燒肉の牛太・本陣 (創紀之城五期(apm))

大家聽到放題兩個字可能會覺得食物質素未必會好但係小妹嚟緊推介嘅依間餐廳全港得兩間分店 ⭐️⭐️⭐️⭐️⭐️絕對稱得上超高質👍🏻！！！🌟平時日本超市買幾片和牛可能已經二、三百蚊但只要揀餐廳極上和牛套餐$469就可以任食不同部位嘅和牛🤩仲有唔同嘅海鮮(必點勁大size海蝦)🦑🦐、沙律🥗、韓式泡菜(菠菜、大豆芽、泡菜、雜菌等)、溫泉蛋飯、烏冬、石鍋泡菜湯、串燒、蔬菜🌽🍍、鯛魚燒等，樣樣都係新鮮食材。飲品方面，種類好多，重點係有啤酒(係Asahiiiiiiiiii)同埋日本汽酒，都係任飲㗎！🍺不過小妹就唔係食肉獸，所以就瘋狂食好多配菜同小食，如果鍾意食肉嘅你就啱晒喇！盡情放縱吧！！！🍨差啲漏咗，仲有Haagen-Dazs雪糕同埋水果bar做甜品！😋…查看更多

冇同過屋企人去食燒肉放題，就帶佢地去食下，又想食得經濟實惠啲，加上自己都想試下呢間就帶埋屋企人黎食。環境位於APM四樓，一條全部都係餐廳，我會稱之佢為「APM美食廊」，估唔到6pm左右前來已經大排長龍拎緊飛等位，生意十分好，等左一陣先有位，以放題餐廳黎講，入面唔算大，幸好被編排到一張私隱度高既枱，可以同屋企人更開心咁食放題。餐牌100分鐘放題分別有：大人氣超值放題(55款) $218、頂級澳洲和牛放題(87款)  $288以及日本黑毛和牛放題(94款) $428。我地揀左中間價位既頂級澳洲和牛放題(87款)  $288。頂級澳洲和牛放題(100分鐘)  $288(另加一)含八十七款，分別有限定壽喜燒風燒肉套餐、沙律、泡菜/韓式菜、盛合/套餐、燒肉(自家醬汁/和風鹽燒汁/韓式辛辣、雞及豬、海鮮/燒野菜、前菜、飯/麵/湯、飲品、其他，共13個分項。限定壽喜燒風燒肉套餐呢個分頁內只有日本雞蛋同埋薄切和牛，壽喜燒配火鍋就食得多，配燒肉真係第一次試。由於好薄身，好快就熟要睇住時間，燒肉沾上生蛋液食真係別有一番風味，食落冇咁油同冇咁乾身，牛味又唔會被蓋過，唔錯。沙律：本陣招牌沙律用左少少醋調味，食落咸咸地，沙律菜都夠爽，又可以做開胃菜，又可以食緊燒肉時降膩，點左3、4碗。泡菜/韓式菜：泡菜三式拼盤有泡菜、青瓜、蘿蔔，偏咸左少少。盛合/套餐：澳洲產和牛特盛五品盛合、日本產匠味豚豚肉組合澳洲產和牛特盛五品盛合應該分別係上級牛肋肉、牛肋肉、一口牛、腹胸肉、柔軟“身筋”扒。上枱望到牛肉唔算好新鮮，有一兩塊仲有少少黑邊，色澤偏沉少少，但味道比望落去要好，當中我最中意腹胸肉，𠝹左開花紋方便燒，食落去有嚼勁之餘但又不失鬆軟度，唔會燒到乾身，而柔軟“身筋”扒好厚身，但咬落去會爆牛肉汁，好juicy！另外上級牛肋肉、牛肋肉、一口牛口感都唔會，唔會有渣/咬唔爛既問題。日本產匠味豚豚肉組合有三款，分別係日本產黑豚豬腩肉、日本產黑豚豬梅肉、豬頸肉。全部都有醃過，其實唔洗點醬汁食都無問題，豬肉都冇豬腥味，而且燒完每塊都光澤十足，有水潤口感，完全不乾，黑豚豬腩肉/豬梅肉遲薄切，口感唔算好強烈，相對上豬頸肉比較有咬口。燒肉(自家醬汁/和風鹽燒汁/韓式辛辣)燒肉分類內的全部都係牛肉，只係再分左三個唔同既醃汁，款式近乎一樣，自家醬汁似燒汁、和風鹽燒汁咸味較出、韓式辛辣辣味唔夠，牛肉款式有而牛肉中既款式都有八款，可惜XL肋肉條售罄，只有七款供應，而當中五款有放「澳洲產和牛特盛五品盛合」中，上面已經講過就唔講。另外試左黃金燒汁壼漬牛肋肉，同普通牛肋肉食落去分別不大。雞及豬：雞腎、雞軟骨、雞腿肉扒、美國大肉腸雞腎比較乾同硬，雞軟骨正正常常，而雞腿肉扒就比較好食啲，厚肉啲。豬類就上面拼盤已經講過，另外試左美國大肉腸，有啲似台灣黑椒腸，但就幼身好多。海鮮/燒野菜：海蝦、鹽燒帆立貝、原隻魷魚仔蝦應該都係解左凍既急凍蝦，但食落都唔會霉，口感都可以，而鹽燒帆立貝、原隻魷魚仔比較高質，前者醃得入味又幾彈牙，後者燒完好香口。前菜：味付帶子群邊又係偏咸，比較一般。飯/麵/湯都有不少選擇，但咁飽肚既野就冇試。其他：牛舌、羊架其實都唔係好明點解牛舌同羊架會分係其他類別，牛舌仲分厚/薄以及唔同醃製味道，試左厚切，真係夠厚身，緊記要燒至全熟先好食，燒至面頭微焦，較落去爽脆有嚼勁，唔錯。而羊架羶味十足且帶有肥膏，每人食左2隻！飲品選擇唔算特別多，但汽水、茶呢啲都有，仲有岩哂女士/怕肥人士既Coc- Cola Plus添！甜品食到70分鐘就會截單，然後上甜品，係每人一杯Häagen-Dazs雪糕，完美總結。連埋加一每位$320，價錢中等，好既地方在於照顧到唔食牛既同行者，皆因佢唔止得牛肉，豬肉、雞肉、海鮮加起上黎再加有飯/麵，唔食牛肉既母親大人都表示食到好飽，質素都可以，中意食燒肉既朋友不妨一試。…查看更多

遠古時代，先人們都以狩獵為生，開始都是生吃獸肉，相傳有一天，天公打雷，雷劈到先人所在的森林，並著了火，活下來的先人聞到了一股誘人的氣味，尋味過去，看到了一具被燒焦了的野獸屍體，大膽的先人嘗試了烤焦了的肉，發現從來沒有吃過這麼美味無窮的食物，從此便學會了烤肉這種熟吃的食法。今日給大家推薦的是觀塘區的日本烤肉店——燒肉の牛太・本陣 Honjin，它在日本有很多間分店，素來以鮮肉超市為旗號，裡面的肉出了名的價廉物美，在日本口碑甚佳，如今它在觀塘區有了分店，終於可以給香港粉絲解解饞了。 燒肉の牛太・本陣 Honjin的環境乾淨整潔，裡面的烤爐是嵌入式的，並且清潔無煙，對比韓式烤肉館的煙塵滾滾，注重自身形象的愛美一族們更喜歡這裡貼心適宜的設施，因為不會搞到自己一身烤肉味、煙熏味，如果吃完這頓還要趕下一場的話，當然身上沒有太多異味是更好的。我們一群吃貨點了許多海鮮、肉類。像牛肉，牛肉蛋白質含量高，而且脂肪含量低，味道鮮美。中醫食療認為：寒冬食牛肉，有暖胃作用，為寒冬補益佳品；《本草綱目》指出，牛肉能“安中益氣、養肝胃，補虛壯健、強筋骨，消水腫、除濕氣”。我們點了本陣的牛粒、牛肉、牛肩肉和肉眼牛排。牛粒切得大小剛剛合適，烤了之後，嗞嗞冒著熱氣，嘗起來爽口Q彈，煙煙韌韌，口感獨特，上面加點洋蔥等配菜和少許孜然就能提出更鮮的味道。這次挑選的牛肉是厚切的，其實厚切與薄切烤出來的口感很有差異，但是各有千秋。薄切的肉吃起來彈牙爽口，厚切則是香味更濃郁飽滿。主角當然是是次的霜降黑毛和牛，它物美價廉，脂肪雪花紋排布合宜，烤完之後入口即溶的口感讓人回味無窮，還有爽口無比的厚切牛舌，無得頂。豬頸肉是最好的豬肉，烤起來香味飽滿，口感嫩脆，我們先用醬料醃一下，再放到烤爐裡面烤，烤到外交內嫩，放入口中，簡直入口即溶。來到本陣，除了牛肉、豬肉，還可以嘗試一下這裡的海鮮。我們點了魷魚、帶子，魷魚點了兩份的，帶子就只是點了一份，魷魚一點腥味都沒有，對於害怕海鮮腥味的人來說簡直就是天大的救星，既可以吃到美味的海鮮，又沒有要忍受腥味的煩惱。至於如何吃帶子，我們自己有一套自己的食法，就是加蒜醬，不僅可以去腥，還可以提鮮味。總的來說，這裡環境優美，食物物美價廉，是熱愛烤肉的吃貨的好去處。節假日、放工，約上幾個好朋友、好同事，來這裡慢慢地享受，享受那個把一片一片的肉放在烤爐上面的慢生活，看著烤爐上面的肉慢慢地轉變為熟透的顏色，聽著誘人的烤肉的滋滋聲，加上好友同事的幾句閒聊，日子就是那麼的小資，兼職快活似神仙。生活就是應該這樣，慢慢地、一步一步地來。…查看更多