又一日嚟到荃灣工作,仲要晨早報道,未報到前,梗係要嚟光榮冰室食返個豐富嘅早餐,先可以有能量完成今日嘅工作!行到門口,簡簡單單的門面,有着一種懷舊嘅感覺!
裏面都冇豪華嘅裝修,實而不華麗,簡單樸實!
每張枱都有應有嘅距離,而且有隔板,防護意識足夠!

餐牌亦冇多餘嘅修飾,簡簡單單列明食品同價錢!

我叫咗沙嗲牛肉公仔麵,配炒滑蛋方包,凍檸茶走甜!沙嗲牛肉好香沙嗲,牛肉唔會乸到冇晒味,公仔麵軟硬適中,湯底就清清地,好適合配沙嗲,味道剛剛好!
炒滑蛋好大份,非常滿足!
凍檸茶茶底唔錯,唔會覺得苦澀,檸檬厚薄亦都合適!
$34份個早餐性價比都可以,大大份又夠飽!食完充滿力量可以去返工!
…查看更多
以上食評乃用戶個人意見 , 並不代表OpenRice之觀點。
讚好
推介美食
用餐日期
2021-09-03
用餐途徑
堂食
人均消費
$34 (早餐)

















