喜來稀肉 (登龍街)

喜來稀肉的燒肉出名，其實它的午市一樣精采。午市餐牌選擇頗多。有烤肉、湯、飯或烏冬，還有迷你版煎餅或年糕。食燒肉的話有自助前菜自己加，即使是午市套餐，一樣跟可添加的前菜，坐下便送上4碟前菜，食完可以再加，好抵食。🏅烤豬肉定食Jung-Chan Box（$99）這份定食用木格盛載，感覺華麗。主食是BBQ豬／牛／雞，有5款選擇。另送6款拌菜、生菜、白飯及湯。用生菜包着肉類，加喜歡的拌菜和醬料，不用自己燒烤，方便又好味。🏅喜來烏冬+蟹籽飯團（$80）雖然無肉，但湯底清甜。配料有腐皮、紫菜、大蔥、大蒜和天婦蘿碎，煙韌爽滑的烏冬加上熱辣辣湯底，溫暖又滋味蟹籽飯團外觀不完美，卻給人韓國家庭料理的溫馨感覺。咬一口還是暖的飯團，軟糯的米飯與爆炸的蟹籽，口感豐富，忍唔住又咬多一口、兩口……🏅迷你海鮮豬肉泡菜餅（$40）表面非常脆口，內裏的泡菜柔軟，真正是外脆內軟。🏅梨汁（$8）有少許果肉，清甜好飲。…查看更多

🥙前菜(喜來泡菜、酸泡菜、青瓜、蘿蔔、蔥沙律)前菜可以無限refill，兩款泡菜入面比較鐘意喜來泡菜🤗比酸泡菜易入口同爽口🤩蔥沙律配上芽菜及辣醬非常開胃😋另外亦有無限生菜🥬可以refill夾肉食同埋多款醬汁包括燒肉汁、蒜片🧄同韓式辣醬☺️爐邊蛋有芝士同泡菜味兩款，同樣係無限添♾️🥩牛五花(150克) ($158)牛五花半肥瘦又夠大塊，加左韓式醬油，燒完都仲好juicy😆🥩牛肋骨肉(150克) ($150)切得比較厚身，肉味濃而且肉質厚有嚼勁☺️🫓海鮮泡菜餅($100)泡菜餅比較一般，比較淋身，原本期望會煎到卜卜脆🥹🍲牛排骨湯($90)上枱時超熱辣辣，冒左好耐煙🤗入面有韓式粉絲同幾嚿大牛排骨😍排骨啖啖肉，肉唔會淋哂，依然有咬口，湯較清淡，自己加鹽後比較入味🧂…查看更多

今日同我嘅朋友，好耐冇見我哋一齊食呢個韓國嘅午餐。呢一間喜來肉我有時都會自己黎食，因為好正宗韓國菜，所以今日就約我個朋友試一試。午餐有好多選擇有飯有面有湯亦都有小食，價錢都好抵食；服務都好好，親切有勤快；落單用QR code，非常方便。環境又大又舒適，分開燒肉區及普通飯桌區。我哋選擇咗一個燒牛肉飯、人蔘雞湯同海鮮燒餅。先黎韓國前菜，好喜歡這麼多蔬菜，有青瓜、紅蘿蔔、洋蔥、泡菜、菠菜等等，更有咬口魷魚🦑。燒牛肉飯熱辣辣香噴噴，即叫即整；錯了有好多蔬菜，包括芽菜、紅蘿蔔絲、雞蛋、紫菜仲有好多牛肉，更有脆卜卜飯焦，撈勻韓式辣醬，好正人蔘雞湯清甜好好飲又健康，人蔘好大條，配有冬菇及大大隻雞，雞肉又滑又軟，內面釀了糯米飯及紅棗，好正好保身海鮮燒餅味道好，配了魷魚、蝦、紅椒、香蔥等等，配上特製醬料，好惹味好食點了咁多嘢，每人都係百幾蚊，抵…查看更多

食肉獸alert🥩平時食日本燒肉食到悶悶地，都想食下韓燒食下泡菜飲下soju😋所以朋友就揀左有三間分店嘅喜來稀肉，估唔到平日夜晚都要等位，真系實力證明😳🌟前菜平時食燒肉都想叫下生菜減低罪惡感🤣估唔到呢度有個前菜bar, 可以夾唔同韓式小碟包括泡菜，醃蘿蔔，沙律🥬同埋揀自己鐘意嘅醬，最緊要生菜仼拎呀😍🌟護心肉🐷 $158份量唔少，豬肉有番咁上下厚，但因為切到細細舊完全唔鞋，仲無乜油出唔會油膩🤔🌟真雪花牛肉🐮 $228呢個價錢就相對無咁抵食，個牛味就好出👍🏻記得燒完剪做一半，方便包生菜🤣🌟 海鮮牛胸肉大醬湯🥘 $80大推💕超足料又好飲，入面除左有一盤嘅豆腐之外，仲有d蜆仔蟹腳🦀牛胸肉，上枱仲滾緊熱辣辣😋🌟 蟹籽紫菜飯團 $50好玩又好食😛蟹籽紫菜連埋麻油同少少美奶滋，自己撈同搓成米飯波波，食完一個即刻想食多個🍙…查看更多

都一段時間無食韓燒啦，難得今晚book到位，可以大快朵頤。喜來稀肉其實都唔洗太多介紹，喺香港呢間韓式烤肉真係知名度算幾高，雖然多分店，但要食晚餐都係建議提早book位會好d。受歡迎其中一個原因係因為環境氣氛夠地道。呢間來自韓國嘅過江烤肉店，在韓國當地都有唔少分店，即使嚟到香港，都仍然保留到韓國風味，醬汁都係由首爾本店嘅大廚主理；而且這裡有不少店員都係用韓文溝通嘅。另一個吸引原因，當然係佢嘅前菜同烤蛋可以免費無限追加啦。😋😋今晚叫嘅嘢食唔多，只係叫左嫩豆腐湯($80)同埋牛肋骨肉($150)。一向最喜歡這裡的豆腐湯🥣，每次嚟到都必點，海鮮味混和佢嘅自家泡菜，令湯底非常香濃，佢嘅微辣做得十分出色，完全唔會嗆喉。個人最喜歡嘅食法係，潷一匙湯，加一小塊豆腐，然後再加一啖飯，呢口湯飯惹味得嚟，又易入口，就這樣潷吓潷吓，一碗飯好快就食晒。牛肋骨肉🥩個人認為係肉味幾濃嘅，而且厚身大件。即使我有時掛住食湯飯，而忘記控制時間，烤得過熟，都唔靭又唔嚡。用一片生菜，加塊蒜片，再加一片泡菜，簡單包住食已十分美味。但每次食，都要小心肉汁從生菜邊流出，預備定濕紙巾抹手係必需嘅。今晚嘅前菜我仲夾到大大件洋蔥🧅，如果唔介意可能會有少少口氣，呢個真係前菜必食，味道唔辣，酸酸甜甜，比其他泡菜多一份洋蔥獨有嘅香味，十分可口。烤蛋🍳其實都唔洗多講，食過嘅都知道果種外脆內嫩有幾吸引、好味。👍…查看更多

一提起韓燒始祖就會諗起「喜來稀肉」，仲記得以前學生時代第一次食係幾咁期待🤭 可以同同學食燒肉share爐邊蛋係幾咁愉快😸 時隔多年再次嚟食，唔知水準係咪依舊呢？銅鑼灣分店分為上下兩層：下層為food market，賣韓國食品、零食、調味料等；上層為用餐區域。一上到上層，店員就會企定定打招呼，大部分店員都係韓國人，識講廣東話👀 呢度裝修好傳統，咁多年都無變🤣 上層面積都頗大，未幾已經滿座。呢度抽風系統都尚算唔錯，油煙唔會太勁😶‍🌫️ 餐廳有個貼心位係張凳可以揭起放袋放外套，咁就唔會被油彈到👌🏻❤️ 前菜前菜可以無限refill，有泡菜、酸瓜蘿蔔同沙律🥗 泡菜係自家新鮮醃製，對我嚟講都幾辣吓🥵 酸瓜蘿蔔幾開胃；沙律有辣醬喺面，唔算好辣😀 另外仲有生菜同爐邊蛋都係任refill！爐邊蛋有芝士味同泡菜味，吸咗爐邊流落去啲豬油食落更美味😙 我個人覺得芝士味比泡菜味更出，泡菜蛋有少量泡菜碎喺面頭，唔太辣，但泡菜味道就無咁明顯😗 因為用餐時間有限，個爐邊蛋差唔多去到尾聲先熟，所以都無再refill👀 爐邊仲有一格係放蒜頭，燒過嘅蒜頭變得好香，最啱配肉嚟食😚❤️ 護心肉 (200g) $158護心肉係呢度嘅招牌，佢係橫隔膜同肝之間嘅筋肉，都幾珍貴，性價比高😉 佢燒起嚟油份唔算多，爽嫩富彈性，有肉汁唔會太嚡！提一提大家個烤盤好熱，將啲肉放喺中間會好快燶，我自己就將啲肉切粒放側邊，令受熱更加平均🔥❤️ 芝士石鍋拌飯 $85可能因為影相影太耐攤凍咗，拉絲效果無咁明顯🧀 芝士分量都幾佛心，厚厚咁覆蓋住成兜飯，個飯底撈咗蕃茄醬、午餐肉同粟米，食落好似食緊熱熔芝士西炒飯🤣 難道呢個就係韓版西炒飯？🤭餐廳推薦度：⭐️⭐️⭐️⭐️ (4/5)見到唔少人過嚟慶祝生日，聚會嚟食都幾抵食，可以叫多啲嘢食大家share！同埋有得refill前菜、生菜同爐邊蛋，實夠飽！呢度通風亦都唔錯，唔怕食到成身燒烤味😎補返Menu先👇🏻…查看更多

已經好耐冇食韓燒，呢間韓燒餐廳聽左好耐都未食過，係登龍街經過無數次，有次買米線個時係下面買左個泡菜黎食，發覺非常好食，所以今次終於黎試呢度既燒肉。喜來稀肉係係黎自韓國既連鎖烤肉店，著名韓劇太陽的後裔都曾經係呢間烤肉店拍攝過，主打韓國燒烤，供應多個精選牛肉同豬肉部位，好似牛肉眼、牛五花、牛頸、五花肉、護心肉、梅肉等。夜晚七點去到，已經見到好滿座，店員安排入座。餐廳非常有韓式既感覺，係圓檯圓凳，凳拎起可以放袋係入面，餐廳空間感幾大，座位闊落。Menu首先有燒肉套餐，有牛同豬套餐，之後係飯麵類，第二頁係十幾款既豬肉類、牛肉類，另外仲有唔少酒，餐廳用QR CPDE 形式落單。每次換鐵板都會放一舊牛脂肪，爐邊仲有蒜頭，幾周到。-🥬 前菜/配料 💰0（👅: 8/10）前菜分別有三種，包括辣泡菜、醃蘿蔔洋蔥同辣椒雜菜，另外仲有生菜同爐邊蛋，全部都係免費任添。呢度既泡菜唔會太酸，小小酸帶微甜，辣味會有小小辣，咬落去幾爽脆。辣椒雜菜上面有有辣醬鋪面，不過唔辣，食落幾解膩。醃蘿蔔洋蔥酸酸幾開胃。有兩種，泡菜蛋同芝士蛋，到我食飽大概食左兩轉既爐邊蛋。芝士蛋會有少少拉絲，不過芝士味就唔算好重。泡菜蛋唔算辣，有小小泡菜味，酸酸好開胃。-🍜 壹頭牛 💰520（👅: 8/10）呢個壹頭牛SET 有五個部位，分別係喜來烤肉、牛五花、特級牛頸、牛肋骨肉同烤調味牛排，另外仲有兩塊菇同兩塊瓜。上碟時非常吸引，因為啲肉都係用牛嘅模型木盤上，因為牛肉份量唔少，所以幾澎湃。喜來稀肉係依度嘅招牌，佢會捲到好似一朵玫瑰花咁。份量係最多嘅肉，就咁睇唔會有好多雪花、脂肪係上面。牛肉有少少厚度，所以好快熟，但都因為太薄所以好易痴底，咬落肉質好嫩，入邊比較爽，食落去肉味重，不過脂肪比其他肉少，有用醬油輕輕調味，食落少少甜，味道同個牛好夾，唔會膩，可以同生菜包住黎食。牛頸比喜來稀肉厚身，食落都有牛味，不過牛味比喜來稀肉淡，同埋某幾舊會比較韌啲。牛五花係咁多塊最好食，佢係最薄身，係半肥瘦狀態，咬落係柔嫩多汁，質感似腩肉，食落牛脂非常甘香，油脂分布平均，食落唔會鞋，而且燒過既脂肪令牛味非常濃郁，就咁食生菜都唔駛係最滿足，因為油脂豐富，同佢本身有小小醃製醬汁，唔駛落任何醬料，最多點一兩粒鹽。牛肋骨肉係肋骨之間既五花肉，係一條條，比較厚身，咬落肉質鮮嫩，充滿肉汁，帶小小嚼勁。最後係烤調味牛排骨，雖然睇落好似唔新鮮，其實是用左醬油同梨汁醃製，燒完之後雖然厚身，但一啲都唔韌，幾軟腍，食落係好香醬油味，甜甜鹹鹹，用佢送菜係最好，因為佢好夠味。-🍜 牛舌 💰148（👅: 8/10）牛舌係薄切牛舌，分量非常之多，大概有二十幾塊。因為佢係好薄，所以其實每一面可能燒10秒內就已經夠，燒耐左絕對影響佢冇咁好食。輕輕一燒佢嘅香味已經好出，牛舌嘅邊位咬落會有少少脆，而入面就少少嫩，非常爽口，有嚼勁完全唔會覺得韌覺得鞋，有入口即溶嘅感覺，食落有牛味，油分充足，用醬汁醃製過，所以除咗牛味仲食到醬汁嘅惹味，鐘意食牛舌嘅我完全抗拒唔到。-🌟食物來講唔錯，肉類主打牛同豬，食肉獸一定可以滿足，前菜同埋爐邊蛋都可以無限添加，非常滿足，要挑剔嘅就係唔係每一個位冷氣或者風扇都好充足，有啲風機係吹緊冇食客嘅走廊唔係吹緊人，而抽氣算唔錯，只要較細火，就已經可以整熟啲牛又唔會好多油煙。價錢大約300至400，晚市來講算係中價嘅韓燒，可以再戰。-👅味道: 8/10🍴環境: 7.5/10💰消費: $300-400pp (服務費: 10%)…查看更多

幸好跟同事收工比較早，六點鐘便能walkin，吃到七點鐘已經門口有十數人排隊等位，認真受港人熱捧的韓燒店。發覺店內有幾位真的是韓國人，能用英文溝通的。韓燒就是要吃爐邊蛋，一邊是芝士爐邊蛋，一邊是泡菜爐邊蛋，一邊是生蒜，爐邊的熱力慢慢將蛋漿煮至滑溜感。還有一盤夾燒肉的新鮮翠綠生菜、香辣的泡菜、醃蘿蔔洋蔥及涼拌大豆芽。以上這些都可以任添加。牛肋骨肉(150g) - $150牛肋骨肉是肋骨之間的五花肉，滿佈油花，滋味的牛肉香特別濃郁，入口充滿肉汁好軟嫩。牛護心肉(150g) - $160一頭牛只有一小方寸的護心肉特別矜貴，位於橫隔膜與肝之間的肌肉肉筋，倒沒有很多油份，香燒後肉味濃郁，口感柔和且有嚼勁。牛肉眼(200g) - $150肉眼的油花豐富，邊緣有著明顯的油脂。此部分很少運動到，肉色較淡。肉質很嫩，油花分布均勻，肥肉與瘦肉兼而有之，它的筋肉和咀嚼口感令人食慾大開。…查看更多

對上一次食韓燒已經是上年的事，因為太耐冇食好掛住燒肉泡菜🤧所以約朋友去銅鑼灣「喜來稀肉」過下癮，享受韓國的風味🍾朋友本身不好牛肉，所以叫了「壹頭豬套餐」，海鮮煎餅和石鍋拌飯～——————————🔸前菜 & 爐邊蛋前菜有三種，我們特別喜歡吃這裏的泡菜，因為不算醃太耐，食起嚟會帶點辣味和甜味，而酸味亦不會太多😚在等待燒肉上菜時，已經差不多吃了一碟🤣🤣之後更可以無限refill🥰爐邊蛋是燒肉不可缺少的食物，尤其食完很多肉類後，會想轉轉其他口味，食爐邊蛋就適合不過！個人比較喜歡泡菜配蛋，酸酸甜甜好開胃😋-🔹壹頭豬二人套餐 $420「壹頭豬套餐」份量很多，有護心肉、五花肉、豬頸肉、韓式烤豬大腸和韓式烤豬皮。每款的色澤都很新鮮紅潤，我特別喜歡吃豬大腸和豬頸肉，前者夠大夠厚身，燒完後裏面的油脂爆曬出嚟，冇得頂😍後者燒過後會油香味更出，爽爽地👍🏼正！🔸海鮮煎餅 $90看見餐牌上有個👍🏼，就叫了一個海鮮煎餅試試，煎餅真的很大塊，厚度適中，也看到有不少海鮮在裏面☺️但略嫌煎得不夠脆口，食起來粉感比較重，幸好醬汁夠甜&辣，整體很惹味😚🔹石鍋拌飯 $85上一次來這裏已經想試試石鍋拌飯，今次終於試到了。無論紫菜還是裏面的配菜都很多，食之前我們把所有辣椒醬加入其中，攪拌過後賣相十分吸引，除了食到一些脆脆的飯焦，辣椒和蔬菜的味道很突出，所以食完會有健康的感覺，不錯😋😋…查看更多

這兩個月都在努力減肥，放題打邊爐韓燒這些已經很久沒有去了。難得中學朋友生日，她就最喜歡食韓燒，只好破戒食一次吧😂朋友本身不是食很多，所以叫二人套餐就最適合😋這是牛肉套餐，裏面有五款牛、八個醋飯和兩杯飲料，很豐富🎉——————————🔸前菜前菜分別有三種，朋友和我都喜歡吃這裏的泡菜和辣椒雜菜，refill兩次😚 平時我喜歡食泡菜是不會醃太久，這個夠辣又不酸就剛剛好～ 辣椒雜菜好解膩，食完燒肉再食就適合不過☺️ -🔹壹頭牛二人套餐 $520這個牛套餐比想像中多，有喜來烤牛、牛五花、特級牛頸、牛肋骨肉和烤調味牛排骨。本身都很怕調味肉醃太久會有怪味，幸好這間很新鮮👍🏼-調味牛排骨看起來好像不新鮮，但其實是由醬油和梨汁醃製，燒烤時聞到好香醬油味，食起來甜甜鹹鹹的，肉質也很軟腍😍好好食😋-喜來烤肉都很好食，大概有六大片，輕輕燒十秒已經可以翻面，牛味很濃，再和前菜一起食，好幸福🥰其餘幾款牛都很新鮮，切得薄薄的，所以很快就燒好👍🏼 旁邊的芝士和泡菜蛋可以無限添加，絕對會食到很飽肚❤️-醋飯是一口大小，已經用麻油和芝麻粒調味，外層再用紫菜包住，口感煙韌，不錯😋…查看更多

本身想打邊爐，但朋友怕怕喎，所以改咗去食烤肉🥩，其實咪一樣哈哈。呢日唔想食任食嗰啲，所以去咗喜來稀肉，貪佢大大份，肉質又唔差。之前嚟過一次，星期六晚排哂長籠，下面本身有個位類似酒吧咁俾人飲杯啤酒坐住等。但今日就無開，因為直接有位吧😊。嗌嘢食之前，餐廳就已經為我哋安排好前菜🥗，前菜有三款，我最鍾意醃蘿蔔同青瓜嗰碟，酸酸辣辣好開胃。泡菜我就無試到，因為朋友食得辣都話辣🌶。上次嚟都唔覺有套餐，原來有幾款兩人拼盤餐揀，包括壹頭豬🐷、壹頭牛🐮同埋韓牛拼盤套餐等。價錢由$420到$888不等，豐儉由人。牛魔王嘅我哋就要咗🐂壹頭牛Beef Set($520)，當中包括五款牛，分別係喜來烤肉 、牛五花、特級牛頸、牛助骨肉同烤調味牛排骨。牛肉拼盤幾澎湃，每款肉嘅份量都唔少，我哋留意到好搞笑地每款肉嘅數量都係單數😂。拼盤如果有多少少菜會好啲🥬。其中同餐廳同名嘅招牌喜來烤肉真係好好食😋！牛肉大大塊，肉嫩；最精華所在就係佢個醃肉醬，少少甜得嚟，又夠哂味，夠味得嚟又唔得濃膩，好正。其次好食就係牛五花🌸，油份重、好香口，不過好易整到個鐵板燶咗；而牛肋骨同BBQ牛排骨都OK。牛頸肉我就嫌比較淡。套餐仲包醋飯團🍙八個，呢個味道相對普通，而且飯團波比較細粒。爐邊可以煮埋蛋🥚，仲係無限追加添，可以同膽固醇做朋友哈哈。爐邊蛋一邊配泡菜、另一邊配芝士，各有千秋！套餐包兩罐汽水，但我哋各自加咗$10要西柚汽水同藍色檸檬水(原價各$35)。汽水比想像中細杯，但都夠飲，而且有汽嘅嘢飲送烤肉真係好夾🤤。總括嚟講，呢餐烤肉都相當唔錯，招牌喜來烤肉果然係最好食，下次嚟我一定會單點呢樣！餐廳定價屬中等水平啦，畢竟食肉都唔怕會餓，真係唔夠飽都有好多飯類可以叫😉。另外，餐廳環境同服務都幾好，眼見大部份店員應該都係韓國人，但都識基本廣通話，而且好有交帶，多次加蛋同換鐵板都好快手。我哋食嘅過程到食完離開，個身都無一浸烤肉味，應該係餐廳通風系統幾好吧👍。題外話，餐牌有個好好笑嘅位，就係話烤肉要用上大量氣力，所以呢個任務要交俾👦🏻男仔主理🤣。…查看更多

近日武漢肺炎肆虐，很多朋友聚會都取消晒，連自己都少咗出街食飯😖 難得去銅鑼灣買嘢，順便搵間韓國餐廳食午飯。好耐之前都聽過這間喜來稀肉的燒肉很好食，但自己一個冇理由叫燒肉食😂都係叫返啲午餐食～店員送上四種前菜，最喜歡都是泡菜和魚糕，泡菜微辣微甜，不會有酸味，啱晒我口味☺️——————————🔹牛排骨湯 $90呢排唔敢食熱氣嘢，所以叫這個牛排骨湯就啱晒！牛排骨湯份量很多，有七大嚿牛排骨，裏面有些粉絲和大蔥，再來一大碗白飯，未食先興奮🤩湯底清甜，有些少胡椒味，飲完都覺得好滋補～ 每嚿排骨都有很多肉，就算食完成碗飯都仲有肉😂粉絲唔會浸得耐就斷，不錯👍 …查看更多

這頓晚飯是本月的第五餐燒肉。嗜肉者今次來到韓燒連鎖店－喜來稀肉於銅鑼灣剛開張的新店。原來吃肉真的會上癮。新店的座位間隔同樣寬敞，窗戶大開使內部空間通爽，加上爐頂的抽煙機減低油煙氣味。另外，適逢韓劇太陽的後裔人氣爆燈，餐廳特設劉時鎮紙牌供粉絲合照，一嚐劉大尉幫自己幫鞋帶的滋味。（利申：我沒有拍照。）店家一貫採用三道坑的爐，兩道坑均用於烤爐邊蛋（原味、泡菜味任君選擇），餘下一道坑烤蒜頭，待烤好五花腩後加入生菜包。淺嚐過酸酸辣辣的前菜喚醒味蕾後，事不宜遲，馬上從餐牌上亂指一通，把肉喚上。豬護心肉為喜來稀肉的主打，護心肉即豬肝與橫隔膜之間的肉，所以可以幻想到每隻豬的護心肉份量其實不多，感覺很是珍貴，實屬「稀肉」！我本來意外地把一片護心肉烤得過熟了，但肉質依然細嫩而內在保留肉汁，沒有像是牛肉過熟靱口的感覺。無論單吃、沾醬料吃、包生菜吃同樣出色。薄切牛舌帶有鹽蔥作點綴，把兩面輕輕烤熟變色後品嚐，有輕微入口溶化之感覺。同樣地，點醬汁不點醬汁，同樣出色。當然我還是建議原汁原味吃味道較好，較能享受肉類自身的味道。真雪花牛肉亮麗登場！雪花牛肉油脂紋路清晰，縱橫交錯，色澤鮮紅不帶半點暗啞，感覺很鮮。烤至五分熟後嚼感嫩滑，油香味充沛，半生熟肉汁味道使雪花牛肉的口感與味道發揮至極致。喜來五花肉為我個人必吃推介，把五花肉剪細，烤至全熟後的五花肉兩面俱金黃色，略帶油焦，脂肪融化於肉塊表面冒煙，香烤氣味撲鼻。把熟肉放進生菜中，再依個人喜好加入配料與醬汁，肉味香濃，油焦香味惹味兼提味。店員麻煩你再添加生菜可以嗎？另一韓食店最愛：生米酒 Makgeolli，色澤呈混濁米白色，略似益力多。此酒精飲品味道味甜非常易入口，大部分女士皆喜愛這生米酒，一個不小心就會喝至醉薰薰。…查看更多