環境第一次黎「金利文廣場」，樓層唔多，呢間放題店位於三樓，面積真係十分之大，但長期滿座，最好一定要BOOK定位，否則Walk-in都要等。餐牌任食A4和牛放題 $378(星期一至四)、$398(星期五六日及公眾假期)如果唔食和牛就$278，加$100就可以任食A4和牛，仲送海鮮拼盤，當然唔洗諗升級至$378，可以任食A4 宮崎和牛、鹿兒島和牛、各式燒肉、壽司刺身。打開平板電腦落單,有和牛類、特選燒肉類、燒烤類、刺身、壽司、小食、炸物、冷盤熟食。雖然當中發生左個小插曲，就係我地個爐得一邊有火，火勢又好慢，燒咩都燒唔到，通知左店員，前後整左兩次，最後要徹底換哂所有野個爐先用得返，整爐都用左30分鐘左右，店員都好明白事理，係我地要求下都加返時間比我地。
浜燒蠔海鮮拼盤有活鮑魚、虎蝦、扇貝、甲羅燒、生蠔，樣樣都咁新鮮，當中既活鮑魚包保新鮮，一路燒佢一路郁，虎蝦夠彈牙，送甲羅燒感覺十分回本，因為平時出去食一隻都唔平，蟹膏亦頗甘香，高質海鮮拼盤！和牛類總共有10款──8款和牛A4及2款黑豚肉，分別係一口黑毛和牛、A4宮崎黑毛和牛脊肉、A4宮崎黑毛和牛頸脊、A4鹿兒島黑毛和牛三角、A4鹿兒島黑毛和牛板翼、A4鹿兒島黑毛和牛背峰、A4鹿兒島黑毛和牛嫩肩肉、A4黑毛和牛腿、伊比利亞一口豚、伊比利亞黑豚梅扒。一上枱見到脂肪及肉層色澤分明及新鮮，A4鹿兒島黑毛和牛板翼同埋A4鹿兒島黑毛和牛背峰顏色比較鮮紅外，其實都偏粉紅色，當中既和牛三角及和牛嫩肩肉比較多脂肪，食起上黎油脂口感豐富，而其餘既和牛食落比平時牛味要濃郁，雖然唔算厚切，但食落仍然有口感。黑豚肉只有2款，兩款質素正常，未有太大驚喜。特選燒肉類選擇非常多，不能盡數，例如有霜降牛五花、霜降牛肋肉、秘製牛肋條、牛肩胛梅花、牛肩胛、牛仔骨、安格欺牛頸脊、牛胸腹、牛舌、牛肋肉、韓式腩肉、豬頸肉、雞腿肉等等。當中再分左唔同口感醃製，有炭燒、岩鹽、韓式、麻辣。我自己個人就比較中意韓式或者麻辣口味，食落帶少少辣會再惹味啲，而肉方面較岩我口味既有牛肩胛梅花、牛舌、秘製牛肋條、韓式腩肉，牛舌唔似平時一塊塊上，而係切左一細條，但口感十分爽脆；秘製牛肋條十分入味，真係必點；由於豬五花肉沽清，但有韓式腩肉，絕對娉美豬五花肉，十分大片且肥膏佔三分一，中意食肥膏既你一定不能錯過。燒烤類有清酒煮蜆、麻辣煮蜆、各式蔬菜等等，試左麻辣煮蜆，一份份量都幾多，蜆冇沙質素正常，蔬菜類就冇咩點試，因為都主打食A4和牛同其他肉類。刺身選擇不少，有一般放題店既三文魚、希靈魚、帶子、北寄貝、鮑片等等，口感味道都係正常，最好食係一口吞拿魚蓉，每件都會配上紫蘇葉食，一流！覺得可惜同美中不足係冇油甘魚。壽司種類亦多，如火炙三文魚壽司、鰻魚壽司、火炙和牛壽司、花之戀等等，飯都黏濕度拿捏我幾好，飯團細細舊一口咬得落，配料都新鮮，壽司做我唔錯。小食、炸物有炸雞、炸魷魚圈、炸雞軟骨、蟹棒天婦羅、炸香芋丸、炸榴槤丸等等，試左炸雞、炸魷魚圈、蟹棒天婦羅，用既油都新鮮，唔會好大股油溢味，但炸粉都比較厚身，肉好少。冷盤熟食有芥末象拔蚌刺身、熱烏冬、沙律等等，推薦芥末象拔蚌刺身，少少辣同噲鼻好開胃，加上口感爽脆，食左幾次芥末象拔蚌刺身。飲品、甜品飲品自助，有一系列果汁類飲品，另有一個櫃有一款啤酒同幾款汽水，但冇照顧到女士需要，得Coke Zero，但冇純烏龍茶、綠茶果啲。而甜品出面有一個櫃仔可以自己拎，賣相比較一般唔吸引，但埋單時每人會送一客Movenpick雪糕，仲可以比你揀味。總括而言，每人$400左右可以任食A4和牛、伊比利亞黑毛豬，仲有刺身壽司，呢個價錢真係好抵，你諗返係日本餐廳散叫既話$400真係食得唔多野，一間性價比高餐廳，可以改善既係有關漏單情況，其實一開始冇漏單，但食到尾段就全部單漏哂，唔知係咪因為我地整爐多左既30分鐘廚房唔知，所以之前既單都冇做比我地，希望能改善。…查看更多
與同事們一早約好食放題，上網睇到like fb page的優惠係Facebook like & share就會送浜燒海鮮拼盤，預早一日訂位就可以
大約$300既放題，都很低食！可以食到燒肉+浜燒，還有壽司刺身任食，品質都很不錯呢餐廳裝潢都很有日式風格，大部分都是卡位形式環境來說都很舒適餐廳都是用平板下單，一落單野食好迅速送到面前，真的十分有效率而且有好多唔同既食物供客人去選擇
首先，上的菜就是like 左fb 既刺身船
各樣刺身都十分新鮮本來4人同行是送龍蝦刺身，但當天沒有貨所以餐廳轉改送左冰震花蟹刺身船等待燒物熟的時間，當然就一路食著壽司刺身
好開心有最愛既三文魚籽，叫個不停很滿足各種刺身都很新鮮另外一讚火炙牛拖羅壽司十分好食，都點左很多次，令人回味！最後，當然要食甜品，無論食到幾飽，飯後都要甜品去填滿胃的空虛，才會有滿足感:)…查看更多
甜蝦俾燒既大蝦比下去🙃壽司係幾足料咖，食一round就好飽😂 推介燒三文魚同卷物炸物其實都幾好食 尤其係雞軟骨，鹹脆香口，不過份量係四至六人咁，唔想浪費就問下有冇得只叫半份movenpick是最高好既句號！小貼示：可以點生菜包住燒肉食，一黎冇咁膩，二黎冇咁熱氣咖:)p.s. 1. 少左蠔，牛肚等，不過都多左其他小食同沙律2. 四人入座會送龍蝦刺身同粥咖！3. 加 $18有貴花蚌…查看更多
「尚鮮浜燒」海鮮拼盤一份，拼盤內有2件甲羅燒，帶子、生蝦、鮑魚、生蠔各四隻。海鮮新鮮，當中草根最愛莫過於甲羅燒及鮑魚
甲羅燒上面有蟹膏及鵪鶉蛋，燒時要同時攪拌，燒至水份收乾就可以食用。味道鮮甜有驚喜，每人只有半隻真的不夠喉呢!!鮑魚燒熟後仍然十分柔軟鮮味十足
生蝦、生蠔可以任點!!當然還有特意前來一試的龍蝦二食!!首先送來龍蝦刺身，食完後店員會取去頭及尾部去煮粥。炸物還是第一次吃，肉質爽口鮮甜不錯!不過份量不多，一人大約兩三片龍蝦粥就非常普通，粥如白粥般淡味
然後店員指示我們可以用ipad點餐，所有食物都可以在ipad上選擇，好方便又環保! 落單後很多食物就相繼送上，很有效率。燒肉當然是必點了，選擇多得令人驚訝! 點了好幾樣試試，整體還不錯，有肉味，而且燒後仍然保留不少肉汁。點了一上要燒的食物，當然由草根爸爸動手了。刺身點了三文魚、甜蝦、呑拿魚、鮑片、北寄貝、松葉蟹棒及劍魚腩。質素比想像中高，當中以三文魚及鮑片最出色，前者肥美油潤，後者十分鮮甜。同樣，壽司味道亦很好，細細件，多食幾款也不會很易飽。特別推介三文魚籽軍艦、火炙牛施羅壽司及海之卷。三文魚籽新鮮脆身，富鹹鮮味，想不到放題也有如此質素。牛施羅油潤富肉味，肉質細嫩好吃。海之卷放上了帶子和海膽，同樣十分好吃。由於燒烤類製作需時，所以點了一之後還是乖乖地點炸物好了，餐廳一早做好，可以即叫即食，不用苦苦等待。每次食放題必叫的榴槤炸彈、芝士年糕、炸蠔、炸蝦都很好吃，反而餐廳獨有的炸雙皮奶則怪怪的，不合口味。飲品可以自由到汽水櫃選取，都是一般的大路貨式。當晚的甜品令人失望，甜品櫃中只有果凍，其他甜品是一早被人取去嗎?最後每人有一杯Movenpick雪糕(可選朱古力/士多啤梨/雲呢拿/紅莓)，Movenpick高質人人都知，總算彌補了沒有其他甜品的小缺陷。全晚送菜效率都很高，沒有漏單的情況，看來用ipad下單真的十分準確。海鮮、燒肉、刺身及炸物的質素也十分不錯，尤其肉類選擇很多。甜品是最弱的一環，要是有更多甜品選擇就更好了。不過以一至四$278的價錢而言也算合理，可以一戰!!…查看更多
為咗食👅，我地一家四口子👪決定要一次過食日式魚生同韓燒！係2小時內鯨吞🐳2個國家🇯🇵🇰🇷嘅菜色，又展開一個大吃大喝嘅夜上😂尚鮮日式燒肉漁市場而加推出2小時⏰放題$278，各位大大記得📞4個人早一日訂位，可免費贈送龍蝦刺身+浜燒海鮮拼盤🐟！
不過提提各位食唔哂，就唔好叫太多啦！好多貧困兒童都冇得食嫁😭！首先，店員會叫大家like & share佢地嘅facebook ，再馬上送上龍蝦刺身同浜燒海鮮拼盤🐟。✅第一次食龍蝦刺身，刺身好新鮮🌊，龍蝦肉透白又有光澤！食落質感同蝦刺身差不多，份量仲好多嫁😍，仲有大家唔好整污糟個龍蝦，因為餐廳仲要幫大家用龍蝦煮粥。浜燒海鮮拼盤🐟有生蠔、帶子、鮑魚、蝦同甲羅燒。可以係食用龍蝦時開始燒海鮮，因為需時喔~最有驚喜嘅係甲羅燒同鮑魚！✅🦀甲羅燒係在蟹蓋上放上蟹膏、蟹肉同鵪鶉蛋，味道好正！好濃烈嘅蟹膏味🦀👏*記得邊攪拌邊燒*✅鮑魚就食得多，燒鮑魚就第一次。第一次就令我愛上了😍！鮑魚表面燒至帶有少少焦身，用燒的方法可以令鮑魚表面收乾水份💦，脆身！鮑魚肉質彈牙，感覺好有趣！😎✅蝦好新鮮，肉質彈牙到不得了！size都唔細嫁👀帶子同生蠔就好新鮮，但水準冇鮑魚、蝦同甲羅燒禁高！
餐牌種類繁多，等我為大家介紹下有咩最值得食。接着，先講講肉食獸🍖（我）最關心嘅特選燒肉類。✅原味牛仔骨🐂牛肉味好濃，薄薄一片又唔會油膩，又可以燒到表面脆身，不錯！✅韓式泡菜豬頸肉辣辣地，調味唔錯！豬肉又夠爽口🐷✅牛胸腹肉質較結實🐃，有牛味！❎尚鮮一口牛就好韌，有渣。。。❎厚切牛舌變薄切😂，因為太薄，所以食落冇咩質感其實肉就分唔到啦，不但都唔錯。之後，到講生勾勾嘅魚生刺身。🔝全部刺身質素都好高👍，仲要係厚切魚生添！其實我唔中意食魚生🐠，所以唔好食，我係寜願寧缺勿濫，但連我都讚👏，你就知佢地有幾好食啦！✅三文魚🐟肉質柔軟又肥美✅鮑片鮮甜✅劍魚腩色澤透白，唔會腥，而唔會有渣✅甜蝦肉質鮮嫩透白，蝦肉彈牙同埋黏口呑拿魚、北寄貝同松葉蟹棒就不過不失。再者，講下嚴選炸物。✅榴槤炸彈有濃郁嘅榴槤香，係榴槤迷必試的！仲要係流心榴槤喔~✅吉列蝦🍤肉質依然炸透白，高質喔👌✅黃金炸蠔脆而不膩，蠔肉亦不會炸到太乾✅芝士年糕🧀好煙韌，芝士帶有鹹香😝❎炸雙皮奶太甜，有點怪怪的🤔接着，講下壽司先。✅火炙牛施羅壽司，🐂牛肉味好濃郁，油脂十足✅三文魚籽軍艦，魚籽新鮮，所以鹹味十足😍魚籽咬落仲好脆身！正！✅海之卷係放了新鮮帶子同海膽，帶子肉質軟滑，味道很不錯！✅鹽燒蟹盛壽司🦀最後，以龍蝦粥同Movenpick雪糕🍦作結。粥食唔出有龍蝦味呢~…查看更多
。真正有質素的, 個人首推一口牛, 雖然又厚又大粒有點難燒熟, 但又因大粒肉厚, 口感才夠juicy, 一咬油脂慢慢滲出來, 不會過於油膩, 不錯! 海鮮拼盤大蝦有少許不新鮮; 帆立貝和蟹正常, 不過不失; 甲羅燒跟蠔有驚喜, 特別喜歡甲羅燒的蟹膏鹹鮮味可惜兩人只送一件, 有點少
刺身三文魚只有首輪(上圖)不錯, 第二輪的三文魚被分配了很近魚皮的位置;帶子微鮮, 尚可, 蟹棒和八爪魚正常壽司蟹棒壽司上的蟹膏味濃且鮮, 不錯三文魚亦不錯, 只是飯太大件。炸物炸物有不少選擇, 有魷魚圈, 蝦, 雞翼, 蠔和蟹柳等, 可惜沒有放題常見的紫心香芋丸 有少許失望。味道方面, 除炸蠔外, 其他不過不失吧！炸蠔多汁鮮甜, 確實難得 放題不能缺少甜品, 不過今晚的甜品水準, 讓人非常失望!甜品蛋糕約有6-7款, 除大福味道較正常外, 其他如朱古力慕絲, 芝士蛋糕和藍莓芝士蛋糕等, 味道非常淡。不是朱古力味不夠, 就是芝士味欠奉, 失望!總體而言, 食物水準整體一般, 但如果想滿足燒肉癮的話, 也可一試。另外, 特別一提的是服務員服務態度, 確實值得一讚。我們的燒肉點了好一段時間都沒來, 向服務員詢問後, 他立即列印食物清單跟我們了解, 跟進漏單項目。…查看更多
甘就岩岩好順手慶祝我地拍拖紀念日喇。我地8點半去到, 都諗住要等多幾個字, 點知我登記完就即刻入得, 原來前1ROUND坐我張檯既客人已經走左,所以比我地入先吾洗等甘耐, 都地照計120MINS, 就系呢1個服務已經值99分坐低左待應哥哥就叫我地LIKE AND SHARE返FACEBOOK個POST就可以即時送個海鮮拼盤, 地方闊落乾淨 2人1張吧檯都足夠放食物海鮮拼盤 不能不說 100分 所有都好新鮮而且仲無欺場, 送既都大大隻由其是生蠔要超級讚, 又鮮甜又肥美2小時內就算埋左單佢都會繼續上比你,吾會1早就催你LAST ORDER佢有2款蜆 呢隻系清酒,另一款系辣酒 辣酒男友食到頭頂冒煙出晒汗,食左2粒就投降, 而我就食晒成兜, 所以真系要食得辣先好試...燒大約5-6分鐘已經食得, 新鮮大隻真系不得讚多幾次肉類其實好好食,但系當日我地食海鮮為目標所以只系食左小小,牛舌好厚同埋好彈牙, 其餘有隻牛腹胸好好味,1定要試另外豬腸都系必點推介, 燒到有小小燶, 好外脆內軟壽司有水準, 吾系求其之作因為要食海鮮,所以只點左小量剌身都系好新鮮, 主攻左三文魚同埋甜蝦,正呀熱食有個炸蟹天婦羅, 好好食,仲有個冷盤醉雞翼 99分炸蠔熱辣辣, 入面吾算太多粉,好正最後甜品就1般般 無乜特別最後同男友都捧住個肚走,因為食海鮮既關係,我地都無食到好似好膩同埋吾願郁既感覺,我地總共食左差不多20隻蠔,佢吾會漏我地單,所以真系好抵好食之推介貴小小都值得比因為今次經歷太美好,我地又BOOK左今個星期再戰喇
…查看更多
