Amplifier Restaurant (積福街)

營業中

休息中

今次黎到呢間情調唔錯既西餐廳👩🏼‍❤️‍💋‍👨🏻餐廳裝潢充滿英倫工業風 有情調但唔會令人拘謹😌室內燈光比較柔和 不過今日無緣坐到梳化櫈🛋️室外環境就會適合一班朋友黎 講野大聲少少都唔怕😆特別一讚Waitress好有禮貌💁🏼‍♀️有高級西餐廳既態度👍🏼落單 放低食物 收野等等…都係會令到人地舒服咁用餐係食物選擇方面都幾多 亦都幾有特色🍴可以試吓特別啲既野食 亦都唔係每間西餐廳都會有😋餐廳有提供二人餐 主角係威靈頓牛柳 咁就睇你想食咩喇➷🔹 招牌蟹肉龍蝦濃湯呢個濃湯為今晚既晚餐打開咗個胃😆湯唔算好杰身 但味道就出奇地濃郁🦞龍蝦味比較搶口飲完都唔會有個種飽飽滯滯既感覺 只係想再飲多碗😆佢會有一塊蒜蓉包跟埋🥖香而脆口 沾少少湯食仲正🤤-🔹 招牌酥皮香腸卷徹徹底底咁俾呢個酥皮香腸卷既份量呃咗😵以為佢係snack唔會大碟 點知食完之後飽咗6成😆酥皮包住既香腸唔係加工個啲 係真係由肉去打出黎🫢每舊都十分之大舊厚身 被酥皮包住既香腸肉唔會乾身如果有個特別啲既醬汁去配返個卷 味道會更提升👍🏼-🔹 燒西班牙脆皮乳豬再一次被佢個snack字欺騙咗我個飽咗一半既胃🫢但西班牙燒乳豬都係我地兩個好鍾意食既野乳豬皮既脆口

以前成日去呢間餐廳嘅前身食飯～轉手後第一次嚟，環境依然好靚好有格調～個人幾鍾意呢種燈光昏暗嘅vintage風～有啲位置仲係梳化位，坐得都幾舒服！✨四式芝士手工薄餅 $188四款芝士分別係mozzarella, cheddar, swiss同埋goat cheese整體嚟講都幾足料，幾乎啖啖都有芝士，仲有得拉絲！pizza用薄批配搭辣肉腸和番茄醬，好濃郁惹味！！✨特色小食拼盤 $208拼盤好5款餐廳嘅招牌小食：肉丸、水牛城雞翼、醬燒豬肋骨、洋蔥圈、酥皮香腸卷個人最鍾意係酥皮香腸卷～外面脆脆嘅酥皮包住juicy嘅肉腸，好好食！水牛城雞翼嘅調味好不錯，好香辣～🔹卡邦尼扁意大利麵 $158Carbonara好creamy同掛汁～入面仲有好多火腿、磨菇、脆煙肉～整體嚟講都幾不錯！✨Pinky Promise $78我幾鍾意呢杯嘢飲！！佢係士多啤梨、香蕉、菠蘿三款水果整成嘅smoothie～甜度偏高少少，但飲落好爽好開胃！*✨為私心推介！

平時好少會黎大圍，對於區外人如我，如果諗食野都只會諗倒燒鵝或者雞粥，今次探朋友入開黎，朋友就帶我黎哩間西餐廳試下。Amplifier係一間酒吧餐廳，佢走英倫工廈風，裝修帶啲復古味，最鍾意佢大大個皮製梳化卡位，夠晒闊落坐得舒服。佢地有二人set亦有散叫，不過set唔算特別平，所以我地就散叫，生蠔、小食、pizza、飯麵同甜品都有，而且款式都幾多。四式芝士手工薄餅($188) - Pizza直徑大約有9吋，餅底屬於薄底，不過又唔係紙咁薄，餅邊似餅乾咬落比較香脆。佢同出面嘅四式芝士Pizza最大唔同係佢唔係淨係得芝士，仲有埋辣肉腸，多左辣肉腸鹹香味令芝士感覺冇咁漏，非常惹味。龍蝦汁海鮮意大利麵($188) - 哩個意大利麵上面放滿青口、魷魚同大蝦，都幾足料。龍蝦汁味道濃郁得黎唔會太鹹，質地係比較輕盈水潤，加埋微彈嘅意粉非常好食。焗蘋果酥雪糕($108) - 蘋果酥切成薄片砌成風車形，上面有雲呢拿雪糕，旁邊仲有芒果、哈蜜瓜、士多啤梨同龍珠果，present有花過心思。蘋果酥香甜軟身，配埋雪糕一冷一熱，食完大滿足。凍檸茶($30/杯) - 最後飲埋杯凍檸茶幫助消化，茶味唔會太澀。總結，食物款式幾

呢幾日天陰陰又會忽然行雷落雨，令我好掛住倫敦，因為倫敦的天空多數都係灰濛濛和毛毛雨，所以我哋就選擇去呢間走英倫復古工業風格的西餐廳度食晚飯。店內以灰色水泥牆，高樓底配鋼鐵掛燈，深啡色木枱木凳或深啡色梳化椅，枱與枱之間好闊，坐得好舒服😌望住4頁大字報的餐牌，樣樣都想食🤤經典新鮮藍青口配白酒忌廉汁 (HK$178/0.5kg)．藍青口疊到好高，比我想像中多好多．每隻藍青口都係圓轆轆、脹卜卜，好鮮甜好肥美呀．碗裡的白酒忌廉汁，加了洋蔥粒，味道特別甜，淋上香脆的麵包一齊食，超正😋燒西班牙脆皮乳豬南瓜意大利飯 (HK$248)．4大件燒脆皮乳豬，好肥美肉嫩，點碟邊的乳豬汁，甜甜哋幾好味．不過只有上面2件嗰皮係脆㗎，底下2件嗰皮係軟腍的🫢．意大利飯，南瓜味濃郁，軟腍口感但粒粒分明，幾好味㗎四式芝士手工薄餅 (HK$188)．4款芝士 — 水牛芝士、車打芝士、瑞士芝士、羊奶芝士，啖啖芝士呀，仲有取出一塊薄餅時，見到我哋期待嘅拉絲效果😍．配搭辣肉腸和番茄，整個薄餅味道和口感豐富啲．薄底的手工薄餅，夠薄夠脆口，微甜嘅味道，好得👍🏻整體服務不錯，男店員點餐準確，廚房上菜速度好好，食完一道菜之後不久就上另一