極上帝王水產

營業中

休息中

位於兆萬中心日式火鍋放題「極尚帝王水產」一入店彷彿充滿青春的氣息，地理位置好方便，裝修簡約大方環境舒適，天花掛滿彩色的日式旗幟🎏好有氣氛，主打日式放題有刺身拼盤、壽司、炸物、小食以及壽喜燒等等🤤💫刺身拼盤🍣刺身種類豐富擺盤精美，有齊三文魚、帶子、北寄貝、甜蝦和赤蝦等等，每款刺身新鮮厚切，特別三文魚鮮嫩多汁，滿足不同的口味，驚喜！🤩💫壽司🍣壽司種類繁多確實點不完，我們簡單點了幾款有花之戀🌸、松露帆立貝壽司、炙燒三文魚腩壽司和松露帆立貝壽司，每款都大大件好吸引，精心製作而且食材新鮮魚生厚切，口感豐富😜💫炸物🍟天婦羅蝦🍤肥大鮮嫩及溫室南瓜天婦羅一上枱還熱辣辣好好味，特別炸鮮奶🥛外酥內軟香噴噴，超級推薦！💫小食🍢鹽燒牛舌厚切及雞髀菇配上特製醬汁口感極佳，日本芝麻雞翼🍗和吉列炸廣島蠔🦪都炸得香口酥脆。雞軟骨好有份量大大粒口感香口獨特。💫日式和牛壽喜燒🍲壽喜燒肉類和蔬菜種類豐富可以任意下單，肉質新鮮嫩滑可搭配各式蔬菜🥬食肉獸又可健康愛好蔬菜亦可，牛豬肉質花紋清晰口感細緻😬壽喜燒湯底微甜，仲可以慢慢加配料自己烹調🥘💫甜品🍨飲品無限量供應， 我自己最中意係梳打檸檬水不會太甜食放題絕配🥤行到門外邊仲有雪

餐廳：極上帝王水產地點：旺角西洋菜街菜式：日式泰式西式火鍋放題價錢：今日午市黎食放題，價錢$269，另加一。落單用QR Code。有兩款限量食品寫紙落單。日式和牛壽喜燒鍋有一個鍋放係枱上面比你自己整壽喜燒。肉有肥牛一盤，大概有5大塊，超肥。伴有牛油一細盒。有紙條介紹可以先溶牛油，然後就可以加壽喜燒汁煮肉，最後煮菜。伴有蔬菜籃一個，有大白菜，紅白蘿蔔，金菇，炸玉子豆腐。炸玉子豆腐好滑。蔬菜用呢個壽喜汁煮真係好味。食完壽喜燒仲可以加湯打邊爐，用QR code落單有湯底及配料放題，包括4款湯底，4款肉如牛丸，肥牛，蟹棒同蝦，5款菜同2款主食。生蠔生蠔冰鎮上枱，每人一隻。生蠔好大隻，味道偏淡，伴有cocktail sauce同檸檬一件。以下食物係放題，落單用QR Code。1）刺身共13款，成隻船冰鎮住上枱，份量驚人，打卡之選！挪威厚切三文魚：果然係好厚切，偏瘦唔肥迷你北寄貝手切八爪魚泰式生蝦：無頭，加左泰式酸辣醬爽脆好味榮螺片大赤貝：好新鮮，超爽脆珍寶赤蝦：都唔錯去頭甜蝦：都可以鮑魚片希靈魚：好脆口，酸酸哋寳幸玉子松葉蟹棒：好大條馬刀貝2）高級爐端燒10款日本蕃薯仔鹽燒活海蝦：幾鮮甜鹽燒牛舌

兆萬真係好多野食，每次經過都有好多人派傳單！今日就同d friend約左係極上帝王到食放題，貪佢夠平又就腳！環境黎講，唔算好大，但坐落都唔算太迫張檯夠大張，放到好多野食！食物選擇多，因為有訂位，所以一坐低侍應就比左3張優惠紙，好多選擇！我地今次揀左海膽同雪糕，仲要係movenpic雪糕，正wor!仲叫左個松葉蟹火鍋，天寒地凍，岩哂，如果有埋個真火鍋，就仲正了好難得，侍應主動提供前菜同醬汁唔會好似其他方題咁叫n次都叫唔到沙律醬卷物質素高，有牛油果軟殻蟹，仲有拖羅蓉杯，同埋芝士鰻魚卷，全部都係我係元氣最鐘意叫既至愛，而係呢到就可以任食了仲有牛油粟米，朋友鐘意食，話健康d日本蕃薯仔，就係我每次放題必點既呢到既蕃薯仔特別唔同，食落有d似麻糬咁，好特別仲有麵䜴湯，岩哂食得咸既朋友我最喜愛既溫泉蛋，要整得咁靚其實好難個醬係麻醬，又幾特別廣島蠔，放題必食，亦都好岩重口味既朋友食左咁多重口味既野，食件冰菠蘿就岩哂了好鮮甜，正！最後，就係我期待好耐既movenpic雪糕憑卷換雪糕🍦個人鐘意食朱古力味既—————————————————價錢黎講，係抵食既，真係出面貴少少既餐廳都唔止呢個價啦！仲要方便就腳，

e 間野門口等位既位置就係lip 口位，真係比較狹窄，佢又擺左d 雪櫃係度，未輪到有檯時係出面等果陣有d 逼硤。入面乾淨程度唔錯呀，試過之前有間放題塊地黐笠笠…先有d 前菜，因為留肚食主食，我除左試左少少中華沙律其實幾乎無郁過~ 有個松葉蟹鍋係送既，d 蟹肉比較霉，不過湯係好飲的。刺身有冰底再加埋d 花花草草做裝飾就好多間放題都會，但e 間連壽司都有個好靚既架，一層層咁好精美，見到都開胃d~ 黑松露帶子壽司感覺好抵食。黃金燒廣島蠔同芝士龍蝦黃金沙律船果d 沙律醬我覺得比較酸，不過隻龍蝦ok 大隻，都幾多肉。避風塘香辣炒蝦好好食！d 蝦又大隻，又夠晒辣，仲帶一點麻辣既感覺添，食完雙唇會好爽~ 翠肉瓜份量少少咁啦，岩架喇，食少少就當係食左菜…飲品雪櫃任攞，不過我今晚淨係飲茶為主。甜品都整得好精緻呀，有舊cream 果隻朱古力mousse 好甜好好味。