鮨生賢

呢間門面感覺低調，但一踏進餐廳就有種置身日本傳統壽司店的格局，無論係店員的親切度，師傅整壽司時的一副認真嚴謹樣子，都令我覺得餐廳格調高尚，氣派十足。當日揀左壽司18貫，前後仲有前菜、湯品、甜品等，甚為豐富。🔹白蝦伴酒盗師傳首先弄了一道白蝦伴酒盗，酒盗香濃，配柔綿口感的白蝦一流。🔹三文魚籽接著係三文魚籽，魚籽相當新鮮，粒粒黏同緊密，鹹甜香味十足。🔹北海道真蠔緊接著就係北海道真蠔，大而肥美，鮮中帶海水味，爽滑新鮮。跟住就到食刺身🔹金目鯛師傳輕輕燒過的金目鯛，肉質細緻，油脂適中。🔹紡綞鰤師傅話極為罕有，可以話可遇不可求，肉質甘香魚味濃。🔹烏頭白子未必個個中意食，但呢種燒過既，入口即溶，好似熱溶豆腐咁，好creamy。🔹燒帶子夾海膽呢款無人不歡既燒帶子夾海膽，帶子厚肉，海膽鮮甜🔹深海八爪魚煙韌清甜，味道新鮮。-🔹鮟鱇魚肝微微橙色代表新鮮，魚肝厚身 口感綿綿。🔹鮑魚口感香淋入味，鮑味香濃。🔹湯葉呢款湯葉，亦即係新鮮豆腐皮，係作為食壽司前既過渡；口感幼滑，豆味清香。食左咁多款刺身同罕貴食物，終於黎到食壽司既部分喇～🔹銀雪魚肉質結實爽口。🔹赤貝非常新鮮，放上碟上仲識郁一下，好爽口。🔹剝皮魚上加左剝皮魚肝醬，雙重滋味，魚味香濃。🔹喜知次亦算較珍貴食材，肥美油脂，嫩滑爽口😍😍。🔹秋刀魚味道鮮甜，魚味濃郁。唔係度度都食到咁新鮮既秋刀架🤩🔹拖羅有口福既我，今日食左拖羅3個部位，呢款野生熟成拖羅肉色會較深。頸口位，帶有油脂，入口易溶；腩位比較爽口，肉質較韌；赤身雖冇脂肪，但肉味香濃鮮嫩。🔹馬冀海膽師傳呢到有三種等級既馬冀海膽。第一款海膽味最重；第二款食有微甘香三款入面最甜，而且最為頂級，會微微有蛋黃味，回甘度最高。 🔹蜆湯蜆肉大大雙，味道鮮甜。🔹拖羅魚蓉手卷最後仲有手卷，當時的我已經飽到一個點，但係見到師傳加入芝麻香蔥等秘製配料，再加入超足料既拖羅。實在係飽住食美食🤤🤤！🔹甜品最最最後仲有芒果雪糕配熊本草莓作結，草莓鮮甜，同芒果味好配搭。總結，第一次感覺到食緊一餐好正宗既日本壽司，係真係全刺身和壽司，非常滿足。😚😚❤❤…查看更多

雖然剛剛既東京生日旅行都吃過廚師發辦，手工食材係好的，但始終香港食係最有親切感。至少可以跟壽司師傅交流一下，加深了解各種魚既特徵，畢竟日本菜係一種學問。食既同時亦上了一課，而不單只係放入口再展示滿足既笑容便算~ 是次得到朋友既厚愛帶我來到灣仔廈門街，呢間專做江戶前熟成壽司既鮨店慶祝生日。先來靜岡果茄打開味蕾外皮無北海道蕃茄咁厚，但甜度更高，近乎生果既甜美，因此有【果茄】既稱號北海道真蠔 肉厚爽口，餘韻鮮味細膩。金屬、海水味唔重，更突顯真蠔既鮮甜~酒盜。小白蝦酒盜係鹽漬過既鰹魚內臟，跟鮮美亮白既小白蝦拌勻，酒盜既咸鮮又唔會蓋過小白蝦既甘甜，效果很配💕薄切既深海池魚，薄得通透，肉質細緻爽口~。卷住蔥醋汁，更帶出魚鮮味。來自東京鷗洋水產既磯煮鮑魚，醬汁炆透入味，肉質柔嫩彈牙有嚼勁，有糖心既味道~ 雪白微酸既柚子蘿蔔，帶有淡香柚子味，口感爽脆。煮深海八爪魚，質感軟熟，唔會實的的咬唔開，仲充滿海水味~連子鯛係高檔次既鯛魚，粉色既魚皮，肉質細嫩, 食落爽口, 魚味帶點清甜~石鯛 肉質同樣細緻鮮嫩，味道偏淡~活赤貝 爽厚、有彈性，仿佛充滿著生命，味道非常鮮甜，令人回味!江户前壽司既代表小肌魚，處理工序多，亦非常考師傅功夫。魚肉散發著醋香又不失魚鮮，兩者取得平衡～牡丹蝦甘甜鮮味得很，肉質爽滑帶膠質~北海道白粟米，香甜多汁，味道難以忘懷中拖羅醬油漬，近拖羅位罝，比較瘦，但因為熟成既魚肉蛋白質會分解，所以口感比較軟腍。　同樣係中拖羅醬油漬，不過近赤身部位。　赤身醬油漬，滿口充斥住醬油既芳香，亦保持赤身既濃鮮味。　粉色既大拖羅，睇住師傅輕炙左一下，迫出甘香既油脂，份外肥腴～黑梅貝，可以整粒連內臟吃，螺味濃，醬汁有味醂既甜味。北海道根室馬糞海膽入口有說不出口的滿足，份量大之餘，鮮美度好高，喺口中良久不散。　經過海藻既製作，更有一絲海藻鮮味，跟以前吃過的有不一樣的味道，更可以話係食過最好味既一件海膽壽司。　鮟鱇魚肝手卷一向偏愛肝臟，雞鴨鵝肝無一不歡，更加喜愛鮟鱇魚肝。師傳將鮟鱇魚肝切碎口感軟滑，加入胡麻味道更濃厚，繼而青瓜既清新味～文蛤湯 肥嫩既大蜆令麵豉湯昇華，熱湯即時到流到胃中，心暖一下最後以紅豆抹茶奶凍作結抹茶奶凍質感滑溜，充滿抹茶香，唔會太甜～呢餐生日飯除左同朋友食得開懷，同師傅都有唔少交流，師傳太太更親切招待～整體氣氛唔錯！…查看更多

今日黎試呢間o係灣仔新開張嘅omakase。位置唔難搵，o係喜匯旁邊嘅廈門街。上到去門口分別有一塊小木牌同紅色布幅寫上餐廳名「鮨生賢」，設計清晰簡約。入到去樓面都係行木系清新簡約風格，一張長嘅Omakase檯，加上五張卡位檯。Omakase檯每一個位都已經一早Set好，擺得好整齊，菜單同用餐布上嘅文字都係由老闆親手寫落去，成件事非常有質感。今次目標十分清晰，就係食omakase。從來omakase就講食客對師傅嘅尊重同信任，所以都唔洗諗好多，揀好一個價錢嘅餐，就交比師傅決定食咩食材！好快就已經有前菜食！有四點包括果茄、湯頁、蘿蔔同青瓜海蜇。 第一次食果茄，原來係咁甜！經理都同我地解釋得其名，就係因為食落個甜度好似水果，可想而知真係幾清甜；湯頁即係新鮮嘅豆腐皮。食落非常清新，有淡淡嘅豆味，加埋係冷盤，當清一清味蕾；蘿蔔整得好軟好入味，每啖都有好多汁；青瓜海蜇同樣清新爽口，做前菜一流！食完前菜，師傅好細心會切幾片柚子蘿蔔同薑片，比我清一清味蕾。雖然話咁，都唔好忽略佢，因為柚子味都幾重，好食！接下來係北海道真蠔。隻蠔超大隻，蠔殼大過一個男士嘅手掌，蠔肉同一部IPhoneX差不多大！食落非常鮮甜，海水味唔會太鹹，好似我呢D食唔慣蠔嘅，都覺得好好食！上面嘅蔥同柚子，吊起左整隻蠔嘅鮮味。掂！接下來係刺身嘅部分。首先係海螺刺身。海水味就無，換得而來就係海螺本身嘅鮮味，加埋爽口彈牙，脆卜卜非常過癮。 下一道係深海池魚，新鮮就當然啦～ 蔥（介紹係日本最幼嘅蔥）同個酸隻加埋一齊，將刺身昇華，鮮味中帶有一點點酸，胃口即刻打開！係食呢道菜前，師傅賣關子唔話比我地知係咩，要我地食左先講。「來吧！我甚麼都不怕！」表面稍微燒焦，食落表面有少少脆身。一咬下去，有D滑溜溜嘅液體流出來，我迅間就知道大約係咩來..師傅即刻話呢個係真鯛嘅白子。簡單講就係精子。老實講我唔係好食得慣，師傅話呢個係季節性食材，只有春天先有，即刻大開眼界，平時無機會食嘅野，我就係道食到啦～下一道係深海八爪魚刺身。平時食開嘅八爪魚就無咩味，但呢到嘅八爪魚係用汁浸過，所以非常入味。以為會好有煙奀，但食落先發現師傅已經整到好淋，唔難咬開，所以食落都唔會好狼狽。之後係凍食嘅鮑魚。口感整得岩岩好，唔會太奀口，又唔會太淋。細啖細啖食，都好有鮑魚嘅香味。隨鮑魚會有伴碟。唔好睇小佢，初頭唔知可以食，經理提議下一齊食，好香嘅紫蘇葉味散發整個口腔，超級香！真係有眼不識泰山。最後一道刺身係帶子海膽，再用紫菜包好。帶子表面用火槍燒過，令表面微脆，加埋軟淋淋嘅海膽，仲有紫菜十分香脆。帶子嘅油融入海膽同紫菜，係以前未食過嘅感覺。食完刺身，飲啖茶食塊薑，就開始食壽司啦～呢到嘅壽司飯全部都係用醋同鰹魚汁整，唔會淡而無味。第一件係蓮子鯛。本身就已經非常肥美，油脂充滿整個表面，所以啖啖滋味滿足，魚肉亦唔奀口，非常好！第二件係針魚。相對上係一款比較含罕有嘅深海魚（就係細細個紀錄片個D）。第一次食肉質比想像中淋，每一啖就記起佢鼻子上面個支好長嘅針，抓到佢D漁夫真厲害！第三件係比較常見嘅金目雕，即係我地香港人叫嘅大眼雞。魚身表面呈鮮紅色，吶吶令，望落去非常養眼。食落有陣陣果香味，係一浸無想過食壽司可以食到嘅味道，非常特別。第四件係真池魚。食落非常有口感，淡淡新鮮嘅味道，而且肉質肥美，一D都唔梅，爽口十足。好食！第五件係黑鯥壽司。黑鯥係另一款深海魚，因為數量稀少，所以亦係非常名貴嘅食材。入口肉質彈牙，亦都相當幼滑，味道偏濃。第六件係小肌，唔同大小嘅鰶魚都有唔同嘅名。小肌就係長7-10厘米嘅鰶魚。師傅特登擺左一塊薑片係小肌上面，大大提升左小肌嘅新鮮味道，咬落有咬口，都幾得意。之後就係牡丹蝦啦！呢到嘅牡丹蝦將頭切走，就只有下半身，所以滿足到我呢D懶人，可以一啖擺落口食！食落唔梅口，代表非常新鮮好食！平時係大型連鎖店嘅赤身係硬硬一塊攤係壽司飯上面，但呢到嘅赤身係非常鬆軟，顏色亦都非常深紅，擺入口唔係驚，夠新鮮先會係呢隻色！然後係整個omakase我最喜歡嘅大拖羅！呢份大拖羅肥美嘅級數單以文字形容都未必形容到個好味嘅程度。入口原來真係有即溶！食完層油仲會遺留係舌頭上面，要一啖食得曬，都咪話唔難道，因為實在太肥太正啦！！！真係要慢慢食～呢個搭高做嘅，係北海道馬糞海膽。配飯食又係另一種風味。海膽配合鰹魚汁，更能托出海膽個鮮味，當然仲有海水味啦～大拖羅係最肥美，呢個就係第二啦～ 吞拿魚蓉手卷。用火槍稍微燒燒吞拿魚，等D油燒曬出來，再打成蓉，配埋紫菜又係第二個味道，食落無咁大內疚感～哈哈～臨近尾聲，蝦味噌湯沖一沖整個味蕾，成件事好足料，蝦頭仲可以食埋膏。好食好食！最後甜品係紅豆糯米池！上碟非常精緻，一個Mochi再加埋一塊楓葉，雖然唔食得，不過都睇得！紅豆甜而不膩，為整個omakase劃上完美句號！成個Omakase，食左2個幾鐘。由前菜到甜品，都好似一件又一件藝術品，食完真係好滿足～…查看更多

灣仔的確係美食寶藏。大街小巷好多隱世高級餐廳，最近新開左一間omakase, 叫鮨生賢。原來生&賢係老闆同老闆娘個名嘅其中一個字。所以依間餐廳係老闆夫婦嘅結晶品。老闆話餐廳入邊嘅一草一木都係佢自己一手包辦的。餐廳裝修簡約。又用左好多金色元素去襯托。場面冠冕堂皇得黎亦好乾淨。第一款菜係北海道真蠔一隻手掌咁大既生蠔，我一啖啪入口中，肥美多汁，加上自家製醬汁都掩蓋不了呢隻蠔既鮮味，仲要少少清甜食完生蠔後胃口大增。此時見師傳拎起魚火槍，不斷有魚香味攻擊我嘅味蕾。然後就係呢一碟喇！呢碟菜式係...師傳叫我地食左先開估. 一咬開，口感屬於半凝固狀態，好濃既魚油香爆入口中。奶奶地幾香口。原來依道係魚白，即係黑鯥魚既sperm. 係時令菜式黎嫁，平時想食都食唔到嫁，真係第一次試呀😙鮟鱇魚肝呢隻魚肝又係出邊非常之難食到嘅，口感好似鵝肝咁。口感比鵝肝平滑+硬靜少少，但係放入口咬一咬，都會帶比你一種入口即溶嘅感覺。香氣停留口腔至我食下一款菜式之前再者就是煮鮑魚，呢款鮑魚係凍食的。由於係過左冷河左嘅關係，肉質更為彈牙。平政平政望落好似油甘魚，但係其實係比油甘魚再高一個lv 既品種。其實仔細一望係會望得出輕微既差別。平政比一般油甘魚更加雪白剔透。咬落魚油香味重。配合調左未嘅壽司飯，成個感覺好match ！師傅提醒記住要一口食完呀，以達致最佳效果！針魚呢款壽司係屬於比較唔同嘅一個分類，首先望落去係半透明狀，鮨生賢內嘅燈光照落去會反光變成銀色既刺身。佢口感係比較實淨，味道甘甜金目鯛呢款係全日油分最高的魚，師傅會用火槍炙燒半分鐘，將金目鯛既魚油逼晒去刺身既表面。未放入口已經聞到強烈魚香，一咬開啲魚油係口腔爆發而且入口即溶。嘩，鐘意魚油香既我好滿足呀！黑鯥（牛眼鯥）在口腔已經充滿魚油之際， 師傅安排魚味更濃嘅黑鯥魚壽司，味蕾既沖擊達至高峰。呢款係我最喜愛嘅2款日本壽司，熟成拖羅+灸燒版本。師傅自己用獨門秘方將新鮮切開嘅拖羅醃制。魚油極香，而且成條拖羅每一部份都充滿了秘制醬汁魚油混合嘅鮮味香味，食完之後油香會在口腔回甘。非常享受…查看更多