邁爵斯 (福華街)

朋友介紹過嚟依間餐廳，我亦都睇過YouTube扒介紹 個名叫做意粉山 ，顧名思義 意粉出名性價比高，所以今日專程嚟打卡我喺下午茶時間過嚟所以冇乜嘢人亦都唔使點等位，入到你有一位哥哥招呼，個性比較隨和，原來點餐要去到收銀機點餐然後俾錢。今期大家都話應該要去試經典卡邦尼意粉，所以諗都唔諗就帶咗個卡幫你意粉，同埋我鴨腿配薯蓉，等咗大概10分鐘到已經上咗菜，分量真係比出邊大好多，而且真係好足料，難怪咁多人會過嚟幫襯。…查看更多

M.Y Majesty絕對係量尾之選所以長期都有好多人排隊，去到要拎飛等叫號碼 店鋪裝潢簡單 而且入面較細 ，但人流依然滔滔不絕 點解 佢會咁出名? 個個都肯排隊等?因為份量出名大份夾抵食! 多到一個人食有機會食唔晒由於係小店關係，諗好食咩就自己出去櫃台落單，店員會比號碼牌你，然後店員個號碼牌將食物送上你嘅枱面餐具要自己去拎 感覺有點似薩莉亞付款方式有:AlipayHK 支付寶 現金卡邦尼意粉意粉份量重量級，但估唔到芝士粉同煙肉都咁多  真係好誇張果然係出名的「意粉山」食落去仲有點蒜頭味佢味道真係唔錯 雖然稱不上超好味這個價錢呢個份量 值回票價 性價比高佢仲有提供辣椒醬 芝士粉 可以根據自己既個人口味再添加食完真係飽到上心口趣味薯角份量好多，簡值係熱氣之選炸得好香脆，食落去仲有蜜糖味好正阿總結:真係超抵食 依個價錢絕對超值 良心小店如果有機會我會再去 希望到時可以食到牛角酥 見好多人推薦，但我去到既時候已經賣完!…查看更多

月中已經開始有糧尾嘅感覺，朋友見我咁慘情，就話帶我去食個超抵食嘅巨人餐。呢間小店都算有幾多選擇，有意粉、牛角酥、仲有其他特色小食，我以為都係一般平民西餐咁啦！因為唔係好肚餓，所以就諗住扮細食叫一個意粉同埋一份牛角酥share食。呢間小店係要食客自己行出去落單，然後店員就跟住個號碼牌將食物送上你嘅枱面。我自己落咗單之後，先留意到其他食客食緊嘅意粉有幾大碟，我開始心知不妙一送碟意粉嚟我面前，我心諗發生咩事，點解碟意粉可以大碟成咁，起碼要兩個人先食得晒呢個意粉醬汁唔多，不過就充滿着濃濃嘅蒜頭味，如果鍾意食蒜味嘅朋友一定非常鍾意！牛角酥入面嘅餡好澎湃，一啲都唔吝嗇，再配埋大量嘅薯角，真係好抵食！薯角加咗少少蜜糖，鹹脆之中帶點甜，我同朋友都覺得好好食！以呢個份量嚟講，兩個人當然食唔晒啦！不過我哋好慳家打包返去又可以食多一餐喇我哋已經約定下次糧尾再嚟食過！…查看更多

呢一間長期都有好多人排隊留得住啲客既原因都係因為又平又大份而且味道又唔錯之餘，款式又多最常叫既一定係卡邦尼意粉意粉份量固然多，但啲芝士粉同煙肉都一樣咁多!份量一啲都唔孤寒但芝士粉撈耐左可以無咩汁既關係，會好乾2個人一齊食一定無問題我加多左個小食，炸薯條，香脆好厚份量一樣多到差啲食唔曬仲係啱啱炸起食完之後真係飽到上心口不過呢間既安排入座就有少少亂而且啲座位有少少迫，啲醬既數量唔係好夠迫住我自己去人地檯拎~可能因為人手又唔夠既關係收錢個個負責埋樓面既所有野，處理有少少慢既問題但野食平 靚 正 ，啱曬糧尾一族推介:  /5…查看更多

呢間每次去食dinner都要排長龍 今次等左半個中島我地要左2個意粉 都係超超超大碟。。1.香辣海鮮意粉($47)啲海鮮都好多 食極都有 而且微辣又有夠味 2.卡邦尼意粉($39)卡邦尼既味道對得住呢個價錢同份量 唔係話貴價個啲咁好味 但煙肉夠多又有少少蒜味 佢入面既環境其實都有啲迫 通常都要同其他人一齊坐一張大枱 但係啲嘢食都好抵食 一碟意粉已經好大份 基本上兩個人食一碟已經足夠飽 如果覺得唔夠嘅話 嗌多份小食都一定夠飽 係窮人恩物！…查看更多

深水埗多平民餐廳就眾所周知的，但多數只搵到中式平價餐廳，而M.Y. majesty 呢間就滿足到想食意粉薯條而又要求平價兼大碟既糧尾+大食人士！黎到門店，有隻可愛的貓咪做門神，不過就視乎唔太中意人地摸佢，所以只限可遠觀而不可褻玩。7點左右黎到已經有十幾個人等緊，不過有得拎飛，拎完飛再坐低等了半小時才有位，呢種又熱又濕天氣既係室外等都有啲難受。入到去，要自己去櫃檯落order,比埋錢，然後自餐具紙巾水等等都是自助式，餐廳不會收加一所以我都好支持呢種自助服務。首先出場係卡邦尼意粉，盛惠三十九大元，非常抵食！而且味道同一般的意式餐廳相若，份量卻比人多出一至兩倍。之後到肉醬腸長通粉，份量依然驚人，而且肉醬同腸都好多，唔洗驚只係得長通粉，非常足料。另外叫了一個小食-魚手指，呢款小食有點失望，顏色望落去似係油炸重用太多次，不太新鮮，而味道食落亦無咩魚肉味，只有澱粉同油炸味。飲料方面，呢款蜜桃荔枝梳打都幾推薦，夏日炎炎好解暑…查看更多

之前上網見到有人拍片講述佢的意粉山一睇已經好驚喜，個價錢更加令我深深難忘難得班姐妹約食飯，緊係要去try try當日係星期五晚上，我地四位等左20分鐘左右入座原先諗住咁平，佢的質素我都冇咪期望我地叫左卡邦尼意粉，雞肉長通粉，水牛芝士煙肉牛角包和薯角首先，講下個卡邦尼意粉激讚，好creamyD芝士有拉絲效果而且冇因為價錢而降低食品質素雞肉長通粉相比下就略為普通，所以可以skip薯角係另一個驚喜位置，真係新鮮炸仲要甜甜地，超好食飲品有成700mL，好大杯總括而言，性價比極高，一定要去try try…查看更多

呢到啲意粉係超大份 一份夠2個女仔食 2個女仔嘅一個意粉加個份量多少少嘅小食一定夠飽卡邦尼意粉個份量一定冇得輸 見到好多枱都嗌 味道唔錯 但因為始終都係白汁 食到最低都係有啲漏 如果仲係覺得唔夠味 可以去自助區拎芝士粉。趣味薯角呢到嘅薯角係新鮮炸起 拎到出嚟仲係好熱好脆 特別之處係 個薯角上面淋咗蜜糖 都因為有蜜糖就唔洗點茄汁 再點茄汁嘅個味會變到好怪 但蜜糖嘅份量 未必枱枱一樣 如果真係想要多啲蜜糖 可以試下叫個陣同收銀講聲。至於服務方面 始終係小店人手唔多 好多嘢都自助 同埋啲枱都幾逼 有啲位仲要比隔離枱頂住 出入就唔太方便 因為自助變相就要隔離枱不停起身讓位 都因為有張枱隔住 啲侍應上菜個陣隻手會跨過出面張枱 所以都要睇坐咩位 如果坐正啲會頂住人同比人頂住嘅位 都幾麻煩。同埋因為都幾多人 去食就要有心理準備要等位 晚飯時間大約等30分鐘…查看更多

呢間係太子同深水埗交界既餐廳出晒名抵食夾大件，由以前黎食唔使等到而要成個鐘先有得食，都抵佢出名既👍🏻一行4人大約7點半黎到，等左45分鐘就有得入坐。叫左4樣野食，正確價錢唔係好記得啦，但肯定全部都唔過$40，仲要包一杯熱紅茶（試過無味，同要問職員先有）意粉叫左最有保障既卡邦尼同蜆肉意粉。前者既煙肉應該係烚既，唔太香口，但味道都可以接受。後者就比較淡，好彩有d香草調味墨西哥卷同想像中有出入，不過係好味既，但麥樂雞就有少少overcook左最推薦係呢個牛角包，蛋沙津入面有栗米同火腿，配上大量蜜糖薯角，味道唔錯！但牛角包數量有限，晏左黎就會賣晒。總括：呢個價錢對得起呢個質素，都無乜可以要求，食唔晒仲可以帶走。…查看更多