順日本料理 (已結業)

鐘意食牛舌既男朋友話想試下呢間 我地就飛左過黎食🤣 呢間系牛舌關注組排第一位 一於試吓佢 厚燒牛舌飯 等左成3個字 終於都上枱 一上就眼前一亮見到有5大舊🤩 本身以為咁厚難燒得熟透 但食落去覺得似系煮過先再燒一燒 有果種食落去爽一下果個口感 但唔太明顯 飯都唔錯食 仲有小食可能太多牛舌 又大舊 食到好濟😂 咖喱厚切牛舌飯 呢個再大舊d 但系得3舊 咖喱就正正常常牛舌個人認為呢個好食d 個口感再重d如果女仔食 呢兩個餐可能會太多😂本身牛舌就重脂肪 食得多就唔太想再食😂個人認為可以再食 但兩個人就唔好揀兩份牛舌🥹

🙃近排疫情開始緩和，又慢慢開始放寬食肆限制，仲要難得有長假我地梗係出去搵食啦😆有睇開我地食評應該都知我地兩個好鍾意食牛舌，今次竟然發現天后有間專做厚切牛舌嘅日本料理，我地梗係要試下🤩🤩鋪頭其實位於天后同炮台山中間位置，兩個站行去都大概要5-10分鐘左右，而佢開正午12點, 午市只做到2:30pm因為牛舌好快會賣哂，要去就留意返時間啦😌(我地果日1點去到要排成個鐘先入到去，差唔多賣哂，建議盡量12點前好到啦😎 不過絕對值得等待!)黎到呢到梗係要試牛舌啦，我地叫咗佢招牌嘅➡️"厚燒牛舌飯"，同➡️"咖哩厚切牛舌飯"，實行全牛舌宴😂😂➡️"厚燒牛舌飯"一黎見到真係好厚，睇圖會見真係有近兩隻手指咁厚😱😱，而且好香燒烤味，面頭加左黑椒同醬汁去燒，邊位烤到微焦見到好吸引😍份量仲要好多，有成5片咁多 (佢見係女士會同細心安排少飯，唔洗驚食唔哂👍🏻)，一啖咬落去就算咁厚都唔會有韌嘅感覺，入口好鬆軟但食到尾又會有彈牙嘅口感，火喉岩岩好😋醬汁同飯好夾 (好似話唔夠可以加飯😆😆)，加埋腌瓜又唔會太滯，真係一定要黎試下👍🏻➡️"咖哩厚切牛舌飯"，咖哩係日式咖哩，比較甜而不辣，但係香味非常濃，厚切牛舌比燒牛舌更加軟淋，

「天后牛舌」真係好好好好食，由排隊到入座到開始用餐大約等了75min，雖然時間一分一秒咁過，但係美食同美女一樣，一定令你難忘才值得你付出時間、耐性去等！牛舌一入口肉汁充滿，而且肉質亦好軟腍，雖然厚切但一啲都唔會韌。記得記得要點厚燒的，香口好味！另有一款係咖哩汁的，一般啦！唔能夠突顯牛舌囉！職員姨姨好得意，問我哋邊份係女士食的？我心裡充滿疑問？！到送餐時，哦！明白了！原來女士食的會自動少飯。哈哈！真貼心兼環保呢！店舖坐位係有上下兩層，而樓面只得2個人做嘢，所以要有耐性，不是隨傳隨到得心應手㗎！同埋牛舌真係好銷得，開店2小時就沽清！