民華餐廳

營業中

休息中

今日經朋友推薦黎到位於旺角嘅民華餐廳佢話呢間餐廳嘅常餐多士同奶茶由其岀名一入去見到人山人海坐無虛席餐牌上面有好多選擇同配搭我今日就簡左鮮茄牛肉通粉加午餐肉炒蛋配西多士首先講下佢個通粉 相當足料就不在話下 湯底濃厚之餘仲夾雜住天然蕃茄嘅酸甜味 食得岀唔係用罐頭湯 而個牛肉都十分嫩口 第二樣係午餐肉炒蛋配多士 本來我黎之前已經十分期待 所以一上枱就忍唔住先食左一啖 個蛋味好濃郁 而且炒得好滑 而個多士真係好好食 多士入面嘅牛油 有好重嘅油脂香食得岀係用左動物牛油 依加係外面都係以植物牛油佔大多數 價錢雖然會平啲 但係質素真係無得比今日天氣有啲熱所以叫左凍奶茶 啲茶味好香 但因為凍飲有冰影響左之後嘅味道 所以如果之後黎食推薦大家飲熱嘅~~~~~~~~~~~~~~~~~~~~~~~~~~~~~~有朋友經過開真係可以去試下 包你唔會失望

民華餐廳，香港人經常黎開餐既茶餐廳，大部分人都會食過常餐同西多士～呢日晚餐唔想食咁飽，就黎食返個常餐啦！滋味常餐，全日供應～我今次揀左叉燒通粉，之前食過既沙爹牛肉通粉都唔錯，有得選擇原味或鮮茄湯底，叉燒份量剛好，唔鞋口～我仲order左餐肉炒蛋配即烘牛油多士，炒蛋嫩滑，牛油多士香脆，真係一個滋味配搭！朋友揀左皇牌推介，咖喱牛筋腩飯，香濃咖喱，牛筋牛腩煮得夠晒入味，仲有一個流心蛋，撈飯食好juicy~叫多個西多士，牛油加糖漿，咁既面包組合又甜又好味！

有朋自遠方來，指定要食港式茶餐廳，係旺角呢句，茶記總有1間係附近,今次食民華就係為左個常餐~估唔到係下就2點鐘數黎到都仲有咁多人，好full下，2個人搭台是必然的！難得台灣朋友咁欣賞茶記，咁就要盡！力！食！叫左以下幾款食物常餐~ 揀左蕃茄牛肉通，配上餐肉炒滑蛋~牛肉好嫩滑，蕃茄味夠濃，每一啖通粉都吸晒蕃茄湯汁，好好味！重點係全日供應，早餐時段就價錢平d~皇牌咖喱牛筋腩飯~見到“皇牌”，就點都要試下，飯上舖左1隻半熟煎蛋，咖哩香味濃郁，薯仔淋身入晒味，牛筋腩應該炆左好耐，全部都好入味，撈埋d白飯簡直一流西多士~西多士可以話係港式茶餐廳既甜片，呢度可以揀糖漿or練奶味，咁我地就傳統d,選擇左糖漿，麵包係厚身既，牛油好大塊，每啖麵包都沾滿左牛油香，再自行加上糖漿，好滿足好滿足另外，呢度仲有點心蒸飯類可以食，望落都唔錯！可惜眼界無限，肚腩有限，有機會先再黎試其他野！有外地朋友黎盛心推介港式地道茶記！

行完天光墟，又搵地方食早餐，今日行前小小食民華早餐，最愛都係個常餐，早餐時段平幾蚊以前有薑絲豬膶通，唔知幾時開始無左，唯有食薑絲牛肉，鮮茄湯都可以，唔會太假，得陣茄膏味最鍾意呢度個厚多士，飛邊，牛油搽得幾好，個餐肉煎過，幾香口，不過凍左，炒蛋抄得幾滑，但蛋味唔夠。而家好多茶餐廳嘅奶茶都係多奶，唔知係咪奶多就滑D，滑呢樣野係靠技術，唔係奶囉！由於多奶所以好淡。叉燒唔得之外，個蕃茄湯係適中，唔會假同太重茄膏味，個麵唔太淋，可以。薑絲牛肉通，有新鮮薑絲，所以個湯底係有薑味，D薑絲唔太辣，食埋都得，牛肉唔老，不過牛味無咩，通粉就淋左小小，整體都好食。貴錢中上，唔算平，但旺角係咁上下。比同音間餐廳好。

師傅都有好一段日子冇同好友食家"乜都放入窿"孖住咁去搵食, 最近好友食家"乜都放入窿"就約師傅去旺角間民聲食飯, 師傅當然冇問題, 就相約於上星期三晚上一同辦完正經事就齊齊去! 由於師傅唔知間食店嘅位置喺邊, 全程就跟住好友食家"乜都放入窿"!點知去到附近好友食家"乜都放入窿"先至話間食店唔係叫民聲, 而係叫民華, 喺好驚去錯嘅情況下決定再行去門口望清楚, 好友食家"乜都放入窿"話係呢一間, 加上好友食家"乜都放入窿"瞄到有卡位, 於是就一個箭步就入左去! 坐底師傅望下個餐牌, 發覺同 “澳牛”食啲野好似, 同好友食家"乜都放入窿"研究左一陣後, 就決定柯打兩個滋味常餐!滋味常餐係一個自由配搭套餐, A+B+C, 每款全揀一款, 於是好友食家"乜都放入窿"揀左即烘牛油多士, 火腿炒蛋同埋鮮茄牛肉通粉, 而餐飲就係凍奶茶; 而師傅就揀左即烘牛油多士, 餐肉炒蛋同埋鮮茄豬膶通粉, 餐飲就係熱檸茶! 等左一陣就有得食, 師傅第一時間就試下個鮮茄豬膶通粉, 通粉係冇坑冇紋, 合晒師傅胃口, 先試湯底, 聞下去覺得鮮茄唔香, 味道亦唔太濃唔太鮮, 除左顏色似鮮茄外其他都唔似, 未能營造鮮茄帶來嘅

3月31日, 眾所周知食炒蛋多士茶記常餐首選澳牛~ 但下下要走到去佐敦又未免唔太就腳… 好在同類型茶餐廳陸續越開越多! 呢間型格茶餐廳一開就榮登好評升幅十大, 又係主打炒蛋多士茶記常餐, 今日出開旺角就即管嚟試下, 唔係又點稱得上為食家?::: 常餐 ::: $30 + $2除咗炒蛋外, 仲有人氣甚高嘅豬潤麵, 集合澳牛維記於一家~先來火腿炒蛋加厚多士. 炒蛋好嫩滑, 鮮鮮甜甜嘅味道, 入口即溶嘅感覺, 正! 厚多士燶味夠, 有麵包香, 亦都幾鬆化, 比較少嘅常餐多士有咁嘅質素~ 火腿就真麻麻, 煎得唔香, 被炒蛋厚多士比下去… 豬潤麵唔係用丁麵, 感覺比較差, 麵底都好硬下… 豬腩都叫新鮮, 唔係霉嗰隻, 彈牙感有, 不過味道都幾淡, 有幾舊特別大嘅好難硬得開. 所以 , 都係維記好味d…凍奶茶好味, 有茶香, 夠凍夠解渴~::: 奶醬厚多士 ::: $11見到佢d吋幾兩吋厚麵包咁吸引, 忍唔住要叫埋我個飛佛奶醬多! 塊多士真係好厚, 咬落好鬆化~ 面頭d花生醬又搽得夠均勻~ overall都幾好食! 不過個人認為如果佢地用埋有d咬口嘅粗粒花生醬, 咁就更好喇!!食物除咗一般常餐外,