刺身

好鍾意試吓唔同嘅日式放題，第一次試「極尚大喜屋」嘅午市放題，午市都好爆場。餐廳環境寛敞樓底高，坐得舒服。我哋大部分都用QR code落單，另設有自助區：熟食、冷盤、飲品、甜品任飲任食。店員上菜同執枱有效率，無漏單，二百幾蚊食足三個鐘好滿足，長者仲有八八折優惠，性價比極高。除咗放題，仲有午市定食都好抵食。⊙刺身刺身款式好多，油金魚、三文魚厚切肥美，松葉蟹腳海水味濃，赤貝、馬刀貝、赤蝦、甜蝦、帶子全部鮮甜，當日我嘅MVP係原隻粒貝，平時啲放題唔多覺眼，即係海螺刺身，原隻切片上，極度爽脆鮮甜。⊙壽司壽司款式多：卷物、軍艦、火焰，仲有創作壽司，試唔晒全部。⦿海膽魚籽拖羅蓉中餅用粉紅色心形中餅裝住好可愛，一口一啖。⦿芝士飛魚子鰻魚玉子漢堡呢款壽司係無飯嘅，用玉子當飯糰，一啖咬落去裡面有芝士魚子夾心，同鰻魚味道好夾。⊙一品料埋⦿古法鹽焗蟹用鋪滿粗鹽嘅瓦煲仔上枱熱辣辣，爆晒蟹膏，軟滑甘香，蟹肉飽滿，鹽焗更能提升鮮味，蟹迷不能錯過。要到1:30先推出，記住要更新一下個頁面先會出現。⦿花雕醉鮑魚都唔細隻，鮑魚爽口彈牙，花雕味濃厚入味。⦿鐵板鵝肝大件厚切鵝肝煎得外脆內軟，入口有即化嘅口感，口腔內充滿油香，配埋塊多士真係返唔到轉頭。⊙燒物⦿金蒜炭燒廣島蠔炭燒蠔燒得剛好，蠔肉入口飽滿多汁，加入大量金蒜，重蒜香味襯晒蠔嘅鮮味。⦿ 西京燒比目魚沾上西京醬汁，燒得表面金黃，魚肉滑，魚油好香帶點淡淡的甘甜味。⊙自助區多款前菜、沙律、生果、冷盤、熱湯、熟食：藤椒爽魚皮、翡翠螺、凍蝦、青口、麻辣小龍蝦。⦿飲品區一排雪櫃放滿飲品，汽水、茶類、冷泡茶、啤酒類。自由斟冷熱清酒、梅酒，自助生啤區有嘉士伯同1664全部任飲，啱晒鍾意豪飲嘅朋友。⦿甜品區凍櫃放滿甜品：大福、馬卡龍、乳酪、豆腐花，雪糕雪條款式都唔少，仲有自助爆谷機、軟雪糕機俾你自己整。#極尚大喜屋地址：觀塘開源道79號鱷魚恤中心3樓…查看更多

經常到訪極尚大喜屋，每次來都有新變化。日式放題餐廳，提供多款刺身、熟食及飲品選擇，適合喜愛多樣化美食的食客。 刺身選擇豐富，品質穩定餐廳的刺身種類多樣，包括三文魚、赤貝、鮑魚、吞拿魚、希靈魚、長腳蟹等，能夠滿足不同口味的需求。食材新鮮，切割厚薄適中，入口時能感受到鮮甜的海味，品質保持在穩定水平。 熟食選擇多，涵蓋港日風味除了刺身，餐廳的熟食亦值得一試。串燒、燒物、小鍋等日式料理選擇多樣，適合喜歡熱食的食客。其中海鮮粥口感細膩，鮮味突出，而燒蠔亦是受歡迎的選擇。此外，餐廳提供燒味、點心等港式美食，讓食客有更多選擇。 飲品種類齊全，適合不同需求餐廳提供清酒、燒酒、生啤任飲，適合喜歡搭配酒類的食客。飲品櫃內亦有多款無酒精飲品，而自家包裝冷凍茶口感清爽，適合搭配各類食物。…查看更多

大喜屋都食左好多年，不過都係覺得觀塘呢間最好，地方夠大，食物選擇又多，但係枱就細張啲今日又同屋企人黎食，整體質素咁多年都仲keep到有時都有新款式今次見到有新野，就係什麼自家制叉燒，但呢味餸好出事，個味好似尋晚賣剩仲要冇放入雪櫃果隻😩極之難食，食左一兩舊要掉，希望餐廳注意下另外就係壽司啲紫菜永遠都淋bat bat, 搞到個口感好差其餘既刺身，自助區，飲品，雪糕方面都應有盡有，不過不失當然都有做得幾出色的菜，例如煮蜆，羊架，鰻魚，蟹粥等等，都係好食嘅😛…查看更多

極尚大喜屋 (鱷魚恤中心)，位於觀塘開源道79號鱷魚恤中心3樓。 與朋友星期五晚上八點半到達可以食到十一點， 人均消費每位$318 + 10%。 四人座位都幾寬闊，環境舒適。 自助區的飲品、甜品和熟食，非常多選擇， 仲有無限酒精飲品，啤酒、生啤、清酒和梅酒等等。而用qr code落單的菜式也特別的多，冇可能一次食得曬😆。 刺身每一款都鮮甜美味🤤， 壽司、軍艦和手卷的質素都好好。 我推介法式紅酒藍莓鵝肝、 海膽三色撻、 吞拿魚沙律鮑魚撻、厚切鰻魚玉子漢堡、 龍蝦沙律櫻花多士、煙鵝胸鵝肝多士、 蟹肉芝士軟殼蟹。 以上都做得特別出色有水準。 另外一定要試下蟹粉蟹肉撈麵、蟹粥、燒乳鴿和蒜蓉焗蠔， 特別是燒乳鴿外脆多汁的。 最後當然要食我至愛的烤榴槤和 häagen-dazs雪糕， 烤榴槤熱辣辣味道非常甜美。個人感覺放題款式非常多，食物質素好，性價比超高💯。🏷️溫馨提示～ 整個用餐體驗均屬個人分享意見， 只作參考😊。 …查看更多

間間日本放題餐廳都差不多，近近地訂咗觀塘呢間。入座安排快，枱椅都舒適。食物選擇都好多，刺身壽司都好新鮮，最吸引係榴蓮炸蛋及燒榴蓮，真係好好味！😋😋😋大人$308、小童$168+10%，都抵食👍🏻…查看更多

上個月尾與朋友食放題時才發現加錢可升級榴槤放題，可惜嗰日吃得不夠盡興，皆因朋友不是榴槤迷….今次就約位榴槤愛好者一齊勁食，他還要找到一間任食燒榴槤的放題店，有特色，吸引呀！餐店地方超大，多排二至四人卡座，亦有長枱，坐得舒適，而自助區就集中在中間，好方便。由5:00pm-7:00pm是晚巿放題最優惠時段，成人($258+10%/位)可任飲任食2小時，重點是不用加錢就有期限定榴槤放題，多款榴槤美食任食，好興奮！******************************先去自助區取食物和飲品。超級大型的飲品雪櫃有不同牌子的啤酒、茶、泡茶、汽水、果汁、紙包飲品等，另外有清酒和梅酒，再貼心一點，有熱飲包括熱茶、熱咖啡、熱朱古力等，超多選擇。朋友要了包茉莉綠茶來迎接大量美食，而我就要包檸檬薏米水，可美白兼清解。******************************再去自助區取食物，冷盤有西瓜、泡菜、麻辣雞腎、麻辣豬耳、枝豆、沙律菜、手拍青瓜、泰式鳳爪、藤椒魚皮、凍熟蜆、凍熟蝦、中華沙律、帶子群邊等；炸物有炸雲吞和章魚丸；熱食有蒜子浸時蔬、南乳花生炆豬手、明爐蒸魚、小龍蝦、龍眼蜜糖水、蟲草花烏雞湯等等。我們一次取了兩大碟，有泡菜、麻辣豬耳、手拍青瓜、泰式鳳爪、藤椒魚皮、凍熟蝦、中華沙律、帶子群邊、蒜子浸時蔬、南乳花生炆豬手和明爐蒸魚，差不多樣樣都試少少。我最喜歡藤椒魚皮，香辣惹味又滑溜。中華沙律、帶子群邊和手拍青瓜亦爽口入味，好味! 南乳花生炆豬手就滑嘟嘟，弄得好夠味，不錯! 還來一碗有益補身的蟲草花烏雞湯，熱辣辣，甘香順喉，煲得夠火喉，相當好喝!******************************QRcode下單項目有多，有刺身、創作壽司、火炙壽司、壽司、手卷、燒物、炸物、天婦羅、串燒、一品料理和煮物。平時先點刺身，但今次就不同，因為我們都是為榴槤而來，一次過取了多款榴槤美食，有榴槤芝士撻、榴槤奶凍、榴槤大福、榴槤雪條、榴槤炸彈、燒金枕頭榴槤王，還有榴槤咖啡，大滿足！最喜歡是榴槤炸彈和燒金枕頭榴槤王，前者外脆內香滑；後者經燒後別有一番風味，兩款都滿載榴槤香，質素佳！我們共encore了三四次，厲害!******************************刺身點了三文魚、松葉蟹腳、油甘魚、希靈魚、帶子、赤貝、北寄貝、赤蝦刺身、甜蝦和八爪魚。油甘魚好肥美，柔軟油潤；甜蝦和赤蝦好鮮甜，微爽黏滑；希靈魚好爽脆，這幾款刺身都質素不俗。******************************接住是壽司上枱，有芝士鰻魚玉子燒、蟹肉芝士吉列蝦、芝士蟹料玉子三文治、鹽燒三文魚腩、柚子胡椒左口魚邊和蒜香青蔥燒牛肉。經燒的壽司果然很討我歡喜，油香四溢，肉質柔軟。最喜歡是柚子胡椒左口魚邊，甘香油潤，調味剛好，好正! 芝士鰻魚玉子燒配搭亦美味，encore之選。******************************還點了不少燒物、炸物和一品料理，有蒲燒鰻魚、鹽燒牛舌、燒香草羊鞍、西京燒比目魚、鹽燒鯖花魚、黑松露忌廉汁蝦球、蒜蓉粉絲蒸扇貝、燒溫室甜菠蘿、極品花膠盛宴、王牌燒乳鴿王和醉鮑魚等等，超級豐富。燒香草羊鞍啖啖肉汁，肉嫩油潤，還帶點羊羶味，風味十足，推介! 黑松露忌廉汁蝦球都好好食，大大隻又彈牙，充滿黑松露幽香。燒溫室甜菠蘿非常香甜多汁；蒜蓉粉絲煮扇貝肉嫩肥美，充滿炸蒜香，兩樣都最少點了兩次；西京燒比目魚魚嫩滑油潤，必是encore之選；王牌燒乳鴿王燒得皮薄肉嫩，啖啖肉汁，難怪是王牌！醉鮑魚好腍嫩，有少少酒香。******************************甜品時間，選擇都不少，有雪糕杯、甜筒、冰條、小蛋糕、大福、乳酪、豆腐花、糖水等，重點是haagen dazs雪糕任食，我們要了雪糕、乳酪加爆谷、黑森林蛋糕和tiramisu。haagen dazs的lotus 餅口味雪糕好好味，出面好似不見有零售，值得一吃！------------------------------一次過吃了那麼多榴槤，還要款款各有特色，榴槤魔力真大，太滿足！真是要趁期間限定再約班榴槤迷來。…查看更多

❤️💛🧡放題就係啖啖肉🥩每星期都好期待食放題，將悲憤化為食量真係講得冇錯！🥹心情點都好，安排一餐放題，咩煩惱都冇晒！😛依間放題有好多分店，今次就食觀塘分店！😚❣️晚市放題❣️ $2982個鐘足夠食飽飽，依度食品咁多🤣淨係睇都已經一飽眼福！食埋落肚仲幸福！❤️刺身❤️刺身係每次放題第一步驟！新鮮又開胃，選擇仲好多添！咩款都嗌啲，好食嘅再encore！🤪赤蝦、甜蝦，爽嫩又鮮甜！三文魚依然係首選，厚切更能食到佢嘅魚油香！🤎鹽燒牛舌🤎串燒牛舌爽脆，肉味都好濃！🍢少少嘅鹹香，令牛肉更鮮香！🩵醉鮑魚🩵原隻鮑魚真係好吸引！花雕酒嘅味道並無覆蓋鮑魚鮮甜，食落去味道更豐富！🍶肉質爽彈，仲好juicy添！😍🧡王牌燒乳鴿王🧡自從依度更新咗餐單，每次都會嗌乳鴿！🤤大大份，啖啖肉！趁熱食 肉汁豐富又鮮嫩！越食越上癮！😏🤍甜品🤍自助區有好多甜品，雪糕、泡芙、小蛋糕、慕絲杯等等！🧁雪糕仲係Häagen-Dazs！作為泡芙女孩👧🏻最愛就係爆餡小泡芙！想食啲香口嘢都可以選擇爆谷呀！🍿💚沙律及小食💚如果想解膩，可以喺沙律吧夾啲菜菜 小食🤭過下口癮又解到膩！🥗依間放題嘅食品選擇真係太多啦！一次係唔會食得完㗎！睇嚟下次都要再嚟食🥰建議大家提早幾日訂位！我都係預早訂先有位咋！walk-in 可能冇位或有排等呀！BTW記得save post，方便向店員查詢有關放題套餐啦❣️📍極尚大喜屋📍觀塘開源道79號鱷魚恤中心3樓…查看更多

今日嚟觀塘大喜屋食放題，食飯時間好旺場，地方好大，連自助區域都分咗幾個區，包括飲品區，甜品區，沙律及小食…😙我哋兵分兩路，一個負責出去自助區拎嘢食；一個負責落單。呢度用QR code落單，可以喺網上系統睇到自己點咗啲乜嘢同有咩未嚟，減少漏單錯單嘅機會。自助區款式好多，可以喺嘢食未到之前醫下肚先，有凍海鮮🦐，熱食🍲，水果🍉，沙律🥗，湯品，甜品🍮，雪糕🍨，飲品🧃… 連飲品都有暖櫃飲品同多款熱飲，仲有清酒同梅酒🍶食物全部都有蓋蓋住，好衛生👍🏻呢度熱食選擇好豐富，特別係小炒類好夠熱好有鑊氣：特別推薦薑蔥爆鱔球&黑椒蜜汁一口牛，有中菜餐廳的水準，薑蔥爆鱔球醬汁好香好惹味，鱔球都幾大塊多肉，黑椒蜜汁一口牛牛肉結實又唔韌，黑椒蜜汁好香好惹味燒物都燒好香，牛油翠玉瓜燒到好香好爽脆；燒菠蘿酸酸甜甜，開胃消滯；蒲燒鰻魚厚肉冇咩骨，配埋蒲燒汁好惹味；鹽燒鯖魚燒到外皮香脆好香口。刺身整體新鮮，冇咩雪味，款式都好多，order數量一致。赤貝同象拔蚌爽脆鮮甜，花海哲都幾特別，除咗爽脆之外仲好滑身，三文魚厚身鮮味😊手卷我叫咗海膽，三文魚子，吞拿魚蓉3款，上碟嘅時候手卷嘅紫菜都仲係脆嘅👍🏻，大細啱啱好；海膽鮮甜Creamy；三文魚籽卜卜脆，鹹香味濃，吞拿魚蓉好細滑鮮味😋🍣壽司同卷物有好多款式，一口一件，唔會塞飽個胃，可以試多幾款。食到好飽最後都要食埋甜品，個人最推介🥛牛奶布甸，好滑好creamy，好香牛奶味；另外Dreyers 熱情果雪葩雪條酸酸甜甜，好消新解膩😋整體來講，放題食物質素不錯，特別係小炒類同燒物，款式種類多，上菜速度都好快，order幾齊單，人均消費唔使$300，好抵食。…查看更多

極尚大喜屋一直都係我心目中嘅放題首選，皆因食物款式包羅萬有，座位闊落，舒舒服服中任食～🍣午市放題💰$218@1✅推薦：串燒：鹽燒牛舌、燒溫室甜菠蘿、牛油燒翠玉瓜、燒香草羊鞍熟食：雪花牛肉鍋、牛肉湯烏冬、芝麻雞翼、榴槤炸彈刺身：北海道帶子、象拔蚌、赤貝、甜蝦壽司：蒜香青蔥燒牛肉壽司食日本放題，第一輪當然要點一盤刺身拼盤，每款幾塊，拼起一個大拼盤，睇到好滿足☺️我最鍾意食帶子，鮮甜美味，象拔蚌、赤貝爽口，喺我嘅至愛！下一輪點咗啲熟食，串燒嚟講，我最鍾意食燒菠蘿，燒完一啲都唔乾身，保持到菠蘿本身嘅水份；牛舌火炙焦香，嚼勁十足；香草、羊鞍十分夾，燒至油香四溢熟食嘅雪花牛肉鍋配料豐富，壽喜燒汁甜度恰到好處；牛肉湯烏冬湯底清，兩者一樣咁出色👏🏻最衰食唔落，唔係一定會encore！甜品有自家製甜品及雪條等，我新嘗試Ekselence系列嘅雪糕批，最鍾意食經典迷你杏仁雪糕批，脆身杏仁朱古力皮，配上雲呢拿雪糕口味，經典！🔅環境鱷魚恤呢間分店地方好大，枱夠大所以坐得舒服，不過枱與枱之間嘅距離較窄，同其他分店一樣，前菜、沙律、飲品、甜品區一律喺大堂，任君選擇…查看更多

日式放題一直都係我既至愛，一來鍾意食日本野，二來可以咩都試下。今次第一次黎觀塘呢間極尚大喜屋，地方闊落，座位比其他大喜屋鬆動，感覺冇咁壓迫。今次黎食午市放題，原來大喜屋有分定食同放題兩邊，不過唔理啦，總之坐低就掃code叫野食。先黎既係刺身，大喜屋既刺身比其他既放題好，唔姑寒，魚生切得厚厚一塊，而且鮮味十足，唔會有陣雪味。而串燒方面，我就鍾意鹽燒雞翼同燒鰻魚，鹽燒雞翼燒得香脆，咸咸地真係唔覺唔覺就食多左幾串，燒鰻魚就從來都係我最愛，厚厚一塊，大大一件，咬落又juciy唔肥膩，通常每次去都會食番2，30塊。最後想講下鍋物，叫左個雪花肥牛肉湯鍋，大大塊肥牛，配埋菜，豆腐，蛋，食落暖笠笠。除左掃code order，行出去重有好大個汽水櫃，又可以拎甜品同沙律。…查看更多

6/30 放假前夕夜晚6:30pm食兩個鐘$258加一、6:28pm等緊Lift已經收到餐廳 missed call 唔知係咪多人等候補想放枱。⬇️鱷魚恤中心3樓APM行廿秒就到、三個人安排咗卡位都幾好坐。出面有飲品小食冷盤熱湯雪糕甜品任抖、其他嘢就用 QR code 落單！⬇️講真 ⋯ 第一輪落咗單啲嘢好快好快就到、真係9秒9。刺身同埋熱食或者壽司全部都好快上枱，好彩張枱都夠大但係刺身望落去唔靚仔、而且擺得好唔靚！八爪魚同三文魚我都冇食，但係朋友話一般般。牛舌好似枱枱都有點係好食既！⬇️啲熱食都普普通通、花膠完全白雪雪唔入味。芝士蝦好靚仔但入口凍既，淨係覺得冇乜味、鹽燒雞翼都淡茂茂 ⋯ 芝麻雞翼就好味嘅、總之同朋友都覺得好一般，一半嘅嘢都麻麻。⬇️第三輪落咗蟹粥、算係最有粟米味甜甜地。叫左一個肥牛煲都幾好味、天婦羅都熱辣辣但個汁好淡、咖喱炒蜆就係出面啲凍蜆加咖喱汁炒一炒。⬇️環境都OK而且全院滿座人流不段、但係行多少少亞太中心嗰間極尚放題好食好多 ⋯ 8pm 就已經 Last order 收錢兼且開始執枱、夠鐘8:30pm就要走。總之食完就好似失去味覺咁、臨走去廁所發現出餸位同廁所只係一步之隔 😒…查看更多

官塘鱷魚恤中心開咗間極尚大喜屋，已開左一段時間今日終於有時間約埋朋友一齊去食個午餐放題。食物種類有很多有些可以去出面自己拎野食，有些掃QR Code落單，有熟食，前菜，炸物，沙律，刺身，燒物，鍋物，壽司，手卷，甜品和飲品等任飲任食。三文魚好肥美，甜蝦好新鮮，希靈魚又有咬口，北寄貝又爽脆，帶子，虎蝦等全部都好新鮮又冇雪藏味鰻魚肉質肥美又嫩滑，芝士燒虎蝦蝦肉又爽口彈牙，雞泡魚干又有咬口又香又美味。第一次食鮑魚壽司幾特別，鮑魚好嫩飯又軟熟，芥辣八爪魚壽司又好味。海膽山海膽鮮甜又creamy，又有蟹子連埋飯一起食好好味。牛柳粒牛柳好軟熟又入味，牛味香濃。香芋紫心丸又唔會太甜，炸到金黃色好香口，燒菠蘿又好甜炸南瓜粉又唔會太厚葡式煮蜆，蜆肉肥美又鮮甜。…查看更多