千両 (又一城)

營業中

休息中

到達已將近打洋，樓上廂房都己關閉，唯有坐下層，上層舒服好很多架 ﹗距離 last order 只得半小時，要快快決定落單咯。經常睇完戲食尾圍，大部份較受歡迎的菜色都已經沽清，真陰功 ﹗金目鯛賣晒、天然小綢賣晒、美人蠔賣晒。兩口子淺嚐一下，食得清一點吧 ﹗澤姬若人釀酒、真鯛薄切刺身配海膽醬、牛油燒七彩緋貝、榮螺壽司、千兩壽司、炙燒極上和牛壽司、甜蝦蟹膏軍艦、千兩手卷、特選大吞拿魚腩刺身、日本直送海膽刺身、縞魚參薄切刺身、鰈魚西京燒、板燒慢煮叉燒、炸軟殼蟹、冷稻庭手打烏冬、串燒雞腎、串燒雞翼、串燒豚肉、多謝 $2500 個大洋 ﹗澤姬若人釀酒，揀支較淡，酒精不濃的大吟嚷，當然價錢相對地平好多好多呢。對我來講實在太淡茂茂，似蜂皇精溝水一樣，下次唔好喇。全部都係玻璃酒杯真的不喜歡，我要古色古鄉設計，陶瓷或木造都可以。縞魚參薄切刺身，白肉味道清淡，瘦瘦的沒怎麼魚脂甘甜，食其嚥韌帶彈的肉質，捲上薑蓉蔥花享受其清新魚鮮味道。真鯛薄切刺身配海膽醬，半透明若隠若現盡是誘惑，原味品嚐。淡淡微弱清清的純天然魚味，再來浸浸海膽醬，鮮甜味澎湃，特濃海膽味只甜不腥，黏黏的付在刺身上，雖有點喧賓奪主感覺，但淡淡白肉

初次約會選址九龍塘，係大家中間位最好。我先到逹，望見迴旋壽司位空間十分細，要求坐住等 order 檯。大陸婆侍應勁無禮貌，木無表情地回答唔得喎，您要轉 order 檯就出門口再攞飛。我心諗好巴閉咩，面黑黑出返去攞飛﹗接待處四眼後生仔面帶笑容問先生係咪照等 order 檯呢，好快有喇，埋緊單。我個心都舒服晒，等都等得甘心。加賀之月琥珀月，淡淡甜味，淺淺酒香，醇美順喉易入口，送刺生或壽司都好夾。再次飲我第二最愛琥珀月，硬係遇唔到我最愛的秋月！不到十分鐘可以入座喇，美女還未到步，我先叫支清酒降降火又降降溫先。美女終於降臨，其實我已諗好菜色，待美女批核就可以發板喇。九點尾圍開飯什麼靚食材都沒有了，連原條魚刺生也沒有。侍應哥哥話星期一無魚返，逢星期二先有，無食神照住咯。松葉蟹腳天婦羅，如煙如霚的天婦羅脆漿，高質好廚藝，調得非常美觀鬆脆可口。雞髀菇爽爽的，望到還以為係蕃薯呢。冬菇彈彈的，菇味鮮濃。韓國芝麻葉，清香獨特，有點點薄荷味道。南瓜，我地兩個都唔食南瓜架，sorry 啊。蟹腳難得好好食，有蟹汁有蟹甜，外脆內嫩。天婦羅罕有地配上蟹膏麵豉醬，第一次遇到，不過麵豉味強烈，完全食唔出有蟹膏味道喎。南

元氣壽司小妹可算係粉絲一名，反而旗下品牌千両連埋今次只係第二次食，估唔到原來除左刺身壽司外，仲有一系列串燒、炸物、煮物等供應，種類甚多! 二、三月的春季正是油甘魚盛產之時，今晚便和友人來到又一城元氣旗下的千両旗艦店品嚐這頓油甘魚之夜。.這間千両旗艦店有著大大的門面，像居酒屋般可讓客人品嚐清酒，享用這裡的美食。座位滿多的，走上樓梯後原來裡頭還有更多座位!.一坐下朋友先點了特選清酒拼盤，據說分為薰、爽、醇及熟四個類別來搭配不膽的時令海鮮，不過不懂喝酒的小妹就不多講喇。.香蒜炸甜蝦 $45甜蝦炸至乾身不油膩，原隻咬落卜卜脆很香口惹味，佐酒一流！.味淋魚乾 $58燒過的魚乾咬落帶點腍身之餘又帶點煙韌口感，沾上些蛋黃醬更加滋味。據說來自這兩款果味油甘魚分別來自愛媛縣及九洲大分縣，由於都分別用上柑橘和蜜柑餵飼，所以食落會有陣陣果香。.蜜柑味油甘魚刺身 $105一客六片的油甘魚刺身，上面伴以柚子酸汁啫喱，食落鮮味十足，亦帶點酸酸甜甜的味道。不過可能加左柚子酸汁啫喱，所以蜜柑味不太明顯。.灸燒柑橘味油甘魚刺身 $108經灸燒過的油甘魚刺身，伴以酸汁蘿蔔茸及魚子，讓魚肉入口帶有清甜的味道；經灸燒過的油甘

幾位朋友嘅小飯局，選址又一城嘅千両，皆因地理便捷，觀塘線、東鐵線交匯，而小弟返美孚亦可選東鐵到紅磡轉西鐵，一陣就返到屋企。而且，印象中嘅千兩本身都不俗，加上依間千兩作為旗艦店自然加多幾分信心。除咗佢哋出名嘅朝捕晚嚐、產地直送嘅賣點之外，「春季時令鮮の選」嘅季節限定，亦喺朋友嘅好介紹。既然喺旗艦店，跟一般嘅分店當然有別，最大分別我估就喺一入門口位有個搶眼嘅清酒酒吧外，就喺唔會晌度搵到迴轉壽司帶。再者，全店都裝修得美輪美奐、時尚摩登，配合柔和光效，讓人感覺輕鬆。味淋魚亁 $58魚乾入口煙韌得嚟唔會太乾身，仲帶半分軟腍，味道甜甜哋咁，作為餐前小食咬吓咬吓過吓口癮。梅子青檸梳打 $24朋友要咗點清酒，小弟酒量淺就無謂攞自己嚟搞，一杯冰涼清爽嘅梅子青檸梳打就最啱我，尤其依排突然又上番26、27℃，酸香醒神。如餐牌內頁嘅介紹：「走進來自日本關東栃木縣的千両，沒有過份的奢華，拒人千里之外的包裝，有的是傳統精湛「江戶前」手握壽司手藝……」，所以，佢哋嘅手握壽司又點可以錯過。千両特色四點盛 $180比起散點可以慳番$20，4款壽司（大拖羅、和牛、海膽同埋千兩壽司）都可以算喺店中招牌，雖然賣相平實都喺壽司