御千丼 (已結業)

大埔可以吃到刺身飯的地方不多，最近這邊開了不少小店，今天上openrice search到這間，是專門吃刺身飯的！！🤩位置其實不難找，過左停車場轉左便是。門口已放有不同推介刺身😚坐下後店員遞上餐牌，整牌都是不同款式的刺身飯，當然仲有熟食，在後面果頁。店內的牆上也貼滿了照片，可以當參考，睇下有咩岩食🤗跟餐會有前菜，有沙律，螺肉，蜆湯都真材實料👍另外叫左一客壽司，三文魚厚身。壽司都可以一件件叫👍朋友叫左個鰻魚飯！！有驚喜，鰻魚燒得非常香！推介👏自己叫左刺身飯吃，有刺身，三文魚，帆立貝，牡丹蝦及海膽！！這個刺身飯的三文魚其實是三文魚腩來的！色澤新鮮，而且份量也不少，價錢合理。最後我們叫了一個小食，燒三文魚餃，這個除了三文魚餃外，還有幾塊厚厚的三文魚👍…查看更多

抵食有驚喜平民日式料理小店去大埔探朋友仔,我地都想食日本野,就係太和火車站行過黎新食街美豐花園度覓食啦,見到呢間御千丼,就二話不說入去試下啦.入面地方較為細,裝修簡單,但有濃厚既日本氣氛,播住濱崎步既歌,職員態度友善,食野都特別開心,更適合情侶用餐.餐牌非常多選擇,應有盡有,最鐘意食三文魚海膽既我當然叫左個三文魚甜蝦同海膽丼啦.而友人就選左個壽司拼盤A,除此之外,因為太想食刺身所以再叫多個刺身拼盤(三文魚,甜蝦,馬刀貝,帆立貝).落單時候職員仲好貼心咁問洗唔洗轉做定食包含一碗有蜆肉豆腐海帶嘅麵豉湯加一份小食以及一份沙律.都係加多$18當然就要啦.落左單一陣就已經黎啦,而小食亦頗具份量,沙律菜亦新鮮爽口.接住落黎有壽司拼盤,每款用料都新鮮,最鐘意佢個蟹膏壽司,味道濃郁而不膩,食多十舊都仲得.爽!最後精美既刺身拼盤,一個小筲箕載住甜蝦甚為有特色,而三文魚厚度足夠口感十足,馬刀貝非常爽口.蔗渣既價錢,燒鵝既味道,抵!結論三個字:正,爽,抵小店咁既質素已非常難得,仲要有300蚊免費送上門外賣,以後可以足不出戶就可以品嘗到新鮮刺身啦.…查看更多

又黎到同best friend 每月一聚的大日子喇！今日就黎試吓呢間開左冇耐，長期棟左個「$300起免費送上門」既易拉架係我屋企附近嘅日式餐廳 — 御千丼！一入到黎即刻好有日本居酒屋feel🎏，好多好日式既佈置，仲不停 loop 住播日本歌添😆。雖然店舖小小，得12個位左右，但食物種類都幾多樣化，除左小店主打既魚生丼飯之外，仲有進口刺身、壽司、熟丼、便當、沙律同小食，同一般規模嘅日本餐廳無異。Menu上面任何丼飯加$18就可以轉成定食，而呢個定食包含咗以下三款食物：沙律沙律菜嘅種類好多，色澤豐富，食落都好新鮮。沙律醬係偏酸嘅醋汁，食起上嚟酸酸地幾開胃。啲菜又剪到細細片咁，好容易食，亦好易入口，幾細心👍🏻。味增湯唔鹹唔淡，正常味既味增湯，有隻蜆係入面，但有少少沙，勝在個湯係夠熱嘅。前菜—芥末八爪魚平時一般都好少特登叫八爪魚食，今日竟然自動送上門🤣，咁一於試吓佢。食落明顯食到有wasabi 味，但一啲都唔覺得攻鼻，比起酸酸地嘅醋，呢個前菜更加開胃🤓，我同朋友都幾鍾意☺️。我哋今日就試咗一生一熟嘅丼飯。特盛火炙丼 $98因為聽店員講呢個係新野黎，所以我呢個好鍾意試新野嘅人諗都唔諗就點左個新嘢😆。好大碗呀！有齊三文魚、帆立貝、蟹柳、蟹籽同玉子五款配料，帆立貝好大片，好鮮甜，仲要有兩大片咁多🤩，而三文魚同玉子就分別有三片，三文魚厚度切得啱啱好，夾埋沙律醬一齊食都唔覺得膩（其實三文魚加沙律醬本來就係一個無懈可擊嘅組合🙈），蟹柳亦都絕對唔係普通周街都買到嘅質素，入口蟹柳香味濃，呢個價錢來講真係非常之抵食😍！蒜香一口牛丼 $108牛肉質感軟腍唔韌，煮得好入味，肉汁加埋燒汁鎖晒喺粒牛肉入面，咬落去肉汁四濺，好juicy好惹味！將沁出嚟嘅牛肉汁撈埋🥢啲蛋絲同飯🍚一齊食一樣咁好味💕！雞皮餃子 $48表皮好似脆皮腸咁脆，脆皮下就係煙韌嘅雞皮，而入面嘅餃子肉都係雞肉來的，味道有啲似雞肉串，但啲雞肉就好新鮮好嫩滑，配埋店家特製，酸酸甜甜嘅秘製醬汁，就更加惹味喇！呢個餃子非常之特別，喺第度未必食到，係店家推介嘅必食之選！呢度豐儉由人，丼嘅價格由$58至$368都有，係附近一帶平食日式魚生丼嘅不二之選！鍾意食魚生丼嘅你一定要黎試吓呀！…查看更多