咖吔

營業中

休息中

見到之前有食評話係港人排長龍都會等嘅餐廳，好似好勁咁，所以出來時，點知食完都幾失望。並唔係話希望越大失望越大，而係真係唔係好掂。今次叫咗喇沙$82同埋和牛蝦湯麵$118。首先講吓喇沙，入面係有超薄嘅蝦，都幾讚嘆廚師有咁嘅刀功，即刻亦都唔係新鮮蝦，魚蛋麻麻哋，魚片其實OK，但係佢切得太細條，原塊上會好啲，豆卜普普通通，隻蛋算係最好。正常喇沙通常係入面溝米粉，佢呢度係用米線，感覺有啲似去咗譚仔。佢個湯底其實係OK嘅，椰味好重，只係配套唔掂。至於個和牛蝦面，所謂嘅和牛似係普通肥牛，隻蝦同喇沙入面隻蝦一樣咁薄，我都幾似food court quality。但係我哋又見到間餐廳好多好評，可能係我哋叫錯野。

下午茶時間無人排隊，平日好多人排隊所以今次睇到無人去試下。無記錯係喇沙66hkd，老鼠粉64hkd，送兩杯野飲，order 咗凍馬來咖啡+熱馬拉茶。先講野飲，馬拉茶好似溝淡咗嘅茶餐廳，馬來咖啡係白咖啡，落咗唔少糖所以都幾甜，唔中意甜野可以走糖，飲品普普通通唔送就唔使額外買。野食方面：喇沙有兩隻小蝦，中間片開咗，麵係粉綫果類，口感有小小彈，麵附近有幾根條形魚片頭，喇沙湯底本身重椰粉味，好似喇沙粉溝咗好多椰粉一樣，食落似拌麵多過湯麵。老鼠粉普普通通，炒得夠干身，有D 小魚幹 炸花生 肉碎 菜脯碎 嚮上邊，都算香口，若果有芽菜絲會再好味D。買單下午茶時間138，下午茶都有加一，總體來講，唔想再次幫襯。