前菜

‼️星期日至四有半價串燒優惠居酒屋競爭一向都好大！如果冇返咁上下實力，就唔可以喺銅鑼灣屹立咁耐😗仲要呢間舖頭有成700+個好評👍🏻坐低就同日本居酒屋一樣，即刻奉上前菜，新鮮蔬菜+味噌醬汁再加牛蒡😋「刺身盛合五款」有齊赤蝦、油甘魚、魚生、帶子、北海道海膽！無論係魚生、帶子都一樣厚切！北海道海膽太鮮甜😛略嫌有啲唔夠喉😙講到最有特色嘅串燒一定就係鹽燒「豬雜」！先講豬雜出邊都唔算好多地方可以食到，尤其是滷水就比較多😗都係第一次見鹽燒咋！大路嘅串燒，除咗雞翼、玉子燒、鹽燒鮑魚，比較特別就係分別以蘆筍蘆、紫蘇卷、芫荽卷、九條蔥包裹嘅豚肉卷！🐷估唔到呢度仲有日本三大名魚「喜之次」鍾意食魚嘅朋友，必定要嗌呢款，用咗一夜干技術，做法繁複，大大保留魚嘅鮮味，仲產生獨特的鹹香和風味！最後仲嗌埋甜品「港式雞蛋仔 」 同出邊嘅雞蛋仔其實有少少唔同，相信個粉漿都係特調，口感就比較似鬆軟既雞蛋！嚟得居酒屋點可以唔飲啤酒，$98 就可以飲足90分鐘，就算唔飲酒嘅朋友都唔緊要，仲有啲低酒量啲嘅果味汽酒👍🏻// 𝐎𝐮𝐫 𝐎𝐫𝐝𝐞𝐫 ///✦ 前菜 $32✦ 牛蒡 $38✦ 刺身盛合五款 $328✦ 原條 喜之次一夜干$268｜ ＄16＠1、＄29＠2✦ 焦糖玉子燒 ✦ 港式雞蛋仔 ｜＄22＠1、＄39＠2✦ 雞翼串｜＄30－＄38✦ 豬腰子 $30✦ 蒜芯豬肉卷 $32✦ 紫蘇豬肉卷 $32✦ 豬肝串 $32 
✦ 豬小腸 $34@1✦ 豬生腸 $34@1 ✦ 九條蔥豚肉卷 $34✦ 豬大腸串 $36@1✦ 西班牙黑豚肩肉串 $38＠1✦ 西班牙黑豚豬頸肉 $38＠1✦ 西班牙夾心肉 $38@1✦ 豬顎骨 $38@1✦ 露筍豬肉卷 $38✦ 鹽燒鮑魚 $38｜飲品✦巨峰味汽酒 $46✦巨峰梳打 $38…查看更多

這間居酒屋位於銅鑼灣，主打日式串燒，專門搜羅不同的豚肉。店內環境寬敞舒適，裝修以簡約的日系木板為主，擺放不同的毛公仔及日本海報等，如置身日本居酒屋一樣。前菜 - $32水果番茄酸甜可口特別醒胃。明太子沙律 - $48一粒粒明太子富鹹香，入口爽脆富彈性，好清新。刺身盛三款 - $168四片雪白肉厚的帆立貝純淨甘甜；兩隻肥美的赤蝦爽口有彈性，淡淡的甜味，口感軟綿；四片細嫩鮮美的三文魚甘腴肥美。槍魷魚 - $188鮮嫩的槍魷魚比起一般的墨魚或魷魚，有著更鮮甜的海水味，入口柔中帶韌。西班牙黑豚豬頸肉 - $38/1黑毛豬豐富的油花分佈平均，豬頸肉質感脆爽嫩滑，充滿肉汁，油而不膩。露筍豬肉卷 - $38/1脆嫩的綠蘆筍好清爽，包裹著肥美的豬肉添油香。豚肉鵪鶉蛋卷 - $36/1一串有三粒圓潤的鵪鶉蛋咬開軟滑帶鹹香，香脆的豚肉添油香。雞翼串 - $38/1一串兩隻肥美飽滿的雞中翼外脆內軟，雪白的雞肉嫩滑多汁。雞軟骨串 - $28/1爽脆的雞軟骨有肉有軟骨，好惹味。日本長蔥 - $28/1比一般的蔥多帶了點甜味，更有些味噌調味。乳酸梳打 - $38酸酸甜甜的可爾必思梳打，有著清爽的碳酸氣泡。巨峰梳打 - $38乳酸梳打基底，再加入香甜的巨峰提子漿，充滿果香。…查看更多

呢間喺銅鑼灣永光商業大廈嘅MOKUMOKU Yakiton 主打豬肉串燒 餐廳入邊仲有好多豬仔公仔🐷🐽 串燒即叫即燒好惹味🔥✻前菜 HKD32 ✻牛蒡 HKD38前菜蕃茄賣相吸引🍅蕃茄好新鮮 蒜蓉同醋配埋佢獨特嘅醬料味道好match 酸酸地好開胃😆 另外牛蒡口感爽脆 同樣好開胃✻刺身盛 HKD108三款刺身都好新鮮同埋都幾厚身😋三文魚好肥美！yumyum🧡✻三文魚魚頭 HKD108燒得啱啱好 三文魚魚皮微微焦香 啲肉好嫩滑好鮮甜🥰✻芝士翠肉瓜 HKD28翠肉瓜上面加埋芝士微微火灸🔥芝士同翠肉瓜嘅口感好match 而且翠肉瓜好juicy✨✻西班牙黑豚豬頸肉 HKD38呢度出名食豬肉串燒 所以我哋都叫咗黑豚豬頸肉🐷 肥瘦適中而且好入味好惹味！🤤✻蘆筍豬肉卷HKD38豬肉卷肉質鮮嫩好juicy 蘆筍中和咗豬肉嘅油膩感😎正✻白鱔串 HKD68白鱔好新鮮一啲都唔腥！口感外脆內嫩～好好食🤍✻雞翼串 HKD38食串燒就梗係要叫雞翼😝 雞翼燒得好好 外皮香脆啖啖肉好惹味～✻燒芝士年糕 HKD48芝士fans必點😗年糕煙煙韌韌 一咬開就係流心芝士溶🥳正🧀🧀🧀…查看更多

今晚和朋友去咗銅鑼灣食串燒，這間串燒店「Mokumoku Yakiton」已經去過好次，我哋叫咗：1️⃣ 前菜 $32蕃茄酸酸甜甜，配上特製醬汁，簡單又好味2️⃣ 明太子沙律 $48沙律配上明太子，另一個很好胃的前菜3️⃣ 刺身盛 $168刺身盛 有三款不同的刺身，樣樣都好鮮甜又好味4️⃣ 槍魷魚 $168槍魷魚 肉質十分爽韌，味道清甜又鮮味5️⃣ 豬大腸串 (2 x $34) $68豬大腸串 皮脆內軟，完全冇異味，必食之選6️⃣ 日本青椒仔 (2 x $28) $56日本青椒仔，外皮好薄，吃起來略帶微甜7️⃣ 西班牙黑豚肩肉串 (2 x $38) $76黑豚肩肉串 肉味濃郁，肥美又散發著迷人肉香，非常好味8️⃣ 雞軟骨串 (2 x $28) $56雞軟骨串 香脆又富有口感，送酒一流9️⃣ 豚肉鵪鶉蛋卷 (2 x $36) $72豚肉配上鵪鶉蛋卷，估唔到又相當爽，不錯不錯《飲品》🔟 SAPPORO $58、巨峰味海酒 $46…查看更多

同事生日話想食串燒, 見網上呢間餐廳評分唔錯就book咗呢間同佢賀生。木系裝修, 配合牆上所貼嘅日文字貼, 營造出日本當地居酒屋風味。餐廳主打刺身同埋串燒, 而且所有串燒都係即叫即燒, 美味又高質。入座即送上前菜 (HK$32)已去皮嘅蕃茄, 加了酸汁, 蕃茄質感林而多汁, 清新開胃。【牛蒡】HK$38質感好爽脆, 酸味味, 細味帶少少甜, 係一款開胃小食。【刺身盛】HK$168每款刺身都很新鮮, 而且厚切, 非常滿足口感。肥美帆立貝跟檸檬片相夾, 沾上了檸汁, 令味道清新鮮甜。三文魚魚質偏林, 赤蝦肥美爽甜冇腥味。【燒雞皮】HK$28/串雞皮燒至乾身, 毫不油膩, 焦香香脆。【芝士翠肉瓜】HK$28/串翠肉瓜雖然唔係厚切, 面層芝士經輕輕火灸, 令芝士跟翠肉瓜熔為一體, 入口面層芝士質感軟棉, 下層翠肉瓜清甜多汁, balance到濃郁芝士, 邪惡而不膩。【西班牙黑豚肩肉串】HK$38/串黑豚肩肉表面帶少少油光, 肥瘦參半, keep到本身肉汁, 表面加上黑椒, 惹味。【豬生腸】HK$34/串口感好煙韌, 平均掃上甜甜地秘制汁醬同埋加上蔥粒作調味。【豚肉鵪鶉蛋卷】HK$36/串豚肉燒至金黃微脆, 包住了鵪鶉蛋, 入口一咬, 濃郁蛋黃從口中爆開, 口感特別又好味。【雞軟骨串】HK$28/串表面燒得好乾身, 每粒雞軟骨沒有多餘肉連帶, 焦香爽脆, 送酒一流。【三文魚魚頭】HK$108魚皮焦香酥脆, 魚肉帶有原本肉汁, 唔會好鞋, 雖然魚肉唔多, 但每一處都能食出魚鮮甜味。【巨峰梳打】HK$38大大杯, 巨峰果香味重, 唔會太甜, 凍飲啱哂配食熱辣辣串燒。…查看更多

星期六晚上到嚟唔使等位，坐低先發現主打食豚肉，唔怪之得叫呢個名😂先嚟前菜，個汁唔錯配合好 fresh嘅蕃茄幾開胃溫泉蛋豚肉飯，幾香口，熱辣辣有飯焦，整體幾balanced 燒豚肉，油份高但唔油膩，食落幾香口，唔錯味道唔差嘅，不過基本上就係英式Sunday roast會食到果啲gammon嘅味道燒豬大腸，成餐飯最正，香口，脆脆哋，油份唔算好高亦冇乜豬穌味豬脷都唔錯嘅但係我都係鍾意食牛舌多啲整體呢間係一間唔錯嘅居酒屋，當然我自己係比較鍾意食牛多啲，所以唔係話樣樣嘢都咁識欣賞，但係我覺得整體係唔錯！…查看更多

這間串燒居酒屋店一年前來食過，對他們的豬串燒念念不忘，所以再次帶同朋友來試試！這裡的串燒大多以豬作為題材，以餐廳內裡也有很多豬的佈置，可愛又特別！這裡除了串燒也有其他款式的食物！前菜，這裡的前菜是新鮮蕃茄加酸汁，蕃茄鮮甜多汁，配上日式酸汁特別醒胃！七味燒魚翅，這款魚乾有別於平時吃的，這款味道雖然跟魚乾一樣，甜甜的，但係是有魚翅的部分，所以咬落去唔會粘牙，口感特別又脆口！豬肝串，起初以為會粉粉地，但原來食落幾爽口，配有醬汁一齊食特別惹味！厚揚，這裡的燒豆腐外脆內軟滑，配上木魚絲和蔥花，更能帶出美味的感覺！汁燒豬肚，初初以為會好硬身，但原來咬落軟淋淋又帶有少少爽口，加上秘製醬汁一齊食特別惹味！一夜干，這裡一夜干魚燒到個皮好脆卜卜，魚肉彈牙嫩滑，而且唔會好多骨！秋葵豬肉串、蒜芯豬肉串、泡菜韮菜豬肉串，呢幾款串燒食落完全唔會覺得好油膩，仲有一種好清新的感覺！秋葵食落粘粘的，加上豬肉燒到有點脆口，感覺很特別！蒜芯鮮甜又爽口，而泡菜韮菜豬肉串帶有少少泡菜的酸辣味，再配上韮菜獨特的味道，很美味呢！椰子雪糕，有淡淡的椰子味，還會食到少少的椰子肉，淡淡地能解去油膩感！這間串燒居酒屋餐廳食物美味而且店員也會主動幫忙及介紹，值得再來！…查看更多

豬串燒專門好少見，估唔到好正! 食物好掂，但唔知點解星期日6點零直到食完7點左右都一個人都無，結果包左場咁既款。前後Order左2round，每一round食物到齊後職員會提提到齊，加分。串燒平均每款約35左右，但係order要2串起。只有煮物先可以逐串order。酒水價錢合理。同埋埋單後係鋪出面見到hsbc信用卡原來有9折，但即使我係用果張卡埋單，職員都無主動同我講，亦都無比番張單我，所以我都唔知最後有無折到。…查看更多

今日約左老婆放工逛銅鑼灣, 我地係銅鑼灣廣場集合時雖然只係6點左右, 不過老婆已經話好肚餓, 咁我地就先係附近搵餐廳醫飽個肚再去shopping。經過永光商業大廈時見到呢間Mokumoku Yakiton, 係OPENRICE睇到原來Mokumoku Yakiton係一間豚肉串燒專門店, 非常啱老婆胃口, 所以我地就決定上去一試。😁由於我地未夠18:30已經到餐廳, 所以仲未需要等位, 不過19:00之後就開始多人。餐廳裝修非常有日式居酒屋感覺, 加上店主熱情友善, 整體環境令人舒適放鬆。因為老婆已經好肚餓, 所以我地坐底先點左客刺身拼盤, 邊食再慢慢揀串燒。😙前菜 $28今日嘅前菜係凍蕃茄, 味道酸酸甜甜, 非常清爽醒胃。👍刺身盛合五款 $298刺身盛合五款分別係油甘魚, 帆立貝, 赤蝦, 三文魚同海膽, 刺身鮮甜, 特別係油甘魚, 油脂均勻, 入口充滿魚香, 帆立貝夾上檸檬片, 鮮味更突出。海膽份量都唔少, 味道濃郁。😍白金豚肉流心蛋卷 $38呢款白金豚肉流心蛋卷非常有驚喜, 流心蛋用豚肉片包住, 加上香蔥蝦味同餐廳自家醬汁, 味道一試難忘。😋西班牙產黑豚肩肉串 $38西班牙產嘅黑豚肉肉味超香濃, 肩肉部分爽口, 外層烤香, 加上黑椒海鹽, 味道層次豐富。👍豬肝串 $28豬肝好厚身而且味道濃郁, 配上柚子胡椒食, 非常惹味。😙豬腩骨肉 $32豬腩骨肉肥瘦有致, 加上帶有甜味嘅芥末醬, 確實令人回味無盡。😋豚肉紫蘇卷 $32紫蘇味道清新, 外層包裹住豚肉片烤香, 味道非常富有層次。👍牛舌(厚切) $58牛舌我地揀左厚切, 熟度剛剛好, 外脆內軟嫩, 非常爽口。👍活白膳 $52燒活白膳厚肉多汁, 不需添加太多調味已經非常好食。😋原本我地打算食埋甜品, 不過老婆話已經飽到食唔落, 唯有等下次黎再試下啦。😆…查看更多

今年係豬年, 當然要食豬啦, 其實冇關係😂純粹朋友想食豬串燒, 就搵地方就腳既銅鑼灣既Mokumoku Yakiton🐷🐷雖然係專門食豬既餐廳, 但刺身一d 都唔輸蝕架, 睇下d 魚幾新鮮肥美👍重點其實係櫃上面果排豬仔😂牆上有講解唔同豬部位都有得食, 豬腦都有🙈豬仔筷子托好卡娃伊呢😍前菜 - $28食番個開胃醒神既前菜先, 酸酸甜甜既蕃茄加上少少蔥同薑, 口味清新refresh👍柚子檸檬酒 - $65因為預左食咁多肉類會膩, 所以叫定杯柚子檸檬酒解解d 油膩感🙈柚子同檸檬味係有, 但唔算太濃刺身盛 - $298粒貝 - $328朋友好鍾意食刺身, 無計當就下佢所以叫左呢d刺身, 本身一心諗住入黎食豬, 所以對刺身冇乜期望, 但咁樣反而有驚喜🙈粒貝好新鮮, 帶子又大又肥美😋🤤海膽完全冇腥味👍味增煮豬軟骨 - $58食完生冷野, 係時候食番d 熱野暖下胃, 豬軟骨煮到d 軟骨剛好軟淋可以輕鬆咬開, 而喺軟骨旁邊既肉亦都喺煮既過程入晒味, 所以又香濃又有口感👍日本青椒芝士豬肉卷 - $ 36本身驚食肉會膩, 所以就叫呢款有菜有肉, 呃自己係健康d 既串燒😂外面既豬肉燒至吸引金黃色, 咬落去脆脆地又唔會好乾, 有肉汁之餘隨即就食到青椒既爽脆感, 層次變化做得幾好👍蒜芯豬肉卷 - $32呢款菜叫做蒜芯, 未食過, 好特別, 咬落去爽爽地, 好清新👍石鍋溫泉蛋豚肉飯 - $58有多款飯同拉麵比你叫, 唔驚淨係食串燒唔夠飽啦😂熱辣辣既石鍋撈埋溫泉蛋, 撈既時間蛋香混入豬肉香, 令人垂涎🤤柚子雪葩 - $48椰子雪糕 - $48最後食番個酸酸甜甜既柚子雪葩, 再配埋個椰子香味極濃既椰子雪糕, 好美滿☺…查看更多

今日去完銅鑼灣購物之後就去咗銅鑼灣市中心附近啲一間專食豚肉嘅餐廳。一入到去𥚃面嘅陳設好舒服。打開餐牌原來豚肉都可以有咁多配搭嗰喎，一於樣樣都叫來試吓先！前菜店員首先送上每一位鮮蕃茄做前菜，比大家開下個胃先。豬肝暮斯首先注文了啲一樣前菜，豬肝食落非常之濃厚，另一樣開胃之選。燒鮮活魚佢哋每日喺日本輸入了新鮮嘅食材，呢一條活魚就係其中一樣了，燒得剛剛好，出面非常之香口，入面一啲都唔會好乾，正！原隻粒貝刺身另外一樣今日嘅重頭戲就係，原隻粒貝刺身，佢用完隻嘅粒貝，配上特製嘅調味，非常之有口感同埋Juisy。燒帆立貝海鮮方面仲叫咗原隻嘅燒帆立貝，食得出非常之鮮味美味，讚好。味噌煮牛筋 豬軟骨除咗燒物之外，原來係呢一度嘅煮物都唔差㗎，食落非常之香濃熱辣辣，很不錯的。西班牙黑豚肩肉串嘗試西班牙黑豚嘅朋友有福了，食落非常之香口有口感，Cool!豬大腸串 豬小腸串話明係專食豬嘅餐廳當然有內臟嘅串燒啦，燒得非常之易咬易入口。一藏豚骨湯拉麵佢哋嘅拉麵用上特製嘅豬骨湯，估唔到啲一度連拉麵都一樣好好食，食到連湯底都飲埋添。椰子雪糕 柚子雪葩最後叫店員送上了啲兩樣特色甜品，為完美的一餐畫上完美的句號。…查看更多

有什麼地方是既滿足到能吃到串燒又不吃牛肉的人呢？這裏會是一個好選擇! 因為朋友不吃牛肉，而且這裏主要是吃豬肉的，還有豬的不同部位，一於吃得刁鑽一些吧😎步出電梯看到招牌上已經有豬豬的圖案在上面，走進店裏，也能看到很多關於豬的東西。店舖雖小但環境蠻舒服的。店員也很禮貌，當我們問到食材問題時都很耐心解答😊《蒜子蕃茄沙律》好多日式居酒屋都會用蕃茄做前菜，但做法有少許不同，這道是用上已去皮的蕃茄，上面放點蔥花生蒜，配搭清新，口感爽甜。《秋刀魚刺身》除了豬肉以外，也有其他肉類選擇的。平時一般都是吃燒的秋刀魚，刺身真的沒吃過，所以點了試試看。跟燒的感覺完全不一樣，肉質軟綿，在咀嚼的途中，魚的味道慢慢的散發出來。《一夜干》這條石班魚給我第一個感覺就是香到不得了，肉質實實的。《京姫梅子酒》來居酒屋怎能沒有酒，太烈的我們真的駕馭不了，清清甜甜的梅子酒最適合不過了。《西班牙黑豚豬頸肉》豬頸肉燒至外香脆內軟，脆的程度好像吃薯片一樣。《豬顎骨肉串》豬下巴肉真的沒吃過，椒辣味濃，原來口感是這樣的，肉質既嫩又實。《豬大腸串》大腸味非常濃郁，外脆內軟。《上等豬脷串》牛舌我吃過，但豬甜是第一次，口感很實有嚼口。《豬心串》我從來都沒吃過心臟，吃起來的感覺還好，像吃肉一樣。《豬腰子》平時吃豬腰子都是放湯吃，這次是燒的，多了一份惹味。《露筍豬肉卷》薄薄的豬肉包住多汁清甜的露筍，有肉有蔬菜，感覺很平衡。《岩手蘋果白金豚卷肉串》岩手蘋果，大自然之美食，配搭白金豚，感覺好特別，蘋果既清甜又爽口，混合白金豚的油脂，在口腔內迴盪☺《白金豚肉茗荷卷》白金豚包住茗荷，茗荷是薑的花蕾，味道芳香帶少少甘，但不辣的，口感爽甜，很特別呀😊…查看更多

心血來潮，間唔中食下全豬宴都唔錯。上次經過，今次決定同友人入去試下！餐廳主打食豬，門口招牌都有隻豬仔起度。一坐底，店員就遞上水同一碟前菜-小凍蕃茄。仲以為餐廳咁大方，到最後埋單先知要收錢的哈哈肥妹仔本身都算食得咸，不過唔知係咪當日師傅太重手，部分食物過咸但撇除嘢食過咸，其實係唔錯，值得一試的。<煙燻豬腩>充滿油香，煎得火喉剛好，亦可配芥末醬或滴青檸汁同吃，減低油膩感。若然師傅落少啲鹽會更出色！<白金豚肉林檎紅薑卷> 是肥妹仔推介的，豚肉包著爽甜的蘋果，口感特別。類似沙律醬汁鋪面，微酸帶薑味，是必點菜式！<豬耳芝士串> 豬耳爽脆份量多，鋪面的是芝士肉醬，其實就像西餐的芝士肉醬意粉，不過把意粉改成豬耳，配搭幾新穎。喜歡試新嘢嘅朋友必點<豬肉蠔卷> 豬肉包著超！級！肥美的蠔同燒，沒有腥味，沒有過咸，中意食蠔嘅朋友不可錯過<白金豚肉蒜芯卷> 好咸，但說實話，蒜同豚肉其實幾夾，非常香口的。不過蒜本身已濃味，再加上調味的鹽過量，即使配菜同吃亦似食了半樽鹽落肚<味噌煮豬軟骨> 相對來說就失色了，份量寫明件數，不過未免太細件了，好似迷你版一樣。而且不算軟腍，有啲骨頭硬到咬唔到，要吐番出來。<豬皮串> 有嚼勁，係好有咬口，不是車仔麵檔軟諗諗那種。豬皮淋上燒汁，配黃豆粉同吃好夾，襯熱快食好好食！令我可以忽略皮上的幾條豬毛<上等豬脷串> 幾厚身，不過除左咸之外冇咩特別，唔夠飽又口痕先點都冇損失。最後<椰子雪葩> 算大個，椰子味濃，質感實在比較似雪糕。食完覺得冇晒油膩感飲品方面，當日係買一送一幾抵飲，肥妹仔同友人分別點了柚子梅酒及柚子檸檬酒。總結雖然餐廳比較出名豬內臟，但當日點的食物都係有水準，出面比較少有的。中意豬的朋友可以一試！可惜當日想點的豬喉軟骨串、味噌牛筋都賣哂。…查看更多