築地番本日式放題

員工服務正常，無咩錯食物落完order要等10分鐘後先嚟到(太慢)菜色選擇較少😅刺身:除左三文魚同甜蝦，其他味道麻麻地，無咁新鮮味lol機燒烤和蒸氣煱，我揀左機燒:生蠔，蝦，金菇最好吃，其他燒起嚟好麻煩 浪費時間所以無咩點樣吃到其他食物選擇比較少甜品都係好少，普通雀巢雪糕…Read More

大女講同學話呢間食放題好多嘢食 ，約我去試下， 仲話旺角好方便， 食完可以一齊shopping( 結果係佢shopping， 媽媽畀錢)， 一於就咁餐廳係通菜街商廈裏面 ，地方好大，好彩book咗枱， 我見好多人喺門口等位。最驚喜見到個迷你蒸氣火鍋， 細細個好得意 有好多選擇，我哋嗌咗海中蝦， 帆立貝，沙白蜆，章魚花， 肥牛片， 娃娃菜，有勁多選擇。 鍾意啲肥牛片， 蒸熟都好嫩滑 ，娃娃菜可能同啲海鮮一齊蒸，有海鮮嘅鮮味 睇住啲蜆殼慢慢打開， 好開心呀我哋有咗嗌咗人參雞湯， 濃淡適中， 感覺好補阿女就係鍾意食三文魚刺身， 我哋一次過叫咗15件 厚切三文魚， 肥美。創作卷物同壽司 ，香芒黃金大蝦卷夠特別， 松葉蟹棒壽司， 蟹肉鮮甜又啖啖肉， 火焰芝士玉子壽司同火焰黃金三文魚壽司， 上面燒得燶燶地， 少少焦嘅感覺加埋新鮮三文魚 一齊食， 好食呀。 炸物都好出色， 最愛紫心香芋丸， 裏面軟綿綿有香芋頭味 ，一口芝士豆腐 ，芝士同豆腐一齊好夾呀。仲有南瓜芝士餅，炸甜蕃薯條， 吉列魷魚圈， 全部外脆內軟日式鮑螺蟹粥， 真係有蟹喺裏面和風牛肉粒 ，牛肉唔韌，好入味 。紅酒煮牛腩， 呢個牛腩好淋 ，加埋紅蘿蔔 難得喺放題食到呢類小菜。我哋仲嗌咗牛油炒什菌同牛油炒粟米 ，好香牛油味 ， 食些蔬菜，平衡番食咗咁多炸物。其實我哋仲嗌咗燒雞翼 ，黑豚肉串燒 ，天婦羅，手卷....... 好豐富呀呢度有日本清酒，梅酒，汽水，果汁.....，不過我哋揀咗韓國罐裝飲品同凉茶。值得一提 ，呢度啲員工手快腳快， 食完會好快同你收碟， 等你有地方放好啲食物仲有甜品，雪糕，食埋雪糕糯米糍，飽曬喇， 番本呀…Read More

我和弟弟倆好久沒有一起去食飯，今次一吃就選擇了放題。這間築地番本除了普通放題有的食物外，特別之處就是有像拔蚌刺身，還有蒸氣鍋！平常吃蒸氣鍋基本都是全海鮮，價錢非常貴！今次放題有蒸汽鍋吃，每人218加一，當然要吃返夠本。餐廳的座位很多，這張圖只是冰山一角。食物種類豐富，每一個類別都會有一張菜單。蒸氣鍋、刺身、壽司、燒烤、一品料理、小食、炸物和麵等甚麼都有得吃。壽司都分了創意卷物和手卷等。除了酒類需要用菜單點外，其餘飲品都在飲品櫃拿。果汁、汽水、茶都有，不想喝凍飲的話常溫櫃也有選擇。就連甜品也是自助任取。這裏的蒸氣鍋除了海鮮還有肉類和菇菌類可選擇。事不宜遲，一開始就立即把海鮮放在蒸氣鍋上， 由他慢慢蒸熟。我們覺得肉類比海鮮 還要高質素，蒸出來的肉全部肉質幼嫩！ 蟲草花杞子雞件一定要吃，雞肉嫩得過分啊！然後就可先吃其他食物。帆立貝和蠔也有用特別醬汁烤製，甜甜的又creamy不錯。烤雞翼、豚肉和牛舌的水準也非常高，尤其是牛舌非常爽口，我們encore了兩次。刺身拼盤上菜美觀，甜蝦連蝦頭大大隻和帶子一樣好鮮甜；三文魚肥瘦適中味道又濃，白玉拖羅更是必點，咬下就是入口即溶又creamy的感覺！創意卷物的配搭特別，鵝肝帶子，吞拿魚腩海膽味道都好夾。普通的黑松露油甘魚香滑可口，火灸三文魚半溶的口感也不能錯過。沒想到燒菠蘿和翠玉瓜可以那麼好吃，又甜又清新。清酒煮蜆的味道較清淡不怕酒味太重，牛油帆立貝入味也有菇粒，鯖魚肉爽。接著發現刺身不夠，要加碼他們的象拔蚌清甜爽口，果然是推介之選。但是我倆還是比較喜歡三文魚和白肉拖羅，好吃到不能自拔。最後在差不多吃完時，店員拿來了一碗飯加入蒸氣鍋的湯底內煲粥。 這是我才知道原來鍋底的“水”是豬骨湯，其實可以打邊爐呢！ 加了飯後別忘了攪拌，因為我們忘了所以底部燶了。米飯吸收了湯底的全部精華，成粥後軟綿綿，味道超級甜， 沒想過粥也可以好吃到這樣，因為蒸過雞，雞汁全滴入鍋內，鮮甜到不行了。放題有蒸汽鍋的選擇的確很新穎，如果鍋可以大一點更好。看到鄰枱吃磯燒，究竟這裡還有多少新東西啊？！…Read More

一直鐘意食壽司、刺身既我，之前同友人食過另一間的番本，今次決定試築地番本，再食一次。不過今次跟之前的放題不同，今次一餐放題，有2種享司－－任食壽司和磯燒／蒸氣火鍋。睇下餐牌，有好多選擇，日式料理、卷物、手卷類、拉麵烏冬、炸物、天婦羅、湯、燒烤，當然不少得壽司和刺身。快快點完餐就等食三文魚、白玉拖羅、象拔蚌看顏色都很肥美三文油膩分佈平均，入口甘香，而且厚切的口感份外吸引！希靈魚、八爪魚刺身都很爽口。小食方面特別要推介大家必食的燒翠肉瓜同燒菠蘿，不但燒得岩岩好而且好juicy。而外層煙韌既紫心香芋丸，值得推薦。毛豆不是很多人都喜歡，而友人喜歡，更喜歡配酒一齊食；紅酒燴牛腩也很嫩，不錯而兩味中最後選擇了磯燒試玩。無論是燒蝦、翠玉瓜、貝殼類，都特別好食，而且侍應送餐服務快，又無咩走單，符合大家各人想食又食得開心的心意。然後開始食壽司類，海膽赤蝦、海鹽鮮象拔蚌、芝士玉穌、燒三文魚壽司，不可以錯過，而且每人一至兩件，試一口就岩岩好。好大份也好令人滿足！最後以甜蝦作最尾，鐘意食甜品的友人選了糯火糍，一口一個就甘食左唔少粒。唔單止好味，仲好滿足！…Read More

每次聚會有人想食壽司、有人想食火鍋時，就會選擇多樣化的任食放題。而今次見到築地番本有優惠－－3人或以上即送磯燒或蒸汽火鍋，見甘抵又多選擇當然約朋友仔去試下。內在環境都大，容納很多人。鐘意食日式的友人就多選擇，刺身種類多達十數款大包圍點左三文魚,、甜蝦、八爪魚、榮螺、帶子、希靈魚、象拔蚌等，每款食落都唔錯，由其係最鐘意甜蝦。當然不少得點杯清水飲，友人鐘意冰的，而我選擇了暖的。壽司SIZE岩好，每樣選一兩樣件，可以食多幾款，推介海膽壽司！除了叫刺身、壽司外，小食當然不少得。炸物小食併盤值得推薦！有炸雞軟骨、炸紫心丸、炸一口芝士豆腐、吉列魷魚圈、南瓜芝士餅同炸甜薯。每樣數量唔多，但勝在每人都可以試到，唔怕食得多浪費食物。再配上梅酒，真系無得頂。磯燒和蒸氣火鍋方面，選擇了磯燒，當中燒帶子絕對推薦，唔單止鮮味，而且燒起來既感覺很實在。友人們都不斷加單。而另一樣就是用錫紙包好的燒粟米粒，真系甜而多，如磯燒絕不可錯過點日式料理的話推薦紅酒煮牛柳同和風牛柳粒，而鰻魚炒飯也比想象中好食。食完這些來個甜品也可以，築地的甜品有各色的糯米糍、乳酪等，食得落的話不妨試試。今餐放題不但滿足想食壽司的友人，也滿足想燒烤的友人，滿足！…Read More

平安夜約了新朋友聚會，食日式放題最好，上食物又快，有齊冷熱食物，仲任食任飲，呢度最抵係有酒任飲，另外，還有蒸氣火鍋，雖然有點不搭合，但多樣野玩下食下啦。不過座位太窄太迫啦，加上多了蒸氣鍋更加唔夠位。一行六人，8:30pm ，任食兩小時，當日是平安夜所以服務費再貴d，每人約$300有找。刺身的帶子及甜蝦最正，帶子嫩腍，甜蝦柔軟鮮甜。三文魚肥美啖啖肉。油甘魚及鯛魚就麻麻地，有點酸味。螺片都幾爽口味道不錯。呢度最正可以任飲酒，包捨清酒、梅酒及啤酒，當然有其他無酒精飲品，如氣水、茶、果汁等等。清酒可選擇冷或熱，我地點了冷的，雪的夠凍，而且提供小酒杯，別有一番滋味。梅酒也貼心提供冰塊，梅酒甜甜地好岩女仔飲，味道好好，一飲再飲。三色花之戀，比平時的心之戀更靚，兩款刺身都好味，但組合一齊咬感一軟一爽，不太夾啦。鵝肝帶子卷，鵝肝味道都很濃郁，但質感較硬，味道不易跟腍滑帶子溶合，分開食味道更好。吞拿魚海膽卷，海膽味道甘香，都重味，只係有點腥。壽司反而味道不錯，可能刺身有質素，三文魚壽司較好，壽司飯用量不算多，沒有咁易飽。這碟炙燒的壽司就麻麻地，幾乾身。赤海老乾得沒味了。焗蠔看似賣相吸引，但真的蠔肉超細粒，大家找了好耐先找出蠔肉，反而面層的醬汁味道幾好，也很膩。太子醬焗帆立貝也是很好看，但味道還是一般。鹽燒海老串，燒得蝦殻脆卜卜，蝦肉彈牙不乾，也很夠味。鹽燒牛舌有部份較硬，有部份好爽口，整體感覺不差。燒菠蘿其實很好味，保留到果汁，咬落好juicy，但燒耐一點會更好。炸雞軟肉夠哂香口，炸得酥脆又熱辣辣，值得一讚。虎蝦天婦羅、南瓜及糖心蕃薯仔，炸皮夠薄，雖然有點腍了，但是味道好，食完不算膩。清酒煮蜆沒有酒香，蜆肉太腍太沒味，而且已經凍了，都係食蒸氣鍋的蜆更好。五目炒墨魚仔，好彈牙惹味，估唔到做得幾好。另外，牛肉粒也不錯，只係煮耐左少少，韌左少少。蒸氣鍋配料都有11款，有肉有菜有海鮮。我地揀左蝦、帆立貝、沙白蜆、肥牛片，order紙有建議烹煮時間，但一班人食緊野，大多都沒理會，所以經常有過熟的情況。沙白蜆冇沙，雖肉細但都脹卜卜，味道幾好。海中蝦好爽口係最好味。帆立貝熟得剛好，彈牙不腥，也好味。後來再叫豚肉片太硬了。甜品的抹茶紅豆布丁最好味，Q彈又夠抹茶味，紅豆份量剛好又不太甜，還有雪糕糯米滋，皮薄煙韌，雪糕夠凍味道濃。焦糖燉蛋就麻麻地，友人說似蒸水蛋。…Read More

又係一星期一度同媽媽出街食飯既日子（大個女就係甘，呢d錢唔慳得），媽媽話想食放題，就決定帶佢去朋友介紹既築地番本。跟住地址，原來都唔易搵，差少少就去錯。坐低後見到放題紙成本書甘厚，睇見都興奮。好快野食就上枱了，熟食味道不過不失。壽司刺身睇落已經好輪睇頭，壽司細細件握得好靚，魚生表面有光澤好新鮮。壽司當中最吸引係小小既卷物，細細件易入口又唔飽，可以食多幾件。佢地既壽司飯都高質，小小酸，唔鬆散。卷物方面都好有心思，有唔同既配搭，每一款都有驚喜。最鍾意係芝士鰻魚卷，鰻魚味道甜甜無腥味，芝士香濃入口creamy，正。刺身當中，甜蝦有頭大大隻，好夠睇頭，而且入口鮮甜。三文魚係媽媽最愛，佢都幾滿意。我最鍾意就係油甘魚，佢地用左腩位厚切，十分肥美。一口咬落，滿滿既魚油溢出，鮮甜既魚味充滿口腔，食完後仲有魚油既香味充滿住，十分滿足。食到差唔多後就有另一重頭戲-帽子戲法。帽子下面係一係粥底既蒸爐，將自選既海鮮放0係爐面，放上帽子。粥既蒸氣會將上層既海鮮蒸熟，同時上層海鮮既精華會流落下層既粥底。打開帽子，蒸熟既海鮮香氣四溢，入口鮮甜。但重頭戲原來係最後既粥底，軟綿綿既粥底吸收哂海鮮既精華，雖然係入口只有白米，但出奇地香濃好味，絕對係一個完美既句號！價錢方面，$208加一任食兩小時，一個價錢有兩個享受，非常合理。不得不讚一讚既係，雖然佢地係放題既價錢同食物，但服務絕對超越放題質素。員工有笑容，態度誠懇，換碟加水非常快。而且，我係第一次食放錯，準確無誤甘黎齊食物，無多無少，無缺貨無漏單。服務方面，見得到佢地係認真同值得支持。…Read More

好耐無去旺角行街，星期六捉左阿妹同我去食飯加行街，順便經營副業做個精靈訓練員嘛!出旺角就最鍾意食放題，貪其選擇多同埋較其他地區平。由於本人已經唔係後生，夜晚放題已經唔岩我，食太飽會唔舒服同訓唔倒覺。加上夜晚食放題實在太多人，又迫落單又麻煩，所以我兩三年前開始有得揀都一定食中午嘅放題。今次尼間放題係網上搵，評價唔錯，加上價錢只需$178另加一，二百蚊有找嘅放題未食已覺得好抵，可以由中午12點食到下午3點，且看質素如何。餐廳位處於女人街內的一座大廈樓上，沿廣華醫院入口直入行幾分鐘就到，餐廳環境寬敞，座位也夠闊，我們兩人仍能獲安排四人座位。雖然說是午市放題，但食物種類一樣眾多，刺物、壽司、手卷、燒物等均有齊，我們第一round當然主攻刺身及壽司等貴價食物，實行食夠本!食放題當然第一樣要叫刺身，我們點了三文魚丶原隻甜蝦丶八爪魚丶油甘魚同北海道帶子。每樣刺身都黎得好齊，點幾多件有幾多件，咁當然我哋都量力而為，費事浪費。基本上每樣刺身也很新鮮，我最愛是三文魚，它盡是魚腩位，夠肥美，三文魚特有的魚油味也很足。另外油甘魚亦令我非常驚喜，油甘魚若不新鮮，同一舊雪藏魚無分別，淡而無味。但此家的油甘魚是有此種魚的香味，而且，非每家放題店也有油甘魚，的確是必點！接着是壽司類，我們點了三文魚壽司丶赤海老壽司丶自家製玉子壽司丶築地吞拿魚腩海膽卷和三色花之戀。每件份量都很足，我首推赤海老，蝦味十足又夠厚肉。另築地吞拿魚腩海膽卷以店名命名，味道一樣令人驚喜，海膽味出眾。至於三色花之戀份量小巧，味道新鮮，岩曬放題食。接着係香口之選，有炸雞軟骨粒丶香炸棒棒餃子和芝士春卷，當中餃子香脆可口，九菜豬肉味是無敵配，另芝士春卷創意十足，啖啖均有芝士味。唯雞軟骨口感跟我想像有異，我較愛吃燒雞軟骨而非酥炸。不過口味各不同嘅！天婦羅可謂誠意之作，我們點了炸蝦跟蟹柳。炸得金黃而油膩感不多。當中炸蝦是我兩大讚的，蝦味豐而且夠彈牙。另是飽肚之選拉麵，我們點的是豬軟骨，醃料很足，味道濃，麵軟硬均當，唯蜆水味偏重。燒菠蘿是我至愛的蔬菜，必試，燒得微焦的菠蘿，咬落肉汁四濺，清甜可口，一洗飽濟感。鹽燒雞中翼是我另一至愛，香脆的雞翼灑上鹽巴，完全沒有雪味，雞翼醃得入味，好吃。我們因此還多叫了一round呢！黃金焗蠔跟太子醬焗帆立貝這對孖寶醬料很足，前者除蠔外輔以蟹柳跟沙律醬焗成，後者以太子醬包圍，份量很討喜，但味道以佐料為重我還是愛生吃它們，但重口味人士可以點。除了主食外，店內還有有各式甜品與飲料，我這個甜品控當然不能錯過，木糠榛子布甸甜味剛好，很易入口，雪米糍冰冰涼涼，小巧可愛，我一連吃了三個呢！我們吃罷一餐，可謂非常滿足，如此價錢，可以試齊咁多款式，而且食物均是水準之上，絕對要再來。…Read More

朋友們話有人食過蒸氣鍋既放題，話幾好食，介紹左我地去！夜晚去價錢198，未加一！地點係旺角女人街旁，都好易搵！入到去環境都唔錯，唔算太迫！蒸氣鍋既海鮮料都係任點，其他放題一般同平日食既日式放題一樣！野飲就自己去攞！有好多選擇，仲有點品同雪糕！…Read More

同朋友食飯都不外乎係韓燒,邊爐,放題,大排檔朋友竟然可以搵到一個地方邊打邊爐,邊食放題個邊爐仲要係而家流行既蒸氣火鍋,好期待呀!飯市都係人多,好在朋友有book位,等左一陣就入得!太好啦!諗住又火鍋又放題,都係唔升級lu!但佢送既紅蝦刺身,真係好大隻,超爽口放題必食既刺身種類雖然未算好多,不過一定夠食!蝦都幾大隻,幾爽口,而希靈魚冇腥味,尚算新鮮三文魚未算好厚切,但整體新鮮,魚脂尚算豐富榮螺片刺身煙煙韌韌咁幾有咬口壽司既配搭既有趣配搭幾有趣不過鵝肝帶子卷有啲奇怪,本身鵝肝,帶子分開係冇問題但夾埋一齊味道就有啲格格不入香芒大蝦卷就幾正常,芒果帶小甜壽司勝在細細件,一啖一粒,唔會太過飽肚松葉蟹棒手壽司蟹棒帶點鮮甜,配上少許沙律醬,味道都幾好軟殼蟹手卷最愛食軟殼蟹,可惜軟殼蟹淋左,有啲失望蟹子手卷紫菜仲係保持脆身,但蟹子如果份量多啲就更好牛油炒粟米粟米粒粒都多汁而爽口,唯獨牛油味不足蒸氣火鍋方面不知不覺叫左一大碟配料帶子,加小小蒜蓉更惹味蝦都好大隻,不過要睇住時間蒸,蒸太耐蝦會梅南瓜未知係咪頭先食啲野太濃味,硬係覺得南瓜味道好淡到最尾湯底方便,其實都幾鮮,可惜我地冇熄火,一直由佢係度煲煲到乾左水,味道變咸了,幸好加左水後味道變番正常北海道360奶凍甜品黎講佢最正,奶味好濃,而且好滑,食埋佢可以話係完美作結…Read More

今晚又同朋友黎旺角試下新放題，今次呢間我係第一次食，但朋友話食過好正，於是就帶我地一行4人黎試下。上到去。。嘩。。好多人呀。。好彩book 定左位，環境都算乾淨整齊，坐低之後當然即刻order 野食，呢度野食既選擇都好多呀，最正係可以有埋邊爐打。首先登場既當然係刺身啦，刺身全部都好新增，三文魚好鬼肥美，好多時都係腩位，之後劍魚都係值得推介之一，口感好肥美，好似入口溶咁。之後壽司水準都好高，同板長果d 有得比，以放題黎講算好正，最正係帶子壽司，雖然冇帶子刺身，但帶子壽司舊刺身都超肥美，所以可以補番數。之後炸物都唔錯，全部都炸得好香好脆，最夠要夠熱辣辣，以蝦天婦羅 蟹柳天婦羅 及芝士春卷最值得推介。好小地方有得 食呢隻八爪魚丸，好彈牙及燒得好香。焗蠔都好正，大家食記住要小心d. 因為真係好熱，芝士又夠晒多粟米及雜菌都不過不失，水準都係average 以上。之後牛舌都好正，牛味十足而且口感豐富，食落十分爽口，我一個人食左5串。食到咁上下日本野，係時候打下邊爐，細細鍋好方便，雖然選擇既料唔算多，但大路既都有，而且質素都ok. 食左好多肥牛總括黎講，質素算係相當不錯，而且好小漏單。係值得encore之選。…Read More