點心廊

第三次黎到「點心廊」，每次黎都『創作六式拼盤』，因為真係最抵食！六款點心都只係$198。金箔墨汁蟹粉鮮蝦餃烏黑嘅墨汁皮，加上金箔嘅點綴，咬開蝦餃，就見到有好大隻鮮蝦肉同橙黃色嘅蟹粉係裏面，真係好真材實料呀！海膽鳳眼餃海膽都算鮮甜，蝦餃裏面有原隻爽口彈牙嘅鮮蝦，正！😏黑白芝麻流心煎堆仔黑白芝麻炸成煎堆仔嘅外皮，芝麻流心好正，香味十足！黃金啤梨鹹水角啤梨嘅造型好精緻！外層炸得香脆，內餡有豬肉碎、蝦米、冬菇等，鹹香味美！👍🏻原隻鮑魚雞粒酥預先炆煮過嘅鮑魚軟腍入味，不錯吃！一口燕窩蛋撻好矜貴嘅燕窩蛋撻！😍燕窩份量毫不吝嗇，曲奇撻皮鬆化，蛋香十足。…查看更多

心血來潮想食下點心，今日休息就出黎旺角搵地方飲茶。唔想去D連鎖茶樓，又怕酒店會好貴，好彩搵到係雅蘭既呢間點心廊~😂上到去見到門口已經有D期待，裝修得幾有氣派，入面的座位都排得唔錯，枱與枱之間唔會好迫，似係中菜廳咁。👍🏼我地兩個人咁好彩都有得坐半圓形既卡位，好舒服😇難得價錢又唔太貴，但又多創意點心，多D選擇冇咁悶。而且佢用既餐具、茶壺茶杯等都好靚，打卡一流。🥳兩條友飲茶本來就叫唔到太多野食，但好彩佢有呢個創作六式拼盤，兩個人食剛好，每樣有兩款，賣相好靚呀! 而且又有鮑魚又有燕窩，睇得又食得。黑白雙色蝦餃手工唔錯，皮同餡料比例好，蝦🦐大隻同爽脆！而且仲有啲海膽喺面，新鮮又多左一層口感！另外四個精品點心🥧裡面我就最鍾意個梨型的咸水角，睇黎得意，食落口感又好。燕窩蛋撻同埋鮑魚酥都好食，煎埋入面嘅芝麻好香，樣樣都做得好。呢個XO醬蝦球粉麵比想像中辣，但個汁好惹味，炸麵好鬆脆，蝦都係大隻又爽口，只要食得辣就一定要試呢個🤪白糖糕甜度適中，不過佢唔係新鮮熱辣出爐，有啲可惜凍左，否則應該會更軟熟Follow Facebook 仲有個玫瑰特飲送，一人一杯啱哂啦，而家夏天食完飲返杯凍飲，特別舒服! 而且仲好好飲，一啲都唔伏仲有啲士多啤梨🍓🥭同芒果粒，好有heart!…查看更多

好耐冇去飲茶，哩排成日落雨放假都冇地方好去，星期日就同屋企人去飲茶。行過雅蘭見倒牆上見倒點心廊的廣告，點心好精緻咁，一於試下。＊＊＊＊＊＊＊＊＊＊＊＊＊＊＊點心廊是一間新派點心專門店，比平時的點心店座位更寬敞坐得更舒服，環境亦乾淨企理。星期日中午時間都幾多人，基本上去到下午三點先比較少人，所以最好早點來取位。點心廊主打新派點心，會在傳統點心中在外型或食材上加入新元素，幾特別，定價比一般點心店貴少少，同中檔位茶樓差不多價錢。茗茶$10/位，點了比較少有的玫瑰荔枝茶，荔枝味較輕，反而幾香玫瑰味。創作六式拼盤($198)拼盤包括六款不同點心，每款兩件，人少少最啱。點心不單款式特別，造型亦精緻。左至右分別是:黑白芝麻流心煎堆仔芝麻幾香，煎堆夠脆不會太油。原隻鮑魚雞粒酥鮑魚都算大隻，有咬口得來不會太韌，下面的雞粒酥有芡汁不會太乾。一口燕窩蛋撻燕窩堆到成座山咁高，幾足料。黃金啤梨咸水角雖然只是普通的咸水角，但外型換成啤梨型，幾別緻。金箔墨汁蟹粉鮮蝦餃蝦餃皮不會太厚，蝦肉結實，還多了蟹粉的甘香。海膽鳳眼餃鳳眼餃上面加了海膽，中日合壁，海膽鮮甜。XO醬蝦仁炒麵($108)炒麵香脆得來不會過硬，XO醬是另上的，裡面都幾多蝦仁，還有青紅椒。XO醬有點微辣，都幾惹味。玫瑰特飲凡讚好和追縱點心廊的Facebook或IG都會免費送贈一杯玫瑰特飲，幾香玫瑰味。總結，點心質素不俗，賣相精緻款式也特別，是連鎖茶樓以外的好選擇。…查看更多

之前網上見到依間 就同朋友黎試試門口幾令 並唔多人 好直接就可以入去坐網上見到好多人推介必食係「創作六式拼盤」，同朋友既然黎到打卡 緊係點左依個 另外依家做緊優惠 讚好fb 或者follow ig會送一杯紅玫瑰特飲食物其實都偏高價 可能因為都係特色食物緣故 等左唔係好耐 特飲就送上 有啲士多啤梨同桃 飲落唔算好甜 岩岩好 同埋都幾大杯既 等多大概10分鐘 拼盤就送上 有個粉紅色既籠裝住 同埋有一碟食物 賣相幾令 打卡必都唔錯 同埋每個點心都好特別 絕對係高質「創作六式拼盤」顧名思義有6款點心 份量2個人-3個人都可以夠食 有哂海膽 燕窩同鮑魚依啲偏高質既野 唔逐樣講 主要覺得海膽鳳眼餃同埋一口燕窩蛋撻味道唔錯 同埋不得不說是幾足料 以依個價錢黎講其實都抵食既 同埋打卡是不錯的 因為佢既點心都係做得幾有創意 最後每人賣單大概係$132一個人 …查看更多

點心廊的入口位就位處雅蘭中心2樓，門面其實有D唔顯眼，不過，行到商場的盡頭你就知甚麼叫做深藏不露。 由門口入到大廳，你都會feel 到咩叫金碧輝黃, 以優雅的色調, 配襯富中國色彩嘅松樹與梅花, 予人更感高雅脫俗, 對中國文化嘅一種重視。 而且，枱與枱之間闊落，有圓檯亦有方檯, 亳無拘束感。 而餐具更是高級：餐碟、湯匙、筷子等，唔單止用承載食物，更有觀賞價值。 平時去飲茶，通常都係飲鐵觀音、龍井、壽眉、普洱……等等常見的茶。然而，這裡更有其他更上等的茶可供選擇, 這日我就揀左桂花烏龍, 桂花香氣清幽、茶味悠長, 更能舒緩緊張情緒，好好享受美點。  - 嚟到「點心廊」，點心賣相睇得出極盡心思，就好似呢一道創作六式拼盤 ： 金箔墨汁蟹粉鮮蝦餃 、一口燕窩蛋撻 、鮑魚雞粒酥、啤梨咸水角、黑白芝麻煎堆仔及海膽鳳眼餃 單喺睇食材就知用料矜貴，別出心裁的配搭，每一件點心都係藝術與食材的混合。， 金箔墨汁蟹粉鮮蝦餃, 手功細緻，墨汁餃皮薄而柔韌唔黏牙、蝦餃肉質肥厚，口感爽彈, 蟹粉濃郁又鮮甜。 海膽鳳眼餃, 外型精緻可愛，原片海膽味道甘甜，質感細膩。蝦肉鮮爽彈牙, 將食材嘅鮮味原原本本帶出，滿足雙重口味！層次豐富。 鮑魚雞粒酥係我最欣賞嘅點心, 小鮑魚賣相小巧精緻, 帶點咬口，加上炆得夠火喉, 味道也變得香濃, 彌足珍貴。 黑白芝麻煎堆貌似平平無奇, 但煎堆多芝麻, 黑芝麻餡也好吃。 一口燕窩蛋撻, 滿滿勁彭湃的燕窩, 內餡香濃不死甜，一口咬下超美味, 絕對是女士恩物。 啤梨咸水角, 啤梨造型像真，裡面的餡料鹹脆, 簡直不得了！ 鮑汁花膠撈飯 $88 用料十足的鮑汁花膠撈飯, 以鮑汁細火慢熬而成, 是大酒樓少見的菜色, 加上菜粒爽脆, 增加口感, 不加味精,啖啖精華, 簡宜停不了口。「點心廊」用餐環境予人舒服是無庸置疑，而服務到位，食材也高貴花心思, 性價比不錯。…查看更多

在香港，你永遠不愁吃不到好「點心」，而「一盅兩件」也不再只有蝦餃燒賣；除了傳統口味的包點和點心，好多時候都可以吃到各種獨特造型，賣相吸睛的點心，因為「點心」向來深受本地人或遊客歡迎。.每逢假日，我都好喜歡與家人到酒樓飲茶，不論早晚，經過旺角有間剛開業嘅【點心廊 Dim Sum Gallery】，睇到「Gallery」兩字，就有點興趣，與媽媽入去嘆下點心！「Gallery」既點心餐廳第一個諗法係好Grand、第二個諗法係金色為主、第三個諗法係點心既款色同賣相廳該好少見到。我地到左旺角雅蘭中心，上到去靠左，見到門口既時候原來真係用金色為主，等左5分鍾便安排入座。甫進門已感受到點點藝術氣，路面非常闊落，空間感足，細看四週，簡約質樸得黎又富和室風格，雖然見到好多人都話裝潢清幽雅致像畫廊，但我覺得中國水墨畫加上金色既氣派會係典雅既中西合壁風多點，整體裝修設計很新派。陳師傅就係呢度既掌舵，每款點心都係佢既大膽創新的意念，睇下個點心紙都見到有好多都好吸引，基本每樣都試下，但係胃就得兩個。所以就點左樣拼盤、叉燒包同一樣小食。點晒野食就飲啖茶先，其茶色足夠深沉，茶香撲鼻，而杯身都是熱得幾近燙手，再喝一口茶，真的非常非常之夠熱，不錯。🔹爆口叉燒包 $38「叉燒包，誰愛吃剛出籠的叉燒包」連歌詞都有叉燒包的身影，可想而知叉燒包的「江湖地位」崇高！一口叉燒包，一種幸福心情，但雖說爆口，但跟傳統的又有任何分別呢？以切成小塊的叉燒，加入蠔油等調味成為餡料，蜜味濃，叉燒餡不算太多，正常水準，沒有太特別，定價略貴。🔹大紅九肚魚 $68見到碟內的紅椒密密麻麻，料理加辛香料，吃起來香辣又暖身，但論辣度其實不高，主要優勢在於香味。九肚魚肉質嫩滑，配埋大紅袍既香料，純香和麻味足，非常惹味！魚骨细軟，都係放心食用。在外面呢隻味記比較少吃。選取獨特食材入饌，以與別不同的食材組合。都係餐廳最想做到既野。以點心與藝術意形合一相信非呢個$198有六款共十二件點心既拼盤莫屬了。🔹創作六式拼盤 $198 (兩位用)裝住招牌點心既粉紅色的蒸籠賣相精美奪目，原來用上紅菜頭汁噴染，賣相搶眼又不怕沾染人工色素。店員唔講真係唔知呀！打卡必點的啊！入面可以試齊餐廳的招牌點心，包含：「金箔墨汁蟹粉鮮蝦餃、海膽鳳眼餃、原隻鮑魚雞粒酥、黃金啤梨鹹水角、黑白芝麻流心煎堆仔、一口燕窩蛋撻」。✨最愛一口燕窩撻，燕窩配合秘製的曲奇皮蛋撻，特別香脆鬆化，上面盛載滿溢的燕窩，入口啖啖清香美味，女士應該不會不愛吧。✨黃金啤梨鹹水角，外形立體精緻，而且外層炸得脆卜卜個底仲有塊生苦瓜給你清熱，隔一隔，不油膩更是重點呀✨海膽鳳眼餃，海膽很鮮甜，底下的鮮蝦亦爽口彈牙。✨原隻鮑魚雞粒酥，不是太特別，配上鬆化不油膩的酥皮是最優勝既一個位。✨金箔墨汁蟹粉鮮蝦餃，蝦餃也很講究，皮用人手搓製，一揉一壓一剷，墨魚汁加入蟹粉與蝦肉，鮮蝦鮮爽而皮帶點韌度，再加上金箔，晶瑩筍尖鮮蝦餃出爐啦。呢個拼盤每樣食物都哥緣進一步昇華點心的口感與味道。有選擇困難症的確可叫拼盤喔。總結來說這間餐廳會有它的定位及客路，例如情侶、上流人士、喜歡新派食物、或者一家大細，始終有得食點心又有大膽創新的意念、賣相又精緻，價錢性價比合理！！！食得開心好緊要同埋食物絕對精緻又高質喔，由美食至畫作都想打造成為藝術品，其實係一件好難既事，希望可以一直堅持吧！各位旺角又多一個嘆點心嘅新地標啦！…查看更多

好耐無去雅蘭嚕，開左好多新餐廳～今晚想食點心，上網一搵就比呢間餐廳既點心拼盤吸引住左🤭🤭-晚上7點去到，餐廳都幾大，坐得好舒服一入門口已經感覺到餐廳係行新派路線-晚衣有小菜又有點心，小菜都幾吸引，$188有龍躉食🤭但因為今日同友人得兩個人都係食點心好d,因為可以試多幾款～🥰🥰-菜方面餐廳都有好多款今次我叫既係玫瑰烏龍，花香得黎茶味都濃，岩我口味～👍🏻👍🏻👍🏻-糯米雞不過不失-富山竹炭叉燒飽 $38黑色既外皮夠哂特別，內裡既叉燒包同面頭既糖箱好夾-主角來了店員話盛載點心既蒸籠紅色係用紅菜頭染色所以唔洗擔心色素既問題，係天然既-我就係因為睇中左創作六式拼盤而黎，望到都已經覺得開心🙈🙈😂-同友人計過度過，叫拼盤抵食好多唔好睇少佢份量，我同朋友咁樣食完已經好飽🙈-海膽鳳眼餃，都真係第一次食點心有海膽，海膽唔吝嗇，食得出既鮮味👍🏻👍🏻-最吸精既莫過於原隻鮑魚雞粒酥😍鮑魚仔易咬又入味，雞粒酥外脆內鬆軟👍🏻👍🏻-一口燕窩蛋撻 燕窩在蛋撻上，呢餐睇落夠哂矜貴-埋單一人只係$150就食到飽飽，呢個價食到咁精緻既點心係超值！🥳🥳…查看更多

出旺角飲茶，以後又多一個好去處！6月才開業的點心廊，主打經典懷舊點心，也有不少新派點心，而且都用上靚食材製作而成，好似一般都只有8摺的蝦餃皮，大廚堅持做到10摺，而朋友們一致讚好的黑松露野菌石榴粿更是落足料，松露香氣令人齒頰留香。點心廊的懷舊點心有晶瑩又彈牙的筍尖鮮蝦餃、大地魚末燒賣、順德倫教糕（白糖糕）及爆口叉燒飽等，用上傳統古法烹調，帶出原始的美味。餐廳用上一層層紅色的六角型蒸籠，可謂別出心裁。創意大膽的點心，除了黑松露野菌石榴粿，還有微辣的麻婆豆腐日本帶子餃，黑椒味香的千層牛角酥，鮮味香脆的黄金海膽春卷等。第一次光顧的話，不妨試試創作六式拼盤，裡面有金箔墨汁蟹粉鮮蝦餃、海膽鳳眼餃、原隻鮑魚雞粒酥、黃金啤梨鹹水角、黑白芝麻流心煎堆仔及一口燕窩蛋撻，點心裡面用上鮑魚、海膽、蟹粉及金箔等多種矜貴食材，真是相當少見。…查看更多

去享受一下高級茶樓，話明係高級，侍應服務當然係達致高級水平，茶具亦有氣派。創作六式拼盤($198)，靚靚既器皿，加上精美既食物，一定要比相機食先，我覺得食用既次序應該係由粉紅色蒸籠內食物開始，再由雪梨順序向後逐款吃。海膽鳳眼餃，海膽滑流鮮甜冇苦澀味，餡料有濃郁既西芹味。金箔墨汁蟹粉鮮蝦餃，漏左幫佢影一個大特寫，蟹粉餡料好多，而且墨汁皮唔會太厚太簿，岩岩好。黃金啤梨鹹水角，賣相已經好吸引，外皮脆得黎帶點煙韌口感。原隻鮑魚雞粒酥，鮑魚爽口入味，酥皮香鬆軟。一口燕窩蛋撻，燕窩晶瑩剔透，好滑，而且份量有蛋撻咁高，好滿足，下層蛋撻同樣香酥脆。黑白芝麻流心煎堆仔，外層帶有芝麻香味，內裏有湯丸，餡料係流心黑芝麻，好軟滑。流心鵪鶉蛋燒賣($48)，鵪鶉蛋燒賣相信好多人都食過，但係流心鵪鶉蛋真係第一次品嚐，隻蛋藏左入燒賣裏面，因為咬開左之後，蛋汁可以流到外層燒賣，令肉質提升口感層次。富士竹炭叉燒飽($38)，鬆軟既麵包，加上熱辣辣既叉燒，同埋個糖霜能帶出少少甜味，成個配搭都好完美。…查看更多

點心是不少香港人的至愛，從往昔的一盅兩件到現今造型獨特的點心，依然得到老中青三代的寵愛。每逢假日，一家大小茗茶、吃點心，仍然是香港的主流文化。位於旺角雅蘭中心的點心廊，突破了傳統點心的框框，造出多款既傳統又新穎的點心，造型精美，食材新鮮，擺盤講究，令每款點心同様擁有內在美和外在美。--創作六式拼盤 （HK$198)拼盤包括：金箔墨汁蟹粉鮮蝦餃、海膽鳯眼餃、原隻鮑魚雞粒酥、黃金啤梨鹹水角、黑白芝麻流心煎堆仔、一口燕窩蛋撻各兩件。-金箔墨汁蟹粉鮮蝦餃👍👍👍👍👍紅色的竹蒸籠是用了全天然的紅菜頭汁染成的，襯托著黑金色的金箔墨汁蟹粉鮮蝦餃更加搶眼。蝦餃的饀料除了有蝦肉外，還有蟹粉；蝦肉彈牙，蟹粉甘香，令味道更添層次。-海膽鳯眼餃👍👍👍👍👍這是我第一次吃鳯眼餃上加入海膽，新鮮的海膽，入口即溶，同時亦為這個中式傳統點心加上一絲絲的和風。-原隻鮑魚雞粒酥👍👍👍👍👍酥皮撻上先放入雞粒，再把原隻鮑魚放在上面。鮑魚的size與湯匙相若，雞粒用濃郁的鮑魚汁調味，撻皮鬆脆可口。-黃金啤梨鹹水角👍👍👍👍啤梨造型的鹹水角，外型有特色之餘亦甚為討好，金黃香脆的外皮又帶點煙靱，饀料的調味亦恰到好處。-黑白芝麻流心煎堆仔👍👍👍👍這個甜點用了黑白芝麻配流心的芝蔴饀，剛炸好的芝蔴煎堆熱辣辣，𥚃面像溶岩般的流心芝麻火盪流出，味道香口，芝麻味道極濃。-一口燕窩蛋撻👍👍👍👍👍矜貴的燕窩撻是女仕們的至愛，好味之餘又養顏，燕窩帶有蛋白的清香，軟滑香甜，跟鬆化的撻皮形成強烈的口感對比。---鮑汁花膠撈飯（$88）👍👍👍👍👍吃過點心後，就到了主食，這個是鮑汁花膠撈飯，炒飯上放了木魚絲，圍在炒飯周邊的就是飽汁花膠，冬菇粒、青豆粒、紅蘿蔔粒。花膠切成條狀，入口軟滑，感覺大量骨膠原補充，既美味又美肌。茗茶（@$10）紅玫瑰特飲（免費）👍👍👍👍想免費飲這杯原價$48的紅玫瑰特飲，只需追蹤餐廳的社交媒體就可以。推廣期至31/8。門面內在環境餐牌…查看更多

旺角雅蘭又開左新餐廳，今次呢間係食中式精緻點心的。餐廳位於商場2樓，係牛角隔離，裝修都幾靚，而且餐廳都幾大，座位舒適寬敞，有圓枱也有卡位。座低後店員會詢問要咩茶，而這裡的茶跟出面都有少少唔同，有其他唔同口味，我們就叫左玫瑰荔枝茶。聞上去好香玫瑰味，飲落去都香，好有消滯的感覺。點心都有幾多唔同既款式，除左點心，都有小菜可以揀，但因為我地都唔太肚餓，所以就只係叫點心試試。創作六式拼盤($198)，這款點心拼盤幾抵食，可以一次過試哂佢地好食的點心，而且每款有2粒，可以供2個人食用。這個點心拼盤包括了墨汁蟹粉蝦餃、海膽鳳眼餃、鮑魚雞粒酥、鹹水角、流心煎堆仔同埋燕窩蛋撻。墨汁蟹粉鮮蝦餃真係食到入面有蟹粉，味道都幾濃，蝦肉夠爽口，蝦餃皮都夠薄!海膽鳳眼餃，我真係第一次食點心有海膽，感覺好特別，海膽既鮮甜跟鳳眼餃的餡料好夾!流心煎堆仔入面有黑芝麻醬做流心，唔會好甜，煎堆仲係好脆口!燕窩蛋撻口感幾特別，蛋撻暖暖的，燕窩凍凍的，冷熱交溶好得意的口感!麻婆豆腐日本帶子餃($58)，黎到呢度當然要試下D新式的點心，呢款外皮綠色，內裡是麻婆豆腐味的帶子餃，味道真係幾似麻婆豆腐，帶有少少辣，係一個幾好的嘗試!首創墨汁腸卷($38)，呢款口感有D似臘腸卷，不過這裡是切開了一片片，墨汁腸似台灣那款，所以食落有D爽口，幾香墨魚味，整體味道不錯!這間餐廳很適合跟長輩或遊客黎試下，而且食物質素不錯，值得再次光臨!…查看更多

今日同老婆係旺角行街，行到有少少肚餓就係雅蘭附近揾食，恰巧見到一間新的餐廳便好奇試試。呢間點心廊原來剛開張一個星期多，聽個名就知以點心為主，初初點了三款食物，看看質素如何……第一樣係創作六式拼盤呢個拼盤賣相的確不錯，入面分別係由六款點心組成：1.金箔墨汁蟹粉鮮蝦餃2.海膽鳳眼餃3.原隻鮑魚鷄粒酥4.黄金啤梨咸水角5.黑白芝麻流心煎堆仔6.一口燕窩蛋撻第二樣係脆皮乳鴿，皮脆肉嫩，好食第三樣係XO醬蝦仁炒麵，呢個好香，少少辣，不錯不錯食嘢其間，職員服務非常細心，會主動留意你檯面有冇食完嘅碗碟就會即刻收，又知你茶壺冇水就即刻斟，仲會幫你斟埋茶，又好好禮貌，所以服務真係幾好。食完三款又再加單，再叫埋去骨沙薑豬手同鮑汁花膠撈飯……個豬手用新鮮沙薑整幾有驚喜，而個花膠撈飯也不錯。總括而言，大家值得一試…查看更多