Ice Puff

營業中

休息中

每次去旺中行街，都會幫襯呢一間雞蛋仔。用料上乘，食得出真係用靚料，日本麵粉新鮮雞蛋即叫即整，所以都要等大概10分鐘或以上，但係都值！除咗原味雞蛋仔同埋原味格仔餅佢仲有其他新口味，有機會一定要試！格仔餅大件夾抵食，一個人都食唔晒，所以老闆幫我一開二！開心share! 不過附近都冇地方食，有機會會被商場嘅人趕，所以最後都係買上車慢慢嘆行過路過，唔好錯過！值得推介！值得推介！值得推介！值得推介！值得推介！

Ice Puff 係吸引我黎旺中嘅一個大原因！間唔中就會掛住個格仔餅而專程去食。依度嘅格仔餅真係世一！雖然見到好多人都會叫阿華田雞蛋仔，但我哋都係鍾情依度嘅格仔餅。原味格仔餅真係好好食！格仔餅厚身得黎質地又仍然保持鬆軟！牛油，花生醬，煉奶毫不吝嗇！仲可以要求將格仔餅分兩份拎，同人share食冇難道！👍🏻每次惠顧仲可以吸一個印仔，儲夠10個印仔就可以當$20用！我地已經儲滿過兩張卡，可想而知知道我地有幾咁鍾意食🤣

一向特別喜愛食格仔餅， 不論價錢平與貴都會去試試。 一般都會跟花生醬（我試過有一間係跟粗粒花生醬， 但已經執左笠啦😩😩），砂糖及煉奶。 曾經試過不跟煉奶同少量砂糖。 太粘喉嚨同太飽。 亦有試過薄薄的窩夫底， 跟以上三種配料。 但都仲係差少少🤏直接試這間， 未算叫最好， 但都好滿足香味方面（5⭐️）足料蛋香， 濃烈的花生醬香。 每次都會流到隻手都是花生醬， 這是我覺得，這就是我想食格仔餅既其中一個元素色澤方面（5⭐️）唔會過濃（無黑面😂😂）， 又未試過邊位唔熟😂👍🏻味道方面（5⭐️）厚厚的窩夫底， 咬落去， 好似食緊個紙包蛋糕仔甘鬆軟， 但邊位又似食餅乾一般脆，配上以上花生醬同少量煉奶。（本人不喜歡加砂糖😏）已經可以滿足我一餐

同閃電仔行開天后搵野食，見呢間新正小店賣佢至愛嘅格仔餅。叫咗•原味格仔餅• ，拎住佢個牌仔等咗約十分鐘，新鮮熱辣格仔餅到我們手了。太厚了！醬亦唔少 食落好脆！幾有蛋香仲試埋佢自家制百香果汁，幾香！下次要要下•比利時黑朱古力•雞蛋仔👅