北京樓 (MOKO新世紀廣場)

營業中

休息中

訂左位，無人響前門，行入小小有人出黎。但竟然因為後面一位客人話拎外賣，侍應完全無叫我等等，或叫佢等等，就直接招呼佢。印象即刻差左。到佢搞掂個外賣再招呼我既時候。同時候帶兩個客，唔知佢想我坐邊。坐低既時候，有四個餐牌（酒牌、商務午餐、餐牌同埋點心牌）講真點心選擇唔多，大餐牌最吸引既係片皮鴨（$228 仲要兩食）但係三個女人仔叫左呢個就食唔到其他野。所以無叫。一坐低就有前菜，佢個大餐牌寫得好清楚，幾多位會上幾多個，又話可以同侍應講唔要。但見佢都幾多野食，等緊人就夾下。好似有小小麻辣既感覺。最終叫左點心，牛柏葉、XO 醬炒腸粉（無乜料，但就夠辣）燒賣（唔會覺得太多肥肉，包得幾好）大滷麵（真係好大碗，有蝦，仲要有海參，$55 好抵食）生煎包有四隻（多汁到我一咬落去就噴晒d 汁出黎）最尾再加個紅棗糕做甜品。呢個紅棗糕唔太甜好好味。除左帶枱果個侍應好唔得之外。其他既招呼都好好。

年卅晚去北京樓叫咗個四人餐，10個餸埋單一千六百幾，每人五舊唔到就食到高質素中菜，物超所值！新年最怕啲餸好「漏」，食完滿囗肥膩，呢度完全冇呢個問題。菜式做得地道，配搭得宜，好味之餘仲食得好舒服。津白丶素千層丶素餃唔係一味清淡，做到鮮丶清丶甜；蝦同魚都配上蔬菜或菇類中和；而烤鴨就滿足食肉獸；仲送埋四杯果汁，可謂啱哂一家大細老人家小朋友。建議自備埋環保餐盒打包，因為份量真係好足。（仲有個甜品唔記得影）難得的是歲晚爆場人頭湧湧，招呼依然周到，效率仲好高添！