泰屋

營業中

休息中

泰屋 😢又禁晚市堂食 weekend當然要把握機會去覓食😋星期六、日 旺角周街都係人😅想搵個地方可以坐得耐啲、舒服啲俾我哋搵到 彌敦道726號 呢楝野好多野食揀～最後我地揀咗 🇹🇭泰國野果然冇揀錯 再加上到咗下午茶時段 的確唔多人唔洗等位 仲要慢慢食 傾吓計 店員冇催我地走～食物方面 星期六、日都有下午茶 14:00-15:00 免收加一$50 有找即使揀Lunch Set 都係$50-$70 包飲品 免加一都幾抵食 而且份量都唔少🐔海南雞湯河 $45 🦐🦑🐠印尼海鮮炒貴刁 $48#香港美食 #旺角 #泰國菜 #hkig #hkfoodie #hkfoodblogger #followforfollowback #hkfoodpic #hkfoodielife #hkfoodstagram

星期六係 #旺角 竟然都有 #下午茶 最估你唔到係 #無限添飲 #免收加一 😈不過留意返😈凍飲係👉🏼每杯加$3👈🏼 🤣🤣T2 #海南雞湯河 $45份量唔會好細碗 海南雞都有四件唔會太肥 跟湯唔會攪到雞肉老哂T4 #印尼海鮮炒貴刁 $48份量唔少 有蝦、魷魚、青口 不過炒得比較濕 唔夠干身#馬拉盞炒通菜 $48呢個係散叫 要食啲菜不過食果時先醒起 依家通菜唔當做應該轉第二款菜😅😅加$10 可以轉 #椰汁冰 其實似係凍椰汁多啲🤣🤣 唔係好似平時果啲 杯野個底再有一條條嘅。。。唔知叫咩🤣🤣BTW 不過不失 叫抵食嘅～

朋友帶路今晚去旺角TOP隔離棟大廈食泰菜，雖然樓上餐廳座位不少，但晚上7點來幾乎滿座。相信大家為食而來，味道滿意留到食客心。美食選擇多一時花多眼亂，點了幾款都咁好食，而且價錢經濟，回頭指數相當高。泰國金柚鮮蝦沙律 $98爽口大蝦四隻，金柚份量唔少，味道清甜飽滿多汁，撈左酸甜醬汁加椰漿，美味開胃。泰式沙嗲 (半打) $85 雞豬各三串，大大串啖啖肉，而且好入味，醮埋沙嗲濃郁惹味。冬陰公鮮蝦湯 (細) $88 二人份量有多，湯味香濃酸甜開胃，湯料有大頭蝦和大量秀珍菇都好足料。印尼海鮮炒貴刁 $88賣相普通味道又唔錯喎，貴刁大大片索汁好夠味，份量唔少配料十足，海鮮青口魷魚大蝦皆見，仲有粟米芯、紅椒青椒絲、蛋絲、洋蔥樣樣有，都幾好味。

呢間泰國菜之前都想黎食，放工時間非常之多人，今日星期日時間尚早就過嚟試吓。夜晚6點黎到，都仲有好多位，環境都坐得幾舒服。炭燒豬頸肉 ($80)豬頸肉份量都幾多，一份超過十塊，點佢嘅醬汁非常之開胃，呢個醬汁唔係普通嘅酸甜醬，係比較重檸檬味。醃肉碎生菜包 ($85)肉碎生菜包一上枱非常大份，食落極之惹味，食得出泰國嘅香料味好足夠，如果可以辣多少少就仲正啦。馬拉盞炒椰菜苗 ($82)炒通菜就食得多，椰菜苗唔係間間餐廳都有。呢碟菜火候炒得啱啱好，椰菜苗都好嫩。印尼海鮮炒貴刁 ($88)碟貴刁炒得好有鑊氣，海鮮方面有蝦，青口同魷魚都各有兩件。仲有我真係好鍾意佢呢個闊嘅河粉，食落超滋味。泰國椰青 ($42)黎泰國餐廳點少得椰青。原個椰青超清甜，入面嘅椰青水好多，上枱差啲滿出黎咁制，飲完啲椰青再用匙羹食埋佢啲椰青肉，畫上一個完美嘅句號。我同友人食完大概七點半左右，全場超過一半滿晒，呢間泰菜餐廳幾值得推介。

之前去開726見到呢間泰國菜好似幾吸引咁於是就搵左一晚去試下啦🤤係星期六夜晚七點左右去到餐廳都大既 都幾多人食緊我地兩個人所以好快就有位啦～裝修唔算好有泰國風味 餐牌呢都有好多選擇咁我地睇到食評推介 就叫左個醃肉碎生菜包再叫多個冬蔭公鮮蝦炒飯 同埋 印尼海鮮炒貴刁—————————————————————咁就有個小插曲既就係呢佢落錯單比左個印尼海鮮炒飯我地咁我地就唔知 以為佢係冬蔭公炒飯就食左啦食左兩啖發現佢無咩冬蔭公味 有啲失望之際搵左個staff問先知原來送錯左😂哈哈不過其實我個人覺得個飯都唔錯同埋我中意食蝦片哈哈😛生菜包真係好好食！冬蔭公炒飯但冬蔭公味唔算重但整體都滿意既～呢碟佢話係炒貴刁 但我地覺得佢完全係炒河粉🤭不過都算啦照食啦 呢碟我地係有啲失望既賣相一般 味道都係一般無咩驚喜——————————————————————總結服務質素幾好既 不過上菜真係等好耐可能個陣rush hour啦然後雖然餐牌上呢幾款都mark左係辣但其實係香口得黎又唔係好辣 水都唔洗點飲🤭😂性價比都高既 極推薦生菜包！