炊公館

營業中

休息中

喺得尖沙咀區返工，呢區有咩好野新野食又點會唔知！之前同秘書小姐黎過呢度食lunch覺得唔錯，環境闊落景觀開揚，食物又有質素，所以今日放工就約左個舊同學黎試下晚餐~睇睇menu，有兩個餐都做緊推廣discount，咁我地就揀左個經濟少少$338嘅，望落都相當豐富，雀仔胃嘅女仔肯定食唔晒~今日個餐湯係洋蔥湯，閒落好香，飲落濃郁但又唔係鹹，洋蔥好滑口~跟住就係卡邦尼意粉，份量唔會太over，因為陣間仲會有main course嘛~個Carbonara入口夠creamy，味道好出唔會淡而無味，食完會好想再食~Main course我就揀左烤澳洲肉眼扒，我呢啲牛魔王梗係無牛不歡，要滿足我亦唔係咁易，因為成個尖咀好多地方嘅牛扒我都食過！呢度塊ribeye steak好夠厚身，入口juicy，有咬口，剛剛好唔會韌，烤到外脆內嫩，肉味濃，個人認為五成熟最正~同學仔揀左個烤美國雞胸伴巴馬火腿，佢話keep fit唔可以好似我呢啲瘦底人咁食得咁heavy喎，不過都忍唔住大家交換左少少黎食~呀！估唔到個雞胸又相當唔錯喎，一聽到雞胸我已經怕怕，實好鞋口，但原來食落又幾鬆化，配埋個汁同parmaham一齊食味道

每到星期五食lunch都特別開心，因為唔洗食頹飯或帶飯，可以同同事出去食好啲兼傾計relax下~之前已經黎過呢度一次，完全被佢既超開揚舒適環境迷住，呢度既半自助餐好豐富，選擇又多，所以今日就同同事encore，發現加入左唔少全新既健康沙律同餐湯系列，咁幾好喎，定期黎食都可以有新意~例如有近年好火熱既「超級食物」，吸睛開胃，鮮脆口感食落好豐富爽口，健康又美味。仲有紅菜頭蘋果湯，又係超級食物，雖然係素湯但營養勁豐富，聽講極低脂、高纖維、仲有茄紅素抗氧化幫助美白，真係要飲多幾碗先得，好味好味~Main course其中一個揀左卡邦尼意粉，意粉、煙肉、蒜蓉、雞蛋同芝士比例好正，食落忌廉味香濃，好滑身，好creamy~另一個就係厚切加拿大天然穀飼豬鞍扒，週邊煎至金黃色，入面完全保留肉汁，肉味濃郁，肉質鬆軟，口感嫩滑，超級美味 ~埋單每位約$220，仲有三送一優惠，下次拉大隊再食過~

之前同朋友去過呢間餐廳嘅銅鑼灣分店，畀果度既無敵靚景完全迷住，今日再同朋友飯聚，我建議再去，朋友先話我知原來尖咀都有分店，食完仲方便大家返屋企，所以今次就試下尖咀店既水準啦~一坐低侍應同我地介紹有個新餐，見到有5個course，做緊65折優惠，原價每人$520，而家$338，聽落又幾抵喎，無理由唔試下丫~落好order就四圍望望欣賞下呢度個維港靚view，原來都非常之吸引，一啲都唔比銅鑼灣果邊輸蝕，喺咁既環境歎下好野、傾下閒計，超級relax~呢個set既份量相當豐富，首先有凱撒沙律、松露野菌湯同卡邦尼意粉，我諗食量少啲既女仔食到呢part已經飽左，哈哈 (當然本小姐係例外)~卡邦尼意粉口感好rich，味道夠香，相當有水準~主菜3揀1，有烤澳洲牛柳、厚切加拿大天然穀飼豬鞍扒同烤波士頓龍蝦，款款都咁吸引，我諗有選擇困難症既人真係唔知點算好！好在我係海鮮控，所以毫無疑問揀龍蝦~蝦肉食得出好新鮮，又夠彈牙，味道令人好回味，可唔可以食多幾隻呀？最後甜品就係芝士蛋糕同朱古力蛋糕之爭，今晚想食得重口味啲，所以揀左勁香濃既朱古力蛋糕~入口幼滑，完全大滿足!!!!!

友人同我慶祝生日，佢之前已要求坐窗邊不負所望，風景好靚我地每人各叫一個set dinner另外叫左set 生蠔（6隻）同加一支白酒服務生對白酒認識爭d因為叫一set生蠔可以加錢有一支白酒有三款白酒俾我地揀，我地問三支酒味道有咩分別服務生支吾以對，唔太講得出分別。我地最尾加左最平果支白酒，都啱我地口味我地既set dinner 有凱撒沙律、黑松露野菌湯、卡邦尼意粉、牛柳/豬扒/半隻龍蝦(3選1)、芝士蛋糕或朱古力蛋糕凱撒沙律、卡邦尼意粉普通黑松露雜菌湯、牛柳、豬扒好味我覺得豬扒好味過牛柳咬落去較爽口，我幾鍾意呢種口感芝士蛋糕普通朱古力蛋糕味道夠濃，但友人覺得朱古力蛋糕有d硬我地都覺得呢間餐廳環境幾好，食物不錯之餘又有靚景，會再幫襯