應該攞滿分。牛油果軟殼蟹卷，相對而言就比較失色了。我期望軟殼蟹會係香脆豐腴，但事實係腍既，亦不算有味道。而牛油果可能不是當造，所以未熟透，有點硬之餘果味唔算濃郁。水準就只能算一般。壽司其實就同其他壽司店既睇齊，無乜留下深刻感覺。個人黎講覺得腐皮壽司好好味，因為我鐘意食。炸蠔，油分恰到好處，唔算太油又非常香口，炸皮厚薄得宜，唔似其他放題咁皮粗肉少。蠔肉肥厚，感覺一流。整體而言，由於抱住吃刺身放題既心態去食，所以覺得好便宜。而且呢個價錢，食到比放題更高質素既刺身，又唔使食爆個肚，好抵食！…查看更多

鋪頭細細，位於元朗一間小型壽司店，原以為只限外賣，但原來仲可以堂食～落order係要劃紙仔，壽司幾蚊件就有交易，好抵！但一日未試入口，一日都仲會有啲懷疑⋯懷疑咁平會唔會中伏呢？⋯店員一打十，好犀利⋯魚一應該新開冇耐，人手安排方面應該比較欠缺吧？雖然未能緊貼服務客人，但仍會見到店員好認真好用心咁去盡量應對每位客人嘅需求，雖然有啲手忙腳亂，檯又未抺得干淨，但仍然要俾個like佢地！食物方面係⋯估唔到咁新鮮！！三文魚腩好肥美，好正！燒鵝肝壽司，好香，入口即溶，肝油佔據口腔，食到焦糖味，甜甜的，好特別！鰻魚飯好味！抵！$48咋！啖啖肉，冇骨！略嫌鰻魚汁未夠濃，甜度唔夠，可以再香濃啲就更好！三文魚麵豉湯味道啱啱好，足料咖～除左三文魚肉，仲有白蘿蔔，不過白蘿蔔唔知係咪本身太熟呢？味道有啲怪。蟹子沙律，冇得輸！刀工一流！有啲懷疑係機切囉，每一條青瓜都切到長幼分明，沙律醬份量啱啱好，蟹子份量好多呀^_^，整體好新鮮！good!最瘋狂都係個海膽，$88一板，超級鮮甜，完全冇腥味，仲有4舊壽司飯同紫菜，可以慢慢自製海膽軍艦，每食一啖都由心笑出嚟，正都爆呀真係！蝦刺身都一樣正！！落左order先發現，原來牆上有塊黑板仔，有店長推介系列，下次可以一試！應該會唔錯之餘，仲有驚喜吧！店內得冰水供應⋯其實真係美中不足欠一杯暖暖嘅綠茶，食壽司點可以冇綠茶呢，希望下次再嚟嘅時候可以飲返杯啦！仲有仲有，芥辣好正！係咪自家手磨？好辣，好味好過癮！…查看更多