鍋処雪舟 (已結業)

入到去都伏伏地，因為無乜人，得幾枱客。點了一客和牛寿喜燒定食和一客刺身御膳，兩樣都有點離譜！全餐最正路都算係前菜，至少正正常常，個茶碗蒸算幾好味添，沙律菜食落都覺得係新鮮嘅。到主菜黎就炒晒車喇刺身真係好過份，每一樣都勁唔新鮮！白身魚無味，另外右邊果款又梅又腥，拖羅色澤已經有問題，而且勁大雪氣，赤貝都唔新鮮但起碼算接受到！壽喜燒都好伏，根本係一個和牛鍋，壽乜鬼嘢喜燒，錯晒囉成件事！肯肯定唔會再幫襯！一個lunch都要$4xx的壽喜燒竟然同普通餐廳幾十蚊的鍋係無分別囉！侍應態度都好差！…查看更多

公司附近最近開左好多高級餐廳，有上海菜／打邊爐／日本菜，鐘意食日本野既同學仔就梗係要試下呢間鍋處雪舟。一出𨋢就係餐廳，餐廳裝修高級有格調，有開放式廚房吧檯，長檯，仲有榻榻米房添呀，　落地玻璃睇到出面街景，舒適環境寧靜適合一兩個傾心事/公事或者一大班人 gathering 之餘又享受高級美味既日本料理我地兩個人食lunch 決定要試下必食既九洲黑毛和牛，再加多個壽司膳十二貫，應該岩岩好夠食壽司膳十二貫，$380。我地坐嘅位置可以睇到係廚師親手握出嚟同擺碟，好有心機，而壽司都係根據當日嘅材料由廚師揀，有大拖羅，中拖羅，池魚，平政，鯛魚，三文魚，赤貝，三文魚籽等，令人賞心悅目，食落件件都好新鮮同可口。陶板燒定食-九洲黑毛和牛，$440。九洲黑毛和牛。見到啲雪花紋都知一定好食。燒嘅時候唔洗落油直接用塊肉嘅油脂，燒緊已經聞到香噴噴嘅牛味，我地燒到啲肉半熟就夾上嚟食，啲肉好腍，肉汁鎖住係牛肉入面一路咬一路散發出嚟，食得好滋味停唔到口。和牛可以配合埋香草鹽，檸檬汁等食，我就覺得唔洗沾都已經好好食。燒完牛剩下嘅油脂可以用嚟燒啲蔬菜。最好食係個南瓜，啲肉溶溶地口感好正。最後見到佢地有下午茶，有牛油果黑毛和牛卷，一定要再來試下!…查看更多

早前跟客戶到這裡吃飯，餐廳的服務態度及食物質素都極高，事隔多月，今次同老公再次黎到＂鍋処＂嘆返個午餐。　熟悉的環境加上貼心的餐廳職員，令我們有種親切的感覺！坐下來不久，店員先遞上熱茶及熱毛巾，認真窩心，還為我們做了個簡介，推介下，我選了＂本日之定食＂之＂陶板燒御膳 - 九洲黑毛和牛”套餐包括有刺身三種、小砵、沙律、白飯、味噌湯、漬物。先黎前菜，賣相相當精緻南瓜沙律 南瓜磨成蓉，加點乾果，口感非常幼滑creamy，配以新鮮的沙律菜及少許酸酸的沙律醬，確實好吃！酒煮矮瓜 、 汁煮牛脷矮瓜煮得很腍很入味，酒濃清甜！牛脷厚切，極富口感！質感爽口非常，非常意外刺身三點刺身非常新鮮，尤其是吞拿魚，入口軟腍！主菜來了 陶板燒定食 - 九洲黑毛和牛嘩！看肉色澤紅潤，脂肪分佈平均，考靚靚呀！（心心眼）首先將陶板燒熱，之後急不及待把黑毛和放上去一放落去，渣渣聲，聽到都已經好想吃啊！仲發出陣陣牛味，好香呀餐廳備有三種醬料檸檬汁酸酸地好醒胃、香草海鹽好香幾清新、燒汁好惹味嘩嘩嘩！基本上放上陶板燒1-2分鐘就可以吃了！師父之前已經加了少許鹽及黑椒，所以不用調味，就這樣吃也超級好吃的啊！那和牛口感軟腍，入口即溶，那陣牛味一直在口腔內迴旋，真心超級好吃！ 餐仲配有一碗飯，和牛配白飯，簡直滿足！食飽飽，再來味噌湯暖暖胃跟餐還有甜品 - 牛乳布丁這個布丁確真在很香滑，奶味極濃但不甜，是一個非常捧的甜品啊最後嘆埋杯檸茶，跟老公談談心，又過了一個愉快的下午，實在太滿足了！離開前八掛四周望望，原來這裡有幾間房間，可以一大班朋友來，真是不錯～事隔多月，服務態度及食物質素仍然保持相當高的水準，這真不容易啊！看的出餐廳的認真、真誠待客，下次我一定還會再來！…查看更多

上一次走到樓上吃鐵板燒雪舟，今次跟朋友來吃日本菜，環境同樣舒適乾淨，分別點了兩份午餐共享每款午餐包括沙律，小鉢，前菜及甜品飲品南瓜沙律如如雪糕球般，整球都是南瓜蓉，內裡還有一點提子乾及合桃，除了味道甜甜地外，還帶一點口感刺身八種盛，八款品同刺身有吞拿魚/ 三文魚/ 剌身蝦/ 拖羅/帶子/ 左口魚/ 油甘魚，每款刺生有厚度，各有風味，其中好美味當然是拖羅見天氣凍凍地點了大蔥醬油鍋配日本產飛彈牛飛驒牛肉質顏色非常討好，入口薄滑 油脂分佈平，先灼熟飛驒牛後才把蔬菜放入鍋蔬菜藍約6-7款新鮮蔬菜，排得整齊最後將烏冬放入，味道可口甜品是牛奶布甸，牛奶味超濃，配上一杯熱咖啡慢慢坐…查看更多

要返工嘅星期六，食lunch唔係求其食呀嘛？上到嚟，實在太企理，坐得好舒服，舒服到唔想郁。唔洗諗，今日一定係食飛驒牛啦南瓜沙律以為食雪糕先？！原來係南瓜蓉，味道超香甜，仲有粒粒南瓜增加口感，鍾意食南瓜嘅我真係非常開心！入面仲有提子乾及果仁，咁得意嘅沙律combination真係好少見喎！冷菠菜加咗醬油及木魚花嘅菠菜，好開胃關東煮係我最愛嘅關東煮呀！有牛肉、魚及芋絲，好入味又軟腍，如果大碟啲就最好啦，關東煮喎，多多都食得落啦！刺身八種盛 ($280)由左至右有鰤魚、帆立貝、針魚、深海甜蝦、大拖羅、象拔蚌、左口魚邊及深海池魚。帆立貝大大隻，啲肉一絲絲咁好新鮮；深海甜蝦好大隻，色澤鮮紅，肉質鮮甜又超彈牙；大拖羅真係入口即溶，一啲根都無，肥美得好緊要，第一啖咬落去啲油份已經必晒出嚟，超級超級滿足！$280喺呢個地段有8件高質刺身，真係好抵喎！大蔥醬油鍋膳 ($480)呢度有3種湯底可以揀，分別係大蔥風味、昆布淸湯及壽喜燒，店員話大蔥風味就少見啲，於是我哋就揀咗佢啦，配日本A5飛驒牛，諗起都開心。上菜嗰陣哇吸引到不得了，啲飛驒牛油脂分佈平均，湯都未滾已經想即刻食！好在個湯滾得好快，瞬間已經可以放啲牛肉落去，又瞬間已經食得，入口即即即溶，真係有初戀嘅感覺，老實講仲要俾朋友們各搶1塊食，其實真係唔夠喉囉！好在仲有好多菜及烏冬，否則真係唔會夠食！蒸籠料理 ($250)呢個餐menu仲未有，不過店員推薦我哋試，咁就試吓啦！打開正方形木盒嘅蓋，入面鋪滿飛驒牛，下面放滿新鮮昆布及洋蔥，哈哈開心到想生食，不過呢個set唔係我嘅...... 蒸咗10分鐘之後即食，點少少柚子酸汁，牛肉鮮味更突出！話說朋友搶食咗我嘅牛肉，我當然要搶返佢嘅蒸牛肉，好在搶咗咋，肉質超軟腍，肉味勁鮮甜，下面嘅昆布及洋蔥吸晒牛肉味，食完真係好幸福呀！！！！牛乳奶凍除咗甜品外，仲有餐飲，正！奶凍奶味超濃郁，好似食緊一磚牛奶咁，又香滑，成餐lunch嘅食物樣樣都咁滑，食完開心到想喊呢度環境非常企理，每位店員都好有禮貌，食物又高質，抵食！…查看更多

Sat morning早起，老公話不如出去覓食，唔好食早餐! 蠱蠱惑惑咁🤔唔知今次又帶我去食咩呢？去到銅鑼灣佢先話我知，原來上次佢同客去左間日本餐廳食，覺得好正，所以帶我去食個豪華午餐! 🙈“鍋処雪舟” 果然係一間高級日本餐廳，裝修得好有格調，中間係好大既工作間，客人可以邊食邊望住廚師整野食，幾好feel! 💕💕 坐底無耐，就見到廚師長親自過來招呼我地，話呢度最出名係Sashimi & Shabushabu! 😍😍 既然係咁，我地就決定每個set叫一樣!前菜前菜有南瓜沙律、關東煮、海帶沙律。南瓜沙律好特別，食落好似蕃薯味，入面有d提子乾同果粒，好特別，陣味好fresh! ❤️❤️ 關東煮好入味，真係個好開胃既前菜!刺身八種盛由右到左：牡丹蝦、鯛魚、吞拿魚、鮮帶子、深海池魚、拖羅、左口魚、鰤魚。哇~ 正啊! 每款魚都有2片，件件都好厚切! 我地由最淡味開始食：-左口魚：魚味好清甜，好鮮味，唔加豉油食仲正!-鮮帶子：咬落去帶子肉一梳梳，好有口感，好鮮甜!-牡丹蝦：清甜爽彈，正啊!-鯛魚：魚味好濃，有好靚既紋理，入口回甘!-深海池魚：深海池魚連著少許皮，魚味更濃，但肉質好嫩，正!-鰤魚：白肉既鰤魚味道清D，不過充滿魚油，色澤好靚!-拖羅：再試拖羅，雪花靚到同和牛一樣，入口即溶，有種淡淡既甘香，真係好滿足啊!😌😌-吞拿魚：最後食最濃味既吞拿魚，睇到血紅既色澤就知好新鮮，一D都唔腥!講真，咁樣食刺身真係第一次! 我條皇后俐食開好多刺身都話腥，但今次刺身八種盛我樣樣都食到，證明全部魚生都好新鮮好高級! Yummy!😍😍大蔥醬油鍋膳剛剛廚師長話呢度醬油鍋係特調，醬油味特別香，帶種甜甜既味度! 再黎終於到呢個set既重點啦~~飛驒牛見到真係N個心心眼😍😍 肥牛食得多，和牛都試過，但日本出名既”飛驒牛”都真係第一次食! 飛驒牛切得好薄好大片，上面既雪花紋真係見到都流晒口水! 😋😋 牛肉落鍋後，其實刷幾秒已經食得，入口即溶，口感極佳，好有牛味! 飛驒牛唔算重牛味，配上特調醬油鍋真係好match!店員介紹呢個鍋，仲可以配兩款醬料：第一種係醋+蔥花+蘿蔔蓉，酸酸地既醬汁配上飛驒牛，味道特別鮮! 另一種係配芝麻醬，食落牛味特別香，我都好鐘意!食完飛驒牛，仲有野菜鍋，入面有好多種一式野菜，全部都好fresh!除此之外我地仲加個烏冬，食得出呢種係手打烏冬，係有咬口，又唔太粗，好好味!一次過食齊兩個set，真係大滿足! 之後仲有即磨咖啡同西瓜做甜品! 食完飽飽! 以lunch黎講，食左咁多正野，都真係豪食! 😳…查看更多

一個要返工嘅星期六，要對自己好些，放工要食餐好，和同事一行三人叫咗三個 Lunch Set ，刺身八種盛($280)，大蔥醬油鍋膳 ($480)，同埋一個由店員推介，menu 都未有嘅新菜蒸籠料理($250)每位都會有三款前菜，分別係南瓜沙律、冷菠菜同關東煮南瓜沙律打成茸嘅南瓜混入少許提子乾同果仁，再搓成球狀，南瓜香甜，加咗提子乾同果仁令口感更豐富冷菠菜排列整齊嘅菠菜，加咗醬油、木魚花，咸咸哋，甜甜哋，好開胃關東煮細細碗嘅關東煮，好精緻，有牛肉、魚、芋絲，又腍又入味刺身八種盛 $280一隻長長嘅碟，盛戴了八款刺身，由左至右︰鰤魚、帶子、針魚、深海甜蝦、大TORO、象拔蚝、左口魚邊同深海池魚，先食白肉魚，好鮮甜，我仲咬多幾口來感受濃郁嘅魚味，帶子肉厚，仲見到一絲絲嘅肉，象拔蚝爽口彈牙，深海甜蝦比平時食嘅甜蝦大隻，色澤鮮紅，十分鮮甜，最後當然係大TORO，入口即溶，完全無根，肥美無比，個刺身套餐仲包括迷你沙律、麵鼓湯同白飯，一人食剛剛好大蔥醬油鍋膳$480呢間餐廳嘅鍋膳比較特別，有三款選擇，分別係大蔥風味鍋、昆布淸湯鍋同壽喜燒，店員建議下選擇了大蔥風味鍋配A5日本飛驒牛，一開個瓦煲，就聞到大蔥嘅香味，原來真係有好多大蔥，仲有一大盆飛驒牛同蔬菜，仲有烏冬添，飛驒牛油花平均，入口即時溶化，先放蔬菜，水滾後再慢慢加飛驒牛，食吓牛食吓菜，最後就係烏冬，個烏冬吸收晒個湯，好好味，份量大，如果係細食嘅女仔可能一個餐再加些小食都足夠蒸籠料理 $250其實呢個餐响我哋食嘅時候係仲未有嘅，係店員問我哋有無興趣試吓，有新嘢，當然試啦，一個正方形木盒放滿咗飛驒牛，下面放滿新鮮昆布同洋蔥，要蒸10分鐘，配合個柚子味酸汁，好特別，我覺得比sabusabu嘅牛仲要腍，啲昆布同洋蔥仲吸收晒牛肉味甜品係牛乳奶凍，奶味濃郁，喜歡奶嘅人一定好喜歡呢間餐廳仲有兩間可容納4人嘅日式房同一間可容納約12人嘅VIP房，下次朋友聚會可以考慮吓…查看更多

冬天是我最喜歡的季節，因為喜歡冷風打在臉上的感覺和更喜歡假日躲在被窩裡暖粒粒的感覺。而且除了臨近年尾特別多飯局，搭入一月的生日月，就更有食神。今日好朋友就帶我來処雪舟跟我慶生。＊＊＊＊＊＊＊＊＊＊＊鍋処雪舟是銅鑼灣新開的高級日本料理餐廳，晚餐人均消費動軏要五百大元以上，但中午價錢平一半就可以食到飽，就算有人請都冇可能食左人隻車，所以我們就選了一個周末下午來。甫步出電梯，屏風後是兩間和式包廂，向右轉是壽司吧臺和四人餐桌。鍋処走新派日本風，以深木色代替日本餐館常用的淺木色作主調。店內空間感十足，餐桌距離不會過近，中午來到，陽光透過落地玻璃照射入來，周末悠閒感覺更濃。荔枝果汁梳打($50)這杯荔枝果汁梳打有很重的荔枝清甜味，即使飲到最後，冰塊融化味道亦不會過淡，非常好飲。和膳有多款不同的刺身、壽司套餐選擇，價錢由$180至$380不等，每款都包先附、小鉢、沙律、漬物、味噌湯、甜品和咖啡或茶。先來前菜三小碟。南瓜沙律這個南瓜蓉異常香甜，只有日本的南瓜才有這種甜味，中間還有果仁和提子乾，令口感更豐富，旁邊的沙律菜亦有足夠醋汁，酸香味十足，令人眼前一亮。關東煮一小碗的關東煮已經有紅蘿蔔、白蘿蔔、粟米和冬菇，全部都煮得夠腍。木魚菠菜菠菜清清地，作為前菜不錯。壽司膳十二貫($180)登登登凳~我點的十二貫壽司終於出場，成呎長的壽司碟一字排開十二件壽司，真是霸氣十足。不單夠霸氣，十二件壽司還件件都帶有光澤，感覺非常新鮮，睇見都口水流。原本食刺身/壽司應該由淡味食到濃味，即應先吃白身魚，貝類次之，最後才到紅肉魚，但見十二貫壽司無論由左至右或右至左都不像有依從這個順序，估計師傅只按魚生種類把同類的放在一起。左: 大吞拿魚壽司即是拖羅，粉紅色，油脂味超重，入口立時融化，有一種非常幸福的感覺。中: 鰤魚壽司相對大吞拿和中吞拿，鰤魚的魚油明顯少很多，勝在肉質甜美。右: 中吞拿魚壽司雖然不能跟大吞拿魚相比，但魚油都算豐富，魚油甘香。左: 深海池魚深海池魚味道爽甜，口感帶點彈性，相比起油脂滿溢的吞拿魚，又是另一番韻味。中: 左口魚壽司左口魚屬白身魚，所以通常會最先食，魚味較為清鮮。右: 北寄貝壽司紅肉的北寄貝就見得多，灰色是第一次見。事後在網上查看，才知道原來平時紅肉是因為用了熱水灼熟，生北寄貝原本是灰色肉，肉質會比灼過的紅肉更鮮甜爽口。左: 帆立貝壽司帆立貝又大又厚肉，冇返咁大個口，都很難成件放入口。中: 針魚壽司針魚肉質結實，味道帶點鮮甜。右: 左口魚邊壽司左口魚邊是整條左口魚最鮮美的部份，據說日本魚民如果捕獲了大的左口魚，都會把左口魚邊留為己食。這左口魚邊壽司肉質很爽口煙韌，都幾好食。左: 金目鯛壽司金目鯛經火灸過，魚油更突出，魚味亦帶點咬口。中: 赤睦壽司赤睦同樣被燒過，外表跟金目鯛有點相像。右: 海膽軍艦海膽顏色金黃，夥粒明顯，味道超級鮮甜，而且有成六七瓣咁多，非常足料。奶凍甜品是自家製奶凍，奶味不會過重，質地滑不溜口，絕對是整餐飯的亮點之一。熱柚子蜜餐茶除了普通咖啡或茶外，亦可以選柚子蜜，熱柚子蜜味道有點偏淡，如果要揀，熱飲會比凍飲好。總結，十二貫壽司氣勢奪人，但睇得更食得，件件都非常新鮮美味，配角前菜和甜品同樣高質，侍應亦親切有禮，午餐不會太貴，以比晚餐平一半的價錢吃到如此高質的壽司，絕對值回票價。…查看更多

放假日,找個好地方與好友聚一聚, 相約銅鑼灣行街，朋友介紹了一個好地方享受午餐裝潢設計很有日本格調，間約而舒適; 餐廳用木系列的枱凳，令人有好warm的感覺前菜有蕃薯、豆腐和菜，前菜都這樣精緻！:)刺身八種盛由左至右順：分別有深海池魚、鯛魚、鰤魚、帆立貝、拖羅、三文魚、稚吞拿魚和針魚，各樣刺身都很鮮甜可口最特別是稚吞拿魚和針魚都是第一次食, 口感細滑,刺身鮮味湯底好正，佈滿洋蔥十分足料入味，首先放左配料菜、菇類、豆腐等等，之後再食我們的主菜和牛日本產飛驒牛賣相已經好吸引油花均匀，第一次食飛驒牛入口溶化，十分美味日本產神戶牛之後再食神戶牛,睇到都流晒口水，油花分佈得好平均，入口比飛驒牛更加細膩滑溜的質感!甜品牛乳奶凍，一食落超級濃厚的奶味,從未食過咁濃郁的牛奶奶凍，連甜點都咁用心製作,味道令人回味 整體食物和服務都好有水準,而且餐廳內環境舒服,會再次光顧的餐廳!…查看更多

星期六放假日，同好姊妹出去銅鑼灣行街食晏，好姊妹搵到個好地方，既舒適又寧靜環境享受午餐一出lift就見到餐廳門口佈置，充滿著聖誕氣氛🎄環境整潔美觀，裝潢設計很有日本風格，間約舒適地方都很寬敞舒適，用木系列的枱凳裝潢，令人好warm好舒適，好合適聊天的地方有氣清酒係一種開胃酒，粉紅色好靚，味道甜甜地而且有氣的清酒都幾特別前菜有蕃薯、豆腐和菜，開一開胃:)刺身八種盛由左至右順：分別有深海池魚、鯛魚、鰤魚、帆立貝、拖羅、三文魚、稚吞拿魚和針魚，各樣刺身都很鮮美食到吞拿魚腩簡直入口即化，好似身在日本咁福祝  特選  大吟釀之後唔係好夠喉再點多枝酒用來送鍋，邊飲邊食大蔥香蒜鍋湯底好正，佈滿洋蔥十分足料入味，首先放左配料菜、菇類、豆腐等等，之後再食我們的主菜和牛日本產飛彈牛我地點左兩款和牛，首先就食左飛彈牛，賣相好靚油花好平均，一滾完即食入口即時溶化停不了口！日本產神戶牛之後再食神戶牛睇到都流晒口水，油花一樣好平均，呢個肉質更肥美，一食落口比飛彈牛更加溶化，好滑溜的肉質，大愛簡直溶化埋我的心甜品牛乳奶凍，一食落超級濃厚的奶味從未食過咁濃郁的牛奶奶凍，連甜點都咁用心製作味道令人回味所有午市套餐包括小砵、沙律、白米、漬物無論服務、食物都非常優質，會再次光顧的餐廳…查看更多