🇸🇬🥢🥣特色新加坡x中菜▫️免茶錢▫️食物份量有大中小選擇☑️餐前小食-雲耳 -$15一坐低就送上餐前小食，雲耳都算大碟，酸酸辣辣幾開胃，呢個份量$15算幾抵。☑️菜香鐵板豆腐（細）-$108呢個收費較貴，豆腐吾算好大件，但入面真係好滑，甘大件炸完都冇爛，真係功夫菜。個調味好好味，下面有蛋，上面有大量肉碎，口感豐富。☑️喇沙湯海鮮米線 -$83喇沙嘅湯底顏色較紅，有d油但唔會好辣，椰汁味都香，湯底惹味，米線軟硬度剛好。配料都唔少，有豆卜、半隻雞蛋、魚片、蝦、蟹柳。蝦都幾彈牙。☑️蝦味魚子蝦球炒飯（細）-$83細嘅炒飯大約可以裝到四碗，都唔算好細，炒得幾有鑊氣，飯粒粒分明，有唔少魚子增加口感。Menu話原來米飯有用蝦湯煮過，啖啖蝦味，齒頰留香，配埋蛋同埋蔥花，味道一流。☑️漁香茄子煲 -$88茄子用煲上超熱咋咋聲，茄子用油泡過幾入味，茄子肉淋只是比較油膩。另有大量肉碎，調味微辣惹味。☑️金銀蛋浸時蔬-$88呢個幾清新，上湯好飲唔會重味精，唔會好鹹。除咗菜，仲有唔少肉碎同埋皮蛋鹹蛋，但如果可以再多啲菜就好啦。☑️脆皮蝦醬雞中翅（細）-$103叫細份但都有8隻，好彩我地有4個人，2人食就太多了。雞翼大隻炸得好香脆，小心熱親，肉嫩，好食的，但唔係好食到有蝦醬味。…查看更多
