民華餐廳

營業中

休息中

每次行金魚街我最喜歡到民華餐廳食飯， 佢哋嘅咖哩牛腩飯$50特別好食， 咖哩味香濃帶微辣， 牛根和牛腩非常入味，飯面層還有一隻煎蛋， 味道非常豐富。 今次試下盅頭飯， 叫咗一個章魚肉餅飯$29， 味道又唔錯喎， 份量剛剛好， 章魚肉餅好香， 仲有幾款不同的盅頭飯下次可以試下。 飲品方面有茶走$和凍啡少甜$13，民華的飲品都算有水準，無論奶茶和咖啡都做得唔錯。其實這裏的常餐和西多士都好好吃， 所以我經常都會到這裏吃午餐和晚飯的。👍🏻

同弟弟幫父親大人去‘金魚街’買魚糧，見午飯時間，隨便找間餐廳食個lunch，見到此店都幾光鮮而且我又未試過民華，就入去試試咖哩牛腩飯-每款咖喱一個太陽係此店嘅特色，蛋汁與飯撈均已很好味，再配埋香濃嘅咖喱，咖哩汁有少少辣更加開胃常餐款式配搭非常多，任君挑選，而我選了餐肉炒蛋配多士，同沙嗲牛肉公仔麵，炒蛋香嫩細滑沙嗲牛肉公仔麵-沙嗲味勁濃，撈勻後令湯底變成沙嗲湯底，超好味，不確喉，另一方面公仔麵煮得超彈牙西多士-賣相吸引，外脆內軟，整塊金黃色，應該系即叫即炸，可以揀糖膠或煉奶，而我今次揀左糖膠燒賣-茶餐廳有點心食，真少見，點了一碟燒賣試試，不止價錢平，質素比大酒家高凍鴛鴦- 奶滑，茶香，啡香，一杯可感感受到三種味道凍奶茶- 雖然是凍飲，仍然感覺到茶香奶滑，非常高質

同阿媽行金魚街既寵物店買野，大約12:30pm 阿媽肚餓，佢話想食咖哩飯，真係考起我！然後諗起之前食過民華有咖哩牛腩飯！咖哩牛腩飯：勁香咖哩味帶少辣，d汁又濃椰香味，薯仔&牛腩好淋，仲有牛筋，又淋又滑，配白飯一流，阿媽食又大半碟！常餐鮮茄牛肉通：勁濃郁既鮮茄湯底，牛肉好淋，份糧好多！配太陽蛋，腸仔&多士呢個常餐好抵食，好味而份糧多！西多士：見到隔離枱食，我又點了一份，麵包勁厚，外面香脆，裡面係軟淋淋，配牛油鍊奶，好香好甜，肥都抵！阿媽高估左我個食量，佢叫左燒賣，我真係食唔落，阿媽自己食，佢話蝦好爽口，好味！餐飲，我要凍檸茶，茶味香濃，檸檬好新鮮！阿媽要熱coffee, 佢話好香濃！

民華在不同地區都有分店，咁啱響我樓下有一間，要是我得閒就會去幫襯，最鍾意食佢嘅常餐😋佢嘅常餐（$38）最正係佢的炒滑蛋同多士，炒滑蛋超正就不再話下，佢嘅多士即叫即烘，微焊底，咬落口仲好脆又亂笠笠，之後就非常之鬆軟，牛油亦都搓得好均勻好正啊！茄牛通番茄湯超濃郁，滑牛都好嫩滑，通粉索曬啲湯都好正啊！所以晚餐如果我諗唔到食乜嘢通常都會嚟呢度食個常餐就好滿足了。另外朋友就揀咗一個咖喱牛腩飯（$50）咖喱味濃唔算好辣，都好惹味！牛腩都算多不過偏瘦，飯有啲濕，可能咁啱嗰一煲飯嘅問題，如果飯乾身點就正啦！另外我哋仲點咗啲點心好似燒賣雞扎咁樣，都不過不失啦😝不過以價錢嘅實惠同埋味道嘅水準來講，民華餐廳絕對係令人滿意嘅茶餐廳之一。———————————————————店名：民華餐廳 環境🏝：8/10服務💁🏼‍♀️：8/10 價錢💰：8/10食物質素🍝：8/10 整體🙆🏻‍♂️：8/10 地址：旺角通菜街153-159號華鴻大樓地下C及D號舖

星期六LUNCH時候黎到, 餐廳近乎坐滿, 不過茶記特色, 來得快又去得快, 好快就搵到2個位, 繁忙時間2個人都要坐同1邊卡位, 我同友人都唔算肥果D, 但都係岩岩好坐得落, 袋都無位擺.........ANYWAY, 今次黎到一心想食佢個茄通, 叫左個常餐, 同咖哩牛腩飯。落左單都等左成10分鐘先有野上枱, 唔鐘意光速用膳既我表示滿意, 至少唔會坐多一分鐘都覺得唔好意思,先黎火腿炒蛋多士.  多士入面既牛油搽得均衡, 烘得香脆. 可見餐廳有一定要求, 炒蛋算滑得黎又唔油膩, 食得出唔係靠牛油去令佢滑身 食到咁上下蕃茄叉燒通都上枱, 湯底濃郁唔咸, 叉燒淋身, 味道好, 通粉質地唔會發脹得好緊要果隻, 慢慢食都唔會變到1PAT PAT, 果然係招牌, 同好幾年前食都無咩降水準另外咖哩牛腩飯, 份量比得慷慨, 咖哩汁夠香唔辣, 牛腩淋身但有些少鞋口, 但質素還是不俗, 有驚喜! 食完又唔會趕你走, D食物又唔係BABA聲咁上, 我都係比較喜歡可以欣賞食物的速度, 比起光速餐, 我更喜歡民華