吉豚屋吉列豬扒專門店

營業中

休息中

今日因為多嘢做，全日都冇乜點食野，淨係飲杯珍珠奶茶就直落到黃昏時間。咁啱約咗朋友喺荃灣西等，食個晚飯後再去附近商場行街，成日冇食過野嘅小弟諗住食啲香口野，最好當然啖啖肉可以大快朵頤。一出港鐵站行到去如心廣場嗰邊，望一望個商場水牌搵嘢食，見到有間吉豚屋，即刻諗起佢啲吉列豬扒，二話不說拉埋朋友衝過去食。《吉列豬扒定食》話明吉豚屋，梗係食佢嘅招牌吉列豬扒，食落去啖啖肉，一陣前所未有嘅快感直衝腦袋，配埋定食入邊嘅其他配菜，簡直是食肉獸嘅福音，一啖吉列豬扒滿足「肉望」，再加一啖生菜絲沖走油膩嘅感覺，來來回回幾個回合，話咁快就成碟K.O.咗。食完之後回想返成餐飯，都算對得上呢個價錢。唯一美中不足係店員態度比較一般。餐廳名稱：吉豚屋吉列豬扒專門店餐廳地址：荃灣大河道98號如心廣場二期一樓116號舖

🌕🌕🌕🌕🌑🍽吉列豬扒定食 跟白飯加野菜豚肉湯(小) ($69)😋炸豬扒有120g，大過手掌😋炸皮同肉唔會分開，炸得好脆🙂豬扒自己本身冇調味，味道倚靠自己落嘅豬扒醬🙂唔落醬就可以食到本身嘅肉汁😋豬扒帶少少筋，軟腍而Juicy😋椰菜絲嘅粗幼統一，係好幼細😋椰菜絲配上任你落嘅芝麻醬，非常清新🙁定食碗飯就比較細碗😋碗湯就好有誠意，好重麵豉味😋入面仲有煲到溶晒嘅洋蔥，同埋三至五塊油花好均勻嘅豚肉片🌕🌕🌕🌑🌑🍽滑蛋吉列豬扒飯 梅:80g豬扒 ($49)😐滑蛋只係薄薄一層，黐住係炸豬扒上😐滑蛋豬扒飯嘅炸皮同塊豬扒煮完之後分離，無咁出色🙂塊豬扒吸晒滑蛋汁，甜甜地好好送飯👍🏻正正經經食翻最簡單嘅吉列豬扒定食最滿足👍🏻任落嘅芝麻醬同豬扒醬，多汁少汁由你揀🙌🏻晚市定食都唔包野飲，要自己加錢嗌

荃灣如心廣場新店陸續開張，見到有間連鎖集團吉豚屋吉列豬扒專門店新開張，都有幾多人排隊，見咁強人排隊，當然要試試啦，大約排左十幾分鐘就進店，入內店的位不是太多，所以坐下來都有小小擠逼，先睇餐單，我就叫咗個吉列豬扒定食，我女朋友就叫左個滑蛋豬扒飯我就叫左個吉列豬定食，首先請份量，豬扒夠大份，飯就正常，味道方面豬扒都好有肉汁，唔會太乾，飯就使用珍珠米至於滑蛋豬扒飯就有蛋汁撈飯一流，吉列豬扒就乾身D，但旁邊都有好多豬扒醬汁供選擇總結來講價錢正常份量正常味道唔錯，值得再試