校長燒肉日韓料理 (大埔廣場)

今日在大埔廣場附近，見到有間好抵食的放題，入左去試吓。禮拜六日都係198加$20 再加一任食兩個鐘，而且仲包火鍋加燒肉放題。一入到去要上一層，樓梯位有好figure 公仔，感覺好夢幻。餐廳環境大，食物種類款式多，食物區域指示清晰。燒肉區有牛、豬、鷄，魚，醃製種類有燒烤，黑椒，有辣有唔辣。店員亦主動更為我哋換燒烤紙，幾貼心。火鍋區調味醬汁齊全選擇多。有日式清湯，壽喜燒湯，日式豬骨湯可揀。肥牛肉類，腸仔丸類，蔬菜瓜類、麵類也有好多。壽司刺身日式區刺身即叫即切乾淨衛生，有三文魚、吞拿魚、八爪片、響螺片等，壽司種類也豐富，還有中華沙律。熟食區有滋補燉湯，點心，炸物，新鮮熱辣辣，味道唔錯。沙律區食得肉多，可以去沙律區攞啲蔬菜來中和一下。甜品區最特別是可自製台式小丸子涼粉冰。雪糕雪條款式也多，還有小甜點和軟雪糕任食。飲品區有汽水罐裝或紙包飲品，特別推介花茶區，超多選擇，非常養生。而且仲有清酒任飲。總括來講，性價比高，火鍋加燒烤，種類多，大滿足。…查看更多

位於大埔校長燒肉 • 任飲任食日韓放題，主打壽司🍣、打邊爐🍲、鐵板燒、熟食、炸物🍤、點心、湯品及甜品🍮可以一次食過夠本，絕對適合大人小朋友一家人👨‍👩‍👧‍👦聚會👍🏿餐廳內裝修簡潔明亮，焦點有很多Iron Man模型大大小小都有，而且還有高達模型，看來老闆應該是個模型收藏家😎我們兩人開始先燒肉類🍖為主，全部燒肉已用醬料醃好，雞腎入口彈牙，雞軟骨卜卜脆，最值得推介一口牛及雞翼，有多款口味任君選擇😉而且職員換鐵板速度快，絕對不用擔心燒焦😚之後再燒第二輪就以蔬菜類為主，翠玉瓜厚切好大塊，熟了好多瓜汁爽口，燒烤首選，粟米🌽雜菌沾上溶化的牛油🧈簡直是絕配😍另外我喜歡吃茶碗蒸及碗仔翅💕，其實味道👅跟平常吃到不大分別，但勝在任食可以食到滿足為止，開心仔🥳湯品🥣人蔘雞湯好足料，人蔘味香濃雞腳好入味有種住家湯感覺🤤當然要飲返幾碗，仲有南瓜雪耳糖水，可以食到無窮無盡雪耳非常養顏😜總括而言，校長燒肉食物🥘飲品🍸種類繁多，基本上食多幾次都不會厭😂，而且性價比高適合一家大細👨‍👩‍👧‍👦…查看更多

週未鬆鬆，今天同朋友想去那兒行好，忽然想起一個地方，就是大埔，大家很久冇行，看下有甚麼特色新店舖，行到差不多吃晚餐，見附近這間，門口有特色韓燒店，就入了去吃，我們選了朱古力雪糕雪糕滑身溶溶，濃厚朱古力味，甜度剛好韓國麵大個，麵身比較厚，特別爽滑同彈口南瓜忌廉湯少見，清甜南瓜同忌廉香味，搭配年糕福袋用腐皮整到福袋型，入面包住年糕，年糕軟軟霖霖，夠彈牙刺身帶子，希靈魚，象拔蚌每款片片都有厚度，特新鮮鮮海味，入口好有口感芝心丸，龍蝦丸，三角魚蛋每款丸都彈肉爽口，芝心丸，好流心芝士香味，龍蝦丸，特新鮮鮮蝦味，三角魚蛋，比較厚肉同濃魚蛋香味一口腸，雞肉腸，粟米每款爽脆爽滑，細細條，一口咬到，嘴嚼不失鮮香腸味，粟米有鮮甜粟香味壽司每款件件厚身，玉子好有蛋香味，魷魚，帆立貝，蟹柳，好鮮海水鮮甜味金沙骨，雞扒，猪扒，豬五花每件大塊厚肉，燒起來重金沙骨香，濃厚雞香同豬香味，肥廋適中，特嫩滑花茶自家制，大樽，淡淡白桃香同烏龍茶味，清新荔枝香同錫蘭茶味，好搭配同消胃店內牆特色卡通畫同1:1Marvel擺設，熟食同燒食款式好多選擇…查看更多

同朋友去左校長燒肉日韓料理，依度地方幾大，到處都係打卡位，淨係入門口嘅米奇都夠吸引到我地黎張自拍。職員安排我地坐二人卡位，但唔迫，夠擺野食，亦坐得舒服。呢度冷氣夠，唔焗促，光線柔和舒適。除左韓式燒烤，仲有唔同款式食物，例如刺身壽司區，職員幾有心機擺放食物，吸引人黎食。刺身有八爪魚、吞拿魚、三文魚、榮螺同埋幾大隻嘅牡丹蝦，肉質彈牙爽口，非常新鮮，我地食完又食，都食咗十隻🤣熟食方面選擇都唔少，有蒸魚、羅漢齋、雞翼、金銀蛋莧菜、菠蘿咕嚕肉、蟹柳西蘭花、辣酒煮花螺、蝦仁炒西芹等等。炸物有咖哩角、薯角、鹽酥雞 連炸香蕉都有。仲有沙律、點心，打邊爐都有。飲品櫃非常誇張，有自家製嘅花茶，滿足各客需求，值得讚👍蒸魚唔腥，魚肉好嫰滑，我地都食左3舊；辣酒煮花螺唔係死辣味，係嗰種好香味，少少辣，幾惹味；鹽酥雞冇特別，但一邊燒肉一邊頂下肚，不知不覺都食左好多🤣黎到燒肉環節，食材種類多，有雞翼，金沙骨，秘制叉燒，三文魚骨腩，麻辣牛肉片、香蒜豬頸肉、咖哩雞軟骨等等，唔想燒醃左嘅肉亦有豬五花、牛五花、羊肉片，應有盡有 。味道方面，我地試左豬頸肉，肉質嫩滑，微微嘅蒜香，入味但又唔會太濃，好食。另外我地都燒左牛五花，豬五花同羊肉片。羊肉味唔算濃；五花嘅油份夠，容易燒出脆邊，咬落外脆內軟，最正係佢有黑椒同鹽提供，貼心度💯甜品方面，都有好多特別嘅自家製甜品,啫喱果凍,旁邊又有雜果、椰果同蘆薈粒可以加上去食，都幾好，當然唔少得雪糕雪條，仲有冰菠蘿添。呢餐燒肉真係冇得輸👍…查看更多

相信大埔人都好留意依間店，校長燒肉門口裝修別具特色，喺未開張嘅時候已經吸引好多人見到。仲有鐵甲奇俠睇門口簡直是無敵🤪 吸引咗好多人嚟打卡。多人到一定要book咗先，walkin基本上係冇可能，有三個價錢，食刺身同唔食刺身都有分兩個價錢！！所以對於唔食刺身嘅朋友，又可以平啲咁食到放題😄我揀咗平日嘅5:30去食，$158，依個價錢真係冇得輸，雖然係平日但係依然滿場！😌環境整潔乾淨，食物種類繁多，地方唔細令我諗起以前返深圳食自助餐嘅感覺。😂飲品方面有冷櫃，同埋沒有雪藏的，檸檬茶，可樂，仲有自家製的冷萃茶，我自己都飲咗兩樽😌養生嘅大家，仲可以有玫瑰花茶菊花茶等等自助形式。壽司刺身方面同酒店嘅感覺好似，壽司日式前菜可以自己夾。刺身方面如果你係揀咗刺身嘅套餐就可以食用，有張貼紙俾你，即叫即切非常新鮮！！燒烤方面種類非常之多，而且係醃製好的，全部都好好食，雖然多人但係見到佢不停refill👍海鮮方面只要like 社交平台就會有得送海鮮，我哋見到隔離枱有，問吓店員先知道，大家去記得問吓。😍長腳蟹都有得供應，多肉。燒烤方面佢會有將牛油紙係底，店員都好勤力幫你更換，咁樣就可以防止燒燶。仲有打邊爐可以食，但係我哋已經太飽😂😂甜品方面佢都有甜品櫃，同埋有軟雪糕可以食，至於杯裝雪糕看似7:30果場先有得食。總括來講我覺得可以encore，真心推介質素唔錯，但真係超多人，所以要預先諗定邊日去食一早book定👍…查看更多