8鍋臭臭鍋 (謝斐道) (已結業)

晚餐想打邊爐一人一鍋 又想有少少台灣風味 記得朋友都有推薦過臭臭鍋 就走左黎試啦好彩即興黎 排隊唔算等咗好耐 每個鍋都好有特色好吸引 不過難得一場黎到 想試返最正宗嘅台灣麻辣火鍋 😋就叫咗一個台式麻辣鍋😍 最吸引我嘅係入面有好多我鍾意食嘅配菜 例如鴨血 豬大腸 甜不辣 肉嘅份量都好足夠 湯底叫咗小辣🌶開始食嘅時候啱啱好 食到後期個鼻就係咁流鼻水😂下次有機會都想試辣少少 同行嘅朋友就叫咗個芝士牛奶鍋 風味就比較似日本🇯🇵 佢一路食一路話湯底同啲餸都好清甜 兩個鍋入邊都有各自配左烏冬 麵 同粉絲 食到飽一飽🙂 另外仲叫咗兩杯飲品 想讚一讚冬瓜紅茶唔會太甜 好似喺台灣夜市買到嗰種😍成晚見到個場都幾多人 有少少美中不足係服務員都比較忙 可能揮手都要等一陣佢地先會過黎serve 如果下次黎應該都會揀返平日下晝啲時間 會比較好

今日想食d濃味少少既嘢想打邊爐但又唔想太heavy一人邊爐就啱曬啦！台式麻辣鍋 小辣因為麻辣通常會越食越辣所以叫小辣好似穩陣d🤣menu上面有好多選擇每個鍋下面都會詳細寫有咩配料而我呢個就有肥牛 豬大腸 麻辣餃 丸 豬紅 血米糕 大量菜 蜆 花枝丸 魚糕 金菇 半個公仔面 油條等有得配飯或粉絲原本想要飯但店員話要等半個鐘😅肥牛都有好多塊有沙茶醬可以點 好好味菜係有好多 一路食到尾份量真係好足 同都夠辣 😙仲叫左個小食 台灣腸(蒜味)都係份量好多 食極都仲有好香蒜味嘢飲就要左盆栽奶茶朱古力奶茶上面有d oreo碎唔係特別甜 接受倒既甜度~都幾好味啊

八號風球後的上班日，天氣還是陰陰沈沈下大雨，同意建議去食臭臭鍋，原來是一人一鍋，非常適合為我在這天氣下驅寒！原來這間臭臭鍋來自台灣，在中港台都有分店。午餐都是$88，包一個鍋+白飯/粉絲+飲品，價錢都ok。鍋有九款可選，有辣有不辣，每款的餸有少許不同，同事叫左招牌臭臭鍋，可以揀不辣至大辣，果然係有些「臭味」，哈哈！有點似臭豆腐咁囉！至於麻辣鍋（小辣），我試咗一啖湯底，辣嘅程度可接受，都有幾香嘅麻辣味。另一個同事叫藥膳羊肉鍋，藥膳味好香，感覺有啲似肉骨茶，又偷食左佢一舊羊肉，帶點羊膻味，不錯不錯！我就要芝士牛奶鍋，黃黃白白嘅湯底有濃郁嘅芝士味，幾鍾意呢個湯底。啲餸離不開是丸類、菇類，感覺都幾似打邊爐，呢個鍋本身有少少烏冬，再加埋套餐裏面嘅粉絲，開頭覺得粉絲份量不多，但食晒成個鍋之後係飽到上心口。餐飲本身係泡沫紅茶或抹香綠茶，但可加$7轉$30以下嘅飲品。見佢有個人氣推介叫做「盆栽奶茶」，貪得意試吓，原來係有好多Oreo朱古力碎碎喺面頭，因為好似泥土所以叫做盆栽，味道都OK啦！佢仲有其他鍋我都想試，例如沙茶牛肉鍋、蕃茄白豚鍋等等，有機會再嚟先！

之前係尖沙咀已經試過呢間臭臭鍋 近排聽人講係銅鑼灣開咗分店就心郁郁去試下舖頭裝修企理牆上面擺咗佢地咁多間分店嘅相 台灣感覺即刻返曬黎由於我地之前已經點過招牌鍋 今次一於試下唔同野 嗌咗台式麻辣鍋同埋蒜香牛肉鍋  食臭臭鍋最開心就係佢每款都有好多唔同配料 加埋白飯或粉絲同野飲都只係$88 實在超值野飲除咗跟餐綠茶之外可以加$8轉台式特飲 我地就嗌咗金桔檸檬梳打 佢個金桔係帶少少鹹味 配上檸檬的酸相當開胃 啱曬我地要大刷一餐上野食了～第一個係台式麻辣鍋 相當足料有牛肉片、魚蛋、沙白、魷魚、金菇等等 每樣都有幾舊一啲都唔寒酸仲有公仔麵啱曬個辣湯底 我地叫咗小辣就啱啱好 香得黎又唔會搞到難入口之後就到蒜香牛肉鍋雖然一樣係牛肉做底 但佢地為咗配合湯底都揀咗啲唔同嘅配料 好似粟米 蕃茄咁就夾返呢個mild d嘅湯底 都係一個唔錯選擇～最後因為個鍋太足料 我地幾經辛苦先刷得曬 下次一於要試埋8鍋其他鍋底

秋冬來了，又係打邊爐嘅好日子😋今日去咗銅鑼灣嘅8鍋臭臭鍋同朋友一人一鍋~一人一鍋就最好架喇，大家可以選擇唔同嘅口味呢度都有唔少嘅鍋底選擇，朋友就選擇咗呢度嘅招牌臭臭鍋，我就鐘意食辣，叫左台式麻辣鍋！飲品方面我就叫咗個芒果鮮奶沙冰，希望可以解下辣啦！調味料都有完美比例去比你參考，分別有豆瓣醬或者沙茶醬，我就覺得豆瓣醬比較惹味啲喇！🔶🔸招牌臭臭鍋🔸🔶好足料，望落去都覺得好大鍋！佢叫臭臭鍋係因為入面有臭豆腐，但其實聞落又唔覺得非常臭咼。湯底好味道，雖然我朋友選擇無辣，但都好惹味！我食左朋友嗰鍋嘅臭豆腐，臭豆腐一入口就黎料喇，都幾大味架，幾過癮！鐘意食臭豆腐嘅人一定會好鐘意食臭臭鍋！🔶🔸台式麻辣鍋🔸🔶睇個樣已經知道:正！我叫左中辣，飲左啖湯！辣度剛剛好，唔會太辣入唔到口，但又會辣得夠過癮，而湯底好濃！打邊爐邊少得牛肉？牛肉嘅份量都好多，又唔會太多肥肉！米血糕今次我第一次食米血糕，我以為好淋，原來入面係由米組成，好有咬口！加左入麻辣湯底，吸左麻辣味就跟惹味！有粉絲吸埋啲麻辣湯底就更加食到麻辣嘅威力好辣又好過癮呀！粉絲份量仲要唔少！呢個時候湯底已經越食越辣，再加埋泡麵收尾，吸左麻辣湯嘅味道，加上泡