鬼金棒

營業中

休息中

之前黎鬼金棒食都有試到佢地最出名嘅麻辣拉面，因為我本身唔太食得辣嘅，但自從睇返之前嘅花姐ERROR遊之後，就好想試一次，由於今次係我第一次試所以就試下個小麻先，費事一陣太勁浪費左個拉面。叉燒肥瘦岩岩好，唔會太肥食到好油膩。拉面面都算粗身，所以都可以掛湯，而面質都算煮得軟硬度適中。增量玉米筍$30，其實個拉面本身都有玉米筍，但我個人認為呢度嘅玉米筍特別爽口清甜，而表面烤成微啡色食落會有種焦香味味。增量玉米筍有大半個拉面碗咁多。流心蛋煮得岩岩好，蛋黃汁不斷流出嚟。

見到門口裝飾得好有日本怪奇風格🇯🇵好有趣🤣 呢間日本黎既拉麵🍜可以自己選擇麻度同辣度🌶 有興趣既就可以挑戰魔鬼級👹⭐️ 增量叉燒辣麻味增拉麵 🥩首先試一試佢湯底 🍲 味增味唔係特別濃郁 因為第一次試 所以叫左小麻小辣 😅 原來麻味來自山椒🍀 輕輕既刺激感好吸引😈 仲稍嫌唔夠過癮🤣 叉燒非常值得一讚👍🏻有點似日式既東坡肉咁入曬味🥓肥瘦相間既叉燒口感非常邪惡🤤 麻辣湯底另一好處就係可以中和埋湯底既膩😋 ⭐️ 味玉辣麻味增拉麵 🥚呢一碗拉麵叫左中麻小辣 口感更加刺激同入味😋 味玉都幾出色🥰 有半流心既效果亦都非常入味💕

這是我第二次光顧鬼金棒，當然是因為對第一次的用餐體驗十分滿意。點餐是使用手機掃code的方法，不會有落錯單的情況，同時侍應亦相當好客有禮，可以向他們請教有關使用方式及拉麵的特色。兩次我都點了一樣的拉麵-- 味玉辣麻味增拉麵，而男朋友就再加點了一份叉燒。拉麵湯底是使用罕見的辣麻味增，麻度辣度都可以分別自行選擇，符合哂香港人的心水。我剔了中麻小辣，平時三哥食開小辣的我覺得游刃有餘，食開更低辣度應該都無問題。湯底比起一般的拉麵來得濃郁很多，適合重口味的朋友。每口都係油而不膩的湯汁，香滑彈牙的拉麵，配上軟腍大件的日式厚叉燒，一邊寫食評一邊留口水。但溏心蛋就相對沒有驚喜，淡淡酒香咸味到位。不過男朋友就不是愛好者，可能食開清淡口味的人未必會欣賞。回想這次的用餐體驗都是十分愉悅，坐位雖然可以再加改善，但裝潢擺設都很有日本拉麵店的感覺，而且員工有禮熱情。我會推介大家可以於6點左右的時間去，避開繁忙人流要排隊及擁擠的情況。