小林札幌拉麵

營業中

休息中

今次係第三次食地獄拉麵，點解再去呢，因為係其他拉麵店都食唔到咁有層次既地獄麵，頭兩次去食地獄因為軟弱無飲湯，一直耿耿於懷，所以今次再去食，決心飲曬湯， fb影張相留個紀念。兩兄弟嗌左$388二人餐，地獄拉麵每個再加廿蚊，小食嗌左雞翼軟骨，薯餅，餃子，天婦羅蝦+兩罐可樂。 拉麵一如既往彈牙好食，湯底夠辣，但又唔會蓋過味噌豬骨味，真係好有層次，蛋荀出色，美中不足既係豚肉可以再做好d，有d位有點鞋，自家小食十分出色，必食。今日主要目的係飲哂d湯，地獄湯唔算非常辣，但真係好大碗湯，原本想軟弱，但唔想浪費咁有層次既湯，兩兄弟最終都飲晒湯，影張相，完夢！埋單加一$470左右，家庭經營，用心制作，值得的！估唔到飲哂湯仲有券比你挑戰大霹靂拉麵，以為取消左，等到狀態fit d再挑戰！

同事介紹呢間有地獄拉麵，什麼100萬度辣的，叫我去試下，正好要去太子買啲野，就先去食個午餐。麵店開1200，準時到，人影都冇個。餐牌中沒有地獄拉麵，不過牆上貼滿照片，一問之下，仍然有的，100蚊一碗，可轉午餐，加50蚊，多個小食，多個汽水。小食點了雞軟骨串，汽水就要雪碧。等了差不多十分鐘，麵先到，湯多，麵少，料更少，就是一隻蛋，一片肉，少少菜絲，木耳絲，有少少炸牛油渣。味道方面，一般般啦，冇特別，不過隻蛋要贊一下。湯底，猪骨湯底加辣椒粉，如果齊猪骨湯就應該好飲，多了辣椒粉有少少起漿，影響口感所以冇飲。如果玩挑戰就要飲哂個湯，下次可以試升級版200萬度辣的麵。我覺得唔抵食，所以冇專登飲哂個湯。食落去，普通辣，唔算太辣，到食完先飲兩啖水沖一沖口，抺了三次汗，汽水都冇開。十分鐘左右食完個麵了。差不多食完麵雞軟骨先上枱。總結，唔抵食。正常午餐100蚊，1麵，1小食，1汽水，呢個就可以。(到返屋企食晚飯時，我先醒起，我屋企枱面樽辣椒粉就係魔鬼椒，咪又係100萬度辣)

之前聽同事講見到有人食到暈咗同口吐白沬😂(我諗係佢跨張嘅講法姐)朋友就躍躍欲試個地獄拉麵🌶🌶🌶結果嚟到之後佢嗌咗個唔辣嘅垃麵，話試我一啖就ok🤡#地獄拉麵 (落地獄前)痴線嫁，齋睇已經大量分泌口水#招牌牛油拉麵坐我對面個蛋散食嘅我都試咗啖湯，幾香濃#北海道南瓜炸薯餅 (其實仲有食雞翼但唔記得影)放心，食完後我無暈同口吐白沬只係潮熱、冒汗、臉紅、心跳姐🥵真係飲唔到嘅地獄湯 (落地獄後)我想像唔到啲人點樣可以飲埋個湯😂😂😂

之前睇左youtuber 介紹呢間既地獄拉麵，之前食過好多聲稱係地獄拉麵但都冇刺激感，聽佢咁勁 就一於試下啦！1. 牛油粟米拉麵 湯底好香豬骨味，亦好暖身。牛油既香味都好能夠融入成碗拉麵，好有係北海道食既感覺😆2. 地獄拉麵呢個地獄拉麵好刺激！終於食到係辣既拉麵，而且因為佢既麵質好掛湯，所以擔擔麵都充滿辣味！就算之後想係另一個唔辣既湯底過下辣 都仲依附住重重既辣味！好正！鐘意挑戰既朋友可以一試！