老馮茶居 (大棠路)

香港人喜歡「飲茶」，一盅兩件「飲茶」文化，世代流傳。餐廳裏面的裝潢，公雞碗具，一桌一櫈等等，都很有年代感，感覺像穿越時空回到六七十年代同撈同煲、同舟共濟的東方之珠。先不說這裏氣氛懷舊，連幾乎消失於茶枱的千層糕也能吃到，而且咸蛋黃味很重，沙沙的口感，咸甜交集，齒頰留香。叉燒包餡料足，有叉燒肉粒。…查看更多

老馮生意太好喇！門口經常人頭湧湧，以前要等半小時以上先有位，幸好老馮已經擴充營業，等候時間縮短了，今次等左一陣就有位。《古法千層糕》每次光顧都必點古法千層糕，但晏一點就經常售罄，今次好好彩呀有口福。這種千層糕制作時間長又複雜，所以好難起其他地方找到。而味道方面就唔太甜和有滿滿的咸蛋黃，好正呀！《蝦餃》大大粒蝦餃皮薄餡靚，蝦肉好多又夠新鮮。《八珍糯米雞》有大大隻雞翼、臘腸，雞肉粒和咸蛋黃，size都幾大隻食完好滿足。《黑椒牛仔骨》夠淋夠入味，一籠有五至六件都幾抵食。老馮除了是中式茶居，原來仲有奶茶咖啡提供，特別推薦齋啡，咖啡味好香濃好正架，不防一試呀。…查看更多

充滿六七十年代的香港🇭🇰懷舊風味茶居💛💛連餐具都係用公雞🐓🫖、碗、碟、杯，食落更加有feel💛💛💛五柳炸雲吞 脆卜卜既皮包上大蝦 點上甜酸汁更加惹味🤤金牌炸芋角💜外面炸得夠鬆脆 內裡仲有芋泥加豬肉碎 食落夠哂香口😋山竹牛肉球🐮 大大粒 好香芫荽陳皮味 仲咬到馬蹄粒夠爽口香滑牛肉腸🐮 厚身香滑 每啖都咬到牛肉餡鵪鶉蛋燒賣皇 而家好少地方可以食到 咬落去爽口彈牙 燒賣皮仲好薄 值得一試👍🏻蟹籽燒賣皇🦐 豬肉唔會太多肥膏夾埋啖啖蝦肉夠爽口彈牙古法千層糕 夠鬆軟 每啖都咬到粒粒鹹蛋黃 鐘意食鹹蛋黃嘅一定要試吓😋魷香肉餅飯 肉餅帶有魷魚香味 撈埋飯食勁香口🤤食住一盅兩件 仲可以欣賞下懷舊嘅擺設牆身仲有舊式嘅公屋感覺 感受下香港🇭🇰情懷…查看更多

諗住行河背水塘 千里迢迢入左元朗 行山前緊系要食飽飽先有力行😂 好耐無飲過茶 決定左去試下呢間茶居 朋友四方八面咁黎 到既時間吾同 所以早到既人就拎位先 茶居齊人先入得 我地好好彩 一齊人就入得😆叫左好多樣點心 評語如下外皮脆 入面系芋蓉 平時吾食芋頭既我都覺得好好味皮都脆 但味道普普其實我吾好鯪魚球 因為吾中意陣芫茜味 但佢呢個出色 無食到芫茜味 似炸魚旦 點左蜆介醬之後有啲太䶢芋泥包 食落似流沙奶黃包 芋頭味吾出 但都好味既 同真 流心！會叫千層糕 純粹系門口見報紙影到好特別 覺得同平時見個啲吾同 食左之後就覺得叫得好 佢有啲似食月餅🧐個種texture 吾識形容 不過系好味既見到個名幾得意所以叫 原本以為系腸粉包住牛腩 點知原來系湯腸粉咁 有啲失望 腸粉單食吾入味 牛腩味道都吾錯既最後叫左個魷香肉餅飯 飯系硬飯 中意咬口既朋友就岩食 豉油如果淋埋飯上面就好 因為佢系淋左系肉餅上 比肉餅吸哂啲豉油 所以無咩豉油可以撈飯😅 可惜了P.S.繁忙時間一張枱只可以order 一次 大家要好好珍惜🤣🤣…查看更多

諗住夜晚少啲人飲茶唔洗等咁耐🤫星期六既夜晚7點黎到都等左35分鐘左右先有位🥲🥲店舖細座位唔多難免排隊時間較長🚶🏻‍♀️🚶🏻3個女仔叫左11個點心😂😂咁難得黎到樣樣都想試🤰🏻❤️推介流沙芋泥包 $20 ，評分:9/10上枱熱辣辣不過偏細隻，中間勁流沙唔會過甜絕對滿足到芋頭迷😍😍❤️推介咖喱蒸魷魚 $23，評分: 8/10魷魚入味重咖喱香但唔辣👍🏻肉質彈牙大件😋❤️推介❤️古法千層糕 $23，評分:8/10其他點心都唔差😋比起一般酒樓好好多先😵‍💫😵‍💫蝦餃大大粒皮唔會話勁厚👌🏼桂圓紅棗糕意外地唔會太甜，質地好彈好Cute🤣🤣炸芋角勁足料好有飽肚感🤛🏻…查看更多

晚上和朋友來飲茶，第一次試他們的點心。懷舊風的裝修幾有心思，值得加分的。我們四個人叫了八款點心，茶介每位$5，埋單每人大約$50，好抵！金牌炸芋角 $18一碟兩隻，喜歡芋頭的一定要試！酥脆外皮包着芋頭蓉，完全不油膩，幾好食！蜜汁叉燒腸 $22腸粉皮都幾滑，幾個人好快就食晒。老馮鮮蝦餃 $30一籠四隻，大大隻都幾足料。薑蔥牛柏葉 $23牛柏葉大大件，幾有口感。四寶滑雞扎 $30正常水準，不過不失。豉汁蒸排骨 $23值得一試，排骨好大件，幾鬆化，肉質一啲都唔實，幾入味。古法千層糕 $26第一次食，一層黃一層白好靚，橙黃色的食得出有鹹蛋黃和椰絲味，幾香，食一件都好夠，多食會滯。片香馬拉糕 $18正常水準，不過不失。點心水準不錯，茶介也不貴，下次再來！…查看更多

打工仔既你日頭飲吾到茶可以夜晚飲啦喂😂最好既係全日供應放假想飲個茶又吾想同人迫又吾洗限時又限刻去飲茶多麼的精神🙈佢店外店內都好有茶樓氣氛而且好有懷舊的風味好懷念即感覺😍點心樣樣都好好食所以吾洗我介紹啦😂自己去試下啦🤩重點一提講到好似賣廣告咁但其實我無收錢的🤣不過只係好食好氣氛先跨張左個個古法千層糕真係要試下因爲好特別的感覺…查看更多

一踏入店入面，已經被佢地店内嘅裝修吸引我嘅眼球元朗一帶好多店樓底高，正好有足夠空間給老馮茶居發揮。即刻坐底飲啖茶食個包抖抖先嘢食價錢都好平民，好底食！而且係不收茶錢！…查看更多

最近，又一股熱潮襲港，就係懷舊風潮。似乎人人都對過去嘅事物念念不忘，衣着行復古風，餐廳亦以懷舊作招徠。位於元朗嘅老馮茶居就係一間仿照六十年代老香港茶記，可能你會誤以為係一間老字號，但其實餐廳老闆係位80後年輕小子，令人大吃一驚。店裡裝潢令人如置身於當年舊式廉租屋，鐵閘鐵窗、雜貨店、士多、錢莊等等。座位分開兩邊，中間圓枱摺櫈任君選擇，具有港式風味。一間懷舊餐廳除咗裝修要有賣點，食物質素都要有水準。老馮茶居就搵咗有40年經驗嘅點心師傅老馮先生坐鎮喇。呢個招牌菜用缽仔蒸飯係傳統客家做法，先蒸飯底約五分鐘，再加入紹興酒炒香蝦醬，混合腩仔後再連同米飯蒸多十分鐘，米飯乾身得嚟帶有米香。令小編覺得有驚喜嘅仲有做法花盡心思，先將肥豬肉汆水，冷卻後再加糖醃成冰肉，混合糖冬瓜、鮮牛油、鹹蛋黃、椰絲，然後冷藏45分鐘，再同千層糕包皮梅花間竹疊起，再分兩次合共蒸45分鐘，工序咁複雜，食落都感受到絲絲甜意。傳統點心就食得多，都係第一次食，鵪鶉蛋蒸到內裏軟心，連先打嘅豬肉及蝦肉餡，咬出啖啖鮮香。…查看更多

老遠從寶林走過來元朗，最主要就是來飲茶。看到這間老馮不單是普通一間茶樓，更是裝潢懷舊的茶居，於是便決定帶爸媽來共渡午餐。黑色的杞子桂花糕$16，應該是用了黑糖吧，清香的桂花味不太甜。蝦醬蒸腩仔飯$38，蝦醬蒸腩仔送飯一流，飯粒軟硬度適中。老馮鮮蝦腸$25，我最怕腸粉皮過厚，但這個沒事，好味。古法千層糕$22，好味多餡，但我比較想講後面的咖喱蒸魷魚。咖喱蒸魷魚$22，咖喱汁正不在話下，重點是魷魚好彈牙好爽，一點也不會很難咬。老馮鯪魚球$23，還有後面的鵪鶉蛋燒賣$28，也很不錯。整體而言，茶餐廳格局以懷舊茶居為賣點，食物質素高而且便宜，星期日飲茶，居然每人$80，好抵。…查看更多

「但願時光可倒流，流到...................」甫坐下，「老馮」的黑紅筷子隨即湧上心頭，講不出聲、講不出聲.....曾幾何時我也手執過同一模樣的筷子，要不是「老馮」把它從記憶堆填區裡挖掘出來，早已像沼氣般燃燒掉了！筷子依舊身輕如燕，還記得每當用舊了，黑紅的薄膜便會剝落。茶介每位 $3大元，所選的普洱茶有色也有味，質量算是不錯，莫非收費倒流到80年代嗎？那邊廂的鋅鐵，甚有寮屋的面貌，再由信箱、洗面盆和膠板襯托，令我想起粵語長片的屋漏偏逢連夜雨。抬頭一看，曾是屋邨仔的您、我可會有共鳴？從前供幾百萬人發奮向上游的安樂窩，現在境況就如晾衫竹上的濕衣衫，洗濕了頭，卻上落不得，停滯不前！小時候我住十六座，樓下就是親切的士多、藥材店、冰室、茶居，當然少不了一間糧油雜貨店。拿著幾塊錢跑到樓下，替在燒飯的媽媽購買豉油的情景，幾乎每家每戶也曾發生。屋邨樓下應有盡有，那時連鎖超市及大型商場還未誕生！一瞬間，景物帶來許多許多的回憶，事實上「老馮」裡裡外外都是故事與回憶。「老馮」背後帶出從前反叛的兒子，經過歲月的磨鍊，跟當點心大廚的老父攜手結成現在的父子檔，老父負責廚房，兒子則處理舖面的營運和管理等工作，開展出父與子、及一家人擁有共同回憶的生意。老馮鹹水角帶有嚼感的皮層，與一咬即透出蝦米和韮菜香的鹹香味兒，喚醒我第一次嚐鹹水角刻入味蕾的記憶。不知怎的，後來鹹水角再沒有這種風味！不過時代變遷，說不定大家或會嫌棄那古早風格的皮太厚、餡太薄！我不太喜愛腸粉，要吃的話，齋腸和蝦米腸會是我的選擇。可是老馮鮮蝦腸的滋味，非嚐過者也不會理解。腸粉皮滑溜，倒入甜豉後，溢出一點米香；所選的鮮蝦體型較大，一條腸粉只能容下兩尾，加上肉質自然，爽彈鮮香，相信不少知名酒家也望塵莫及。鵪鶉蛋燒賣皇及古法牛肉球同是精美懷舊點心的系列。鵪鶉蛋燒賣皇底層混合了豬肉與蝦肉，入口肉汁鮮甜、香氣怡人，與及豐富的嚼勁，大廚的功力可見一斑！我喜愛古法牛肉球的鬆彈質感，可是果皮香氣不夠清新，這是唯一的缺憾！蝦醬蒸腩仔飯採用缽仔蒸煮，飯粒乾爽，鬆緊有致，口感的確一流；蝦醬輕輕包裹著肥瘦均勻、爽彈的腩仔，輕放豉油，香而不鹹的惹味，足以掃光米飯。聽聞古法千層糕依足傳統方法炮製，頂層採用了叉燒包的皮層，繼而放於大蒸籠蒸製。不過質感則較為鬆散，一挾即碎開。至於千層糕的餡料，椰絲用量不少，入口「沙沙」作響，若然蛋黃再濃一點便完美了！如果時光機真的存在於世上，但願時光可倒流，流到您我屋邨仔那個安樂時候。那時沒有猙獰的政客，更沒有出賣良心和收受維穩費的國保神獸，導致香港本末倒置、是非不分、只能向左的倒退局面。「但是時光不倒流延長下去只加深苦痛更是難受可否還我自由...............」…查看更多

今日難道茶意濃時，加上想起元朗家附近最近開了一間新的點心餐廳，就約了朋友去食晚飯，餐廳內裡環境裝修都是模仿六七年十年代，感覺都幾舒服。由於不太餓，所以大家只是點了4個點心，窩打牛肉飯 & 鵪鶉蛋燒賣皇味道不錯，但可惜就是鮮蝦腸的粉皮好硬；蝦一點都不新鮮導致口感不彈牙，其次最失望的就是千層糕，眼看有三層，頭第一層，白色麵包皮口感好硬；第二三層已經混合了成一層分不開， 餡料同麵包店的雞尾包沒分别，硬硬的，只食到椰絲味。價錢比一般酒樓點心貴少少，但水準卻比不起酒樓。…查看更多