古今二 (荃新天地)

營業中

休息中

🕖時段-星期五夜晚今次第二次來食了😋 上次星期六來lunch只坐左幾枱 今次星期五夜晚7點半去到已滿座 仲有幾個人係門外排緊隊 我同朋友2人都等左大約20分鐘才可入座 _▫️清酒煮蜆 $128酒味香濃 蜆有好多隻 熱辣辣咁上 鍋入面仲有啲昆布同金菇 食完係幾滿足 (唯一略嫌有少少沙🙈)_▫️蜘蛛 $96炸軟殼蟹卷物 軟殼蟹脆口🦀 卷入面配料豐富~有牛油果 蟹柳 同青瓜🥒 _▫️搖滾樂 $82又有鰻魚有有炸蝦既卷物! 好濃鰻魚燒汁味 配芝士同牛油果都幾夾 _▫️古今日式煎餃 $56共有6隻 皮薄饀滿 比較清淡 點醋食好食啲😛 煎燶多dd會更香脆_🍽環境

今次去嘅古今二位於荃新天地，望住廣闊中庭景，非常舒適開揚。龍卷風沙律（$76）個人必點之選，份量多之餘，每樣配料都好新鮮，爽口蔬菜加上鹹鮮海藻、蟹柳同脆片，清新開胃，朋友都讚不絕口！彩虹卷（$116）造型好靚色彩繽紛，卷物上面用咗三款刺身，內餡係牛油果、青瓜同蟹柳，食落比較鮮美清爽。火山（$128）古今二名物之一，睇得又食得，想影靚相記得拎定電話standby，店員等客人準備好就會係長碟兩邊點火，非常適合打卡！青瓜墊底，上面有一座壽司飯山，再鋪滿蟹柳絲加上惹味特製沙律醬同蟹籽，整體口感同味道都唔錯！古今日式煎餃（$56）外皮煎到幾香脆，肉餡多汁，不過餃子皮比較厚身，如果更薄口感應該更佳。

等了又等，終於都可以4人一枱，真係好興奮，忍唔住約朋友仔食返餐好，近近地，選了荃新天地新開不久既古今二。😝比千色匯分店更方便就腳～ 特別中意呢度既窗邊位，chill 爆且空氣流通，食得特別安心。👍餐廳除主打既日式創意卷物外，仲有定食，壽司，刺身，炸物，串燒，沙律等，都幾多選擇。餐牌色彩繽紛，愈睇愈肚餓。😝💮日式麻醬秋葵豆腐沙律 $78爽脆生菜，蟹子，秋葵，中華沙律，滑豆腐，配上大量芝麻醬，健康又開胃。😋💮古今日式煎餃 6 隻 $56煎餃上枱熱辣辣，入口飽滿多汁，豬肉混合椰菜，沾醋食唔錯。😋💮富士山 $88古今二名物，富士山面層鋪滿大量沙律醬，蟹柳，薯片碎，營造出火山爆發的效果，底層牛油果鰻魚壽司清新解膩，愈食愈滋味。😋💮蜘蛛 $96擺盤有驚喜，靚到大家都不停打卡，餡料有青瓜，蟹子，蛋絲，牛油果，蟹柳，酥脆軟殼蟹，配合日式濃醬油，醬香味十足。😋💮手握壽司 B2 $98呢款壽司定食有齊小妹最中意食既鰻魚，油甘魚，三文魚，吞拿魚，款款都新鮮，其中左口魚邊油脂豐富，滿口甘香，令人好滿足。😋🏖古今二 荃灣楊屋道1號荃新天地1期1樓116號舖🌙月光太太