Cherry Tokyo Cafe (將軍澳中心)

年紀大！不想去熱鬧的地方，所以決定在附近的餐廳食dinner!如我所料，早一點吃晚飯，不用等位😆，而且可以安排在一個舒適的位置😄挑選好晚餐後，侍應才告知因為今日是除夕，所以沒有優惠限定，所以只好加套餐優惠！北海道帆立貝車海老意大利飯：外型及味道也不錯，帆立貝大大粒，🦐啖啖肉😄煙燻三文魚牛油果忌廉意粉不過不失，但最滿意是好多蟹子⋯⋯是日甜品是原味芝士蛋糕及綠茶芝士蛋糕，雖然細細件，但重質不重量，好味道已經滿足…查看更多

Cherry 開左一排,日日都爆晒,門口企滿晒人等位。今日晏晏地見人潮散左就試下啦。睇睇餐牌,叫左2個前菜1)慢煮麵豉牛脷,牛脷慢煮4個鐘,香煎後外脆內軟,牛味超濃,入口即溶,但係肉質唔會梅晒,味道幾好,有陣咸香味,雖然得4舊,但超推。2)松茸野菌酥皮卷,呢個上檯時超熱, 酥皮好脆,但係好油,內餡好咸,黑松露味道太濃,蓋晒所有味道,整個菜只食到咸,脆,黑松露味道, 唔推。2個主菜3)北海道帆立貝車海老意大利飯,帆立貝煎得好,外脆裡面剛熟,而且有甜味,大蝦肉質爽口鮮甜,但飯粒唔夠硬,味道唔特出,而且份量好少,成個飯最特出既就只係海鮮, 呢個可試可不試。4)芥末籽醬牛肉芝士漢堡,麵包唔會乾,軟熟,牛肉漢堡扒有d散,但肉味都ok, 唔算好乾,但食唔出芥末籽醬味道,醬好淡同唔夠,薯條夠熱,脆,味道ok唔會太燶2杯飲品,每一個主菜飲品可減10蚊,都幾抵5)自家製檸檬特飲,呢個飲左一陣先記得影相, 味道普通,唔特別,而且賣相真係差,好似茶餐廳凍檸水6)紫薯鮮奶,呢個真心推介, 夠熱,超滑,濃味紫薯,好似飲緊個甜品咁呀,成杯粉紫色,加晒分另外值得一讚既係每一個店員非常有禮貌, 令顧客有一個愉快既心情去食飯…查看更多

前排朋友仔搬左去將軍澳，幫佢執完野之後，我們就去醫肚了。正係我諗緊食日餐定西餐時，佢就帶左我去位於將軍澳中心食日式的咖啡廳CHERRY Tokyo Cafe。餐廳係個開揚的地方，坐得都幾舒適，加上餐廳的原木色調設計，令人有種輕鬆的感覺。黎到Cafe，當然要飲下餐廳的Signature咖啡啦！係三款餐廳推介的咖啡中，我揀左杯只可堂食的法式焦糖燉蛋泡沫咖啡。焦糖燉蛋泡沫咖啡其實係係奶泡上落糖再燒，令味道更豐富，咖啡都幾滑，如果飲咖啡的大家，不仿試下呢到的咖啡。朋友仔個杯係水果冰茶，係跟餐的餐飲。唔好以為免費的餐飲就一定無得揀，餐廳都有唔同的味道比大家選擇，包括白桃、荔枝及熱情果。朋友仔呢杯就係熱情味，味道幾香之餘，仲唔算太甜。小食方面，我們叫左一份迷你牛肉漢堡。牛肉食得出係自家製的漢堡排，口感都幾juicy，另外加埋炸到金黃脆卜卜的薯條，令食慾大增。另外，我們叫左兩份主食，而其中一份就係迷你丼配麵豉湯。叫呢個日式魚生丼係因為我見到呢到有葱拖羅蓉丼！其實餐廳有多款的迷你丼，當中包括朋友點的三文魚親子、霜燒刺身、三文魚甜蝦蓉、雜錦角切刺身、三色刺身，$88的套餐中，你可以揀兩款心水的魚生丼，相當抵食。葱拖羅蓉丼的魚蓉唔會將價就價咁減少用料，拖羅都幾新鮮，而且拖羅mix埋香葱及芝麻真係非常香！朋友仔揀的三文魚丼都唔弱，有三大片三文魚刺身，雖然三文魚唔算好厚，不過新鮮度都ok。另外，朋友仔話三文魚子夠鮮，同飯一齊食，感覺好滿足。另外，我們仲叫左一份北海道帆立貝車海老意大利飯。齋睇已經覺顏色好靚，令食慾大增。意大利飯每粒都漲卜卜，吸滿湯的精華。此外海老非常厚肉，加上煎香的北海道帆立貝，令整個菜式更昇華。最後，我們仲想傾多陣計，所以就叫左一份麵包布甸配軟雪糕邊食邊傾。由於已經切成小塊，食的時候非常方便。雪糕方面我們揀左牛奶味。如果你係抺茶控，你可以揀抹茶雪糕。將雪糕放係暖暖的麵包布甸下，就會溶成牛奶汁，配埋麵包布甸都幾好食。==============================鍾意我的分享的，我邀請你訂閲我的食評，我會繼續與大家繼續吃掉世界，甚至吃掉整個宇宙！(哈哈)…查看更多

見到Facebook 寫呢間cafe有陳豪咖啡飲，純粹見個gimmick幾得意所以經過就諗住試下，不過因為食晚餐無點到咖啡唯有下次再去試啦。餐牌上都幾多選擇，而且好多都好吸引！不過得兩個人，試唔得到太多菜式。今次點左北海道凡立貝車海老意粉、黑松露野菌忌廉意粉，同埋炸薯條配黑松露醬。本來係想叫大蜆意粉既，但侍應話無哂蜆，所以下次再試北海道帆立貝車海老意大利飯：一上枱浸燒蝦味就傳入我地個鼻真係好香，仲要好好食只可惜只得一隻要兩份分。個飯整體上唔錯，濕度都適中，好快就食哂，份量我地覺得少左啲。黑松露野菌忌廉意粉：忌廉味濃，但黑松露味唔算突出，整體okay, 但唔係話好特別。炸薯條配黑松露醬：熱上既薯條點都好食黑松露醬其實唔差，不過個人喜好都係鐘意點茄汁，侍應好好有主動問我地要唔要，不會浪費為左個大蜆意粉，應該會再黎encore, 同試下其他菜式。價錢黎講都吾算好貴…查看更多