尚鮮日式燒肉漁市場 (已易手)

📍#尚鮮日式燒肉漁市場🇭🇰香港銅鑼灣謝斐道496號金利文廣場3樓🌐銅鑼灣 #MFJ銅鑼灣 #MFJ日本菜人均消費: HKD328味道: 👅👅賣相: 👀👀👀價格: 💰💰環境: 🌹🌹🌹服務: 👨🏻性價比: ⭐️⭐️⭐️回頭率: 🔆銅鑼灣金利文廣場出名飲酒，原來都有幾間餐廳！一直尚鮮日式燒肉漁市場，但評價普通，不試又不心熄，所以括出去！沒有訂枱， walk in要等20-30分鐘左右，坦白說，店員態度的確不太有善！誰不知等了30分鐘後，才告訴我需要搭枱！若早知要搭枱，我根本不會等😡他們有兩個餐選擇，一個是安格斯牛肉放題$298，另一個是和牛放題$498，基於接收的評價不太好，我就選擇了安格斯牛肉⭐️海鮮拼盤海鮮拼盤是送的，但之後要點海鮮需另外加錢有帶子，鮑魚，蠔，蝦和甲羅燒，整體每樣都算不錯，比我想像中好味帶子和蝦比較出色！鮑魚和好會比較乾身，但味道都不錯！甲羅燒比較難掌握燒得有點乾，食落不算太香🆗刺身刺身選擇大概10多款，點了三文魚，北寄貝，帶子，鯛魚，甜蝦，榮螺和赤貝味道是可以接受，但食不出鮮味，除了三文魚叫大件一點外，其他都非常細，無口感⭐️壽司雖然壽司飯比較普通，但整體味道挺不錯！我們只點了火炙牛拖羅，左口魚裙邊，芥辣八爪魚，三文魚籽，辣味三文魚，但每款都很好味！以燒肉放題來說，比其他日式放題更出色🆗前菜小食前菜小食點了味付螺肉和芝麻八爪魚，味道正常，但醬太多有點濃🆗肉類燒肉放題來說，肉類選擇真的不多，整個list看似很長，其實是每款肉類有三種不同的味道，主要是原味，鹽味和韓式！賣相一點都不靚，口感普通，肉味亦不算太香若不是放題，肉類是不ok的！其一是選擇少，其二是味道普通⭐️蔬果類蔬果類點了糖心菠蘿，冬菇和車厘茄冬菇越燒越乾，味道普通但糖心菠蘿和車厘茄都十分好味！尤其菠蘿， Juicy又香甜⭐️炸物炸物點了榴槤炸彈和炸雙皮奶炸雙皮奶完全是兩回事，第一沒有雙皮，第二裏面是有紅豆的但榴槤炸彈超級出色！裏面的榴槤蓉軟熟香濃，口感像吃炸芝士年糕一樣，榴槤愛好者必食之選！🆗飲料普通汽水都有，啤酒有一款，其餘都是看師傅不同味道的飲品$290/人價錢中上，整體食物質素好壞參半，最失望是燒肉水平比較低，估計點和牛套餐可能會好一點但回頭率極低，主要原因是店員態度不有善，安排又不太好！例如搭枱，中間隔着一塊板，調味料在另一邊，我問他們額外拿一套時，他竟然叫我要用時從隔離拿🤷🏻‍♀️最有趣的是，短短120分鐘，已經聽到幾台人說因為他們的態度而不會再來😂😂#sashimi #sushi #seafood #BBQ #JapaneseBBQ#mfoodjournal #instagfood #foodstagram #foodie #hkfoodie #fooddiary #foodblog #hkfoodblog #tastyfood #foodphotography #相機食先 #食好西 #吃貨 #香港美食指南 #香港美食 #銅鑼灣美食…查看更多

人大咗食放題就唔想淨係塞飽個肚 應該要享受食物🤰🏻銅鑼灣呢間和牛放題店 一直都係用超抵嘅價錢吸引好多人去食🤑佢下個月就加價 所以趁未加價 即刻去食😎平時普通食一碟和牛都二三百蚊 呢度可以任食 絕對值回票價‼️.📌日本A5黑毛和牛放題 $398唔食落order一去到就會比一盤和牛你😚集合晒黑毛一口牛,肩頸肉,牛三角,牛肩胛,鹿兒島黑毛和牛牛小排,貝身肉,外腹肉,薄裙肉🤩之後就可以encore自己鍾意既和牛部位喇 所以記得每款試真啲😎和牛唔洗我講都知肉質柔嫩 油脂十足 入口即溶🥰如果怕太油膩 嗰度仲有唔同部位嘅安格斯牛,豬肉,雞肉...🥩.除咗燒肉 每枱仲送一份時令海鮮拼盤添🥳拼盤都相當之豐富👍🏻有好少見既甲羅燒,仲有鮑魚,燒蠔,扇貝,虎蝦🦐🦀🦪甲羅燒嘅蟹膏同蟹肉加埋生鵪鶉蛋,蔥花一齊燒 蟹味好濃仲好鮮甜😍.海鮮同肉都未滿足到你 呢度仲有炸物小食,刺身壽司🍣炸榴槤波波同香芋丸好好食😋最推介係火炙牛拖羅壽司💯.食飽飽仲會送每人一杯Mövenpick雪糕🍦夠晒滿足🙌🏻…查看更多

好耐無食放題喇～人大左唔鐘意嗰一種飽到上心口嘅感覺🤣重質不重量(ﾟ∀ﾟ)但見到好多人都推薦喺銅鑼灣嘅尚鮮 @sashi_hk 又有𝗔𝟱日本和牛任食😻太吸引喇～～試吓先！點知去到餐廳男朋友先醒起原來佢去過，印象仲唔錯！我哋兩個人有卡位坐，都食得幾舒服！店員們服務都好多，好細心教你每一款肉應該用咩嘅方法去燒～.its been a long time since i ate ayce 😱 but so a lot of people eating @sashi_hk and their a5 wagyu all you can eat 🤤 so got to give it a try! overall, got a big table to ourselves so it was a comfy bbq experience 🍗 food and service was pretty on point! loved how they came over to show us how to roast the meats!.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7.6/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 7.7/10服務 𝐬𝐞𝐫𝐯𝐢𝐜𝐞 8/10性價比 𝐚𝐟𝐟𝐨𝐫𝐝𝐚𝐛𝐢𝐥𝐢𝐭𝐲 7.5/10回頭率 𝐫𝐞𝐯𝐢𝐬𝐢𝐭 7.6/10🌟.《120分鐘A5和牛放題》$398加一 🌟7.6/10🌟呢個套餐除咗有A5和牛放題之外，另外亦都可以任食其他肉類、燒蠔、刺身、壽司、炸物小食、飲品等等。另外仲有一份海鮮拼盤～整體食物選擇非常多，同一款部位都有唔同嘅味道/醃料選擇，真係花多眼亂！不過和牛真係會有少少油膩🤏建議大家可以試吓其他唔同種類嘅食物！另外提提大家要把握時間90分鐘落單，無𝗹𝗮𝘀𝘁 𝗼𝗿𝗱𝗲𝗿提示㗎！.☻︎重點推介☻︎♡︎ 𝗔𝟱 鹿兒島黑毛和牛牛小排咁多款和牛之中最喜歡呢一款，好肥美～都做到少少入口即溶嘅口感㗎！♡︎ 𝗔𝟰 黑毛和牛肩頸肉呢有款牛味都幾重，唔錯～不過唔好燒太耐啊，會變韌㗎！♡︎ 霜降牛五花有三款唔同口味；原味、炭燒同岩鹽。三款都唔錯，肉味香濃！♡︎ 厚切牛舌同樣有三款口味，口感爽口～♡︎ 甲羅燒平時食放題唔帶飯嘅我都忍唔住嗌返個白飯嚟撈蟹膏！超正( ˘ ³˘)♥︎♡︎ 糖心菠蘿最鍾意食燒菠蘿！燒過後味道份外香甜～♡︎ 香脆雞翼食放題梗係要瘋狂食雞翼啦(о´∀`о)呢度嘅雞翼調味鹹鹹地，又香口，𝗲𝗻𝗰𝗼𝗿𝗲咗好多隻～♡︎ 火炙牛拖羅手卷諗咗好耐食唔食壽司手卷好，但見到拖羅就忍唔住！好彩有食到♡︎欣賞佢拖羅唔會剩係得面頭有，一路食到底都仲有拖羅食唔會剩係得壽司飯！☹︎ 薄切牛舌口感一般，比較韌。☹︎ 天婦羅幾款天婦羅都比較失望，外皮有啲厚，即刻食都唔太香脆。☹︎食到尾有少少混亂，唔係好記得呢一款係咩，不過真係非常之肥膩☹︎☹︎ 整體有少少美中不足嘅係，有幾次肉類解凍得唔夠，燒完後口感同味道都會變得普通，有少少浪費咗啲靚牛🥺不過呢個問題唔算太常出現，都接受到嘅～.尚鮮日式燒肉漁市場 @sashi_hk📍#BELLYwongs_causeway.#BELLYwongs_meats #BELLYwongs_japanese 🙃…查看更多

喺香港都比較少有和牛放題食，難得呢一間標榜住喺日本直送，今日就嚟試試佢！呢間野位於銅鑼灣金利文廣場3樓，餐廳面積頗大。我哋2:00pm入座，唔算多人。我哋今日會食嘅就係呢個燒肉放題，用餐時間兩小時，點餐時間1.5小時。餐廳座位闊落，每一枱都有獨立燒烤爐同抽油煙機，兩人坐都好闊落舒適，而且抽風做得幾好，餐廳入面都冇話好重燒肉味，唔怕染到成身味～呢到係用QR code自助落單。食物款式都幾多，由和牛、各種肉類、刺身、炸物都有，連生蠔都係任燒。值得一讚嘅係呢度上菜速度好高，落完單1分鐘都未到，店員已經送上刺身，快到我都嚇親haaha 飲品嘅選擇都幾多，有啤酒同埋各式汽水飲料。首先試咗呢個海鮮拼盤先！有鮑魚、蝦、生蠔、帆立貝、甲羅燒。雖然呢度主打日本和牛，但海鮮都出奇地好味新鮮～鮑魚新鮮彈牙，煙韌鮮甜，一啲都唔會韌扇貝有奶油嘅調味，口感彈牙新鮮蝦嘅質感雖然有少少少少霉，但係勝在有蝦嘅甜味，燒完個味道唔錯。甲羅燒味道濃郁，帶有甜味，口感非常Creamy 但生蠔係令人失望嘅，本身以為有得任燒生蠔好正，但係生蠔係令人失望嘅。因為太重腥味，所以我食咗一兩隻就冇再叫lu而家到今日嘅主角--- 日本和牛！呢個一上檯真係好搶fo~ 超好打卡嘅和牛樓梯！每款和牛都有牌仔寫番等級同部位，咁就唔驚分唔到，可以每款試真啲個分別啦～～識食梗係由低食起，慢慢由A4食到最靚嘅A5A4鹿兒島黑毛和牛一口牛：口感軟腍，油花多，牛味亦重。由於油份多，即使係厚身嘅牛粒都唔會鞋口/韌，燒完仲好香添A4鹿兒島黑毛和牛牛肩胛：肉質厚實，口感偏腍，有濃厚牛味，油脂較少，但係有筋。A4鹿兒島黑毛和牛牛三角：肉質鬆軟，油脂多，夾雜筋同肥肉。A4黑毛和牛牛肩頸：雖然只係A4，但就係最好味嘅一款！牛肉薄身，口感好似棉花糖一樣鬆軟，而且無筋， 油脂豐腴，超級好食。終於黎都A5啦！A5黑毛牛牛牛薄裙，肉味濃郁，口感實在，牛肉薄切，油脂算多。如果鍾意肉味重嘅朋友會鍾意呢款。A5黑毛和牛牛腹肉：口感超級實淨，彈牙但係非常韌，唔太推薦一款。A5黑毛和牛背身肉：油脂比較少，肉味重，口感軟淋冇筋，係冇咁肥但係唔會韌嘅一款，幾好！黎到final boss！A5黑毛和牛牛小排：牛肉薄新，同牛肩頸一樣有棉花糖嘅軟軟口感，但係比起牛肩頸再實淨少少，油脂分佈極高，所以食落好重油花。食完和牛，都試埋其他小食先辣酒煮蜆：調味唔錯，微辣野味，但係唔入味。刺身俾我嘅嘅驚喜都好大，雖然係和牛放題但係刺身都好新鮮。三文魚厚切肥美，有時仲會出腩位添炸物嘅質數亦都好高，全部都係新鮮炸起，外層非常金黃香脆。炸鮮奶入邊煙韌，芋頭波波入面芋泥份量都唔少，我食咗好多粒😂😂菠蘿厚切，新鮮多汁。最後仲有得每人自選一杯Movenpick雪糕，作為一餐嘅完結。整體來講呢間和牛燒肉放題嘅質素都唔錯，價錢合理。食物質素好，食材新鮮。上菜速度好快，而且店員服務態度都好好，呢兩點非常加分～和牛部位選選多，夠肥夠好食～如果喺香港想食和牛燒肉，呢間都係幾唔錯嘅選擇！…查看更多

數天前已BOOK位入座時 有好多吉位 但安排左一個近門口位置 身後一大棟箱起到雖然覺得有D礙眼 但都坐底左一坐下待應講左一大堆野食幾耐同會有隻海鮮船可以燒牛比較肥 成口成隻蝶都係油可能和牛就係較肥啦我地每一款試 覺得可以再食就留返起佢個牌仔但食落第二轉既牛就無第一轉咁靚刺身一般唔會覺得好鮮味講下D燒海鮮鮑魚OK甲羅燒好食但隻蝦就出事 D肉係梅既同鬆既 但成晚既重點來了待應突然比單同收IPAD當時我地張台係吉既 得兩舊肉燒梗因為我地一路吹水 同食晒D野先會再叫我就同待應講 你比我地叫多轉先佢就答我 因為已經截左單 同一開始同你地講左只有頭個半鐘可以叫野 所以無得叫了我就答佢一舨餐廳都會提一提last order佢就話唔可以再比我地點講真我地再點都可能係點小小炸物但呢個回應真係破壞晒成晚既心情 仲要係食生日飯望一望張台咩都無 姐係走得啦建議佢可以做多小小 咁大家都高興日本餐廳IPAD有倒數計時 大家就清楚晒 但又無呢樣野 一開始講左句 真係唔會個個拎隻計時錶出來望住食既。。。如果開始講時就講明 提你佢唔會提last order 你夠鐘就cut晒無得叫 咁有個預算睇住個鐘但家下唔比我地再叫 真係影響心情食完我再上來望下食評 原來已經有好多客反應個呢個情況 但餐廳都無改善講真D客食完唔開心 我諗唔會再來因為呢個價錢 仲有好多選擇…查看更多

今次要介紹既就係呢間日式燒烤餐廳，其實呢次係我第二次黎，仲記得上次d海鮮好好味。不過呢d都吾係重點，最重要係佢而家竟然連和牛都做埋放題一開始，會有個和牛拼盤同海鮮拼盤比你。和牛拼盤上面仲寫埋佢係咩類，方便你之後落單叫番。另外，個海鮮拼盤就有鮑魚、蠔、蟹蓋、帶子同海蝦。食完和牛同海鮮，緊係食番個刺身先佢呢度有大家普遍喜歡既刺身，包括鮑片、三文魚、甜蝦、螺片同帶子。仲有好多，多到寫吾曬🤣除左和牛，海鮮同刺身任食之外，其實佢壽司同其他小食都係任食架，基本上你日本餐廳食到既野，佢呢度都齊曬任你叫。最緊要係，佢呢度餐飲都係任飲吾嬲。我最中意就係冬瓜茶啦最後埋單時，佢仲會送movenpick雪糕，我同男友各自揀左朱古力味同士多啤梨味。另外附上和牛任叫既餐牌，大家可以睇睇…查看更多

食燒肉食上癮，對上一個星期先食完，今個星期又食，數數手指，一個月食左三次真係自己都嚇親，但今日黎既呢間唔係只食燒肉，係放題+燒肉形式，仲要係食A4和牛，再加刺身壽司、小食炸物都係任食！環境第一次黎「金利文廣場」，樓層唔多，呢間放題店位於三樓，面積真係十分之大，但長期滿座，最好一定要BOOK定位，否則Walk-in都要等。餐牌任食A4和牛放題  $378(星期一至四)、$398(星期五六日及公眾假期)如果唔食和牛就$278，加$100就可以任食A4和牛，仲送海鮮拼盤，當然唔洗諗升級至$378，可以任食A4 宮崎和牛、鹿兒島和牛、各式燒肉、壽司刺身。打開平板電腦落單,有和牛類、特選燒肉類、燒烤類、刺身、壽司、小食、炸物、冷盤熟食。雖然當中發生左個小插曲，就係我地個爐得一邊有火，火勢又好慢，燒咩都燒唔到，通知左店員，前後整左兩次，最後要徹底換哂所有野個爐先用得返，整爐都用左30分鐘左右，店員都好明白事理，係我地要求下都加返時間比我地。浜燒蠔海鮮拼盤有活鮑魚、虎蝦、扇貝、甲羅燒、生蠔，樣樣都咁新鮮，當中既活鮑魚包保新鮮，一路燒佢一路郁，虎蝦夠彈牙，送甲羅燒感覺十分回本，因為平時出去食一隻都唔平，蟹膏亦頗甘香，高質海鮮拼盤！和牛類總共有10款──8款和牛A4及2款黑豚肉，分別係一口黑毛和牛、A4宮崎黑毛和牛脊肉、A4宮崎黑毛和牛頸脊、A4鹿兒島黑毛和牛三角、A4鹿兒島黑毛和牛板翼、A4鹿兒島黑毛和牛背峰、A4鹿兒島黑毛和牛嫩肩肉、A4黑毛和牛腿、伊比利亞一口豚、伊比利亞黑豚梅扒。一上枱見到脂肪及肉層色澤分明及新鮮，A4鹿兒島黑毛和牛板翼同埋A4鹿兒島黑毛和牛背峰顏色比較鮮紅外，其實都偏粉紅色，當中既和牛三角及和牛嫩肩肉比較多脂肪，食起上黎油脂口感豐富，而其餘既和牛食落比平時牛味要濃郁，雖然唔算厚切，但食落仍然有口感。黑豚肉只有2款，兩款質素正常，未有太大驚喜。特選燒肉類選擇非常多，不能盡數，例如有霜降牛五花、霜降牛肋肉、秘製牛肋條、牛肩胛梅花、牛肩胛、牛仔骨、安格欺牛頸脊、牛胸腹、牛舌、牛肋肉、韓式腩肉、豬頸肉、雞腿肉等等。當中再分左唔同口感醃製，有炭燒、岩鹽、韓式、麻辣。我自己個人就比較中意韓式或者麻辣口味，食落帶少少辣會再惹味啲，而肉方面較岩我口味既有牛肩胛梅花、牛舌、秘製牛肋條、韓式腩肉，牛舌唔似平時一塊塊上，而係切左一細條，但口感十分爽脆；秘製牛肋條十分入味，真係必點；由於豬五花肉沽清，但有韓式腩肉，絕對娉美豬五花肉，十分大片且肥膏佔三分一，中意食肥膏既你一定不能錯過。燒烤類有清酒煮蜆、麻辣煮蜆、各式蔬菜等等，試左麻辣煮蜆，一份份量都幾多，蜆冇沙質素正常，蔬菜類就冇咩點試，因為都主打食A4和牛同其他肉類。刺身選擇不少，有一般放題店既三文魚、希靈魚、帶子、北寄貝、鮑片等等，口感味道都係正常，最好食係一口吞拿魚蓉，每件都會配上紫蘇葉食，一流！覺得可惜同美中不足係冇油甘魚。壽司種類亦多，如火炙三文魚壽司、鰻魚壽司、火炙和牛壽司、花之戀等等，飯都黏濕度拿捏我幾好，飯團細細舊一口咬得落，配料都新鮮，壽司做我唔錯。小食、炸物有炸雞、炸魷魚圈、炸雞軟骨、蟹棒天婦羅、炸香芋丸、炸榴槤丸等等，試左炸雞、炸魷魚圈、蟹棒天婦羅，用既油都新鮮，唔會好大股油溢味，但炸粉都比較厚身，肉好少。冷盤熟食有芥末象拔蚌刺身、熱烏冬、沙律等等，推薦芥末象拔蚌刺身，少少辣同噲鼻好開胃，加上口感爽脆，食左幾次芥末象拔蚌刺身。飲品、甜品飲品自助，有一系列果汁類飲品，另有一個櫃有一款啤酒同幾款汽水，但冇照顧到女士需要，得Coke Zero，但冇純烏龍茶、綠茶果啲。而甜品出面有一個櫃仔可以自己拎，賣相比較一般唔吸引，但埋單時每人會送一客Movenpick雪糕，仲可以比你揀味。總括而言，每人$400左右可以任食A4和牛、伊比利亞黑毛豬，仲有刺身壽司，呢個價錢真係好抵，你諗返係日本餐廳散叫既話$400真係食得唔多野，一間性價比高餐廳，可以改善既係有關漏單情況，其實一開始冇漏單，但食到尾段就全部單漏哂，唔知係咪因為我地整爐多左既30分鐘廚房唔知，所以之前既單都冇做比我地，希望能改善。…查看更多

天氣冷的日子，除了火鍋，也會特別想吃燒肉。再度光顧尚鮮日式燒肉漁市場的晚市燒肉海鮮放題，星期一至四成人每位278元，限時120分鐘，時間充裕。用平板電腦落單比用落單紙環保得多，方便快捷。等食物時細閲桌上的燒肉解說，燒牛肉可以放中間用大火。多款罐裝飲品任飲。先點了一輪刺身，有三文魚、帶子、榮螺、北寄貝、八爪魚、鯛魚、甜蝦和鮑片，三文魚肥美，帶子很鮮甜。最期待的浜燒海鮮船來了。將甲羅燒、生蠔、扇貝、鮑魚和虎蝦一次過放下去燒。鮑魚在網上掙扎，實在太新鮮太生猛了，兩邊分別燒約六分鐘便可以吃，鮑魚很厚肉很彈牙，一試難忘。特選燒肉類的霜降牛五花、厚切牛舌、秘製QQ牛肋條、牛肩胛梅花、霜降安格斯牛頸脊和牛仔骨等，水準都很高。窩夫特別喜歡厚切牛舌，蝦子餅則最欣賞牛頸脊。浜燒海鮮船裡的虎蝦屬任食項目，既大隻又爽口彈牙，要多點兩隻。三款不同口味的厚切牛舌，其實多款燒肉均可選原味、炭燒、岩鹽或韓式，窩夫比較喜歡原味，可以根據自己的口味加調味，桌上有燒汁、海鹽和黑椒提供。點了生菜用來包著燒好的牛肉來吃。對自己好一點，加了一塊A5鹿兒島和牛($168)。店員幫忙更換了燒烤網才燒和牛，十分細心。A5和牛入口即溶，滿口油香，真的一分錢一分貨。店員見窩夫與蝦子餅吃和牛吃得津津有味，率先透露2月份將推出每位398元的「至尊和牛放題」，聽起來非常吸引，要認真考慮2月份再來大吃和牛。壓軸的甜品是一人一杯Movenpick雪糕，有三款口味選擇，分別是朱古力、雲呢拿和士多啤梨，窩夫與蝦子餅都選了雲呢拿味。…查看更多

家姐請食飯，話食呢間燒肉放題，之前一值bookmark 左想試好耐😛今個月仲有燒蠔promote~四人同行任食燒蠔啊！放題就限時兩個鐘～～$298+1~✨4 人同行送龍蝦刺生兩食， 龍蝦肉上放左好多蟹籽，食落脆卜卜幾過癮，不過味道就唔算好鮮。反而覺得其他刺身比佢好食，帶子，北寄貝，蟹棒，鮑片都非常鮮甜，刺身水準唔錯👍🏻。✨另外龍蝦頭同殼就拎黎煲粥，講真得個殻其實個粥無咩味。✨海鮮拼盤完來like fb 先有😓～講真好鬼煩～又like 又share video 先有，同行有老有嫩，要個個like 晒～好彩fb account 夠多xD !!✨拼盤有鮑魚，大蝦，蠔，貴妃蚌～每人一隻。甲羅燒就兩個人一個。✨最好食係貴妃蚌，大大隻夠鮮甜多汁，入面仲落左清酒去燒～正。👍🏻✨鮑魚雖然無咁鮮～但夠彈牙，燒得耐都唔會韌。✨大蝦之後可以免費追加，肉質結實鮮味十足～都係抵食回本之選。✨甲羅燒燒到乾晒😆。。唔知食緊乜～嘛嘛地。✨瘋狂任食燒蠔真係最抵，質素唔差，幾好食，我地食左超多👍🏻✨懶人必燒：牛油粟米&金菇菜，唔使理擺埋一邊等食😆✨清酒蜆都好好食，幾鮮甜，不過等左勁耐都無打開🙄後尾先發現係由頭到尾個火都開得太細。。✨芝士魚蛋都係我最愛，食落軟綿綿，芝士又唔會太漏👍🏻✨燒肉主打都係燒牛😛慳番d 時間。牛仔骨，一口牛，牛胛肉，肩胛梅花，五花腩都唔錯。✨最驚喜係個牛舌，我平時唔會食，但佢非常薄切，所以望落無咁驚，原來係咁爽口。✨等燒期間仲可以叫下熟食，壽司款就唔太多。剩係食左火炙三文魚～好食,不過飯比較大舊，軍艦紫菜就唔太脆，食幾舊淺嘗下就夠lu~✨食得太多肉，整番個青瓜蟹籽沙律，清新下😛✨炸物都唔差，食左榴槤波波，芋頭丸都非常新鮮熱辣辣。✨唯一比較差係呢個冷烏冬，湯底無咩味，不過佢幾彈口嫁，✨出面仲有甜品，食左兩件迷你cake,估唔到都ok. Tiramisu 幾好食，另外蛋糕質地都幾軟熟.✨最後仲有一人一杯雪糕，是日得士多啤梨味同合桃味。試左合桃味覺得唔係好合桃，唔知點解覺得似人參味mix 焦糖🙈，不過阿媽表示好鍾意食，早知食番士多啤梨😭。✨兩個鐘其實真係好快過，時間啱啱好，三百零蚊咁多野食都算ok, 又海鮮，又燒肉，又刺生熟食。野食用ipad 落單，黎得都算快，唯一係d 肉等好耐都唔黎，不過最後都有補番～食得切😛。任燒蠔真係最抵，5個人燒左四十隻都有😆暫時未見肚痛，得閒玩下都ok, 食下郁下～感覺無平時食放題咁辛苦。…查看更多

很多有時候，聚會在乎的不是食物，而是同行者，所以如果懶得去想食什麼，食放題是一個不錯的選擇。今次一行四人試了這間燒肉刺身放題。首先送上贈送的海鮮拼盤，每人有一隻扇貝，鮑魚，大蝦和貴妃蚌，還有兩隻甲羅燒！贈送的海鮮全部很新鮮，鮑魚和蚌都很爽口，而且甲羅燒已不會腥。.龍蝦刺身也是送的，賣相一流，而且肉質鮮甜爽口，我們一致認為很美味！當吃完龍蝦刺身，店員會收起龍蝦殼，再煮粥。至於這碗粥，我就嘗不出有龍蝦味，不過反正是附帶的，我亦不會有什麼抱怨。我們還點了珍珠蠔，蠔燒完後十分多汁， 很不錯，所以之後再追加了一次。海鮮類還有蝦和魷魚，都不錯吃。食放題的一大重點當然是刺身！ 這裏的刺身選擇算不錯，連帆立貝也有！接著就是肉類了！ 選擇不算很多，但基本的牛舌，牛柳粒，牛腹腔肉，豬頸肉，五花腩，雞扒都有，而且芝士魚餅也不錯。接著再叫了些小食，有蟹柳天婦羅，炸香芋圓，炸榴槤丸，烏冬，壽司等。炸香芋丸和榴槤丸值得推介，煙韌又不會太甜。甜品環節有美味的Movenpick雪糕！ 我選了朱古力味，味道十分濃郁，是一個很好的收尾！…查看更多

與同事們一早約好食放題，上網睇到like fb page的優惠係Facebook like & share就會送浜燒海鮮拼盤，預早一日訂位就可以大約$300既放題，都很低食！可以食到燒肉+浜燒，還有壽司刺身任食，品質都很不錯呢餐廳裝潢都很有日式風格，大部分都是卡位形式環境來說都很舒適餐廳都是用平板下單，一落單野食好迅速送到面前，真的十分有效率而且有好多唔同既食物供客人去選擇首先，上的菜就是like 左fb 既刺身船各樣刺身都十分新鮮本來4人同行是送龍蝦刺身，但當天沒有貨所以餐廳轉改送左冰震花蟹刺身船等待燒物熟的時間，當然就一路食著壽司刺身好開心有最愛既三文魚籽，叫個不停很滿足各種刺身都很新鮮另外一讚火炙牛拖羅壽司十分好食，都點左很多次，令人回味！最後，當然要食甜品，無論食到幾飽，飯後都要甜品去填滿胃的空虛，才會有滿足感:)…查看更多

草根爸媽常說年紀大了，胃口大不如前，無法如年輕時食得多，所以近年都很少再去吃放題了。不竟價錢動郁都要二三百元，而且不少放題店質素參差，自己吃的又不多，感覺上要「回本」不易，很多時還是寧願以同樣價錢找間餐廳好好地吃一餐算了。不過人總是貪心的，間中總會想去吃一頓放題，放肆地把菜單的食物都點上一遍。早陣子聽到草根媽媽提出想吃放題，草根當然馬上為此籌謀。正因不會常去，故一定要先做好功課。免得中伏之餘，總希望吃到與價錢相乎的美食。得知銅鑼灣有一間集燒肉、海鮮、刺身於一身的放題店，預先訂位更可享有四人同行送龍蝦二食的優惠。聽上還挺吸引，就選定這間試一試。到埗後店員說只要'Like'及"Share"尚鮮的facebook post就可享有「尚鮮浜燒」海鮮拼盤一份，拼盤內有2件甲羅燒，帶子、生蝦、鮑魚、生蠔各四隻。海鮮新鮮，當中草根最愛莫過於甲羅燒及鮑魚甲羅燒上面有蟹膏及鵪鶉蛋，燒時要同時攪拌，燒至水份收乾就可以食用。味道鮮甜有驚喜，每人只有半隻真的不夠喉呢!!鮑魚燒熟後仍然十分柔軟鮮味十足生蝦、生蠔可以任點!!當然還有特意前來一試的龍蝦二食!!首先送來龍蝦刺身，食完後店員會取去頭及尾部去煮粥。炸物還是第一次吃，肉質爽口鮮甜不錯!不過份量不多，一人大約兩三片龍蝦粥就非常普通，粥如白粥般淡味然後店員指示我們可以用ipad點餐，所有食物都可以在ipad上選擇，好方便又環保! 落單後很多食物就相繼送上，很有效率。燒肉當然是必點了，選擇多得令人驚訝! 點了好幾樣試試，整體還不錯，有肉味，而且燒後仍然保留不少肉汁。點了一上要燒的食物，當然由草根爸爸動手了。刺身點了三文魚、甜蝦、呑拿魚、鮑片、北寄貝、松葉蟹棒及劍魚腩。質素比想像中高，當中以三文魚及鮑片最出色，前者肥美油潤，後者十分鮮甜。同樣，壽司味道亦很好，細細件，多食幾款也不會很易飽。特別推介三文魚籽軍艦、火炙牛施羅壽司及海之卷。三文魚籽新鮮脆身，富鹹鮮味，想不到放題也有如此質素。牛施羅油潤富肉味，肉質細嫩好吃。海之卷放上了帶子和海膽，同樣十分好吃。由於燒烤類製作需時，所以點了一之後還是乖乖地點炸物好了，餐廳一早做好，可以即叫即食，不用苦苦等待。每次食放題必叫的榴槤炸彈、芝士年糕、炸蠔、炸蝦都很好吃，反而餐廳獨有的炸雙皮奶則怪怪的，不合口味。飲品可以自由到汽水櫃選取，都是一般的大路貨式。當晚的甜品令人失望，甜品櫃中只有果凍，其他甜品是一早被人取去嗎?最後每人有一杯Movenpick雪糕(可選朱古力/士多啤梨/雲呢拿/紅莓)，Movenpick高質人人都知，總算彌補了沒有其他甜品的小缺陷。全晚送菜效率都很高，沒有漏單的情況，看來用ipad下單真的十分準確。海鮮、燒肉、刺身及炸物的質素也十分不錯，尤其肉類選擇很多。甜品是最弱的一環，要是有更多甜品選擇就更好了。不過以一至四$278的價錢而言也算合理，可以一戰!!…查看更多

最近經常在銅鑼灣區工作, 今晚辦完正事後已到晚飯時間, 我倆都不想走動太多, 所以決定在附近吃飯。今日特別想吃燒肉, 看見這間好像不錯, 於是立即電話訂座, 而且幸運地能有座位安排給我們, 實在太好了！是晚每人$278加一, 讚好及分享餐廳的帖子會額外贈送一客海鮮拼盤, 非常吸引! 點菜亦很電子化, 只需透過ipad點菜就可以, 感覺很有伊賀燒肉的影子(詳見以往食評)。除部分標示了價錢的食物外, 大部份海鮮和牛肉都可以免費任點, 亦有壽司, 卷物, 小食, 炸物等可供選擇, 飲品更可無限自取, 相對伊賀只有熱茶, 飲品要另外收費, 感覺這兒會更貼心。主角是燒肉, 但今次只顧吃, 都忘了替它們拍照。牛魔王當然主攻牛肉, 幾乎把這兒的牛肉都試了一遍, 發覺不是太肥(佔超過60%), 就是肉質太鬆。真正有質素的, 個人首推一口牛, 雖然又厚又大粒有點難燒熟, 但又因大粒肉厚, 口感才夠juicy, 一咬油脂慢慢滲出來, 不會過於油膩, 不錯! 海鮮拼盤大蝦有少許不新鮮; 帆立貝和蟹正常, 不過不失; 甲羅燒跟蠔有驚喜, 特別喜歡甲羅燒的蟹膏鹹鮮味可惜兩人只送一件, 有點少刺身三文魚只有首輪(上圖)不錯, 第二輪的三文魚被分配了很近魚皮的位置;帶子微鮮, 尚可, 蟹棒和八爪魚正常壽司蟹棒壽司上的蟹膏味濃且鮮, 不錯三文魚亦不錯, 只是飯太大件。炸物炸物有不少選擇, 有魷魚圈, 蝦, 雞翼, 蠔和蟹柳等, 可惜沒有放題常見的紫心香芋丸 有少許失望。味道方面, 除炸蠔外, 其他不過不失吧！炸蠔多汁鮮甜, 確實難得 放題不能缺少甜品, 不過今晚的甜品水準, 讓人非常失望!甜品蛋糕約有6-7款, 除大福味道較正常外, 其他如朱古力慕絲, 芝士蛋糕和藍莓芝士蛋糕等, 味道非常淡。不是朱古力味不夠, 就是芝士味欠奉, 失望!總體而言, 食物水準整體一般, 但如果想滿足燒肉癮的話, 也可一試。另外, 特別一提的是服務員服務態度, 確實值得一讚。我們的燒肉點了好一段時間都沒來, 向服務員詢問後, 他立即列印食物清單跟我們了解, 跟進漏單項目。…查看更多

為左同肥仔慶祝紀念日，決定食豪d!呢間去開cwb就覺唔難搵，mtr行5分鐘左右，要係大門既lift入，唔係的話其他lift上唔到3樓。原來用ipad落order，ｄ野食好快到，你會想係咁睇下個ipad係咁點野食個位仲有得叉電tim ar原來e家like fb同share佢個post就有一份「尚鮮浜燒」海鮮拼盤（5款）一份！(原價$128/份)，四人同行送波士頓龍蝦拼盤優惠!!! 海鮮拼盤有：珍寶蠔、珍寶帆立貝、巨型虎蝦、新鮮活鮑魚、一隻蟹同蟹噌甲羅燒。蠔身好大隻，雖然燒完唔會係似生蠔咁creamy，但係好有磯燒味!！鮑魚好厚身，侍應會提你上下反轉燒5分鐘架! 唔好燒太耐，會令鮑魚太乾。甲羅燒本身唔知咩東東，原來係半熟鵪鶉蛋漿mix蟹膏同湯，好香蛋黃同蟹膏味，但都係唔好燒太耐，因為我個肥仔唔小心燒焦左。燒肉：推介，尚鮮一口牛粒，肉汁好多，只要唔燒太耐，有外脆內soft感覺，一口就食到又唔會太飽。可以free recall既海鮮有生蠔同虎蝦，狂叫生蠔，佢個爐本身就係可以燒到有磯燒既效果，食完好想再食。推介推介！本身只係想燒，但見到有刺身冇理由唔試下！刺身以三文魚最鮮甜肥美，而劍魚腩同吞拿魚都係必食！飲品方面，有汽水，同唔同口味既茶，甜品都係任拎架，最後每人仲有一盒movenpick雪糕!個人認為好食過HAxxxxxx雪糕架!眼見7點左右都full晒，好多大台好多人黎gathering,個個都好開心，仲有好多                        姨姨叔叔，食完出返去都冇咩燒肉味，有機會會再同朋友黎食。…查看更多

我同男友成日系FACEBOOK見到放題就會衝去試, 毫不猶疑驚會中伏, 但次次都系中晒伏, :(仲有1次可怕食到腸胃炎 屙足3日,今次去呢間就系同男友即興下午先心思思想去食, 都驚BOOK吾到位,點知又比我地好好彩甘BOOK到夜晚8點9個1場,甘就岩岩好順手慶祝我地拍拖紀念日喇。我地8點半去到, 都諗住要等多幾個字, 點知我登記完就即刻入得, 原來前1ROUND坐我張檯既客人已經走左,所以比我地入先吾洗等甘耐, 都地照計120MINS, 就系呢1個服務已經值99分坐低左待應哥哥就叫我地LIKE AND SHARE返FACEBOOK個POST就可以即時送個海鮮拼盤, 地方闊落乾淨 2人1張吧檯都足夠放食物海鮮拼盤 不能不說 100分 所有都好新鮮而且仲無欺場, 送既都大大隻由其是生蠔要超級讚, 又鮮甜又肥美2小時內就算埋左單佢都會繼續上比你,吾會1早就催你LAST ORDER佢有2款蜆 呢隻系清酒,另一款系辣酒 辣酒男友食到頭頂冒煙出晒汗,食左2粒就投降, 而我就食晒成兜, 所以真系要食得辣先好試...燒大約5-6分鐘已經食得, 新鮮大隻真系不得讚多幾次肉類其實好好食,但系當日我地食海鮮為目標所以只系食左小小,牛舌好厚同埋好彈牙, 其餘有隻牛腹胸好好味,1定要試另外豬腸都系必點推介, 燒到有小小燶, 好外脆內軟壽司有水準, 吾系求其之作因為要食海鮮,所以只點左小量剌身都系好新鮮, 主攻左三文魚同埋甜蝦,正呀熱食有個炸蟹天婦羅, 好好食,仲有個冷盤醉雞翼 99分炸蠔熱辣辣, 入面吾算太多粉,好正最後甜品就1般般 無乜特別最後同男友都捧住個肚走,因為食海鮮既關係,我地都無食到好似好膩同埋吾願郁既感覺,我地總共食左差不多20隻蠔,佢吾會漏我地單,所以真系好抵好食之推介貴小小都值得比因為今次經歷太美好,我地又BOOK左今個星期再戰喇…查看更多