金田日式放題 (已結業)

今日同朋友行經尖沙咀寶勒巷， 有個姐姐派宣傳單張，金田日式放題 ~ 見個價錢幾抵食同埋呢間餐廳之前聽過口啤好似吾錯，就決定同朋友試試;上到去，座位算是寬敞， 無橷背撞橷背的情況，第一個印象吾錯。劃紙仔叫嘢食 ~ 第1 round 緊係刺身啦，紙仔上話人氣嘅食物: 油甘魚、三文魚，和推介的象拔蚌，都走吾甩 再加上我致愛有: 鲷魚、吞拿魚、海螺、馬刀貝和甜蝦都在筆下一揮。刺身三文魚沙律D汁好特別，有點甜甜酸酸的味道相當醒胃。軍艦系列中的芥辣八爪魚軍艦、都是超水準之作，果然比到驚喜。花酒煮蜆好清香酒味，但略為淡口咗少少！這個炒雜菜都好野味不過D油就多咗D！跟住是一連串熟食、值得讚嘅仲有: 牛油野菌帆立貝，一份都有好多隻帆立貝，超正！同日式汁煮牛肉鍋~都好好味。仲有軟殼蟹牛油果反卷、海膽手卷、 吞拿魚腩手卷，可不訪一試。最後食埋芝土焗蠔，香就夠香但不夠厚肉再飲咪樂天芒果汁，要封口了，肚子也脹了一個碼了！…查看更多

放題現在在香港基本上真的有很多間, 而且價錢質素也有很多不同的差別, 但這間都應該算是放題的元祖了吧, 之前也吃過很多次, 質素及服務也很好, 但都有一段日子沒吃了, 之前也要很早預訂才有位置, 近來也想吃吃放題就跟朋友相約再次來吃, 地點位置方便, 看看價錢這麼久也沒有升太多的價, 希望質素也是一樣的好!!!七時多上到去已經有不少的客人坐著吃, 環境也跟以前一樣舒適, 坐下看到色彩繽紛的放題點紙, 分類很明確, 細細張想吃什麼便隨心剔吧!! 第一轉沒選太多東西, 吃完再選!!!不久食物便來了:火焰三文魚~~~火焰剛好, 很滑又肥美, 文理不錯, 覺得幾新鮮~~火焰比目魚~~~顏色不錯, 也感覺幾滑身爽口……火焰鰻魚~~~很喜歡的一款, 應該是很嫩的鰻魚, 沒有韌也有一點彈牙的口感……(喜歡它的飯不是太大舊, 所以叫多也OK, 我們之後也有ENCORE來吃啊~~~)三文魚~~~文理不錯, 而且厚切肥味, 咬落口感豐富……海螺~~~很新鮮很爽口, 鮮味!!北極貝~~~朋友說很爽口呢, 又新鮮又彈!!甜蝦~~~新鮮鮮甜, 就算唔係好吃生野的我都覺得不錯, 而且都算大隻!枝豆~~~大大粒, 好大盤, 好新鮮, 用來送酒一流, 我是初嚐的, 感覺蠻不錯還有一點點甜味, 朋友一路吃著, 最後也只能吃到一半左右, 哈哈…….燒三文魚頭~~~幾大舊, 平時有些店是得骨無咩肉, 這個燒得蠻香口, 而且魚頭的肉蠻多, 一挖出來就啖啖肉來吃呢, 好味!!燒菠蘿~~~好鮮甜, 燒完也表面有少少脆口……燒羊架~~~其實平時出街好少食, 怕會蘇, 但今次這個蠻不錯, 可能加了黑椒及芥末醬去調味, 我可以吃還覺得味道不錯, 而肉質雖沒有入口鬆化感, 但也是蠻淋的, 所以幾好!!!芝麻雞翼~~~十分香口香脆, 皮炸得剛好, 而且裡面的肉也很滑, 不會太乾, 也有應有的油份, 忍不住要吃埋雞皮了!!(罪惡感啊~~~~)芝士年糕~~~真的是推介呢, 外脆內軟, 炸得很好, 裡面好多芝士也很流心, 吃著很滿足的感覺, 不過不要吃太多啊, 不然會膩, 少吃多滋味~一口芝士魚餅~~~有D魚蛋的感覺, 不過中間有一點芝士, 我覺得芝士可以放多一點, 而且放在中間不要只是側邊…….甘蝦腐皮卷~~~好脆, 成隻都好脆, 好香口, 有點似中式食茶吃的感覺, 蝦肉也新鮮彈牙……吉列廣島蠔~~~幾飽滿, 外脆內滑……雞軟骨串~~~正常不過不失……豬頸肉串~~~估唔到有這個串, 一粒粒狀去燒其實也不錯, 厚厚的啖啖肉, 好爽口~~牛肋骨串~~~不錯, 牛肋肉幾好, 還似韓式的醬燒味!!翠玉瓜串~~~係要吃下蔬菜來平衡一下, 不過如果加一點牛油或者芝士便好了~~海老天婦羅~~~炸粉不多, 幾大隻, 新鮮彈牙的蝦肉….蕃薯天婦羅~~~幾香甜, 又唔會覺得好膩, 不錯的選擇…….茄子天婦羅~~~清一清口腔, 很喜歡吃茄子的……松葉蟹棒天婦羅~~~也是很大條的蟹棒, 可以一絲絲分出來, 好味!!!牛舌串~~~朋友吃的說幾好, 還不錯又唔會好蘇……日式燉蛋~~~好滑好味, 而且好熱的上, 還很喜歡中間會藏了一些蝦仔、蟹柳及日式魚蛋在內, 感覺蠻豐富的!! 吃完第一轉可以吃其他食物及ENCORE壽司~~泡菜豆腐海鮮鍋~~~味道尚算一般, 不過估不到料還幾多, 因為之前去吃一些真是少到不行只有菜的, 但這個有蠻多的豆腐(我很喜歡吃), 也很滑, 泡菜就不過不失, 但還有兩粒大大的帶子, 及大條的蟹柳呢, 所以加分, 不過味道可以再調一點便好了, 有點兒淡…….胡麻牛舌~~~好胡麻的味道, 朋友說, 這個比燒的串好一點, 可能就因為那個調汁吧……大板燒餅~~~一上枱有點韓式煎餅FEEL, 不過頂上多了木魚, 吃著幾香口而且粉不多……薄燒牛肉~~~這個幾好食, 薄薄的牛肉, 中間夾了很多的蔥, 不過因為我個人不太吃蔥所以覺得多了點, 其實可以減少少, 不過個牛就真係幾嫩的, 牛味也出……雞軟骨餃子棒~~~煎得不錯, 而且裡面的雞軟骨加埋餃子上來就幾有咬的口感, 可以吃到多一點的層次!!!蒜片牛柳粒~~~這個好味, 又多, 細細粒, 蒜片好香還有點炸過可以一起吃, 也不會有太大蒜味, 而且牛柳粒一點也不韌, 好嫩及鬆化, 放入口真係唔駛點咬都可以, 個汁也很好味, 推介~~清酒煮蜆~~~估唔到都唔細碟, 而且蜆都算大多肉, 清酒味幾出, 不放多不放少剛好, 好清甜……炒雜菜~~~吃左咁多肉真係要吃返D素清一清, 有不同的蔬菜, REFRESH一下!牛油野菌帆立貝~~~又係估唔到都幾大碟, 而且好新鮮, 鮮味又彈牙也有牛油的香味, 好味!!!吃完之後覺得真的還能保持水準, 在這麼放題店臨笠的地方都KEEP到也有一定的客人, 就是要材料新鮮, 而且服務不錯, 也不會有漏單現象, 而且食物唔會比好少好細份, 樣樣都排得幾靚同埋大份新鮮, 下次一班人或與知己朋友聚下又可以來了~~ …查看更多

一連五日長假期，當要要食餐好，今日同老公黎到尖沙咀既金田食放題，2小時$218加$12就包埋啤酒汽水任飲，相比起同區放題，可算係價廉物美。食物選擇近百款，一開始就點左一輪刺身，油甘魚，三文魚，深海鯨龍，希靈魚，呑拿魚，八爪魚，象拔蚌，海螺，鮑片，北寄貝，馬刀貝，甜蝦全部都有點。款款都好新鮮，油甘魚同三文魚都好肥美，而深海鯨龍魚味好香濃，象拔蚌同馬刀貝都好爽甜。鐵板燒係另一亮點薄燒牛肉，牛味濃郁卷住葱，蒜等，超香口。蒜片牛柳粒，好腍，不過蒜片唔夠脆，怪怪地牛油野菌帆立貝，一客有七粒，好香既牛油未，仲有d野菌都有香濃牛油味，讚！串燒方面，我點左雞軟骨，牛肋肉串，豬頸肉串，牛肋肉好嫩，雞軟骨好夠味，豬頸肉燒完後油份大大減少，正炸物:炸得唔係太乾身，芝士年糕，咬開之後芝士流出，勁香。一口芝士魚餅，係人氣之選，魚餅彈牙，咬落仲有芝士粒粒，勁得意。吉列廣島蠔，太細隻。手卷，壽司:海膽手卷，一大片海膽，甘香美味。火焰三文魚，壽司飯既軟硬度做得好好，三文魚十分肥美。天婦羅:我點左南瓜同蕃薯，雖然係炸既，但炸得夠乾身，南瓜同蕃薯都保持都足夠水分。特別要提既係，燒三文魚頭，細細件，燒得好香，魚肉好嫩滑。仲有每位加$12就可以任飲啤酒汽水，呢個價錢係尖沙咀好難搵到，而且位置又好方便，真係要再黎…查看更多

是日與友人到尖沙咀血拚，血拚前當然要先食飽再上路。我們就去就近的金田日式放題，環境算不錯，桌與桌之間空間不會太窄，坐得算是舒適。先來當然是壽司，這裡的壽司選擇雖然不多，但竟然有火焰比目魚(即係平時係元氣壽司食開的灸燒左口魚裙邊)!一入口先來淡淡的焦香，再感受到滿滿的魚油香氣，簡直是人間美味。好食好食~~再來火焰三文魚，更是驚艷~~入口就感受到它的豐富的油脂，嫩滑的魚肉，大家絕對要點來吃吃看。再來是我最愛的燒三文魚頭及燒鯖魚，魚質亦是相當嫩滑而且大小剛好，不會一下就吃飽，吃不下其他東西(畢竟是放題，太快吃飽就太可惜啦~~)再來就是日式放題的刺身啦~~刺身同樣是選擇不多，但一上桌就看到刺身相當新鮮而且唔會有雪味。最好吃是三文魚刺身，油花好漂亮而且入口即溶咁~~正~~另外，我地仲吃了好多日式料理，味道其實也不錯，只偏咸了一點點。以這個價位算是質素不錯，但如果下次再來，我會主攻壽司及刺身~~…查看更多

有屋企人生日，基於有生日優惠（生日者免費），才決定選擇『金田』。點知，徹徹底底地中伏了！我們入座後前前後後共寫了二十幾張order紙，恐怕只來了三份之一。第一round點的食物，等了一 個小時都未到齊，食完每一碟食物，總要等十幾分鐘才再有食物到！食物質素方面，也令人很失望！之後來的食物，可說沒有一樣是好吃的（所以也沒有心情拍照了）。特別要提的是我至愛的芝麻雞翼（一入座已order，但竟然埋單才到），只可以說是烚熟雞翼然後洒上幾粒芝麻就是了；肯定是我吃過最難食的芝麻雞翼。總拾來說，只可以四個字來形容：《粗製濫做》！我想以後都不會幫襯了！…查看更多

小弟一向都喜歡自助餐、放題，因為想食乜就食乜，輕鬆自在，唔使諗有咩唔啱邊個食，不過，近年都食少咗，因為戰鬥力無後生時咁強，回唔到本感覺總喺無咁抵。但喺，有時就唔喺因為要回本先嚟食放題，就好似今次，一班好姊妹趁快樂星期五搞個放題局，又點可以少我份唔參與。由老友安排好晒一切，嚟到金田日式放題，就要好好盡慶今宵，填滿個肚先好走:)。餐廳佔地全層，感覺地方幾大，簡潔平實，以4、6人枱居多，最鍾意喺大部份枱櫈都有木板間開，細細哋自成一角，客與客之間嘅騷擾性大減。內裡有數間獨立房，可安坐6-8人，亦可以互相打通，成為更大廂房，不過，只用一般木板相隔，隔音麻麻:(。先講講收費，晚市放題既分日子，亦分時段，大可按個人需要揀邊個最划算：星期一至四：$198 / 2小時（6:00-8:30 / 8:30-11:00），$228 / 3小時（6:00-11:00）星期五、六、日或公眾假期及前夕：$218 / 2小時，$248 / 3小時我哋希望食得輕鬆，又唔想太急趕，揀「3小時」就最好喇，一來時間長咗，二來唔使指定時段入座同還枱，更能配合大家嘅收工時間，況且，都只不過俾多$30，兼且俾個獨立房我哋，絕對抵俾啦！此外，過百款料理任點任食，但店家只供應綠茶，唔包嘢飲，加$12可任飲汽水啤酒，亦有其他額外收費飲品，難得咁高興，都唔好計咁多，希望盡慶而回。食放題最開心就喺睇住一大疊點菜紙，食物款式琳瑯滿目，雖然揀咩食會感覺有啲「頭痕」，不過，一路剔，一路諗，想起一陣堆滿枱嘅美食都開心。點菜紙由A類到L類，分別有一品料理、刺身、軍艦 / 卷物、串燒、燒物、天婦羅、鍋物 / 麵食、壽司、手卷 / 沙律、鐵板燒、炸物、沙律 / 冷盤。食物製作需時，加上客多，點都要等一陣，所以先點幾個飲品解解渴。友人點了白桃汁（$22/杯，$40/兩杯），講明喺日本進口果汁，味道簡單天然；另一位要了蘋果味果汁酒（$25/罐），同樣由日本進口，睇罐身印住由青森產地直榨果汁，朋友話蘋果味香濃，入口酒味唔覺，但越飲就令人面紅耳赤。荔枝味果汁酒 $25:):):)小弟就要一杯荔枝味果汁酒，雖然同一個牌子，但竟然細罐過蘋果味好多。跟蘋果味果汁酒差不多，荔枝果味濃，清甜圓潤，易入口，一啲唔覺佢有酒精成份咁，但飲落就知酒精度唔少，有啲似飲雞尾酒嘅感覺:)。A類（一品料理）8款一品料理中，較有興趣喺個「日式蒸蛋」及「七味牛蒡絲」，前者蒸蛋都做得幾滑，內裡有冬菇、鳴門卷、蟹柳等等，作前餐前暖暖胃嘅小食都唔錯；後者牛蒡絲，加埋甘筍絲，又糝滿白芝麻，爽脆清新，香香甜甜。B類（刺身）:):):)食放題，多多少少都有要食到翻本嘅心態，而刺身成為絕大多數人揀嚟「翻本」嘅心水。我哋都唔例外，前後點咗兩次刺身，兩次都無欺場，選擇種類頗多，有成14款，無刻意數齊唔齊款，但每款數量按人頭數有俾足，而且，仲冰鎮成一大盆賣相精緻，色澤艷麗，食起嚟都開心啲。唔逐樣逐樣講喇，總之有三文魚、油甘魚、吞拿魚、鱆紅魚、希靈魚、甜蝦、素鮑片、馬刀貝、鯛魚……等多款，要油潤有油潤，要爽口有爽口，總括而言，整體都新鮮甜美，質素甚佳。C類（軍艦 / 卷物）頗為飽肚嘅軍艦、卷物唔喺食放題嘅目標之一，但友人本身又好鍾意牛油果及軟殼蟹，所以，只點一客軟殼蟹牛油果反卷試試。中間嘅軟殼蟹、牛油果入口油滑酥香，內裡捲住嘅紫菜亦頗脆口，外層脆卜卜嘅蟹籽令個反卷好有咬口感，只可惜蟹籽偏少，分佈極之唔「勻巡」。D類（串燒）:)8款串燒我哋揀咗當中6款，包括：雞軟骨串、黑豚肉串、翠玉瓜串、冬菇串、豆腐串、牛舌串，不過，都喺款款一串，小試牛刀，志在試一試。翠玉瓜串及牛舌串喺人氣之選，味道唔算有咩突出，但質感着實不錯，翠玉瓜爽脆多汁，牛舌惹味咬口，其他嘅就覺得冬菇好食，菇香軟綿。E類（燒物）:):)燒物款式唔算多，但已睇啱兩款心水：忌廉粟米焗蠔及香草燒羊架，兩樣感覺都喺屬貴價少少嘅燒物。前者焗蠔件頭唔細，雖則蠔味唔喺話超濃，但咬落幾爆汁，忌廉粟米汁如再加多一點巴馬臣芝士相信更加正；香草燒羊架亦都唔差喎，不過，似羊扒多過似羊架，但總之幾軟腍，羶味唔太搶，滿滿香草惹味，又燒得有啲無焦香，正！若非仲有好多嘢想試，一定翻兜多一件。F類（天婦羅）:):)香口嘢一向大有市場，所以，點多少少都唔怕無人食，其實天婦羅只有5款食物（海老、松葉蟹棒、南瓜、蕃薯、茄子），故此，我哋自不然都叫齊咁多款嚟試。首先，粉漿做得夠薄夠脆，香口就不在話下，火喉啱啱好，件件都炸得金黃；鮮蝦及蟹棒唔錯，尤其前者肉質爽彈；幾款蔬果，較鍾意食南瓜，味道粉甜自然。G類（鍋物 / 麵食）鍋物、麵食屬於易飽肚嘢，所以，點個稻麥冷麵試試，純粹過吓口癮。麵條幾有韌勁，再者，入口冰涼透心，食完炸嘢再嚟食佢就最合心。H類（壽司）:):)因為食咗唔少刺身，故此壽司揀咗火炙款式。先點一客火焰三文魚，飯粒黏糯有醋香，三文魚輕炙後更富油香，實在好味，所以，再追加一客火焰三文魚拼火焰鰻魚；火焰鰻魚唔及啲三文魚咁油潤，但搽咗照燒汁，味道都可以。I類（手卷 / 沙律）喺想叫與唔叫之間，因為易飽肚，又好難分嚟食，最後當然為試其他嘢而無叫啦。J類（鐵板燒）11款鐵板燒選項，揀咗 其中4樣大家最感興趣，可能未必喺最好食，但純粹個人喜好。日式珍寶餃子、胡麻牛舌、炒雜菜、牛油帆立貝，唔算好出色，叫做穩穩陣陣。餃子煎得底皮焦脆，但餃皮略厚，牛舌太多蔥及金蒜，影響麻醬嘅味道，炒雜菜及帆立貝加入大量黑椒炒，頗惹味，至於帆立貝鮮味唔突出，尤幸仲有啲肉感，唔會細粒到無肉食。K類（炸物）:):)都話香口嘢啱大家啦，炸物又喺必點項目，一碟過點咗芝士年糕、甘蝦腐皮卷、吉列廣島蠔及焦糖香脆薯角。不嬲都幾鍾意食芝士年糕，貪佢鹹鹹香香，煙煙韌韌，咬落熱辣軟綿；吉列廣島蠔件頭比較細，蠔味亦唔好太期望，焦糖薯角甜蜜香脆，整體炸物做得唔太油，都收貨喇！L類（沙律 / 冷盤）雖然喺排喺最後嘅一類，但並非最後所食嘅一類。芝麻豆腐沙律，豆腐幼滑清爽，芝麻汁香濃:)，而西柚煙鴨胸沙律，雖然啲沙律幾新鮮爽脆，西柚肉清澀多汁，不過，煙鴨胸就普通啲。食咗咁多和食，夠晒皮，不過，臨尾再加埋甜品作結，咁先至叫得盡慶。一般放題店都有三數款甜品睇門口，免費供應，不過，金田卻返行其道，甜品要額外收費:(，就連糯米糍都要賣$3粒。一班好姊妹話要盡慶到抵，額外收費都要嗌。迷你糯米糍 $3 / 粒綜合大家所試到嘅，有雲喱拿、蜜瓜、芒果、芝麻、香芋幾款，從外皮顏色粗略都知道喺咩味道，質素呀？OK啦，至少啲味道都夠像真！原個蘋果雪芭 / 原個菠蘿雪芭 $52:):)原個生果雪芭喺從日本進口，其實，廳餐自己做番都應該唔難，咁就唔使賣到咁貴一客。雪芭以原個生果做，所以賣相幾吸引，尤其個菠蘿，小巧可愛；內裡雪芭非常冰凍，蘋果雪芭滿有富士蘋果香味，而菠蘿雪芭則清甜芳香，兩者仲帶有少少果肉。此外，生果本身亦可以刮下果肉嚟食，雖然唔多，但冰凍過嘅果肉，入口令人醒腦醒神:)。激戰足3個小時，又點會唔捧腹而回吖，總之，今宵真喺認真盡慶，食得開心暢快。…查看更多

中學時代零用錢不多, 能與同學們吃日式放題是一件很難得的事, 還記得當一到達放題食店便會馬上拿取各張食物紙, “不理三七二十一”就盡剔各款食物, 食物上枱後便只顧不停食, 食完再點, 務求要回本, 根本不懂細味各款食物和珍惜與同學們相聚的時間。由於當時放題與卡拉OK是盛行的飲食活動, 故食店多數全場爆滿, 還經常漏單, 其實大家都不知點選了什麼, 只知想食而沒有來便不停追單或再次下單, 但當吃飽時又再有食物送到的話, 便會質疑是否自己的, 因為已吃不下去, 要罰錢就不化算。不知今晚回到中學時代的放題夜, 我會否同樣不停下單、追單? 會否吃到嘔都要繼續下單, 務求回本呢? 會否只顧面前各款美食而遺忘與朋友相聚時間呢?食店是樓上舖, 一出電梯便看到牆上貼滿各飲食雜誌的報導, 亦有一張大型海報清楚列明不同時段的收費, 食客必須細閱, 否則很容易弄錯。食店地方不算大, 有數張四人卡位及兩人座位, 亦間了兩間六至八人的獨立房間, 枱與枱之間空間不多, 大家都要坐得親密一點。內裏主要以深啡色的木枱木櫈為主, 設計並沒有特別的和風色彩, 與一般的日式食店分別不大。我們坐下便看到一個插滿色彩繽紛的點選食物座紙架, 大家二話不說便在十二個項目中挑擇心頭好, 究竟大家勁食了什麼, 一齊看看吧! 雖然食店奉送暖笠笠而香濃的綠茶, 但在炎熱的天氣下還是想喝一些冰涼的飲料, 故揀選了一罐蘋果味日本進口果實果汁酒($25)。它本身已雪至冰凍, 還附上一個放了冰粒的杯子, 真的冰極透心! 果汁酒蘋果味香濃, 味道甜美, 完全沒有酒味, 極之容易入口, 故不知不覺間已面紅耳赤, 真是要小心, 越沒有戎心越容易出事, 幸兒我班好友都是正人君子, 已在喝之前提點了我。等了不久, 各款食物便陸續上枱, A項一品料理中七味牛蒡絲味道略為清淡, 並非菜名中的七味那麼惹味, 但反而討我喜歡, 內有一絲絲大小相若的牛蒡絲和紅蘿蔔絲, 條條爽口清新, 加入適量的醬汁和灑上白芝麻, 以提升其味, 雖簡單但挺不錯!B項刺身是勁點選的項目之一, 還重覆下單, 可見大家相當愛吃刺身, 當然我都不例外。兩盤冰鎮的刺身擺設相當精緻用心, 片片刺身均界有細緻的花紋, 刀功精湛, 先給予視覺的享受。內有油光亮澤的鯛魚、吞拿魚、三文魚及鱆紅魚, 片片肉厚肥美, 入口腍嫩而油潤; 還有魚籽爽脆的希靈魚、爽口的象拔蚌、稍有咬口的素鮑片及肉質嫩滑的甜蝦, 各款刺身都鮮味十足, 質素相當不錯, 吃時蘸上一些山葵醬油, 有助提鮮之用。我們揀選C項軍艦/卷物不多, 真怕米飯會飽肚, 故只有軟殼蟹牛油果反卷, 還有各件分半淺嚐。以沙律醬唧成網紋作裝飾, 賣相頗吸引, 以清新的牛油果配搭稍稍脆口的軟殼蟹, 飯外還有脆卜卜的蟹籽, 配搭相當合適。D項串燒也是大家的喜好, 八款中點了六款, 包括雞軟骨串、黑豚肉串、翠玉瓜串、冬菇串、豆腐串和牛舌串。相信分享才會吃得開心, 故我只品嚐了當中兩款, 翠綠色的兩片圓翠玉瓜, 口感爽脆, 仍保持其原有的清新味道, 但燒得略為乾身, 而牛舌則爽口而不油膩, 灑上一些黑椒碎便加惹味, 挺不錯!在E項燒物中只點選了忌廉粟米焗蠔, 每隻焗蠔體積適中, 面層的忌廉芝士焗至金黃而帶點焦燶, 入口滑溜, 味道稍稍鹹香, 但蠔肉並不肥美, 亦欠鮮味, 一般!F項天婦羅亦是友人們的喜好, 故全部剔齊, 但我郤對炸物一般……雖同是天婦羅, 但店方細心地將海鮮類和蔬菜類分碟上枱。各款炸至外表金黃的天婦羅有海老、松葉蟹、南瓜、蕃薯及茄子, 南瓜天婦羅和蕃薯天婦羅外層薄薄的脆漿入口香脆而不油膩, 最欣賞是內裏的南瓜肉和蕃薯肉仍保持着清甜美味, 質感不會過於乾硬或粉腍, 炸得恰到好處, 正!而G項鍋物/麵食中只點了細細碗的稻麥冷麵, 麵質彈牙, 吃時只感微凍, 與浸着麵條的冷麵醬汁同食, 味道普通。食日本菜當然不少得H項的壽司, 友人最愛人氣之選, 故吃完後再encore一次, 還有火焰鰻魚壽司和只有我一人喜愛的腐皮壽司。件件壽司握得大小相若, 壽司飯帶點黏性, 有微微的壽司醋酸, 口感和味道都不錯。件件粉橙色火熖三文魚面層帶點油光, 魚脂分佈平均, 肉質嫩滑, 正! 至於火焰鰻魚燒得外層微微焦香, 淋上適量的鰻魚醬汁, 甜甜地更美味, 而脹卜卜的腐皮壽司, 腐皮帶甜和豆香, 可惜內裏的壽司飯沒有加入酸子薑或芝麻, 只是白飯, 過於普通。因I 項手卷/沙律是飽肚之物, 故大家都忍手而不點選, 免得未能試試其他特色食品。大家對J 項的鐵板燒都不甘示弱, 雖只點了四款, 但款款份量不少。一客六隻的, 外皮帶點焦燶而偏油, 並不香脆, 略厚的餃子皮包着份量不多的肉饀, 味道一般。還有以鐵板盛載着的牛油帆立貝份量十足, 上枱是熱辣辣, 相當吸引! 粒粒細小的帆立貝肉質略為乾身, 鮮味亦欠奉, 但拌炒的洋蔥絲清爽而甜美, 啖啖均有的黑胡椒香, 相當惹味。另一款是胡麻牛舌, 橢圓形的牛舌不算爽口, 味道有點奇怪, 反而以花生碎和蔥花所製的胡麻醬汁相當不錯。最後一款是炒雜菜, 內有三色彩椒絲、芽菜和椰菜絲, 用料略為簡單, 但勝在各款蔬菜清爽而不油膩, 同樣以黑胡椒提味, 普通!接著是K 項炸物, 件件炸至金黃的炸物有芝士年糕、甘蝦腐皮、吉列廣島蠔及焦糖香脆薯角, 而我只試了吉列廣島蠔。外層脆粉較厚而略油, 內裏的廣島蠔略為細小, 整體馬馬!最後是L 項的沙律/冷盤, 吃了炸物來一些清新的沙律挺不錯。芝麻豆腐沙律內有一小件幼滑的豆腐, 配上適量的芝麻醬和爽口的海帶, 簡單而清新。另一碟是西柚煙鴨胸沙律, 一絲絲的煙鴨胸嫩滑而不油膩, 拌上件件鮮橙紅的柚子肉, 酸咪咪而多汁, 還有酸醋沙律菜, 整體酸度十足, 令人醒胃, 頗得我歡心!飯後甜品當然不少得, 我們嫌餐後奉送的雪糕糯米糍不夠喉, 還每人叫了一個雪芭, 果然甜品是另一個胃, 勁! 原個蘋果雪芭($52)及原個菠蘿雪芭($52)賣相相當吸引, 細小的菠蘿比蘋果更可愛得意, 不禁為它拍多幾張相片。原個水果中間掏空放入雪芭, 蘋果味和菠蘿味均相當突出, 清甜美味, 入口即溶。在三十多度的夏日中, 吃個冰涼透心的雪芭, 真是最佳的選擇, 平時少吃凍物的我都忍不住口, 差點把那個甜美的蘋果雪芭連果肉完全吃光。在多粒雪糕糯米糍中, 我隱若見到綠色的一粒便馬上取去, 期望是最愛的抺茶味, 原來……薄薄的糯米糍皮是包着甜美的蜜瓜味雪糕, 極之冰凍, 令人牙齒麻痺一刻。------------------------------歲月催人, 不單臉上多了兩條縐紋, 連心態都有很大的改變, 中學時代的吃放題模式已不在, 現在不是講求肚子的飽足, 而是舌尖上的滿足; 不要吃得過多, 而要細味品嚐, 還有要珍惜與自己同桌共享的好友, 你們的心態亦有不同了嗎?…查看更多

又好耐冇食食評，今次就同朋友兩個人走左去尖沙咀食放題。第一次去呢間叫金田日式放題，入到去等左兩分鐘就已經有位，真係好好彩。一坐低就好快手咁睇下有咩野好食，呢間食物選擇都唔算少，可以比我盡情食返夠本。我諗我用左五分鐘既時間就已經畫左想食既野，之後就係等食。最先上枱既食物就係呢個忌廉粟米焗蠔，個賣相唔錯，食落既口感唔錯，值得一叫。之後就到呢兩款，我覺得係值得推介比各位一試，芝士年糕同埋一口芝士魚餅。兩款都係一食落口就有啖啖的芝士味，好食之餘又唔會覺得太過膩，而且口感非常好。之後就輪到刺身上場，賣相好，刺身好新鮮，食落口唔會有雪藏味，每一種刺身都好食，食多D都唔會覺得膩。要推介既話就會推介三文魚、希靈魚、油甘魚同象拔蚌。另外，我地仲叫左呢幾款，蒜片牛柳粒、牛油帆立貝同埋香草燒羊架。呢幾款都係唔錯既。呢度既牛油帆立貝比較唔同既就係佢會用鐵板上菜，咁就會keep到食物熱D。而羊架咬落口幾淋，幾容易食，同埋唔會有一大陣羊蘇味，岩哂D想試羊又怕太蘇既朋友仔。我地之後仲叫左好多野食，太多就不能盡錄。最後都再叫左一輪刺身，一樣新鮮一樣好食。呢度既刺身真係唔錯。整體唔錯，食物好食之餘，職員既服務態度又好，而且價錢又唔算太貴。所以今餐飯都覺得抵食。…查看更多

任食放題有一個好處，就是可以一次品嘗到不同種類的日式料理，又無須逐碟考慮價錢。付出一個價錢就可以狂歡一晚！工作一週過後，星期六當然要盡情吃喝一番。一直有嚐試不同日式放題店，說實在質素其實相差不遠。所以我們通常考慮的是食物選擇的多少和服務水平，而金田在這兩方面就令我們頗印象深刻。甫進入店內，店員就非常熟情的招呼，迅速地遞上了熱茶，然後又推介了一些料理與我們嚐試。放題也有這種服務水平，實在值得一讚。快速看了下單紙（食放題最緊要快！），食物種類很多，佈滿了12款下單紙。我們快速地下單，店方也迅速地上菜，抵讚！畢竟限時放題分分鐘都是金錢，如時間浪費在等候就太不值。點了放題必叫的大路食物，刺身、壽司、天婦羅等。刺身很新鮮，為了保持鮮度，店方用了冰底上；而且刺身選擇方面竟有少見的象拔蚌。象拔蚌味道鮮甜，吃得高興也反覆點了三次！三文魚也肥美，不錯！壽司方面，點了些火灸三文魚壽司，味道不錯，如果壽司上有常見的蛋皇醬會更好。鰻魚壽司也是好選擇呀！最喜歡的是串燒，各種燒物都很有水準。特別喜歡燒牛舌，黑椒帶出了牛舌肥美的肉香，但火喉控制得宜，把油脂燒迫出令其不會過膩。另外牛肋肉也不錯。天婦羅炸得不錯，炸粉不厚，亦算乾身。我們還點了青酒煮蜆、芝士年糕、牛油帆立貝、手卷、炒雜菌、吉列蠔等，好多好多未能盡錄；）吃過一餐後，捧著滿滿的肚皮離開！…查看更多

要訂位都ok既，早2日打電話訂位要房,點知冇房....要排waiting list，都諗住冇得座房... 點知...尋日好快佢已經預到房比我....工作效率非常高~ 6點幾去到~見到環境ok,寬闊,大張椅子舒適。即叫即整已是驚喜,食物更是出乎意料之外,order都算出得齊!吃過某幾間日式放題,tick左唔聲唔聲就變成無供應。三文魚非常新鮮。希靈魚本人唔太喜歡,但朋友話好多魚春好正。甜蝦雖然細隻，但係好新鮮好鮮甜。蔥三文魚手卷,多料,紫菜亦唔腍,很好味。櫻蝦沙律,混入左d芝士味,幾得意。秋都魚,很大條!燒鯖魚好香,好脆!鹽焗三文魚頭,燒唔香,燒香d會好食好多。甘蝦腐皮卷,炸腐皮內,似鯪魚肉包蝦,ok。炸芝士年糕,煙韌非常!吉列蠔,細細粒,但都ok。日式蒸蛋,越底越好味,蛋很滑。胡麻牛舌,賣相馬虎,但肉質爽嫩！蒜片牛柳粒,太熟。薄燒牛肉,軟軟的,好正!大阪燒餅,唔好叫,菜還菜,煎蛋還煎蛋,好炸粉feel添。$200鬆一位,價錢合理抵食。對我這個食物質素有一定要求既人,金田算係唔錯既選擇,比一般其他既放題優勝。刺身款式選擇算不過不失,但勝在新鮮。待應加茶快,有禮貌。…查看更多

要出尖沙咀，所以睇下有咩好食，見咁多好評就黎試試。荃灣分店食過唔錯，尖沙咀就第一次食。都算好多選擇，刺身、壽司、鐵板燒、串燒、一品料理、天婦羅、沙律。刺身張紙係有好多選擇：特別d既有馬刀貝、黃金貝、燒鰹魚。但只係得張紙有，叫幾次都無黎過，黎親都得得三文魚、甜蝦、北寄貝、魷魚。三文魚厚切都算ok。芝士焗蠔芝士好膩，隻蠔好細隻，同蠔豉差唔多size。燉蛋好少放題有燉蛋，所以叫黎試試。好迷你，無咩料，得魚蛋。唔夠滑但算入味。火炙三文魚壽司燒得過熟，無入口即融既感覺，同埋上枱既時候已經唔熱。芥辣蟹子壽司除左變左綠色之外，同普通蟹子係一模一樣。不過紫菜好脆，係新鮮整。芥辣八爪魚呢個出奇地好食，生八爪魚配上wasabi幾夾，好爽口，仲有青瓜可以解辣。值得encore！煙肉青口我覺得佢個汁好味過焗蠔，無咁膩同有煙肉，香口啲。一口牛牛肉算淋，但無牛味，不過不失。鐵板帶子雖然帶子細粒左啲，但係都好好味。牛舌串呢個好味，夠厚，唔會太淋夠爽口，襯黑椒粒夠惹味。encore左幾次…查看更多

尋日約左好耐無見既同學聚舊，放棄同男朋友食晚飯。尖沙咀放題有好多，要找一間有質素又抵食唔係易事。睇左幾間食評 , 決定試下呢間啦。三文魚沙律味道真係唔錯!!!最抵係加錢，食左蝶特大帆立貝刺身，加埋青瓜一齊食，感覺又fresh，又甜，依碟野好掂阿!! 真係好好食!! 我有再叫左其他刺身，好鮮呀!!仲有我好中意食既燒雞中翼，啲肉唔會好干，幾juicy，ok得呀!!關東煮都好好味!!壽司有我中三文魚火炙壽司，仲係好特別既綠色蟹子壽司，我更係唔放過啦，唔鯹仲有甘味呀，鰻魚壽司味濃，但唔咸呀，味道唔錯。 …查看更多

地方比其他放題較舒適，每均有私人空間。服務尚可。:)入座後有三款小食，任選一：澳洲一口和牛、日式鮑魚磯煮、牛肝菌比目魚 (和牛及比目魚都 okay, 鮑魚 no good)剌身整體okay，不過甜蝦則較細隻，並且沒有帆立貝，其他都尚可，不過 quality and the presentation (the way how the food is placed on the dish) can be better (as you can see from my photos)。燒物okay (一口牛、牛舌、羊鞍 ....)壽司 not recommendedQuite a lot of hot food as compared to others小食 quite a lot of choices (但日式放題應重點放在剌身 !!!)Prices HK$228 for adults, $148 for elderly。Add $10 for unlimited drinks (blue ice beer, 7Up, Pepsi, Miranda Orange only) or else, roughly $8 per can.Only 1 雀巢 small ice cream cup for each, different from others which the ice cream cups are unlimited.…查看更多

約了一段時間, 我們四個相識了二十年的好姊妹終於有時間補祝我的妹妹的生日. 已經知道這裡比較貴, 但也知道這裡的食物有質素, 所以早了兩個星期訂位.我們order了很多食物, 所以只揀以下的食物來評論:三文魚沙律: 三文魚很肥美, 沙律汁惹味刺身類: 三文魚, 赤貝, 甜蝦, 北寄貝, 劍魚腩, etc: 件件都很大件, 鮮美芝士焗蠔: 芝士不太香, 蠔都算大隻一口芝士: 好多芝士, 好香, 但好滯:)吉列生蠔: 沒有太多炸粉, 但蠔好嫩滑炸蝦天婦羅: 蝦好大隻, 好新鮮, 好熱, 因為是剛好炸好就送來蒜片牛柳粒: 牛柳好嫩, 好腍, 好香口, 惹味燒三文魚: 好香, 好大件, 肉好嫩, 但好多油紅豆卷: 是贈送的甜品: 甜度適中, 大件:)用恆生信用卡可享有九五折優惠, 所以最後每人只需要夾$216食物有質素, 這個價錢尚可接受啦. …查看更多

早幾日打過黎依度訂位 明明話冇分時段 得一輪 6點半至10點半-.-之後店員同我講 如果食6點至8點3 就有9折咁我問佢WALK IN 有冇位 佢話唔知 要睇情況咁我諗住WALK IN 6點左右去到 實冇死啦點知去到 個場唔系好多客 點知話淨系做BOOK台唔做WALK IN-_- 我火一火(下刪3百字)最尾佢比左張台我 8點3交台 仲有85折=0=本身諗住慢慢食 食食下發現其實好多時間-_-大約有7類食物刺身/壽司/沙津冷盤/炸物//燒物/一品料理/鐵板燒好多野都有叫 依度既野全部都好新鮮好好食=0=依度既服務質素都幾高 環境唔太嘈 幾適合情侶埋單每位都系$168 相比起旺角兆萬果幾間放題依度既服務 食物 環境都好好多 不過野飲要散叫放題都唔推介D咩野食啦 自己隨便叫啦^^…查看更多