古琴雅苑 (太子集團中心)

營業中

休息中

有別於普通嘅片皮鴨，北京烤鴨係連皮加肉一齊食，肥瘦度適中，咬落好Juice，上枱嘅時候仲係熱辣辣，佢仲有唔同嘅醬汁，特別有一款係酸酸甜甜嘅，個麵粉皮整得幾好，好薄身，每層都格有一張紙，方便拎。特別一講係啲配菜可以添加，唔會好乾身。另外叫咗松子魚，有啲失望，條魚比較細條，覺得個皮炸得厚，粉多肉少，但個醬汁都叫補救到。砂鍋雲吞雞，值得推薦，個湯底真係幾有雞湯味，啲雞仲好滑，材料多，口感好豐富，雲吞好滑好足餡料。

我哋大概六點半去到，因為平日所以唔係好多人，好快就可以安排入座，但係8點走嘅時候，見到好多人等緊位。餐廳環境枱與枱之間都比較闊落，我哋四個人嗌左四個餸，叫咗主打嘅北京烤鴨，個烤鴨比起平時食到嘅片皮鴨有啲分別，平時片皮鴨嘅皮同埋肉係分開，但係烤鴨就係皮肉一齊嘅，可以現場睇到師傅嘅切功，配料方面多咗砂糖同蜂蜜黃梅醬嘅配搭，服務員仲介紹咗鴨胸皮嘅一口酥，係成隻鴨最脆嘅地方，我覺得隻鴨唔算好肥，烤出嚟仲好juice。砂鍋雲吞雞出奇地啲雞肉唔鞋口，算滑，又入味，雲吞好大粒，我最鍾意係個湯，飲咗三碗👍🏻仲有松子魚，賣相好靚，已經拆骨，唔使驚有魚骨，上碟之後仲有服務員幫手切開，好貼心嘅服務。小籠包一籠有六粒，個皮雖然好薄，但係唔容易穿，個湯好鮮甜。餐廳本身仲提供手套，食片皮鴨嘅時候乾淨衛生啲👍🏻

位於灣仔的QRE PLAZA有不少餐廳，其中 有間評語不錯的【古琴雅苑】筆者打電話預訂多次，每次都話冇位，但筆者已經提前兩周訂位……心有不甘，終於等到平日有位，但都要分兩輪時間，認真巴閉！當晚準時到達，但都要在門外等了十多分鐘。期間見到不少人前來碰運氣，但都失望而回。門口位置見到爐內掛上燒鴨，細望一下原來是假的。餐廳裝潢佈置簡潔時尚，可以吸引年輕客人。餐牌製作精美，圖文並茂。當中有餐廳推介的十個菜式，方便客人在云云的菜式中挑選。餐前小食有兩款，花生及豆腐干 $13 ，有兩碟都合理。【北京烤鴨 $338】做法講究， 工序繁複，又要風乾又要烤爐，用上幾十小時才能夠完成。烤鴨以玉米、黃豆碎餵得肥肥白白。鴨子每隻足兩斤重。師傅在客人面前即席把鴨片皮。有得睇有得食！自家製的餅皮有兩籠， 餅皮熱辣辣; 每片用牛油紙相隔就不易撕爛，份量比其他餐廳多。配料共有六款，有常見的有青瓜、京蔥、甜面醬、蜜瓜、蜂蜜黃梅醬及砂糖，客人可任意配搭而且可免費任添！師傅會先把鴨胸的皮切下， 鴨胸皮脆肉少，油香滿溢。把鴨胸皮蘸上白砂糖，有入口即融的感覺，因此稱為「一口酥」。一般的烤鴨片出來都是皮大大片而下面有少許肉。但是

睇過古琴雅苑嘅介紹，對烤鴨讚口不絕，而且全家人都鍾意食片皮鴨，星期日假期就嚟試吓，中午時段食客不多，環境寬趟可以望到會展及部份海景。竹園油炆荀 $69，精美四小拼 $168油炆荀醬油味好香，係屋企人最常點嘅頭盤。小拼盤有蝦乾拍青瓜、芝麻醬雞絲粉皮、醉雞同淆肉。北京烤鴨 $178/半隻首先切幾片鴨胸嘅皮，可以點啲砂糖一齊食，油脂多特別甘香，每片切嘅時候聽到啲聲都好脆，放得肉嫩未算好值得來吃。意大利黑醋骨 $98，南翔小籠包 $62黑醋開胃，排骨煮得較為乾身，如果肉質帶點脂肪可能更好。小籠包就不過不失，還試了菜肉包，油大多不討好。螞蟻上樹調味香辣，用砂鍋上略嫌炒得唔夠乾身。結果一個月內嚟咗兩次，環境好片皮鴨幾好又抵食，其他小菜都有改進嘅空間，店員不時為食客轉碟幾貼心，試過book枱夜晚都好full，所以推介大家lunch time嚟試下！古琴雅苑星期一至日: 12:00-15:00, 18:00-23:00地址: 尖沙咀北京道12A號太子集團中心15樓電話: 28821582分店: 灣仔