呢個二人餐 $218 仲有兩杯野飲 
開心大發現…查看更多
因為揸車，咁岩可以泊正門口😆附近有好多咪錶位，但全部都要等泊門口全程都要望住有無人抄牌🙈🙈。因為6點幾已經到餐廳，所以唔洗等位但7點幾就已經好多檯放晒「留坐」牌Walk-in 就要等位啦
第1次黎食，唔知叫咩好👦🏻男友例牌會叫2人餐😂今次叫左2人B餐因為有印尼炒飯呀
加多加多望個名都唔知係咩😂但係menu搵到原來係印尼沙律咁解無理由唔試下架芽菜、瓜、豆、菜、豆卜、蛋、蝦片+辣沙嗲汁(?因為同串燒個醬好似，我諗係啦😝)幾特別既沙律🥗個汁令人停唔到口牛肉沙嗲串燒 (沙嗲&燒汁)小小un，但配埋汁好好食印尼椰汁雞只有2隻雞脾+2舊雞肉+小小菜好香椰汁味好嫩、好淋配香飯既話一定會撈哩個汁😂如果多d雞就好啦
印尼炒飯好味比我地之前去峇里食過既炒飯仲要好食乾身、大碟、味濃不過蝦片放係飯面就唔脆😅包2杯餐飲叫左1杯凍紅茶&1罐可樂凍紅茶甜到嘔呀
2人餐真係好飽整體黎講都好味比我係峇里食既印尼菜仲要好味下次可以再黎食其他野。場入面見到有一張大檯，眼見可以坐到10人以上好多人都叫黃薑飯(金字塔咁既樣，上網睇番先知係咩🤣)仲有好多人會叫生啤，因為做緊買2送1我地揸車黎就無得飲啦😩…查看更多
牛肉沙爹，$36半打，用上美國安格斯牛肋肉，個汁同豬沙爹唔一樣，似燒汁，唔同汁夠細心有驚喜，但自己偏好豬多啲粟米餅，hidden menu唔知幾錢，侍應姐姐特別叫廚房做嘅，但同我喺其他印尼餐廳食開嘅唔一樣，我出面食係大大塊似炸粟米洋蔥餅，好香脆，然後點個好好味嘅酸辣汁。呢度嘅似煎魚餅，唔知邊個先係正宗，但個人喜歡前者。加多加多，$48，即印尼沙律，有啲豆角、芽菜、椰菜、薯仔、青瓜、烚蛋、蝦片，其實件事有啲hea, 賣相有點難登餐廳之堂，侍應姐姐話平時個汁會淋上面，但佢見我哋同席有小朋友，擔心個汁有少辣所以特意叫廚房分開上，真係好鬼貼心。但其實個汁一啲都唔辣，極其量話有少少黑椒味，個汁有啲似中式蠔油黑椒汁，總知朋友們就是讚口不絕，一陣狂風掃落葉成碟平平無奇嘅烚菜就連同呢個汁清咗碟。其實佢嘅清新用來配合其他濃味嘅菜式，就是那麼剛剛好得完美。香葉燒鯖魚，$48，上碟時用錫紙包著成條魚，客人自己打開，打開錫紙再有幾片蕉葉包住條魚，打開後見橙色的汁醬同香葉像花紋般整齊地排在魚身上，賣相吸引，魚肉保持水份，但個人不好魚，所以只品嚐了數口留給識貨之人。巴東牛肉，$5X, 親手剪過呢個大廚秘技，用牛肥膏起鑊，爆香牛腩，秘製醬汁中有加入酒。聽過好多人話巴東牛肉好鞋，一啲都唔好食，但呢度令我改觀，肉質好冧，個汁更是送到幾碗飯。椰汁雞，$5X, 賣相唔係太吸引，成碟餸無咩色個汁又灰灰哋而且好稀，但食一啖椰汁味好香濃，個汁好滑，底有啲椰菜，比啲雞同個汁更襯，又係撈飯之選，實而不華，好有娘惹住家菜feel.黃薑飯，$56，最最最期待嘅黃薑飯，只有星期六日先有，好珍貴，店主們當地人也是特別日子才會食呢個飯，因為好費工夫，紀錄片中店東們也是用話個菜來招呼他們在印尼排華時一班同渡患難良久不見的好朋友，可見其重要地位。所有招牌菜都包括在內，巴東牛肉、椰汁雞、粟米餅、辣汁蝦、蝦片、酸菜、脆花生銀魚、少少雞絲蛋絲肉鬆，一次滿足唒所有願望，其實真係一人一個黃薑碟頭飯都得。辣汁蝦辣度都極高。飯粒粒分明，有椰香味，顏色吸引。酸菜份量少少但十分夠味，甜甜酸酸很開胃，而且色彩繽紛。脆花生及銀魚仔更是香脆口感之來源，絕對畫龍點晴。明碼實價不設加一，五大兩細叫埋特飲貓屎咖啡都係$526，個個食到好滿足，其實又洗乜排小曼谷排得咁辛苦呀，人生--時間好寶貴㗎！…查看更多
第一道菜，加多加多上桌先，又稱娘惹沙律，店員話其實是日常小食來，不算沙律，呢味菜，十分好味，甜得來帶少辣，真係想食完再叫多次，有蝦片，芽菜，同其他雜菜混合而成的第二道菜就是的星期日，同假日先有的什錦黃疆飯，店員話，如不是當地大節日，都未必日得食，必試，好豐富的材料。有雞，蝦片，牛，同類似蝦餅，飯本身有椰香，加埋黃疆，好開胃，店員教我地等埋巴東牛肉一起食，味覺會更上一層，我地當然等埋
第三道菜，巴東牛肉，肉牛選用美國肥牛，每一件大大件，夠淋，汁料都是遍向椰香加甜，少辣，可能當地很愛椰香味，試了拌黃疆隻吃，果然味道很夾第四道菜是娘惹串燒，有雞，牛，豬可選，我地選了豬，雞，同市面的串燒差不多，配咖爹醬，醬料唔辣，少少酸甜，雞，豬串細了一點，大串就更吸引
第五道菜，蕉葉燒大蝦，送到來時，一層一層的包好，好神袐，店員此時，又主動講解食法，看要折開包裝，取出蝦，起肉，但不要打碎肉，放回蕉葉把汁混合好，就最好味，我地當然聽話，跟住做，蝦本身好有蝦味，汁有多種香料，混好更能帶出蝦本身香味，蝦肉本身也爽口彈牙第六道菜：娘惹海鮮湯，呢個我覺得比較普通，店員話用料是黃疆，粉絲，尤魚等，比較清淡，但唔差，幾清，略帶小甜味飲品，我地叫了比較特色的牛奶rose梳打，同椰果rose梳打，牛奶味友人話ok,唔錯，而自己的椰果rose,我覺得好香，花香味好重，似香水一樣，有氣，唔錯，另外自己好奇，叫多左飲香予可樂真才實料，店員話熱才正宗，凍是開粉，一定要熱，話有醫感冒作用，飲落，真係有一點點香予味，唔重，可口總結來說，娘惹菜口味是遍向甜，少辣，開胃為主，在這裡，我地得到的不是一餐飯菜。而是增加了其他國家習族的認識
，希望大家看完這編食評，對你地開飯有幫助…查看更多
一個辣辣地既汁, 加上雞件, 都幾好味架! 不過唔食辣既朋友就唔係好頂得順了~ …查看更多
.無力返市中心搵食,就邊行邊搵,到置樂盡頭,11點半鐘食店大部份還未開門,本來想去茶餐廳食個飯就算啦,但裡頭很多麻甩先生Orz....隔離是小曼谷,未開門,再順勢(真係咁順?XD)望埋隔離間娘惹,剛好有一班人入去,我們都跟住入去了(又被神秘之力量所吸 XD)店子果真好細,只有六張檯,怪不得大家說晚市要等位了.我們坐了中間的四人檯,不久,有一位美麗的女子端水過來,相信是傳聞中那位有禮的老闆娘了吧清水有著香茅,青檸的清香,勁好喝啊
和老友商量好後,因為我們想吃的都不在套餐中,最後不點餐,轉改散叫.頭盤是加多加多,有翠綠椰菜片,爽甜多汁青瓜件,香口蝦片,青豆,肥0都0都銀芽,粉雷雷薯仔和烚蛋,每樣份量雖不多,但集起上來都夠食的了面頭有沙爹汁加炸蒜.老闆娘見我們不知從何入手吧,便走過來,提示我們可以先材料和汁撈好才食,然後溫柔地笑說一句"會好好吃的哦."(噗噗@@///).我們撈好後,似是沙爹汁的味道甜甜地,有著很香花生味,本身我仲以為這樣撈法會令到個沙律油膩膩,點知沒有,因醬汁份量不多,只是輕輕包住食材,將本身清新怡人的瓜瓜菜菜,反加添一番風味添.主食是假日限定的黃薑飯,點這個前老闆娘nice nice地說因做這個飯要多點時間,需先問廚房準備好未?十幾秒後立即走出來向我們笑說”可以點這個了哦~(噗噗@@///)圓碌碌的飯上,放有雞絲和蒜片,旁邊有7款配菜.飯方面,我吃到有著香香濃濃的咖哩粉味,反面吃不出有薑味,整個飯都不辣的~(好在).飯粒好香軟,而且超HOT~不過塞得實了些,有幾啖飯黏成一舊舊了.配菜有花生魚仔,酸瓜,醬燒豬肉,辛辣蝦,咖哩雞,豬肉薯餅和蝦片.全部都是餐牌上的小食/餸菜,現在可以一次過試哂.哈哈!酸瓜爽脆,酸度剛剛好,好開胃的小食.醬燒豬肉(牛肉?)樣子黑麻麻的,但原來勁好食,醬汁甜香,舊肉炆到勁軟淋,還吃到中間那正溶化的薄薄脂肪層.一流也~那個蝦辣味超強,蝦肉梅梅地.反而咖哩雞不辣,可惜咖哩味未能進入雞肉中,有點吃白切雞的味道.勝在雞肉滑.豬肉薯餅好可愛,圓波波的,老闆娘說這是迷你版.薯餅外層好似餅乾,厚厚地帶點脆,而裡面的蓉口感粉雷雷,幾好味.但我食不到有豬肉呢?小食就是雞肉沙爹,坊間說雞肉超鞋,但我們最後都叫返雞.好在有試到咋,雞肉並不是傳說中的鞋,是滑身的喔~~~而且帶炭火的香氣.雞皮亦細心被去掉了,很快很快就吃掉三支.而那個沙爹汁都不可以錯過,裡頭加了蒜仔和酸瓜粒,夾埋肉吃…一級棒哦!我想試下這裡出名的特飲-玫瑰牛奶soda,原來成15蚊一杯,諗住和老友SHARE飲.老友落單時都點多杯,不過是另一款特飲-椰果乜乜 soda.點完後,老闆娘走過來,說特飲晚市賣15蚊,午市只是8蚊.還問我們是否OK?平左喎,我們當然OK啦.呵.牛奶soda,整杯是白色的,不過底層有一少片紅色,老闆娘說我們可以選擇先攪拌它,變成粉紅色就會好好飲.我們跟著做,哇哇,變呀變呀變,個漸變好靚呀~它有著奶的香滑,但整個口腔給玫瑰香充斥哂,甜味來自牛奶方面的.當你以為她溫柔的同時,soda的刺激同一時間打出,咋咋咋,整杯飲品給我一種特別的玩感! XD吃完餐後,老闆娘捧出一大盤自制的印尼糕點過來.然後用心地介紹每款糕點的成份,味道和特別之處.人手制作,查問下每件只要5蚊,確實抵食.雖然我不好甜品,但也捧場就要了咖央糕及椰汁咸甜糕各一.兩款糕的質感極度軟淋,証明新鮮程度爆燈.與一些地方將糕點困在雪櫃中N日,硬卜卜的角色.對比甚大!圓柱體那個是咖央糕,綠色是咖央,白色是椰汁,椰汁味不出,而咖央味亦不重,但咖央獨有的清甜,是一陣一陣傳入口腔,OK不錯.另一款是老闆娘推介的咸甜糕(正確名唔記得左),外邊的椰汁做成的糕是沒有味道的,是靠裡頭的一堆由椰絲和黃糖混合而成的甜餡子.如果淨食個餡真的好甜架,所以每啖都要連同外層一起吃,這樣就會剛剛好,這個糕真是好特別喎.其實還有幾款糕的,但我們胃納有限所以試不哂.結帳後,老闆娘還開門送我們出去@@///,更連聲道謝真到我們出門口為止.哇..她的服務,她的態度,絕對和酒店看齊,應該話好過添身處屯門,一間小店,這次進餐,真給我一個非常美好的體驗.…查看更多
其實想好耐...但冇咩動力...不過到最近O係OPENRICE睇到個食評,同BF湊巧提議去食,就決定去試下!!!點左好多野食但印象最深係~~~ 巴東牛肉!!!因為我對牛肉係麻麻,但呢度煮得好好食,令我食指大動!!仲有個鹽燒虎蝦!!話就話係鹽燒,但重加左好似柚皮既野,令個汁酸酸地,正!!!一定會再去!!!最後一定要讚既係..個樓面姐姐!!!真係令人有賓至如歸既感覺,好有禮貌!!!…查看更多
我們點了$148 二人餐, 這個餐基本上可吃到我們想試的食物 加多加多: 老公很好, 在炒菜和他不吃的加多加多之間, 讓我試這個印尼特式沙律, 有很多蔬菜, 醬汁味道好特別好重味, 好食, 但好易漏。 印尼串燒: 加$4 可試齊雞牛豬三款肉, 肉質不錯, 三款都好味, 但細串了一點。 巴東牛肉: 用牛腩肉做, 醬汁味好重, 味道OK, 但無峇里咁好食。 印尼炒飯: 炒飯粒粒分明, 好香口, 我覺得此店飯類水準頗高。 餐飲: 有兩杯飲品, 老公要可樂, 我就加 $5 要了青檸梳打, 好飲。 黃薑飯: 除餐外我們還點多一份黃薑飯試試, 店員真的無介紹錯, 數全晚最好食的就是這店員極力推介在星期六日才有的黃薑飯, 真的很好吃, 比峇里弄得更出色, 推介值得一試。此店晚上收得很早, 10:30pm 收舖, 十點左右便last order 及不接客人, 食友們要留意。打電話訂枱是仍然需要照平常walk in 客排隊等位的, 但會有95折優惠~ 最後店員還會送上薑糖甜甜嘴兒, 又是一個開心又滿足的晚上。…查看更多
先講環境，以紅色為的主題的小餐館氣氛不錯，迎面而來的女侍又笑容滿臉，雖然餐桌餐椅都很簡潔，第一感覺還是很舒適。餐館設數款套餐，不過內容過於大路，是晚選擇散叫： 青檸梳打($15)-從來不喜歡梳打類，揀這款只因天氣炎熱而小餐館選擇不多，還好這杯飲品梳打味不重，OK啦。 加多加多($30)-挺喜歡這款充滿香甜椰醬的沙律，幾款蔬菜也算新鮮，而數片蝦片雖不如峇里餐廳的豐富滿瀉，也算不油膩且脆口好吃。 巴東牛肉($40)-我印象中的巴東牛肉應該是火辣又濃醬的，這裡的完全不同；不過如不講研正宗與否，這份牛(其實是半肥瘦牛腩)炆得軟滑入味，醬汁亦惹味開胃，送飯實在一流。 娘惹醬燒骨($48)-除巴東牛肉外另一招牌菜式，排骨本身實在燒得挺香，但醬汁實在是太濃太搶味，雖跟侍者指示額外加上青檸汁，也無法調節至適中口味。不會推介。 娘惹燒炒飯($46)-最近想吃的東西經常缺貨，點黃姜飯不成又改了燒炒飯，反而成為整晚的亮點：打開鍚紙包，先炒後燒的炒飯緊緊以荷葉包裹著，濕度與香味都掌握得好，加上淡淡的荷葉香，以及魷魚、咸魚等食材，實在不錯。當中只得稱為臭豆的扁豆被大家嫌棄。 大家邊食還可邊撈電視汁送飯，也是一賣點。埋單時得知訂位有95折，最後還送上薑糖，雖然水準不如預期高，但也是滿足的一頓飯，而且食完印尼菜再食甜品實在太夾了! …查看更多
