四季文昌

一年前去澳洲旅行，飛過八個小時的太平洋，一到步搭入民宿的家，屋主姨姨遞上一杯清涼椰子水說：「坐了這麼久飛機一定很累吧，喝椰子水解解渴，椰子水對Dehydrate問題好好的。」嘩，這是多貼心的服務呀！自此就愛上喝椰子水，在香港無論做運動，行商場，都是椰子水不離手。當一發現四季文昌這火鍋店竟然用椰子水作湯底打邊爐，二話不說就要來吃吃看！原味椰子雞鍋先用清甜椰子水放湯，原隻鮮雞雞件放入椰子湯。倒轉沙漏，計準時間將最新鮮的雞肉煮至嫰滑。湯頭清甜，椰子肉滋潤。完全能能足椰子控的我，必試無誤！佐賀A5牛肉眼火鍋的選擇不多，矜貴之選非和牛莫屬！貴精不貴多，一人一片，入口即溶，雪花豐腴，日本直送。對自己好啲，最少都要點一碟試試看。其他火鍋配料，點了炸響鈴、手打蝦滑、日本產地直送野菜籃，份量很足，不錯不錯！黑松露龍蝦煲仔飯火鍋有點不夠飽，另點了一個大飯為同檯的男士填肚。真的很大飯量的巨型煲仔飯，黑松露香噴噴，配上大大隻龍蝦，吸晴也吸引胃口。我還搶了龍蝦頭來吃，有蝦膏喔！另外有兩款小食充滿中國風味，海南東風螺、蜜汁糖蓮藕，惹味別緻，小吃多滋味。溶岩南瓜火鍋店來說，這個甜品算是喜出望外，冰凍雪糕放在烤熟的南瓜上，每口都是軟綿綿的香口南瓜肉。非常喜歡這個別出心裁的小甜點！店內的裝潢，盡是現代文青風，吃飯時食物相機食先之餘，環境也謀殺了不少電子菲林！下次可以來玩海南島的Cosplay Theme Party呢！…查看更多

自小我便喜歡打邊爐，不論和朋友一起，和家人一起，還是愛人一起，也總會有一齊「烚下烚下」既時光。早年慶起雞煲狂熱，麻辣雞煲，重慶雞煲，隨處可見，但總找不到一個「沒有熱氣」的打邊爐好去處。早幾日剛好看見報章介紹這間位於太子既四季文昌，當然要立即來試一試啦！是日星期五，不幸要在公司加班，所以大約晚上9點才到達餐廳，心諗，9點幾，應該冇乜人啦。誰不知道上到黎都係要等位，好過都唔緊要，要食好野，等一陣不成問題，而等既時候，當然要到處拍照留念啦！看見這個堆積如山的椰子陣，便知道這間餐廳的主題正是椰子吧！而等候的位置也非常闊落，有SOFA位，有BAR枱位，任君選擇！雖然這是一間火鍋店，但餐廳的裝潢絕對不普通，甚至可以用漂亮來形容，有酒吧很chill的感覺，也有圖書館的書卷氣式，非常FUSION！而餐廳的空間也十分大，一眼看過去，說這裡有50張枱以上也絕不誇張，而且座位與座位之間也有上佳的距離，絕對可以讓客人舒適地享用美食！等了大約10分鐘，店員已經為我們安排座位了，不算等得太久。餐牌不分精簡，一張紙兩個page。套餐有3款，2人，4人，6人，每一款也有餐廳的主打椰子雞，小食，和煲仔飯。而Al La Carte主要的食物選擇，也是椰子雞，火鍋配料，小食，煲仔飯，和飲品。餐桌上的調味料，有青檸，辣椒，和炸蒜。蜜汁糖蓮藕 ($38) 8/10江蘇名菜蜜汁糖蓮藕並不是很多地方可以吃到，而這裡做得確是不錯，不會浸得太多糖水蓋過了蓮藕的味道，而糖醬也能夠浸入每一塊蓮藕裡，不太淋，食落仍然保存口感，很開胃的小食。四季文昌椰青 ($38) 8/10點這個，絕對是為了應景，椰青水非常清甜，而且十分大個，也在椰青的表面印有餐廳的LOGO，證明此椰青只供餐廳售賣，謝絕其他餐廳仿造。椰子菠蘿特飲 ($32) 8/10顧名思義，這杯特飲的材料是椰子汁，和菠蘿汁。清甜的椰子汁，配合上酸甜的菠蘿汁，口感頗為特別，有點CREAMY，像雪糕的口感，但冰落得太多，很容易便把整杯飲品飲完。原味椰子雞鍋 ($238一隻) 9/10等了又等，餐廳的主打菜終於來到，新鮮雞原隻上桌，證明沒有偷工減料，絕對足料。餐廳配有一個漏斗結客人，讓客人可以掌握最佳的煮食時間，不會把雞煮得過老，破壞食材。而漏斗的使用方法，是要先把湯底煮沸，滾起後，再放入新鮮雞件，接著蓋上鍋蓋，再倒轉漏斗，煮大約七分鐘，直至漏斗內的沙粒漏入另一邊，即可食用。親切的店員向我們介紹時指出，我們可以在雞湯底煮起後，可以用匙更先品嚐第一道原味椰子雞湯，喝入口，果然十分清甜，清甜的程度比喝椰青更甚，因為有雞的鮮味！所以不消數分鐘，我們已經把湯底喝了一大半了！喝完清甜的椰子雞湯，我們開始吃椰子雞，果然在漏斗的協助下，雞的熟度可謂剛剛好，雞肉鮮味，而不會過老，可以用爽口來形容！佐賀A5牛肉眼 ($198) 8/10喝完椰子雞湯，吃完浸滿椰青水的雞，找到了店員為我們添加椰青水，再繼續我們的海南旅程~這次來到的是頂級佐賀A5牛肉眼，單單看牛肉上的紋理井然有序，油花均勻，已經知道這是上等的牛肉。而吃落口感軟棉棉，有入口即溶的感覺，而牛肉的肉汁仍然能鎖在牛肉裡，幸福的感覺立刻再現！除了主食的肉類外，打邊爐當然不能欠缺蔬菜，所以我們又order了一個日本野菜籃。而這個野菜籃也絕對附合了商品說明條例，吃落香甜，絕對是日本直送才能帶給你的蔬菜感覺，吃一口青菜，為我們滿口肉汁的口腔清理一番，又再次可以為我們的肚皮打拼了！黑松露龍蝦煲仔飯 ($238) 10/10飯類有6款選擇，最後我們選擇了最豪華的黑松露龍蝦！雖然這飯的價錢絕對不便宜，索價二佰多，但它所帶給你的質素，絕對超越了它的價格！煲仔飯極級大個，4-5人吃也絕對是足夠的，有店員來為你特別處理。首先來到的是一大個瓦煲，看見這個size，我們也已經目定口呆了！店員再為我們打開煲蓋，溢出了大大的兩隻龍蝦，而濃濃的黑松露口味也徐之流出，香氣撲鼻。店員為我們攪拌了在煲仔飯裡的黑松露，和飯焦，使黑松露的味道能夠均勻地分佈在每一粒米飯之上。而這個飯可說得上是我吃過最美味的煲仔飯，爽口的龍蝦肉，香濃的黑松露，配上芋頭粒，和少少的飯焦，絕對有齒頰留香之快感，不可不試！這間餐廳不論環境，食物質素，也算得上是香港食店界別的上等貨，而且價錢合宜，可惜的是今次我們人太少，未能試更多的菜色，下次一定會再多約三五知己，一起來吃多餐！…查看更多

第一次食椰子雞係返大陸工作時食過😝宜家香港都有喇室內👀 :今次嚟到太子附近 ‪#‎四季文昌‬ 裝潢堅不得了，成個間格以木系文青主題做裝修😎一入到去到處都可以自拍一番食物👅 :小食選了👇<海南東風螺>$52 <泡椒白玉菇>$38螺肉鮮甜味幾重😌而白玉菇有少少微辣爽口<黑松露龍蝦煲仔飯>$238本身個瓦煲仔好大個，當打開蓋時👃已經聞到黑松露清香😈原隻龍蝦都好重磅足料😔但略嫌飯唔夠焦香<原味椰子雞鍋>$238/隻湯底係全用上椰青水🌰水滾後就把鮮雞件跟椰子肉落在煲上🍲然後漏斗倒數計時，以確保雞件剛熟嫩滑～每一口湯都非常清甜，而雞件除了肉質鮮嫩外😋雞皮有少少爽脆帶點膠質，完全唔肥膩跟隨到重頭戲了😏 牛牛🐮四部曲1️⃣<佐賀A5牛肉眼>$198這個 ‪#‎必食‬ ，雖然得四塊，但都算大大片，一入口完全溶化在口腔，油脂分佈平均(堅.雪花)2️⃣<澳洲M5和牛肩脊肉>$128這個就量多少少，但一樣唔輸A5，比較多少少牛味同咬口，但都算入口即溶3️⃣<加拿大牛俐>$884️⃣<紐西蘭牛仔粒>$78如果鍾意實肉而牛味濃郁嘅，可以叫這兩款🐙<手打墨魚滑>$58真係好膠好彈牙，食得出墨魚足料🍹最後係點會諗到火鍋館都有十多款Cocktail飲，我就叫了<Pina Coloda>$68椰子勁香，好鬼好飲仲有🍡串燒🍨甜品選擇…查看更多

今日有朋友約我到太子食火鍋,到達地點時從樓下上二樓時被餐廳登天的巨型書櫃嚇呆了,進入餐廳已被書卷味洗滌了一天的疲倦,令我不其然想起中學時一篇課文的內容,「三日不讀書,便覺語言無味,面目可憎」。餐廳環境寬敞,以木飾傢俬為主。坐下後我們選了原味椰子雞鍋($238),清甜香口帶椰子味的清湯,吸收了鮮雞味道後更顯清甜,在鮮雞肉在鍋裏翻滾的時候我們品嘗了精緻小吃「海南東風螺」,螺肉鮮嫩味美,十分可口。雞肉鮮嫩爽滑,其他美味火鍋配料包括佐賀A5牛肉眼($198)、安格斯肥牛($198)和手打蝦滑($68)。佐賀A5牛肉眼色澤嫣紅,肉味香濃,入口油脂份量恰到好處,口感一流。安格斯肥牛色澤鮮紅,脂肪紋理清晰,肉質鮮嫩。手打蝦滑爽嫩滑溜,口感有點彈牙。最後點了黑松露龍蝦煲仔飯($238),龍蝦肉質鮮嫩、口感彈牙,黑松露伴香熱煲仔飯,飯身同時吸收了龍蝦的鮮味和香濃黑松露,味道香濃又有特色,配以芋頭碎粒,口感層次都豐富了不少。…查看更多

收到風 朋友剛 幫襯完太子呢間主打椰子雞的四季文昌，全新開業， 環境好靚 食物又好味，於是放工即刻約埋同事走過嚟試下。喺門口覺得冇乜特別，入到去 就發覺 佢哋用咗好多心機嚟裝修同擺設，，一上樓梯就會見到 一幢幢嘅書架 擺設， 書卷味好重呀 ，裏面仲好大添 另外仲有好多 特式擺設。 除左食係嘅食物外，仲食埋佢哋嘅裝修。事先會準備咗沙薑， 中間嘅係海南島柑桔,很新鮮， 混合埋啲豉油 會食到一陣好fresh嘅 金桔汁酸味。飲品好大杯呀成支水咁大杯， 水吧師傅手勢非常好， 一杯簡單嘅飲品都整到好好味， 杯嘢好清， 飲完涼浸浸， 成個人都會覺得cool down咗舒服曬， 而且非常大杯一杯已經可以飲到尾。先呢個餐前小食， 螺肉夠曬新鮮彈牙 好咬口黑松露龍蝦煲仔飯，淨係聽個名都覺得食得好奢侈呀 ，不過如果238蚊咁大煲4至6人份量真係一啲都唔貴，仲覺得好抵食㖭。啲飯係用海南油飯油粘米整架， 粒粒煙韌 彈牙 攞嚟做煲仔飯 特別好味， 勁多飯焦溝埋啲黑松露一齊 好甘香。龍蝦新鮮 大隻同好肉地，啖啖肉 ，鮮味彈牙。椰子湯底夠曬清甜， 用佢嚟打邊爐當堂唔會覺得熱氣， 雞係採用海南雞 ， 體積比較小， 肉質比較嫩滑 ， 先滾完啲雞，食哂雞件後， 飲咗轉椰子湯底，先再加湯滾其他野打邊爐， 不過我覺得滾過雞後，有浸油喺面，啲湯比較肥， 所以先隔咗由再飲會比較健康啲。旁邊會有個沙漏 用來計時用的 1轉7分鐘， 啲湯加咗雞後等七分鐘就可以食啦，如果唔係就會變韌。A5和牛攞嚟打邊爐真係正到暈， 啲肉汁好似想喺口到爆曬出嚟咁，非常 juicy， 而且肉質又香又嫩滑， 一碟得六塊真係唔係好夠喉日本直運嘅新鮮菜籃， 淨係個名都覺得夠曬矜貴， 3個字形容“很新鮮”😌…查看更多

太子這邊開了間火鍋店, 爸爸節去幫襯一下! 真的覺得平靚正, 最緊要交通方便, 樓下就是回家的巴士站了餐廳新裝修, 老闆似乎很清晰自己的定位, 沿著樓梯用上了自己的招牌菜做牆身的裝飾, 而且加上了很多拍照的景點, 有英式的郵筒及書牆, 好似去了影樓般! 看得出裝潢很花心思, 令大家都忍不住會selfie 一下而且在嚴夏最緊要是 – 冷氣夠!!! 坐在窗邊看著繁忙的旺角街道打邊爐別有一番風味原味椰子雞鍋 用新鮮海南椰子肉跟椰子水做湯底, 而且文昌雞原來沒有很多肥膏餐廳準備了一個沙漏給我們, 把整隻雞放入去關上蓋, 等大概7分鐘, 沙漏到底就可以開始食了! 口感驚喜, 帶有椰子香的嫩雞是全晚的亮點, 肉質不會太硬太肥, 似走地雞。店員有說文昌雞介乎130日至160日是最好食的起動前, 可以把醬油加上on-side 的海南沙姜和海南柑桔，辣椒混在一起, 沾起來特別香為了健康一點, 我們叫了一個菜藍, 這個菜藍是日本原產的椰菜 , 蕃薯, 直菇, 舞茸菇,小松菜, 水菜等, size 不很大, 但真的很新鮮 黑松露龍蝦煲仔飯  我們另外又叫了這個煲仔飯, 想不到好大煲呀…..我們叫了火鍋後有點吃不下這個煲仔飯有一大隻原隻的龍蝦, 肉質都幾新鮮彈牙而且有黑松露做飯, 很香哦火鍋中, 我特別喜歡這個澳洲M9和牛肩肉, 很有牛味, 雪花分佈平均就是可以大碟一點就好了  餐廳有推薦他們的Cocktail, 果然是好介紹Rainbow伏特加, 紅石榴糖水, 橙汁, 菠蘿汁, 橙皮酒真的如其名, 好靚呀…..而且更想不到這裡的cocktail比出面的好飲, 這個調酒師真的調出女生的味道甜甜的不會有怪味, 很好飲! Surprise!!Pina Colada冧酒, 椰子汁, 菠蘿汁, 椰子酒這個Pina Colada 真的用整個椰子來盛載, 而且有點fusion 的感覺, 加上了中式的小雨傘及滕藍, 好可愛味道方面也沒有讓人失望, 好好飲, 不會過重酒味Jade Lady氈酒, 荔枝酒, 藍橙皮酒, 菠蘿汁哩個酒精含量應該相對比較重, 但有很多果酒成份, 個人覺得真的很香甜, 而且顏色及賣相都很討好這邊的調酒師功力很好!…查看更多

香港人一年四季都喜歡打邊爐、傅统式、放題式、蒸氣式。。。各式各樣。今天友人介紹了一間新店、位於太子。經過長長樓梯己感覺到書卷味濃、佳因装潢有點似去了圖書館、而接待位擺放了一些仿古擺設、如電話亭、舊式梳化等。內裡空間感濶、再加上精緻的佈局、末食己贏了個陣。打邊爐容易上火、先來個椰青解火、清甜可口又醒胃。各人放工時間不一、最好來點小吃邊談邊食邊等啦。泡椒白玉菇看似平平無奇的白玉菇、除了菇香還帶有微微的香辣。其實靈魂所在於調味的子天椒、那種清淡的辣不太嗆、越食越想食。蜜汁糖蓮藕爽口的蓮藕、一片接一片、停不了口。既然主打椰子雞、就來一客原味椰子雞鍋。先將椰青水煮滾放入雞件、枱上有一個漏斗、當漏斗內的沙流向另一面後、就可享用第一輪清甜的椰子雞湯了。建議盡快吃雞件、因怕煮得過老影響口感。果然雞件相當嫩滑、醮少許自家調味的豉油、柑桔、沙薑茸和辣椒粒、提升了肉質的鮮美、更能感受到海南文昌雞的食法。頂呱呱！要了一客佐賀Ａ５牛肉眼、肉質較腍略帶脂肪、入口即溶、完全被溶化了。可惜份量太少、價錢又進取了一點。第二輪的湯底多了點肉的鮮味、效果不錯。日本產地直送野菜籃、非常新鮮多汁。但係又是份量太少了。吃過火鍋、再選了另一主打菜煲仔飯。今天豪氣一點、黑松露龍蝦煲仔飯來了、嘩啦！啦！煲蓋一開、散發出黑松露的香氣、再加上飯燋的香、真的另人唾涎。龍蝦不算大隻、勝在肉質爽、鮮嫩、非常美味。椰皇果凍甜品不可不試、啫喱狀的椰皇水、沒加任何糖水、清甜不會膩、可吃也無防。…查看更多

朋友年度聚會，嘆火鍋可以說一個不二之選。一班受友聚首一堂感受熱鬧氣氛，在「烚下烚下」的情況之下談笑風生，一樂也。可惜近來天氣炎熱，33度高温打消了吃圍爐這個想法。悉逢搞手找到了一間適合夏天吃火鍋的好地方，於是一眾好友就在旺角四季文昌見面。提起吃火鍋，就不期然想那些又迫又熱又噪的火鍋店，剛到了這間四季文昌火鍋，感覺全不一樣，店舖以西式設計為主，配合「文昌」( 那也是海南的地名及食用雞的品種)，以圖書館為主題，沿樓梯向上一直走，牆身以木雕上刻字，配合充滿情調倫敦電話亭，甫一進去，感到與別不同，像是到了一間西餐廳又或是去了clubbing ，感覺不錯。場內地方闊落，坐位舒適，而且相隔一段距離，方便食客聊天，不會太噪。朋友說這裡出名的是原味椰子雞鍋 ($238)，這個鍋的特色是用上了海南入口的椰子水作湯底，既滋潤又清熱，不愠燥，可解暑解燥之餘，又可補益脾胃。最適合夏天食用。雞鍋採用都是新鮮文昌雞，配合鮮甜厚肉的椰子進鍋，肉質鮮美富彈性，口感嫩滑。侍應示意我們用沙漏作好計時，確保雞肉烹調時間( 約7分鐘)，七分鐘就可以吃，保持雞肉的鮮味。看著計時沙漏的沙在流逝之際，椰子雞鍋的清香味撲鼻而來，不期然食指大動，椰子雞鍋附上的醬料，包含沙薑、辣椒和小桔仔，都是來自海南的特產。小桔仔伴入醬料中，微酸把雞肉的鮮味提昇至另一層次，生津開胃，適合夏天食用。吃過了雞鍋後，馬上開動了火鍋，雞湯鮮味清甜，可直接飲用，我們分別選了佐賀A5牛肉眼($198)，豬下青，即豬頸肉 ($38)，炸響鈴( $25) 手打蝦滑 ($68)及日本產地直送野菜籃 ($49)等配料，四人份量也很足夠。說罷大家就起動，先說佐賀A5牛肉眼脂肪分佈均勻，肉質非常鮮嫩，牛肉味非常香濃，這種貨色實在十分罕見。日本產地直送的蔬菜藍比想像中少，但卻包含了蕃薯、本菇、鮑魚菇和兩款青菜，看來也是上等貨色，在椰子雞湯中灼，讓蔬菜吸收湯味精華，口感清新。另外值得推介的是豬下青及炸響鈴，豬下青肉質鮮嫰，口感很滑，配合清湯，十分美味 ; 而炸響鈴則是由這裡的師傅自製，美脆美味，這都是在外面吃不到的。最後蝦滑彈牙又鮮味，証明十分新鮮，都值得一試。火鍋完畢，我們會也要了一客黑松露龍蝦煲仔飯( $238)，黑松露的芳香陣陣，配合鮮甜爽彈的龍蝦肉，令人食指大動，飯粒粒粒吸收了黑松露和龍蝦肉汁，飯中混入粒粒芋頭，陣陣清爽芋香，讓米飯更有咬勁，令人一試著迷。這店其中一大特色，是提供了COCKTAIL選擇，客人飯後可無需轉場，在店內喝一杯，因為店舖裝潢得也像酒吧，於是我就點了一杯薄荷青檸梳打，這裡的薄荷青檸梳打是用新鮮薄荷葉，而不是用化學調味，口味清新。另外，我們也點了兩碟冷盤佐酒，包括海南東風螺 ($52)及蜜汁糖蓮藕 ($38)，用蜜汁泡浸的蓮藕十分爽脆，佐酒一流;海南東風螺肉質鮮味，但以嫌份量比較少。整體來說，這店是一個不錯的選擇，首先你可以在同一個場完成兩個活動，無需轉場，另外，椰子雞鍋也十分滋潤又健康，適合女士們，而且有別於任食火鍋，這裡的火鍋配料甚有質素，而且選擇也多，價錢豐儉由人，在旺角鬧市中，實在難以找到這種富有品味又有質素的好食店。…查看更多

同朋友講話去打邊爐，個個都話吓咁熱點打呀？又唔係坐喺街邊打，咁點解夏天唔可以打邊爐呢？趁呢度新開，快快趣走去試先。一入到餐廳，裝修非常有特色，成間圖書館咁嘅，有個倫敦電話亭，啱晒真偽文青喎！「四季文昌」，個名咁得意嘅？「四季」代表一年四季都適合食滋潤養生嘅椰子雞鍋，同我信念喎；「文昌」就係大名鼎鼎嘅海南文昌雞，等我仲以為成間餐廳充滿書卷味，所以叫「文昌」添！泡椒白玉菇($38)爽脆可口嘅白玉菇，上面有一條海南黃辣椒，唔小心咬咗佢一啖之後，個嘴足足辣咗15分鐘！原來佢比指天椒更辣㗎！天啊....原味椰子雞鍋（＄238）當然要叫個招牌湯底啦。湯底係椰子水、椰子肉及文昌雞，感覺清新健康；來自海南嘅椰子比普通椰子更厚肉及清甜；文昌雞飼養期大概由5個月至半年不等，肉質會較其他雞鮮嫩，雞味亦會特別濃郁；湯滾起後，將成隻雞雞倒入鍋，再掉轉漏斗等等就食得㗎喇；啱啱滾起嘅靚湯當然要試試，清甜到不得了，天然嘅椰子香甜味令我以為係落咗糖落咗椰子精！加上文昌雞嘅脂肪唔算多，所以煲出嚟嘅湯唔算油膩，但雞味甚濃，忍唔住會想當水咁不停飲；雞肉看似好鞋，但其實肉質新鮮鮮嫩，每口都有淡淡嘅椰子香，食到冇停口自家製混醬打邊爐又點少得混醬呢？呢度冇中式嘅傳統配料，但有特別嘅海南沙薑、指天椒及海南野生桔仔；指天椒可以中和沙薑味道，更能提升雞嘅鮮味；海南天氣較熱，熱到冇心機食肉，所以佢哋會以桔仔入饌，酸酸哋開胃啲；店員建議將原隻桔仔唧晒落豉油度一齊食，呢個配搭幾新鮮，酸酸哋又真係幾清新喎黑松露龍蝦煲仔飯（$238）三樣我嘅最愛拼埋一齊，未嚟之前睇其他食評已經覺得好吸引，雖然食雞煲配煲仔飯好搞笑，不過唔理喇都要試吓！一開蓋，黑松露香氣就撲鼻而來；夾雜住黑松露醬嘅原隻龍蝦好大隻呀，龍蝦肉都幾彈牙爽口；如果唔撈撈啲黑松露醬落飯度，味道就會偏淡，而且我鍾意嘅煲仔飯係粒粒分明嘅，唔知點解啲飯好黏，唔夠乾身，失望咗佐賀A5牛肉眼（＄198）全日本大約有150種左右以地名命名嘅牛肉，其中3種最最高級嘅牛肉就係「佐賀牛」、「松阪牛」及「神戶牛」，而佐賀牛出名高品質及供應量穩定，所以一直備受矚目。我唔鍾意食好肥嘅牛肉，問過店員佢話呢種唔算好肥嘅，咁就試吓啦；總共有6塊，就咁睇已經心知不妙，雖然柔軟嘅瘦肉中夾雜住細膩而均勻嘅油脂，顏色亦都非常鮮紅，但對我嚟講都係肥咗啲；唔緊要啦雖然肥，但一睇就知會係非常鬆化，即刻食先，肉質果然柔軟、入口即溶、油香四溢，但由於湯底嘅椰子味實在太香濃，好似蓋過咗牛肉嘅香濃味道，有啲可惜自打鮮魚丸拼手打蝦丸（＄72）老實說就咁睇樣真係唔知邊款打邊款，自打鮮魚丸有咬感唔算彈牙，不過食得出係魚肉製造，唔係好似普通魚蛋咁好膠好彈牙；手打蝦丸有驚喜，食食吓真係有啲未打勻嘅蝦肉，蝦味濃郁，起碼俾我知道你真係用真蝦肉做吖！魔法梳打 ($32)店員話要將test tube入面嘅飲料倒入去深紫色嘅梳打，就會好似魔法咁變色㗎喇！玩吓先，倒完入去之後，er好似變咗紫紅色... 唔係太明顯喎！飲唔出係乜野飲品，淨係飲得出有梳打，哈哈！Bomb bomb bomb（＄148）店員話如果鍾意飲酒嘅朋友應該試試呢杯飲品，不過建議食完晒野先好飲喎！一隻大杯入面有幾隻細杯，第一杯有一隻唔知乜野酒+sambuca+triple sec，第2杯係vodka，第3杯係威士忌+triple sec+tequila，其餘係asahi啤酒；飲完第一杯之後，另一隻細杯就會跌落去中杯入面，都幾複雜，第一杯非常搶喉，飲完之後即刻醒晒；第2杯就比較易入口，到咗最尾嗰杯又嚟過，整體感覺似係坐緊過山車咁，一開始就嚟料，之後俾你抖一抖回氣，之後又再嚟過；呢杯飲品非常適合鍾意隊酒嘅朋友，飲完之後包你興奮無比！最難忘嘅食物係原味椰子雞鍋，真係要我成鍋飲晒都冇問題！！！！！有咁特別嘅裝修，睇嚟呢度會好快成為check-in熱點喇～…查看更多

又到左數月一度，約舊同事食飯既日子。佢係一個識食之人，食開好野，所以揀餐廳都要諗過度過。見到一間新開既火鍋店似乎幾吸引，希望滿足到我朋友。火鍋店位於太子，始創對面，地點方便。一上樓梯，已經見到別緻既裝修。書卷味既裝修加上咖啡色主色，似乎同平時火鍋店有好大出入，不過我反而喜歡呢種感覺，因為咁既環境之下打邊爐，可以話係更加舒服。坐底望望點食物紙，朋友既目光已經比"佐賀A5牛肉眼"，深深吸引住，佢話呢個非叫不可。除左指定動作既火鍋配料，食物紙仲有其他小食同熟食，絕對唔係齋火鍋咁簡單。Rainbow $120火鍋店內藏一個酒吧，所以可以飲到各色各樣既酒。朋友愛飲雞尾酒，叫左呢杯Rainbow，色彩豐富，十分吸睛。蜜汁糖蓮藕 $38首先點左蓮藕開開胃，蜜汁糖蓮藕甜甜地，咬落爽口，而且份量都幾多。原味椰子雞鍋 $238食火鍋，湯底好重要，所以我地先叫左個原味椰子雞喎做湯底。有一個好特別嘅地方，就係火鍋店會用漏斗計時，當漏斗倒數完，就即係表示火鍋裡面嘅雞已經熟左，可以食得。呢個設計都幾適合我，因為平時落咗雞之後，知道要等一段時間，所以都無理過d雞，最後d雞熟到過晒龍都唔記得，所以有個漏斗就方便晒。另外椰子雞鍋所用嘅雞係文昌雞，所以質素絕對有保證。煮熟左之後嘅文昌雞肉質討好，稍加調味，已經好好食。呢個時間，火鍋湯底嘅椰子雞湯已經形成。先試一口，雞湯清甜，略帶椰子味。偶爾火鍋裡面嘅雞會煮出雞油，店員都會好細心咁，幫忙將雞油格走。佐賀A5牛肉眼 $198朋友重點要食，雖然只得四塊，但我可以講呢個絕對可以成火鍋店招牌之一。從佢既外觀同紋理，已經知道朋友揀得呢個，真係識食之人。夾起牛肉，看似好少既四塊牛肉，原來每一塊都係牛肉卷成。輕輕灼過牛肉之後，已經可以入口。牛肉咬落去肉質鮮嫩爽口，唔太需要咀嚼，而且好香牛味。連我對面成日去日本既舊同事都表示，呢個牛肉質素拍得住日本食到既。安格斯肥牛 $198外觀感覺似平時火鍋店食到既手切肥牛，同樣都係只需要輕輕灼過，略帶少紅已經食得。入口有嚼勁，牛味重。雖然安格斯肥牛未有佐賀A5牛肉眼咁出色，但係相同價錢，安格斯肥牛既份量絕對超值，贏幾條街。黑松露龍蝦煲仔飯 $238由於只係食左肉，無飯粉麵落肚，所以我地又揀左個煲仔飯食。當煲仔飯嚟到既時候，真係嚇一跳，原來呢黑松露龍蝦煲仔飯好有份量，勁大煲，應該分到5-6碗飯。打開飯煲蓋，散發住香濃既黑松露味，再加上眼前見到大大隻嘅龍蝦，真係非常吸引。其實龍蝦搭黑松露呢個組合嘅煲仔飯，真係從未試過，今次一試，好有驚喜。龍蝦，黑松露同煲仔飯三者有口感，有味道又有飽肚感，滿足晒三個願望。溶岩南瓜 $68食飽最後叫埋甜品食，溶岩南瓜呢個名好有氣勢。上面有一大球雲呢拿雪糕，下面南瓜載住熱辣辣既紫薯，冰火感覺同時出現，刺激味蕾。最後當然要問問朋友既意見，不過佢竟然九唔搭八，同我講：幾時再約食飯！真係比佢吹脹！…查看更多